Salmos 132
132
1Bsa lazre', Xrana' Dios, ca guca chee̱ David,
ne ca guzaca zi'e̱,
2ne ca da guche̱be lazre̱' gune̱' chiu',
da guche̱be lazre̱' lau', Dios wal-la chee̱ Jacob.
3Guné̱': “Québequeze chu'a xu'u lizra',
ne québequeze gáta'a ga dxasia'
4ne québequeze guchúdia' xiaj lawa'
ne québequeze gasia'
5ca zrindxa zra ba be̱na' tu xu'u lizre Xrana' Dios
naga súaqueze Dios wal-la chee̱ Jacob.”
6Bénedxu zua xí'ina lá'azxa naga xu'u xel-la' wezría
lu xe̱zr la xu Efrata,
na' bezréledxu na lu xe̱zr la xu chee̱ bénnea' le̱' Jaar.
7Gunnantu': Chéajntu' naga zua Dios chee̱ntu'.
Guzú zríbentu' zran ni'a Le̱'.
8Guxasa, Xránantu' Dios, nen xí'ina naga xu'u
xel-la' wezría chiu',
ne gudá lu xi'a naga súaquezu' Lue'.
9Be̱n xelún bxruze chiu' ca' da naca xrlátaje,
ne xelebezre xa'a xúgute̱ bénneache chiu', lu dute̱
xel-la' dxelebé chee̱'.
10Lawe' da nazrí'inu' David, we̱n zrin chiu',
quebe guzú' chalá'ala wenná bea na' ba guca'u Lue'.
11Da líqueze bzetaj cuina Xránadxu Dios,
guche̱be lazre̱' chee̱ David quebe gucuase̱' ca da gunné̱'.
Gunné̱': “Guna' xelenná bea zri'ine zre su' naga
dxenná béaquezu' Lue'.
12Che zri'inu' ca' tu xelúnzqueze̱' ca naca xel-la' wezría chia',
ne ca naca xrtizra' da gusé̱deda' le̱',
zri'inu' ca' tu xelenná béazqueze̱' naga dxenná be'u lue'.”
13Lawe' da gucá'a Xránadxu Dios xe̱zre Sión,
guca lazre̱' sua xu'u lízrequeze̱' ga na'.
14Gunné̱': “Tu gácazqueze lataj nigá naga súaqueza' neda'.
Tu súazqueza' nigá lawe' da caní dxezaca ba lazra' guna'.
15Guna' gáta'le̱'e̱ lina chee̱ benne' ca',
ne guna' xelelaj benne' xache' ca' xeta.
16Guna' xelún bxruze chia' ca' da naca chawe',
na' xelebezre xa'a xúgute̱ bénneache chia' lu dute̱
xel-la' dxelebé chee̱'.
17Lataj na' guna' xexaca xel-la' dxenná bea chee̱ David.
Guna' xelezúa na' zri'ine zre sua wenná bea na'
ba gucá'a neda'.
18Guna' xeleque zréaje benne' guledábague̱' Le̱',
na' guna' chepe ban xel-la' dxenná bea chee̱ David na'.”
Actualmente seleccionado:
Salmos 132: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.