Salmos 146
146
1¡Gaca ba lá'azxa Xránadxu Dios!
¡Du lazra' güe lá'ana' Xránadxu Dios!
2¡Dxácate̱ naca bana' güe lá'ana' Xránadxu Dios!
¡Tu gúl-lazqueza' da güe lá'ana' Xránadxu Dios dxácate̱
naca bana'!
3Quebe guxrén lázrele benne' dxelenná bea,
ne quegá bénneache lawe' da quebe xelezéquene̱'
xuluselé̱' le'e.
4Dxeledxúaj be' zaj xu'e̱, na' xelexexaque̱' xu xrte.
Lu zra ná'queze xelenite da dxuluwía lazre̱' xelune̱'.
5Ba neza zrente̱ naca na chee̱ bénnea', dxácale̱ Dios chee̱
Jacob le̱',
bénnea' dxebeza lazre̱' Xránadxu Dios.
6Dios na' be̱ne̱' xabáa, ne xe̱zr la xu, ne nísadau',
ne xúgute̱ da zaj zra' lataj ca'.
Naque̱' Bénnea' tu dxúnzqueze̱' da li lazre'.
7Dxuchi'e̱ chee̱ benne' baxache' ca',
ne dxugawe̱' benne' ca' dxeledune̱'.
Xránadxu Dios dxuselé̱' benne' ca' zaj nada'u lu na'
benne̱' ca'.
8Xránadxu Dios dxexune̱' xiaj lau benne' la chul-la ca'.
Xránadxu Dios dxechise̱' benne' ca' dxeajlecházie̱'.
Xránadxu Dios nazrí'ine̱' benne' xrlátaje ca'.
9Xránadxu Dios dxuxúe̱' benne' zitu' ca'.
Nuxre̱' bidau' we̱ze̱be ca', ne nu'ula tuze ca',
na' dxuchínnaje̱' da dxelún benne' ca' dxelune̱' da cale̱la.
10Tu nna béazqueze Xránadxu Dios.
Le'e, benne' xe̱zre Sión, nna be'e Dios chee̱le
ne xúgute̱ cuen zri'ine zre súale.
¡Gaca ba lá'azxa Xránadxu Dios!
Actualmente seleccionado:
Salmos 146: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.