Málákuse 6
6
Band bá Násalɛd dɛguádábaan Yésu
(Mat 13.54-58; Lúk 4.16-22,24)
1Yésu guélíki agá kɔɔ́m agany, gɔb agá gɛdɔŋ ɛgɛ́ umáagɔ́m kɔ́, bafɔ́nɔfɔ́n bág ládan wɔ́. 2Buɔ́s bá gudúkid bá Beyúdɛn, uwabanyɛg gufúnyifunyi band agá gians gɔ́b gá mbísógól. Giod gá ebe bɔ́mɔ́ɔbídɔ́lɛ́gɔ́n wɔ́, meméŋeméŋ, bɔ́yɔ ká: «Eméné manda gúlenin wɔ́ nány e? Ányá uméeŋín wɔ́ nɛnama na nsiŋi enie na bugaga báguala bigégén bá manda e? 3Udɛbá kábɛ́nda uwúné unyá mɔɔn wá Maliá e, udɛbá endimen Sáka, na Yósɛsa, na Yúde na Símune wɔ́ e? Belimen bág abagánd dɛgúsɔ́dɔɔn ɔlɔŋ nasɔ́ e?» Ubuál ká bádiág giondiɔdɛ́mɔ́ gɔ́b agá Yésu. 4Yésu ganyɛ gɔ́b ká: «Bégúgúmenyi ibús kɔɔ́m gidigid asiá agág gá gɛdɔŋ, agág gá nigúl, ta agág gá nuyá.» 5Udɛmabá bágual ta gisey gímoom ány, asiá gɛdam gá band siɔdɛd uméeŋúgí anyɛ́ umáadálán bɔ́ ɛmbɔ́g. 6Yésu meméŋeméŋ ká band bá gɛdɔŋ gág dɛguádábaan wɔ́.
Yésu mádɔ́m bát na bándɛ gá busɔ́m
(Mat 9.35; 10.1,5-14; Lúk 9.1-6)
Agá gélem ány uwɔb gá guúl úfúnyifúnyí band agá bɛdɔŋ gidigid bínyá agá buáy. 7Uwabɛ́lɛ́gɛn bát na bándɛ, uwadɔ́man bɔ́ bándɛ bándiá, uwéŋin bɔ́ bugaga bá gúmányíganɛn biád bá bíliíndié. 8Uwasásɛ́d bɔ́ ká, nuganyɛ ká núdɔ́mb, nudɛbɛ́yɔ́kɛ́n ta gɛnyɔka, ta gɛgad, ta muonyi agán gá bɛgad bá bɛla, asiá gidímbe, 9nubiág imfaŋáŋá, «nudɛbán gɔg bɔsɔ́d bándɛ.» 10Uganyɛ gɔ́b sɔ́n ká: «Búmánɛ́g kɔɔ́m góndodió ká nusebíŋín agá gians bómónúgólí, ánubábá kɔ́ gutɔ guám anyɛ́ nuganuádɔg agá kɔɔ́m agány. 11Band meén gunúgóli kɔɔ́m góndodió, ta ɔ́gɔ ká badɛguámba gunúbɛ́dɔ́lɛ́gɛn, nuganyɛ ká núdɔ́mb, nugidid otuútu únyá agán gá ambana, búgabá bulinsi búgenúdiyenyi ká bányɛ na gɛnana.» 12Abáb gá guúl gúdúmbényí ká, band gúbianan ká bénúgi gusɔ́d gɔ́b. 13Bát na bándɛ abaány méeményí biád bá bíliíndié giod, béfuénen megud agá ɛduá sá band bámáabá bánɔ́ma, béŋúgenyi bɔ́.
Nigú ná Sáŋa Batísite
(Mat 14.1-12; Lúk 3.19-20; 9.7-9)
14Ofuŋ Elódo uwɔɔ́b anyɛ́ bámáabá básámban ɔfɛ́n wá Yésu, gágual ká úmegúmé kɔɔ́m gidigid. Bɔ́mɔyɔ ká: «Sáŋa Batísite águanyɔg aga ebeguén, buád buanda unyá na bugaga báguala bisey.» 15Bómodió ɔ́yɔ ká: «Elí wɔ́.» Ebéné ɔ́yɔ ká: «Ínyɛ́ ibús yá Gɔdányá yálaná anyɛ mubús más má nsuá.» 16Elódo máal na gɔ́b anaány, uganyɛ ká: «Sáŋa ɔwɔ́ iméegegún ɔduɔ́, ɔwɔ́ umánuányɔ́g a!»
17Gúnyá ká Elódo méeŋín niíd ká bádɛgɛn Sáŋa, béti wɔ́ agá gians gá mbíne, bág wɔ́ masɛŋɛ góbusió bá Elodiád agány endimen waga Fílibe#6.17 Fílib mabá endimen Elódo uwɔ́, ɔwɔ́ Elódo uméegiŋi. 18Umáal anaány gágual ká Sáŋa mɔ́yɔ gág ká: «Adɛ́gɔbianan ká égíŋ agány endimen wɔ́w!» 19Na nɔ́ sɔ́n, Elodiád meliŋín Sáŋa, wamba ká gesí umɔɔ́n wɔ́, ta gubia giás. 20Gágual ká Elódo mabiánán buwa na Sáŋa, umalɛnsán ká Sáŋa mabá mɔnd unyá osi, ɔwɔ́ nɔ́ mɔnd wúleniné aga Gɔdányá, udimebíléne ká buanda ɔbɔbɛ́ ál Sáŋa. Umabá úmɔ́ɔb Sáŋa gálagal, biméŋél ádɛgɛn wɔ́, ta nɔ́, ubíléne gubɛ́dɔ́lɛ́gɔɔn wɔ́. 21Ɛmbɛ́dágɛ́dɛ́n ya Elodiád ya guɔ́n Sáŋa iyámɛ́nɛn buɔ́s Elódo máalá budɔmb bá nubiényé nág. Umabɛ́laán bagɔn bá gɛdɔŋ, bágɔ́n bá musia na bigúmín bá band bá giéns gá gus gá Galilé gá ɔnyɔ́. 22Ɔmbúlɔ wa Elodiád uwuúl kɔ́, uwebíne. Mebín mág amásɛmɛdɛn Elódo na benyi bág. Ofuŋ Elódo ganyɛ gá ɔmbúlɔ ká: «Nŋófún buanda ebílénené, ngúfá.» 23Uwabɛ́lia uganyɛ ká: «Buanda gidigid ogogúnúŋófún, ngeéguéŋin, ta búbá giéns gám gá gus gá bufuŋ.» 24Ɔmbúlɔ uwaám, uwonófún inyódió ká: «Yoófún giág o?» Uwondinyi wɔ́ ká: «Ɔduɔ́ wá Sáŋa Batísite.» 25Ɔmbúlɔ guond fiaŋ fiaŋ agá masiá má ofuŋ uganyɛ gág ká: «Ngúbíléne ká ámfá ɔduɔ́ wá Sáŋa agá gibúdég nɛ́nuán ewe.» 26Ofuŋ máal nɔ́guɔ́b anaány, masɔlɔ́gɔgɔ giod amádɛgɛn wɔ́; anyɛ́ umáabá umámán gúbɛ́lia ogóbusió bá benyi bág, udɛmand guamba guen. 27Kɔ́ na kɔ́ uwadɔ́m isia agá musia múmáabá múbɛ́dɛ́gan wɔ́, ká yílénin wɔ́ ɔduɔ́ wá Sáŋa. Iyɛɛ́b guegegún wɔ́ ɔduɔ́ agá gians gá mbíne, 28iyílén ɔduɔ́ uwaány agá gibúdég, iyeéŋin gá ɔmbúlɔ, uwɔgɔ́l, uwedúmbínyi inyódió. 29Bafɔ́nɔfɔ́n bá Sáŋa máal na guɔ́b buóny, ɔbɔ́nɔgɔ́l gikukulukúkúlé, obónonyó.
Band giod Yésu méenyísí
(Mat 14.13-21; Lúk 9.10-17; Sáŋ 6.1-15)
30Bedúmeb#6.30 Bómodió guɔ́yɔ ká Bedúmi máal nogusiondó, abábɛ́gɔ́sɛ́d agá masiá má Yésu gá guɔyɔɔn wɔ́ buanda gidigid ubú bámáal, na buanda gidigid ubú béméefúnyifúnyí band. 31Uganyɛ gɔ́b ká: «Énuúl dɛ́bɛ́kɛd agá giɔ́sɔ́gɔliɔ́ núdúkid siɔ́dɛd.» Gágual ká band giod mabá bóloón, ebe óndoon, bádɛmanɛnɛn bɔ́ giás gágual ká bábɛ́gás biáb. 32Abábɔ́lɛ́g agá gilu ká bɔ́bɛ́gɔ́gɛ́d agá giɔ́sɔ́gɔliɔ́. 33Ta nɔ́, band giod máan gɔdɔ́mb gɔ́b, abásɔ́ŋɔ́n ká bɔ́bɔ́ bɔ́. Oboól bádɔ́gaán na bɛgɔnd na bɛgɔnd agá bɔtísɔn gidigid, abákɛn guég gɔ́b gágual ká bámabá bédíne.
34Anyɛ́ Yésu méesele agá gilu, uwaán gianta gá giŋi gá band, mahan amádɛgɛn wɔ́ gágual ká bámabá anyɛ bɛdɔ́mbá bídiábá na ogiíg, uwɔb gá gúfúnyifunyi bɔ́ giod gá manda. 35Niɔ́b máal nɛ́gányɛ kɔ́, bafɔ́nɔfɔ́n abábɛ́sɛdɛnɛn Yésu, bágányɛ gág ká: «Kɔɔ́m ege nyɛ giɔ́sɔ́gɔliɔ́, na nɔ́ sɔ́n, gɛsɛgɛl ganyɛ ayáyá. 36Ɔyɛ́dɛ́n bɔ́ ká bábaan agá bisién na agá bɛdɔŋ bɛ́nyá egúy na aya ká bámbá buanda bá gúnyá.» 37Uwondinyi bɔ́ ká: «Ánuafɛ́naán bɔ́ banuá muát.» Bágányɛ gág ká: «Aguámba ká diɔ́nd bɛnyɔka bá imbámb sá muonyi dɔgɔn duándɛ#6.37 Bafɔ́nɔfɔ́n isiány mambá guɔyɛd ká sídɛmabianan gɛdam gá muonyi igiány ká bɔ́nd bɛnyɔka bégúnyisi band abaan y, dínyísenyi bɔ́ na bɛ́ e?» 38Uganyɛ gɔ́b ká: «Nunyɛ na bɛnyɔka bíník e? Ánɔ́b guán!» Bámáal ná guáná, bágányɛ gág ká: «dɛnyɛ na muɔbɔ muándɛ na bɛnyɔka bɛ́tán.» 39Uganyɛ gɔ́b ká bélúkumenyi band gidigid agá bigud, bímbi bimbi. 40Ebélukumen, ebe bímbi etín átán, ebíné band etín ándɛ na bát. 41Yésu gugɔ́l bɛnyɔka biim bɛ́tán na muɔbɔ mum muándɛ, uwedugi busió ugumuana, uwéŋin Gɔdányá nukany, uwánsa bɛnyɔka, uwéŋeen bafɔ́nɔfɔ́n bág ká báfaan band. Anaány sɔ́n umáafɛ́d muɔbɔ ká mɔnd gidigid dáŋámb. 42Band gidigid abányánan, obódúg. 43Bámagɔ́sá biéns bá muɔbɔ na bá bɛnyɔka bíméesiénén, ibiófuógi insada siát na ɛ́yandɛ. 44Banɔ́mandɔ bágɔ́nɛ́nan bámáanyánán bɛnyɔka mabá dɔns dútáan.
Yésu guánda agá madɛ́ga ugumuana
(Mat 14.22-23; Sáŋ 6.16-21)
45Agá gélem ány, Yésu gufálɛ́d bafɔ́nɔfɔ́n bág ká bábɔ́lɛ́g agá gilu, básɔ́ŋɔn agá egíné gɛsál gá manáŋ abɔ́sa, gínyá giáy gá tísɔn wá Bɛtɛsáyída, ká usién úgúgí giŋi gá band. 46Umáal ná gugúgi gɛ́, uwɔb agá nɔgɔnd gá guobísógolónyí. 47Na niɔ́b, gilu mabá agá ɔdɛm wá manáŋ abɔ́sa, Yésu mabá umányɛ agá nɔgɔndɔ. 48Anyɛ́ umáan ká bafɔ́nɔfɔ́n bág guánan muyú giod gá guendenyi gilu, góbusió ká, ofufuny mabá wúlenin bɔ́ ogóbusió; buád buanda na gigundubála, umáabanyɛ́g gubaan buáy bɔ́b, wanda ugumuana wá manáŋ abúsa, anyɛ́ umáabá uganyɛ ká wá dɔ́mb bɔ́, 49abaán wɔ́ wanda ugumuana wá manáŋ abɔ́sa. Abábɛ́dágɛd ká nnyɔlɛ yɛ́, abáb gá gúbókóko. 50Bámaán wɔ́ bɔ́bɔ́ bem, manɔŋ mɔ́b amásɔ́mbɛ́g. Kɔ́ na kɔ́, uganyɛ gɔ́b ká: «Nubɛ́kɛ́ndɛ́n o, yaŋuá wɔ́, nudɛbiá buwa!» 51Uwɔnɔfuɔ́gɛ́n bɔ́ agá gilu; ofufuny uwédúmbi gulúŋ. Buanda ubuány ubuál ká béméŋeméŋ ta bɔ́guɔyɔ, 52gágual ká ɛdɛm sɔ́b mabá gúlal, buád buanda bámáal bádɛ́sɔ́ŋɔ́n ta onkól agá gisey gá bɛnyɔka.
Gieŋugie agá giéns gá gus bábɛ́laná ká Genesalɛ́t
(Mat 14.34-36)
53Bámáal bámáyɔog manáŋ abúsa, ɔbɔ́sibífuɔ́g agá giéns gá gus bábɛ́laná ká Genesalɛ́ta. Ány béméesúŋ gilu gɔ́b. 54Bámáal bésémen, band abálɛns Yésu; 55band abaány abásálamandaan agá giéns gá gus gidigid igiány, abábanyɛg gúleén na band bámáanɔ́má agá ɛkan, kɔɔ́m gidigid ɔgɔ́ bámáabá bɔɔ́b ká unyɛ kɔ́. 56Kɔɔ́m gidigid ɔgɔ́ umáabá wɔb, ta agá tísɔn, ta agá gɛdɔŋ, ta agá bisién, band mabá bóloón na band bɔ́b bámáabá bánɔ́ma. Bósisiónón bɔ́ agá mɔkɔɔ́m band ganyá bábɛ́gɔ́sa, báb gá gúbísógólonyi ká útɛ́n bɔ́, ta masiá má gɛla gág bébísíd. Bem bámáabá bébísíden wɔ́, méeŋúgeén.
Actualmente seleccionado:
Málákuse 6: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Málákuse 6
6
Band bá Násalɛd dɛguádábaan Yésu
(Mat 13.54-58; Lúk 4.16-22,24)
1Yésu guélíki agá kɔɔ́m agany, gɔb agá gɛdɔŋ ɛgɛ́ umáagɔ́m kɔ́, bafɔ́nɔfɔ́n bág ládan wɔ́. 2Buɔ́s bá gudúkid bá Beyúdɛn, uwabanyɛg gufúnyifunyi band agá gians gɔ́b gá mbísógól. Giod gá ebe bɔ́mɔ́ɔbídɔ́lɛ́gɔ́n wɔ́, meméŋeméŋ, bɔ́yɔ ká: «Eméné manda gúlenin wɔ́ nány e? Ányá uméeŋín wɔ́ nɛnama na nsiŋi enie na bugaga báguala bigégén bá manda e? 3Udɛbá kábɛ́nda uwúné unyá mɔɔn wá Maliá e, udɛbá endimen Sáka, na Yósɛsa, na Yúde na Símune wɔ́ e? Belimen bág abagánd dɛgúsɔ́dɔɔn ɔlɔŋ nasɔ́ e?» Ubuál ká bádiág giondiɔdɛ́mɔ́ gɔ́b agá Yésu. 4Yésu ganyɛ gɔ́b ká: «Bégúgúmenyi ibús kɔɔ́m gidigid asiá agág gá gɛdɔŋ, agág gá nigúl, ta agág gá nuyá.» 5Udɛmabá bágual ta gisey gímoom ány, asiá gɛdam gá band siɔdɛd uméeŋúgí anyɛ́ umáadálán bɔ́ ɛmbɔ́g. 6Yésu meméŋeméŋ ká band bá gɛdɔŋ gág dɛguádábaan wɔ́.
Yésu mádɔ́m bát na bándɛ gá busɔ́m
(Mat 9.35; 10.1,5-14; Lúk 9.1-6)
Agá gélem ány uwɔb gá guúl úfúnyifúnyí band agá bɛdɔŋ gidigid bínyá agá buáy. 7Uwabɛ́lɛ́gɛn bát na bándɛ, uwadɔ́man bɔ́ bándɛ bándiá, uwéŋin bɔ́ bugaga bá gúmányíganɛn biád bá bíliíndié. 8Uwasásɛ́d bɔ́ ká, nuganyɛ ká núdɔ́mb, nudɛbɛ́yɔ́kɛ́n ta gɛnyɔka, ta gɛgad, ta muonyi agán gá bɛgad bá bɛla, asiá gidímbe, 9nubiág imfaŋáŋá, «nudɛbán gɔg bɔsɔ́d bándɛ.» 10Uganyɛ gɔ́b sɔ́n ká: «Búmánɛ́g kɔɔ́m góndodió ká nusebíŋín agá gians bómónúgólí, ánubábá kɔ́ gutɔ guám anyɛ́ nuganuádɔg agá kɔɔ́m agány. 11Band meén gunúgóli kɔɔ́m góndodió, ta ɔ́gɔ ká badɛguámba gunúbɛ́dɔ́lɛ́gɛn, nuganyɛ ká núdɔ́mb, nugidid otuútu únyá agán gá ambana, búgabá bulinsi búgenúdiyenyi ká bányɛ na gɛnana.» 12Abáb gá guúl gúdúmbényí ká, band gúbianan ká bénúgi gusɔ́d gɔ́b. 13Bát na bándɛ abaány méeményí biád bá bíliíndié giod, béfuénen megud agá ɛduá sá band bámáabá bánɔ́ma, béŋúgenyi bɔ́.
Nigú ná Sáŋa Batísite
(Mat 14.1-12; Lúk 3.19-20; 9.7-9)
14Ofuŋ Elódo uwɔɔ́b anyɛ́ bámáabá básámban ɔfɛ́n wá Yésu, gágual ká úmegúmé kɔɔ́m gidigid. Bɔ́mɔyɔ ká: «Sáŋa Batísite águanyɔg aga ebeguén, buád buanda unyá na bugaga báguala bisey.» 15Bómodió ɔ́yɔ ká: «Elí wɔ́.» Ebéné ɔ́yɔ ká: «Ínyɛ́ ibús yá Gɔdányá yálaná anyɛ mubús más má nsuá.» 16Elódo máal na gɔ́b anaány, uganyɛ ká: «Sáŋa ɔwɔ́ iméegegún ɔduɔ́, ɔwɔ́ umánuányɔ́g a!»
17Gúnyá ká Elódo méeŋín niíd ká bádɛgɛn Sáŋa, béti wɔ́ agá gians gá mbíne, bág wɔ́ masɛŋɛ góbusió bá Elodiád agány endimen waga Fílibe#6.17 Fílib mabá endimen Elódo uwɔ́, ɔwɔ́ Elódo uméegiŋi. 18Umáal anaány gágual ká Sáŋa mɔ́yɔ gág ká: «Adɛ́gɔbianan ká égíŋ agány endimen wɔ́w!» 19Na nɔ́ sɔ́n, Elodiád meliŋín Sáŋa, wamba ká gesí umɔɔ́n wɔ́, ta gubia giás. 20Gágual ká Elódo mabiánán buwa na Sáŋa, umalɛnsán ká Sáŋa mabá mɔnd unyá osi, ɔwɔ́ nɔ́ mɔnd wúleniné aga Gɔdányá, udimebíléne ká buanda ɔbɔbɛ́ ál Sáŋa. Umabá úmɔ́ɔb Sáŋa gálagal, biméŋél ádɛgɛn wɔ́, ta nɔ́, ubíléne gubɛ́dɔ́lɛ́gɔɔn wɔ́. 21Ɛmbɛ́dágɛ́dɛ́n ya Elodiád ya guɔ́n Sáŋa iyámɛ́nɛn buɔ́s Elódo máalá budɔmb bá nubiényé nág. Umabɛ́laán bagɔn bá gɛdɔŋ, bágɔ́n bá musia na bigúmín bá band bá giéns gá gus gá Galilé gá ɔnyɔ́. 22Ɔmbúlɔ wa Elodiád uwuúl kɔ́, uwebíne. Mebín mág amásɛmɛdɛn Elódo na benyi bág. Ofuŋ Elódo ganyɛ gá ɔmbúlɔ ká: «Nŋófún buanda ebílénené, ngúfá.» 23Uwabɛ́lia uganyɛ ká: «Buanda gidigid ogogúnúŋófún, ngeéguéŋin, ta búbá giéns gám gá gus gá bufuŋ.» 24Ɔmbúlɔ uwaám, uwonófún inyódió ká: «Yoófún giág o?» Uwondinyi wɔ́ ká: «Ɔduɔ́ wá Sáŋa Batísite.» 25Ɔmbúlɔ guond fiaŋ fiaŋ agá masiá má ofuŋ uganyɛ gág ká: «Ngúbíléne ká ámfá ɔduɔ́ wá Sáŋa agá gibúdég nɛ́nuán ewe.» 26Ofuŋ máal nɔ́guɔ́b anaány, masɔlɔ́gɔgɔ giod amádɛgɛn wɔ́; anyɛ́ umáabá umámán gúbɛ́lia ogóbusió bá benyi bág, udɛmand guamba guen. 27Kɔ́ na kɔ́ uwadɔ́m isia agá musia múmáabá múbɛ́dɛ́gan wɔ́, ká yílénin wɔ́ ɔduɔ́ wá Sáŋa. Iyɛɛ́b guegegún wɔ́ ɔduɔ́ agá gians gá mbíne, 28iyílén ɔduɔ́ uwaány agá gibúdég, iyeéŋin gá ɔmbúlɔ, uwɔgɔ́l, uwedúmbínyi inyódió. 29Bafɔ́nɔfɔ́n bá Sáŋa máal na guɔ́b buóny, ɔbɔ́nɔgɔ́l gikukulukúkúlé, obónonyó.
Band giod Yésu méenyísí
(Mat 14.13-21; Lúk 9.10-17; Sáŋ 6.1-15)
30Bedúmeb#6.30 Bómodió guɔ́yɔ ká Bedúmi máal nogusiondó, abábɛ́gɔ́sɛ́d agá masiá má Yésu gá guɔyɔɔn wɔ́ buanda gidigid ubú bámáal, na buanda gidigid ubú béméefúnyifúnyí band. 31Uganyɛ gɔ́b ká: «Énuúl dɛ́bɛ́kɛd agá giɔ́sɔ́gɔliɔ́ núdúkid siɔ́dɛd.» Gágual ká band giod mabá bóloón, ebe óndoon, bádɛmanɛnɛn bɔ́ giás gágual ká bábɛ́gás biáb. 32Abábɔ́lɛ́g agá gilu ká bɔ́bɛ́gɔ́gɛ́d agá giɔ́sɔ́gɔliɔ́. 33Ta nɔ́, band giod máan gɔdɔ́mb gɔ́b, abásɔ́ŋɔ́n ká bɔ́bɔ́ bɔ́. Oboól bádɔ́gaán na bɛgɔnd na bɛgɔnd agá bɔtísɔn gidigid, abákɛn guég gɔ́b gágual ká bámabá bédíne.
34Anyɛ́ Yésu méesele agá gilu, uwaán gianta gá giŋi gá band, mahan amádɛgɛn wɔ́ gágual ká bámabá anyɛ bɛdɔ́mbá bídiábá na ogiíg, uwɔb gá gúfúnyifunyi bɔ́ giod gá manda. 35Niɔ́b máal nɛ́gányɛ kɔ́, bafɔ́nɔfɔ́n abábɛ́sɛdɛnɛn Yésu, bágányɛ gág ká: «Kɔɔ́m ege nyɛ giɔ́sɔ́gɔliɔ́, na nɔ́ sɔ́n, gɛsɛgɛl ganyɛ ayáyá. 36Ɔyɛ́dɛ́n bɔ́ ká bábaan agá bisién na agá bɛdɔŋ bɛ́nyá egúy na aya ká bámbá buanda bá gúnyá.» 37Uwondinyi bɔ́ ká: «Ánuafɛ́naán bɔ́ banuá muát.» Bágányɛ gág ká: «Aguámba ká diɔ́nd bɛnyɔka bá imbámb sá muonyi dɔgɔn duándɛ#6.37 Bafɔ́nɔfɔ́n isiány mambá guɔyɛd ká sídɛmabianan gɛdam gá muonyi igiány ká bɔ́nd bɛnyɔka bégúnyisi band abaan y, dínyísenyi bɔ́ na bɛ́ e?» 38Uganyɛ gɔ́b ká: «Nunyɛ na bɛnyɔka bíník e? Ánɔ́b guán!» Bámáal ná guáná, bágányɛ gág ká: «dɛnyɛ na muɔbɔ muándɛ na bɛnyɔka bɛ́tán.» 39Uganyɛ gɔ́b ká bélúkumenyi band gidigid agá bigud, bímbi bimbi. 40Ebélukumen, ebe bímbi etín átán, ebíné band etín ándɛ na bát. 41Yésu gugɔ́l bɛnyɔka biim bɛ́tán na muɔbɔ mum muándɛ, uwedugi busió ugumuana, uwéŋin Gɔdányá nukany, uwánsa bɛnyɔka, uwéŋeen bafɔ́nɔfɔ́n bág ká báfaan band. Anaány sɔ́n umáafɛ́d muɔbɔ ká mɔnd gidigid dáŋámb. 42Band gidigid abányánan, obódúg. 43Bámagɔ́sá biéns bá muɔbɔ na bá bɛnyɔka bíméesiénén, ibiófuógi insada siát na ɛ́yandɛ. 44Banɔ́mandɔ bágɔ́nɛ́nan bámáanyánán bɛnyɔka mabá dɔns dútáan.
Yésu guánda agá madɛ́ga ugumuana
(Mat 14.22-23; Sáŋ 6.16-21)
45Agá gélem ány, Yésu gufálɛ́d bafɔ́nɔfɔ́n bág ká bábɔ́lɛ́g agá gilu, básɔ́ŋɔn agá egíné gɛsál gá manáŋ abɔ́sa, gínyá giáy gá tísɔn wá Bɛtɛsáyída, ká usién úgúgí giŋi gá band. 46Umáal ná gugúgi gɛ́, uwɔb agá nɔgɔnd gá guobísógolónyí. 47Na niɔ́b, gilu mabá agá ɔdɛm wá manáŋ abɔ́sa, Yésu mabá umányɛ agá nɔgɔndɔ. 48Anyɛ́ umáan ká bafɔ́nɔfɔ́n bág guánan muyú giod gá guendenyi gilu, góbusió ká, ofufuny mabá wúlenin bɔ́ ogóbusió; buád buanda na gigundubála, umáabanyɛ́g gubaan buáy bɔ́b, wanda ugumuana wá manáŋ abúsa, anyɛ́ umáabá uganyɛ ká wá dɔ́mb bɔ́, 49abaán wɔ́ wanda ugumuana wá manáŋ abɔ́sa. Abábɛ́dágɛd ká nnyɔlɛ yɛ́, abáb gá gúbókóko. 50Bámaán wɔ́ bɔ́bɔ́ bem, manɔŋ mɔ́b amásɔ́mbɛ́g. Kɔ́ na kɔ́, uganyɛ gɔ́b ká: «Nubɛ́kɛ́ndɛ́n o, yaŋuá wɔ́, nudɛbiá buwa!» 51Uwɔnɔfuɔ́gɛ́n bɔ́ agá gilu; ofufuny uwédúmbi gulúŋ. Buanda ubuány ubuál ká béméŋeméŋ ta bɔ́guɔyɔ, 52gágual ká ɛdɛm sɔ́b mabá gúlal, buád buanda bámáal bádɛ́sɔ́ŋɔ́n ta onkól agá gisey gá bɛnyɔka.
Gieŋugie agá giéns gá gus bábɛ́laná ká Genesalɛ́t
(Mat 14.34-36)
53Bámáal bámáyɔog manáŋ abúsa, ɔbɔ́sibífuɔ́g agá giéns gá gus bábɛ́laná ká Genesalɛ́ta. Ány béméesúŋ gilu gɔ́b. 54Bámáal bésémen, band abálɛns Yésu; 55band abaány abásálamandaan agá giéns gá gus gidigid igiány, abábanyɛg gúleén na band bámáanɔ́má agá ɛkan, kɔɔ́m gidigid ɔgɔ́ bámáabá bɔɔ́b ká unyɛ kɔ́. 56Kɔɔ́m gidigid ɔgɔ́ umáabá wɔb, ta agá tísɔn, ta agá gɛdɔŋ, ta agá bisién, band mabá bóloón na band bɔ́b bámáabá bánɔ́ma. Bósisiónón bɔ́ agá mɔkɔɔ́m band ganyá bábɛ́gɔ́sa, báb gá gúbísógólonyi ká útɛ́n bɔ́, ta masiá má gɛla gág bébísíd. Bem bámáabá bébísíden wɔ́, méeŋúgeén.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión