Salmos 113
113
1¡Le'e, we̱n zrin chee̱ Xránadxu Dios, le güe lá'ana Le̱'!
¡Le güe lá'ana La Xránadxu Dios!
2¡Gaca ba lá'azxa La Xránadxu Dios,
na'a zra, ne chadía chacanna!
3¡Naga dxalaj gubizra ca zrinte̱ naga dxebía na
gaca ba lá'azxa La Xránadxu Dios!
4¡Szrente̱ nagá'ana Xránadxu Dios lawe' dute̱ xe̱zr la xu,
na' láwela xabáa dxe' da xabáa chee̱'!
5¿Núzraqueze naca ca naca Xránadxu Dios,
Bénnea' dxe'e̱ xabáa na'la?
6Dios dxun cuine̱' dxexruj lazre' chee̱ lé'ene̱'
da de̱ zran xabáa, ne lu xe̱zr la xu.
7Dios dxechise̱' benne' xache' lu xu xrte,
ne dxebéaje̱' benne' baxache' lu da dxezaca zi'e̱,
8na' dxune̱' dxelebé' benne' caní ládujla benne'
dxelenná be'e̱,
ládujla benne' ca' dxelenná bé'ene̱' bénneache chee̱'.
9Dxune̱' zua nu'ula zue̱' tuze ládujla zrí'inequeze̱' ca',
na' dxebé nu'ula nigá lawe' da naque̱' xrna bi cheé̱queze̱'.
¡Gaca ba lá'azxa Xránadxu Dios!
Actualmente seleccionado:
Salmos 113: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.