دَنْيال 1
1
دَنْيال و رُفْقانه في بيت الملك
1وَ فِي السَّنَةْ التَّالْتَةْ هَنَا حُكُمْ يَهُويَقِمْ مَلِكْ مَمْلَكَةْ يَهُوذَا، خَلَاصْ جَاءْ نَبُوخَدْنَصَرْ مَلِكْ بَابِلْ وَ حَاصَرْ مَدِينَةْ الْقُدُسْ.#1:1 جَاءْ نَبُوخَدْنَصَرْ مَلِكْ بَابِلْ وَ حَاصَرْ مَدِينَةْ الْقُدُسْ: التاريخ دا تلقوه في 2 مُلوك 24:1. 2وَ الرَّبّ سَلَّمْ يَهُويَقِمْ مَلِكْ يَهُوذَا فِي إِيدَيْن نَبُوخَدْنَصَرْ. وَ نَبُوخَدْنَصَرْ كَرَبْ الْمَلِكْ وَ شَالْ مِنْ الْمَوَاعِينْ الْقَاعِدِينْ فِي بَيْت اللّٰهْ وَ وَدَّاهُمْ فِي بَابِلْ فِي بَيْت إِلٰـهَاتَهْ. وَ خَطَّ الْمَوَاعِينْ دَوْل فِي الْمَخَزَنْ هَنَا بَيْت إِلٰـهَاتَهْ.
3وَ بَعَدْ دَا، الْمَلِكْ نَبُوخَدْنَصَرْ أَمَرْ كَبِيرْ خَدَّامِينَهْ الْأُسْمَهْ أَشْفِنَازْ أَشَانْ يِجِيبْ لَيَّهْ صُبْيَانْ مِنْ بَنِي إِسْرَائِيلْ مِنْ ذُرِّيَّةْ الْمَلِكْ أَوْ مِنْ عِيَالْ النَّاسْ الْمُهِمِّينْ فِي الْبَلَدْ. 4وَ الصُّبْيَانْ دَوْل يُكُونُوا مَا عِنْدُهُمْ أَيِّ عَيْب وَ يَعَجُبُوا الْعَيْن وَ عِنْدُهُمْ حِكْمَةْ وَ مَعْرَفَةْ كَتِيرَةْ. وَ يَقْدَرَوْا يَفْهَمَوْا وَ يِلْعَلَّمَوْا وَ مُوَافْقِينْ لِلْخِدْمَةْ فِي قَصِرْ الْمَلِكْ. وَ يِعَلُّمُوهُمْ لُغَّةْ الْبَابِلِيِّيْن وَ كُتُبْهُمْ. 5وَ الْمَلِكْ قَطَعْ لَيْهُمْ أَكِلْ يَوْمِي وَ كُلَّ يَوْم، يَنْطُوهُمْ أَكِلْ وَ خَمَرْ مِنْ طَرَبَيْزَةْ الْمَلِكْ. وَ يِعَلُّمُوهُمْ تَلَاتَةْ سَنَةْ وَ بَعَدْ دَا، يُكُونُوا فِي خِدِمْتَهْ. 6وَ مِنْ بَيْن الصُّبْيَانْ دَوْل، فِيَّهْ صُبْيَانْ مِنْ قَبِيلَةْ يَهُوذَا وَ هُمَّنْ دَنْيَالْ وَ حَنَنْيَا وَ مِشَيِيلْ وَ عَزَرْيَا. 7وَ كَبِيرْ الْخَدَّامِينْ خَطَّ لَيْهُمْ أَسَامَيْ آخَرِينْ.#1:7 الأسامَي الأوّل دَوْل أسامَي هنا ناس اللّه و دا ما موافِق للبابِليِّيْن و أشان دا، همن سمّوهم حسب موافِق لإلٰـهاتهم. لِدَنْيَالْ سَمَّاهْ بَلْطَشَاصَرْ وَ لِحَنَنْيَا سَمَّاهْ شَدْرَاكْ وَ لِمِشَيِيلْ سَمَّاهْ مِشَاكْ وَ لِعَزَرْيَا سَمَّاهْ عَبْد الْنَغُو.
8وَ دَنْيَالْ شَالْ نِيَّةْ مَا يِنَجِّسْ نَفْسَهْ بِالْأَكِلْ وَ الْخَمَرْ الْيَنْطُوهْ لَيْهُمْ مِنْ طَرَبَيْزَةْ الْمَلِكْ. وَ طَلَبْ مِنْ كَبِيرْ الْخَدَّامِينْ أَشَانْ مَا يَجْبُرَهْ فِي الشَّيّءْ الْيِنَجِّسَهْ. 9وَ الرَّبّ أَنْطَاهْ لِدَنْيَالْ الرِّضَى وَ الرَّحْمَةْ هَنَا كَبِيرْ الْخَدَّامِينْ. 10وَ بَيْدَا كُلَ، الْكَبِيرْ دَا قَالْ لِدَنْيَالْ: «أَنَا خَايِفْ مِنْ سِيدِي الْمَلِكْ أَشَانْ هُو بَسْ الْقَطَعْ لَيْكُو الْأَكِلْ وَ الشَّرَابْ. وَ كَنْ يِشِيفْكُو إِنْتُو بَاطْلِينْ زِيَادَةْ مِنْ الصُّبْيَانْ الْآخَرِينْ الْقَدُرْكُو، هُو يَقْطَعْ رَاسِي بِسَبَبْكُو إِنْتُو.»
11وَ كَبِيرْ الْخَدَّامِينْ خَطَّ مُرَاقِبْ فَوْق دَنْيَالْ وَ حَنَنْيَا وَ مِشَيِيلْ وَ عَزَرْيَا. وَ دَنْيَالْ حَجَّى لَيَّهْ وَ قَالْ: 12«يَا سَيِّدِي، مِنْ فَضْلَكْ جَرِّبْ عَبِيدَكْ لِمُدَّةْ عَشَرَةْ يَوْم. أَنْطِينَا نَاكُلُوا مِنْ الْخُضْرَوَاتْ بَسْ وَ أَلْمِي نَشَرْبَوْا. 13وَ بَعَدْ دَا، شِيفْ الْفَرَقَةْ أَمْبَيْنَّا أَنِحْنَ وَ الصُّبْيَانْ الْآخَرِينْ الْقَاعِدِينْ يَاكُلُوا أَكِلْ الْمَلِكْ. وَ خَلَاصْ، سَوِّي مَعَ عَبِيدَكْ مِثِلْ إِنْتَ شِفْتَهْ.» 14وَ الْمُرَاقِبْ قَصَّدْ بِالْكَلَامْ دَا وَ جَرَّبَاهُمْ لِمُدَّةْ عَشَرَةْ يَوْم.
15وَ بَعَدْ عَشَرَةْ يَوْم، دَنْيَالْ وَ رُفْقَانَهْ صِحِّتْهُمْ أَنْشَافَتْ سَمْحَةْ وَ بِقَوْا سُمَانْ مِنْ كُلَّ الصُّبْيَانْ الْآخَرِينْ الْقَاعِدِينْ يَاكُلُوا أَكِلْ الْمَلِكْ. 16وَ خَلَاصْ، الْمُرَاقِبْ بَدَّلْ الْأَكِلْ وَ الْخَمَرْ الْمَقْطُوعْ لَيْهُمْ بِخُضْرَوَاتْ بَسْ. 17وَ الرَّبّ أَنْطَاهُمْ لِلصُّبْيَانْ الْأَرْبَعَةْ دَوْل مَعْرَفَةْ وَ عَقُلْ فِي كُلَّ الْكُتُبْ وَ الْحِكْمَةْ. وَ دَنْيَالْ يَعَرِفْ يِفَسِّرْ الرُّؤْيَةْ وَ الْحِلِمْ كُلَ.
18وَ وَكِتْ الْوَعَدْ الْيِقَابُلُوا فَوْقَهْ الْمَلِكْ تَمَّ خَلَاصْ، كَبِيرْ الْخَدَّامِينْ وَدَّاهُمْ وَ قَدَّمَاهُمْ لِلْمَلِكْ نَبُوخَدْنَصَرْ. 19وَ الْمَلِكْ كَلَّمْ مَعَاهُمْ وَ فِي كُلَّ الصُّبْيَانْ، مَا لِقِي نَاسْ عِنْدُهُمْ مَعْرَفَةْ مِثِلْ دَنْيَالْ وَ حَنَنْيَا وَ مِشَيِيلْ وَ عَزَرْيَا. وَ هُو شَالَاهُمْ مَعَايَهْ وَ أَنْطَاهُمْ مَسْؤُولِيَّةْ. 20وَ وَكِتْ الْمَلِكْ سَأَلَاهُمْ مِنْ أَيِّ شَيّءْ، لِقَاهُمْ عِنْدُهُمْ فِهِمْ وَ حِكْمَةْ عَشَرَةْ مَرَّاتْ زِيَادَةْ مِنْ كُلَّ السَّحَّارِينْ وَ الشَّوَّافِينْ الْقَاعِدِينْ فِي مَمْلَكَتَهْ. 21وَ دَنْيَالْ قَعَدْ لَحَدِّي السَّنَةْ الْجَاءْ فَوْقهَا الْمَلِكْ كُورَشْ وَ شَالْ الْمُلُكْ.
Actualmente seleccionado:
دَنْيال 1: ع.د.ت19
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
La Bible en arabe tchadien © Alliance biblique du Tchad, 2019
دَنْيال 1
1
دَنْيال و رُفْقانه في بيت الملك
1وَ فِي السَّنَةْ التَّالْتَةْ هَنَا حُكُمْ يَهُويَقِمْ مَلِكْ مَمْلَكَةْ يَهُوذَا، خَلَاصْ جَاءْ نَبُوخَدْنَصَرْ مَلِكْ بَابِلْ وَ حَاصَرْ مَدِينَةْ الْقُدُسْ.#1:1 جَاءْ نَبُوخَدْنَصَرْ مَلِكْ بَابِلْ وَ حَاصَرْ مَدِينَةْ الْقُدُسْ: التاريخ دا تلقوه في 2 مُلوك 24:1. 2وَ الرَّبّ سَلَّمْ يَهُويَقِمْ مَلِكْ يَهُوذَا فِي إِيدَيْن نَبُوخَدْنَصَرْ. وَ نَبُوخَدْنَصَرْ كَرَبْ الْمَلِكْ وَ شَالْ مِنْ الْمَوَاعِينْ الْقَاعِدِينْ فِي بَيْت اللّٰهْ وَ وَدَّاهُمْ فِي بَابِلْ فِي بَيْت إِلٰـهَاتَهْ. وَ خَطَّ الْمَوَاعِينْ دَوْل فِي الْمَخَزَنْ هَنَا بَيْت إِلٰـهَاتَهْ.
3وَ بَعَدْ دَا، الْمَلِكْ نَبُوخَدْنَصَرْ أَمَرْ كَبِيرْ خَدَّامِينَهْ الْأُسْمَهْ أَشْفِنَازْ أَشَانْ يِجِيبْ لَيَّهْ صُبْيَانْ مِنْ بَنِي إِسْرَائِيلْ مِنْ ذُرِّيَّةْ الْمَلِكْ أَوْ مِنْ عِيَالْ النَّاسْ الْمُهِمِّينْ فِي الْبَلَدْ. 4وَ الصُّبْيَانْ دَوْل يُكُونُوا مَا عِنْدُهُمْ أَيِّ عَيْب وَ يَعَجُبُوا الْعَيْن وَ عِنْدُهُمْ حِكْمَةْ وَ مَعْرَفَةْ كَتِيرَةْ. وَ يَقْدَرَوْا يَفْهَمَوْا وَ يِلْعَلَّمَوْا وَ مُوَافْقِينْ لِلْخِدْمَةْ فِي قَصِرْ الْمَلِكْ. وَ يِعَلُّمُوهُمْ لُغَّةْ الْبَابِلِيِّيْن وَ كُتُبْهُمْ. 5وَ الْمَلِكْ قَطَعْ لَيْهُمْ أَكِلْ يَوْمِي وَ كُلَّ يَوْم، يَنْطُوهُمْ أَكِلْ وَ خَمَرْ مِنْ طَرَبَيْزَةْ الْمَلِكْ. وَ يِعَلُّمُوهُمْ تَلَاتَةْ سَنَةْ وَ بَعَدْ دَا، يُكُونُوا فِي خِدِمْتَهْ. 6وَ مِنْ بَيْن الصُّبْيَانْ دَوْل، فِيَّهْ صُبْيَانْ مِنْ قَبِيلَةْ يَهُوذَا وَ هُمَّنْ دَنْيَالْ وَ حَنَنْيَا وَ مِشَيِيلْ وَ عَزَرْيَا. 7وَ كَبِيرْ الْخَدَّامِينْ خَطَّ لَيْهُمْ أَسَامَيْ آخَرِينْ.#1:7 الأسامَي الأوّل دَوْل أسامَي هنا ناس اللّه و دا ما موافِق للبابِليِّيْن و أشان دا، همن سمّوهم حسب موافِق لإلٰـهاتهم. لِدَنْيَالْ سَمَّاهْ بَلْطَشَاصَرْ وَ لِحَنَنْيَا سَمَّاهْ شَدْرَاكْ وَ لِمِشَيِيلْ سَمَّاهْ مِشَاكْ وَ لِعَزَرْيَا سَمَّاهْ عَبْد الْنَغُو.
8وَ دَنْيَالْ شَالْ نِيَّةْ مَا يِنَجِّسْ نَفْسَهْ بِالْأَكِلْ وَ الْخَمَرْ الْيَنْطُوهْ لَيْهُمْ مِنْ طَرَبَيْزَةْ الْمَلِكْ. وَ طَلَبْ مِنْ كَبِيرْ الْخَدَّامِينْ أَشَانْ مَا يَجْبُرَهْ فِي الشَّيّءْ الْيِنَجِّسَهْ. 9وَ الرَّبّ أَنْطَاهْ لِدَنْيَالْ الرِّضَى وَ الرَّحْمَةْ هَنَا كَبِيرْ الْخَدَّامِينْ. 10وَ بَيْدَا كُلَ، الْكَبِيرْ دَا قَالْ لِدَنْيَالْ: «أَنَا خَايِفْ مِنْ سِيدِي الْمَلِكْ أَشَانْ هُو بَسْ الْقَطَعْ لَيْكُو الْأَكِلْ وَ الشَّرَابْ. وَ كَنْ يِشِيفْكُو إِنْتُو بَاطْلِينْ زِيَادَةْ مِنْ الصُّبْيَانْ الْآخَرِينْ الْقَدُرْكُو، هُو يَقْطَعْ رَاسِي بِسَبَبْكُو إِنْتُو.»
11وَ كَبِيرْ الْخَدَّامِينْ خَطَّ مُرَاقِبْ فَوْق دَنْيَالْ وَ حَنَنْيَا وَ مِشَيِيلْ وَ عَزَرْيَا. وَ دَنْيَالْ حَجَّى لَيَّهْ وَ قَالْ: 12«يَا سَيِّدِي، مِنْ فَضْلَكْ جَرِّبْ عَبِيدَكْ لِمُدَّةْ عَشَرَةْ يَوْم. أَنْطِينَا نَاكُلُوا مِنْ الْخُضْرَوَاتْ بَسْ وَ أَلْمِي نَشَرْبَوْا. 13وَ بَعَدْ دَا، شِيفْ الْفَرَقَةْ أَمْبَيْنَّا أَنِحْنَ وَ الصُّبْيَانْ الْآخَرِينْ الْقَاعِدِينْ يَاكُلُوا أَكِلْ الْمَلِكْ. وَ خَلَاصْ، سَوِّي مَعَ عَبِيدَكْ مِثِلْ إِنْتَ شِفْتَهْ.» 14وَ الْمُرَاقِبْ قَصَّدْ بِالْكَلَامْ دَا وَ جَرَّبَاهُمْ لِمُدَّةْ عَشَرَةْ يَوْم.
15وَ بَعَدْ عَشَرَةْ يَوْم، دَنْيَالْ وَ رُفْقَانَهْ صِحِّتْهُمْ أَنْشَافَتْ سَمْحَةْ وَ بِقَوْا سُمَانْ مِنْ كُلَّ الصُّبْيَانْ الْآخَرِينْ الْقَاعِدِينْ يَاكُلُوا أَكِلْ الْمَلِكْ. 16وَ خَلَاصْ، الْمُرَاقِبْ بَدَّلْ الْأَكِلْ وَ الْخَمَرْ الْمَقْطُوعْ لَيْهُمْ بِخُضْرَوَاتْ بَسْ. 17وَ الرَّبّ أَنْطَاهُمْ لِلصُّبْيَانْ الْأَرْبَعَةْ دَوْل مَعْرَفَةْ وَ عَقُلْ فِي كُلَّ الْكُتُبْ وَ الْحِكْمَةْ. وَ دَنْيَالْ يَعَرِفْ يِفَسِّرْ الرُّؤْيَةْ وَ الْحِلِمْ كُلَ.
18وَ وَكِتْ الْوَعَدْ الْيِقَابُلُوا فَوْقَهْ الْمَلِكْ تَمَّ خَلَاصْ، كَبِيرْ الْخَدَّامِينْ وَدَّاهُمْ وَ قَدَّمَاهُمْ لِلْمَلِكْ نَبُوخَدْنَصَرْ. 19وَ الْمَلِكْ كَلَّمْ مَعَاهُمْ وَ فِي كُلَّ الصُّبْيَانْ، مَا لِقِي نَاسْ عِنْدُهُمْ مَعْرَفَةْ مِثِلْ دَنْيَالْ وَ حَنَنْيَا وَ مِشَيِيلْ وَ عَزَرْيَا. وَ هُو شَالَاهُمْ مَعَايَهْ وَ أَنْطَاهُمْ مَسْؤُولِيَّةْ. 20وَ وَكِتْ الْمَلِكْ سَأَلَاهُمْ مِنْ أَيِّ شَيّءْ، لِقَاهُمْ عِنْدُهُمْ فِهِمْ وَ حِكْمَةْ عَشَرَةْ مَرَّاتْ زِيَادَةْ مِنْ كُلَّ السَّحَّارِينْ وَ الشَّوَّافِينْ الْقَاعِدِينْ فِي مَمْلَكَتَهْ. 21وَ دَنْيَالْ قَعَدْ لَحَدِّي السَّنَةْ الْجَاءْ فَوْقهَا الْمَلِكْ كُورَشْ وَ شَالْ الْمُلُكْ.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
La Bible en arabe tchadien © Alliance biblique du Tchad, 2019