Salmos 130
130
1Ga ni zua' lu da sté̱bele̱'e̱ dxuláwizra' Lue', Xrana' Dios.
2¡Xran, bene chi'a!
¡Bze̱ naga da dxenaba' lau'!
3Xrana' Dios, chela nna' xánniu' ca naca dul-la nabágantu'
¿núzraqueze xegá'ana xrlátaje lau Lue'?
4Lué'quezu' dxunite lau' chee̱ntu'
chee̱ gápantu' Lue' ba lá'ana.
5Dute̱ lázrdawa' dxebeza lazra' Xránadxu Dios,
ne dxuxrén lazra' xrtizre̱'.
6Dxebeza lazredxa' Xránadxu Dios
cáqueze dxelún benne' ca' dxuluxúe̱' xe̱zre ca',
dxelebeze̱' chaní',
ne cáqueze dxelún benne' ca' dxelicha bchigala,
dxelebeze̱' chaní'.
7Benne' Israel ca' dxal-la' xelebeza lazre̱' Xránadxu Dios
lawe' da dxexache lazre' Xránadxu bénneache chee̱',
ne dxexá'awe̱' benne' ca' lu na' benne' guledábague̱' Le̱'.
8Dios xexá'awe̱' benne' Israel ca'
lu na' xúgute̱ dul-la da zaj nabague̱'.
Actualmente seleccionado:
Salmos 130: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.