Salmos 61
61
1Bene, Dios, da dxuláwizra' Lue'.
Bze̱ naga da dxuchálajle̱na' Lue'.
2Zitu' naga zua lazria' dxuláwizra' Lue', lawe' da dxedú lazra'.
Guché̱' neda' naga zua Bénnea' naque̱' ca tu xi'a xiaj,
Bénnea' nácadxe̱' szren ca neda',
3Nacu' Lue' Benne' nuxrue̱' neda',
ne nacu' ca tu ze'e xiaj da dxucu'uj na neda' lau benne' ca'
dxeledábague̱' neda'.
4Tu súazqueza' lu xu'u lá'azxa chiu'.
Sua chawa'a cuitu' Lue' ca zaj zua chawe' bedxuj dxé'enedu ca'
zran xrila bedxuj.
5Lawe' da bennu' Lue', Dios, ca da guche̱be lazra' chiu',
be̱nu' napa' ca da dxelapa benne' ca' dxelezrebe̱' Lue'.
6Gunu' gaca bana' neda', wenná bea, zánete̱ zra.
Iza chia' xelaca na ca da zaj naca chee̱ chupa cuen bénneache.
7Tu súazqueza' lau', Dios.
Bcueza xel-la' dxexache lazre' chiu', ne da li
chee̱ xulucá'ana chawe' na neda', wenná bea.
8Caníqueze gúl-laqueza' chee̱ lau' tu chí'izqueze,
ne gúnqueza' tu zra tu zra ca da guche̱be lazra'.
Actualmente seleccionado:
Salmos 61: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.