SALMOS 122
122
Yom ñʌch'ʌl mi' yajñel Jerusalén
1Tijicñayon che' bʌ tsi' subeyoñob:
Conla ti' yotot lac Yum, che'ob.
2Tsa'ix juliyonla ti Jerusalén.
Tsa'ix ochiyonla ti' puertajlel. Wa'alonixla ti mal.
3Cha' melbilix Jerusalén, jini colem tejclum tsuyul tac bʌ i yotot.
4Wʌ' mi' letselob tilel jini israelob i cha'añob lac Yum ti mojt ti mojt
Cha'an mi' yʌq'ueñob wocolix i yʌlʌ lac Yum cha'an i c'aba', che' bajche' tsi' subeyob.
5Chajpʌbilix jini buchlibʌl tac cha'an melobʌjʌl,
I buchlib tac i p'olbal David.
6Melela oración cha'an mi' tilel i wenlel Jerusalén.
La' i tajob i wenlel jini c'ux bʌ mi' yubiñob Jerusalén.
7La' ajnicob ti' ñʌch'tʌlel i pusic'al jini chumulo' bʌ ti jini ts'ajquibil bʌ tejclum.
Yom tijicña mi' yajñelob jini año' bʌ i ye'tel.
8Ti' tojlelob jini querañob yic'ot c pi'ʌlob
Mi caj c sub: La' tilic i ñʌch'tilel i pusic'al año' bʌ ti Jerusalén, cho'on.
9Cha'an c'ux mi cubin i yotot lac Yum Dios
Mic cha'len oración cha'an mi' yʌq'uentelob i wenlel jini año' bʌ ti Jerusalén.
Actualmente seleccionado:
SALMOS 122: ctuBI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 1977, Wycliffe Bible Translators, Inc. All rights reserved.