کارا رسولا 6
6
هفت نَفَر وِرَ خدمت انتخاب مِشَن
1دِ ایی روزا هَمی که وِ عِدِۀ شایِردا اضافَه مِشُد یهودیا یونانی زِوو اَ یهودیا عِبرانی زِوو گِلِئی کِردَن که وِ بیوَ زناشو دِ جیرِۀ خوراک روزانَه بی محلی مِشَه. 2اوسِه او دُوآزَ رسول، تمام شایِردا نِه حِنا کِردَن وُ گُفتِن: «وِرَ اِیما دُرُس نیسا که اَ مِوُعظِۀ کَلام خدا دَس وُرداریم وُ بفتیم وِ قِس کِردَن غِذا . 3پَ بِرارا، بیاید دِ مینِ خُیِتو هَفتا مرد خُوشنام که پر اَ روحالقدُس وُ حکمت بان سَوا کنید تا ایی کارِ نِه بَسپُریم وِ دَسِ اونا. 4وُ ایما خُیِمُو نِه وَخفِ دعا وُ خدمتِ کَلامِ خدا مُکُنیم.»
5ایی صحبت وِ دِلِ همَهشُو نِشِس. اوسِه اِستیفانِ نِه که مردی بی پر اَ ایمان وَ روحالقدُس، واردِ فیلیپُس، پُرُوخُرُوس، نیکانُور، تیمُون، پَرمیناس وَ نیکُولائُوس، که یهودی شیَ وی وُ اهل آنطاکیَه بی، انتخاب کِردَن. 6ایی مردا نِه وَرِ رسولا اُوُردِن وُ رسولا دعا کِردَن وُ دَس هَشتِن رو سرشو.
7وَ همی جور کَلام خدا دِ همَه جا اعلام مِشُد وَ تعداد جمعیتِ شایِردا دِ اورشلیم رو وِ زیادی مِرَفت وَ عده زیادی اَ کاهنا هَم ایمان اُوُردِن.
گرفتار شییَنِ اِستیفان
8اِستیفان پر اَ فیض وُ قوت بی وَ معجِزات وُ نِشُونِه آ بزرگی دِ مینِ مَردِم مِکِرد. 9امّا عده ایی اَ اعضای کَنیسِهای که وِ کَنیسَه آزاد شیَ آ معروف بی، که اَ یهودیا قیرَوان وُ اِسکندریَه وَ هم عده ایی اَ مردِم کیلیکیَه وَ منطقه آسیا بییِن، وُریسان وُ شروع کردَن وِ بحث واش. 10امّا دِ بِراوَر حکمت وُ قدرت روحالقدُس که اِستیفان وِ وسیلۀ او صحبت مِکِرد نَتُونِسِن وایسَن. 11پَ عده ایی نِه یَواشَکی تحریک کِردَن تا بُوئَن: «اِیما شِنُفتِیم، که اِستیفان وِ موسی وُ خدا کُفر مِکرد.»
12اونا مَردِم وُ معلما تورات وُ غُلاما نِه تحریک کِردَن وُ رِختِن سَرِ اِستیفان، او نِه گرفتنُ وَ اُوِردِن وِ شُورا یهود. 13عده ای شاهدِ دُوروییَم اُوُردِن که مِگُفتِن: «ایی مرد لَحظه ایی اَ صُوَت کِردَن وِ ضد ایی مکانِ مقدس وُ شریعتِ یهود دَس وُر نِمَرَ، 14وِرِ ایکه خُیِمُو شِنُفتِیم که مِگفت عیسی ناصری اینچو نِه خِراو مُکُنَه وَ سُنَّتایی که موسی وِ اِیما سِپُردَه، عوض مُکُنَه.» 15دِ ایی موقَع تمام حاضرین دِ شُورا خیرَه شیَ وین وِ اِستیفان وُ دییِن روش شیَ مِثِ رو فرشتهآ.
Actualmente seleccionado:
کارا رسولا 6: NLBB
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
@ 2026 Korpu Company