Salmos 87
87
1Lane xe̱zre Sión zria na lu xi'a lá'azxa.
2Nazrí'idxa Xránadxu Dios lataj naga dxuluchi'a benne' zaj zre̱'e̱ xe̱zre Sión,
ca nazrí'ine̱' xúgute̱ xu'u lizre zri'ine zre sua Jacob.
3Da xrtante̱ ca' dxelenná bénneache ca naca xe̱zre chee̱ Dios.
4Cheajsá lazra' lu xe̱zr la xu Egipto, ne lu xe̱zr la xu Babilonia
ga na' zaj zra' bénneache zaj núnbe'e̱ neda'.
Le nna' xque, lu xe̱zr la xu Filistea, ne lu xe̱zre Tiro, ne lu
xe̱zr la xu Etiopía gulalaj benne' caní zaj naque̱' chia'.
5Ca naca chee̱ xe̱zre Sión nnia':
Benne' nigá, ne bénnea' gulálaje̱' ga na', na' neda',
Dios zrente̱, guzúa chúchua' xe̱zre na'.
6Gate gulaba Xránadxu Dios benne' ca' zaj naque̱' chee̱',
nne̱': “Benne' nigá gúlaje̱' lu xe̱zre na'.”
7Benne' ca' dxelul-le̱', ne benne' ca' dxeline̱' xide xelenné̱':
Ca naca da ba neza zúantu' lu xe̱zre na'.
Actualmente seleccionado:
Salmos 87: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.