لاوِيِّين 12
12
طِهارة المرة الوِلْدت
1وَ اللّٰهْ حَجَّى لِمُوسَى وَ قَالْ: 2حَجِّي لِبَنِي إِسْرَائِيلْ وَ قُولْ لَيْهُمْ: «كَنْ مَرَةْ غَلْبَانَةْ وَ وِلْدَتْ وِلَيْد، هِي تَبْقَى نِجْسَةْ لِمُدَّةْ سَبْعَةْ يَوْم وَ تَبْقَى نِجْسَةْ مِثِلْ فِي أَيَّامْهَا هَنَا الْحَيْض. 3وَ فِي الْيَوْم التَّامِنْ، يِطَهُّرُوا الْوِلَيْد. 4وَ بَعَدْ دَا، هِي تَقْعُدْ 33 يَوْم لِتِطَّهَّرْ مِنْ دَمَّهَا. وَ مَا تَلْمَسْ شَيّءْ مُخَصَّصْ وَ لَا تَمْشِي فِي الْبَيْت الْمُقَدَّسْ، لَحَدِّي تِتِمّ أَيَّامْ طِهَارِتْهَا.
5«وَ كَنْ وِلْدَتْ بِنَيَّةْ، هِي تَبْقَى نِجْسَةْ لِمُدَّةْ سُبُوعَيْن وَ تَبْقَى نِجْسَةْ مِثِلْ فِي أَيَّامْهَا هَنَا الْحَيْض. وَ تَقْعُدْ 66 يَوْم لِتِطَّهَّرْ مِنْ دَمَّهَا.
6«وَ وَكِتْ أَيَّامْ طِهَارِتْهَا هَنَا النُّفَاسْ بِالْوِلَيْد أَوْ الْبِنَيَّةْ يِكَمُّلُوا، هِي تِجِيبْ لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ خَرُوفْ وَلْد سَنَةْ لِلضَّحِيَّةْ الْمُحَرَّقَةْ. وَ بَتَّانْ كُلَ تِجِيبْ فَرْخ حَمَامْ أَوْ قِمْرِيَّةْ لِلضَّحِيَّةْ هَنَا كَفَّارَةْ الذَّنِبْ. 7وَ رَاجِلْ الدِّينْ يِقَدِّمْهُمْ قِدَّامْ اللّٰهْ وَ يِسَوِّي لَيْهَا كَفَّارَةْ. وَ خَلَاصْ، هِي تَبْقَى طَاهِرَةْ مِنْ دَمَّهَا هَنَا الْوَالُودَةْ.
«وَ دَوْل قَوَانِينْ الْبُخُصُّوا الْمَرَةْ التَّلْدَ وِلَيْد أَوْ بِنَيَّةْ.
8«وَ كَنْ هِي مَا تَقْدَرْ تَلْقَى خَرُوفْ، هِي تِشِيلْ قِمْرِيْ إِتْنَيْن أَوْ حَمَامْ إِتْنَيْن. وَاحِدْ تِقَدِّمَهْ لِلضَّحِيَّةْ الْمُحَرَّقَةْ وَ الْآخَرْ لِلضَّحِيَّةْ هَنَا كَفَّارَةْ الذَّنِبْ. وَ رَاجِلْ الدِّينْ يِسَوِّي لَيْهَا كَفَّارَةْ وَ هِي تَبْقَى طَاهِرَةْ.»
Actualmente seleccionado:
لاوِيِّين 12: ع.د.ت19
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
La Bible en arabe tchadien © Alliance biblique du Tchad, 2019