Salmos 47
47
1¡Le capa na'le, le'e, xúgute̱ bénneache!
¡Le güe lá'ana Dios nen dute̱ xel-la' dxebé!
2Dxal-la' zrébedxu Xránadxu, nape̱' dute̱ xel-la' szren.
Naque̱' Wenná Bea zren dxenná bé'ene̱' dute̱ xe̱zr la xu.
3Bzue̱' benne' xe̱zr ca' zran ní'adxu.
Bzue̱' dxi'u chee̱ nna be'edxu zánete̱ cue' xe̱zr la xu ca'.
4Bequé̱'e̱ tu xe̱zr la xu da gaca na chee̱dxu,
Da naca tu xe̱zr la xu xrtante̱ chee̱ zri'ine zre sua Jacob,
benne' ca' nazrí'ine̱'.
5Dxegüén Dios naga dxe'e̱ dxenná be'e̱.
Dxelebezre luzu da dxulucuezre̱' gate dxegüén Xránadxu ga na'.
6¡Le gul-la da gaca ba Dios!
¡Le gul-la!
¡Le gul-la da gaca ba Wenná Bea chee̱dxu!
¡Le gul-la!
7¡Dios naque̱' Wenná Bea dute̱ lu xe̱zr la xu nigá!
¡Le gul-la chee̱' nen dute̱ xel-la' dxéajni'i chee̱le!
8Dxe' Dios naga dxenná be'e̱, lu lataj na' naca na lá'azxa.
Dxenná bé'ene̱' xúgute̱ cue' xe̱zr la xu ca'.
9Dxelezraga benne' dxelenná bé'ene̱' xúgute̱ cue' xe̱zr la xu
tu zren nen bénneache chee̱ Dios chee̱ Abraham.
10Benne' ca' dxelenná be'e̱ du gabí'i xe̱zr la xu
buludée̱' xel-la' dxenná bea chee̱' lu na' Dios.
Le̱' dxenná bé'ene̱' xúgute̱ benne' wenná bea ca'.
Actualmente seleccionado:
Salmos 47: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.