Matáyoso 23
23
Ánɔbɛ́nyáŋanyáŋ Bafalisiɛ́ŋ na bóŋ bisele
(Mál 12.38-40; Lúk 20.45-47; 11.39-52)
1Yésu ganyɛ gá biŋi bá band na bafɔ́nɔfɔ́n bág ká: 2«Bóŋ bisele na Bafalisiɛ́ŋ bɔ́bɔ́ bébúlúneniné band bisele bá Moyíso: 3Anɛ́ búnyá anaány, ánualá buanda gidigid ubú bányá bɔ́gúnuɔ́yɛdɛn, gɔg ká, nudɛ́bɛ́fuág bɔ́ gɔ́b gá bielínyélínyé, gágual ká bɔ́guɔ́yɔ, bádiala. 4Báguáŋɛnan band bɛnɔ bínyá gunɔ́, bádɔ́gaan bɔ́, bɔ́bɔ́ muát ta guágɛ́n bɔ́ ɔmbɔ́g. 5Manda amaány ɔmɔ́ bálaná nyɛ gɔɔ́gɔ ká bébídíyenyi. Bóguómbonyi dugagad dúbiananá bisele, bábɛ́gɔ́da dú agá nɔbɔl na agá ɔmbɔ́g, bóndonyi meyed má bɛla bɔ́b guya#23.5 Gɔdányá mɔyɛ́d gá Beyúdɛn ká bágaan meyed agá bɛla bɔ́b ká bédíbiélídí bisele bág. Bafalisiɛ́ŋ na bóŋ bisele ebéyéli. Nɔb 15.38-40 . 6Bébíléne gulukumen agá eluku yá busió agá mɔdɔmb na agá bians bá mbísógól, 7bébílene ká bébígéligeli bɔ́ kɔɔ́m band nyá giod bond bésegenyi bɔ́ na gɔbɛ́laan bɔ́ ká: “Ofúnyifúny”. 8Banuá, nudiambɛd ká bánɔ́bɛ́laan ká: “Ofúnyifúny”; gágual ká nugúbianan Ofúnyifúny táŋ omoom, banuá gidigid nunyɛ belimen. 9Nudɛbɛ́lɛ́gɛ́n ta mɔnd egegus ká “Babá”, gágual ká nugúbianan taŋɛ́ sié omoom, Babá unyá muana. 10Nudiambɛ́d ká bánúbɛ́lɛ́gɛn ká: “Olinsi”, gágual ká Kílise uwɔ́ eŋényé ulɛnsaná buanda gidigid, unyɛ Olinsi táŋ omoom. 11Unyá gianta agá gadágadá wanɔ gubiánan ká úbá odúguny wanɔ. 12Ewe gidigid ugenúbíbúligi, bégeseli wɔ́; ugenúbíséli, bégebúlígi wɔ́. 13Gɔsɔ́g nanɔ banuá Bóŋ bisele na Bafalisiɛ́ŋ bá bunéŋ, nufugenine band nibíŋínin na Bufuŋ bá muana, banuá bámuát nudibíŋin, nudɛtɛ́n band bebílene gubíŋín kɔ́! [ 14#23.14 Búnyɛ buɔ́ŋɔ́n agá imbɔbɔnɔ símodió ká: Bɔbɛ́ nanɔ banuá Balasiɛ́ŋ na bóŋ bisele bá bunéŋ, nugúnyánɛn bisi bá bagánd gidigid, nuala imbísógól sá guya, ká bánúlɛ́ŋa. Buád buanda bégenúnúgelenyi gɔdɔ́mb anányɛ.] 15Gɔsɔ́g nanɔ banuá bóŋ bisele na bafalisiɛ́ŋ bá buneŋ, nuguándand agá bá manáŋ abɔsa na agá gus gidigid ká nubíŋínyi mɔnd omoom agán gá giɔ́b. Númáman guámɛ́nɛn ká numábiá wɔ́, nuéyi wɔ́ ewe usɛgɛmananá na nusesídényi na Gɔdányá, bɛsɛgel biándɛ gunúdɔ́mb. 16Gɔsɔ́g nanɔ. Nugúbɛ́dága ká nunyɛ ebe bendenyé band, búbú e nunyɛ bebúdebude gigúl nuɔyɔnɔ ká: “Mɔnd mábílianan agá ɔfɛ́n wá ɔnyɛb, buand dɛbá ány; mɔnd mabílianan agá ɔfɛ́n wá gól wa ɔnyɛb, ugúbianan ká waál ubú usaágubília gá bɔ́.” 17Nunyɛ bieg banuá sɔ́n bebúdebude. Na gól, na ɔnyɛ́b búnúm budɔmbaná sɔ́gɔ e? Sáa ɔnyɛb wálaná ká gól ɔ́bɔnɛn Gɔdányá e? 18Nuguɔ́yɔ sɔ́n ká: “Mɔnd mábɛ́lia agá ɔfɛ́n wá nɛfuɛn bibiág, buand dɛ́bá ány, gɔg ká, úmábɛ́lia agá ɔfɛ́n wá bibiág bínyá bidálán agá nɛfuɛn bibiág, ugúbianan ká waál ubú úsáagubɛ́lia gá bɔ́.” 19Bebúdebude ebe! Na bibiág, na nɛfuɛn bibiág, búnúm budɔmbaná sɔ́gɔ e? Sáa nɛfuɛn bibiág niálana ka bibiág ɔ́bɛ́n Gɔdányá e? 20Kányɛ gúnyá ká, ewe ubɛ́liananá agá ɔfɛ́n wa nɛfuɛn bibiág, gúbɛ́lianan aga ɔfɛ́n wa nɛfuɛn bibiág na manda gidigid mányá kɔ́ ugumuana. 21Ewe ubɛ́liananá agá ɔfɛ́n wá ɔnyɛb, gúbɛ́lianan agá ɔfɛ́n wa ɔnyɛb na gá ɔfɛ́n wá mɔnd usɔ́dɔnɔ́ kɔ́. 22Ewe ubɛ́liananá agá ɔfɛ́n wá muana, gúbɛ́lianan agá ɔfɛ́n wá niluku, na gá ɔfɛ́n wa buufe bá Gɔdányá na ewe ulukumené kɔ́. 23Gɔsɔ́g nanɔ, banuá bóŋ na bafalisiɛ́ŋ bá bunéŋ, agá aŋaf át, nuguéŋeen niaf nímoom ná bɛgɔlɛn nudigɔ́lɔɔ́n gɛsɛgɛl na gufuógonyi bisele bínyá na mfí anyɛ: busi, guánaan band gɔsɔ́g na nuládád. Mɔ́mɔ́ gɔg mányá ká nuála, ta gutɛ́n bɛgɔlɛn ibiány#23.23 Bɛgɔlɛ́n ibiány nyɛ anyɛ bɛgɔlɛ́n dibiananá agasuá: Ólindo, dugúyuguy, na bulɔgɔ.. 24Nugúgedenyi ká nuguendenyi bɔsɔ́gɔ́ nány e nunyɛ na bibúde. Nugúbalɔna manda ɔmɔ́ nubúwánaná ká nudɛmɛnɛ oŋílígid, nány e nugúmɛna bunyam bábɛ́laná ká Samó gidigid! 25Gɔsɔ́g nanɔ, banuá bóŋ na bafalisiɛ́ŋ bá bunéŋ! Nugúsɔga gélem gá mudɔ́ga na bisuá, nányé, nagadá wa mɔ́ nyɛ ofuógón na mand maán má buéb, na biád bán bá ɛmbɛ́dágɛ́dɛ́n. 26Banuá bafalisiɛ́ŋ nunyɛ bebúdebude! Ánuál guakɛn gusɔgɛd nagadá wa ɛdɔ́ga, ány, gélem gá bád gubá begubeg. 27Gɔsɔ́g nanɔ banuá bóŋ bisele na bafalisiɛ́ŋ bá bunéŋ! Nugúbɛ́fuáganan bɛbɛl ɛbɛ́ ɛdafa yá fúuum nyá fuénén fuénén gá bɛ́. Agá ɔɔnd, bɛ́gɔ́lɛ́ŋanɛn bunɔg, nagadá wa bɛ́ gɔg nyɛ ofuógón na biko bá bɛlɔŋ na manyanyɔ anama gidigid. 28Nɛnama nímoom niád banuá nunyá sɔ́n. Nugúlɛ́ŋanɛn agá ɔɔnd anɛ nunyɛ besi, nányé nagadá wanɔ nyɛ ofuógón na bunéŋ na bɔbɛ. 29Gɔsɔ́g nanɔ banuá bóŋ bisele na bafalisiɛ́ŋ bá bunéŋ! Nugúfuága bɛbɛl bá mubús má Gɔdányá, nulaŋa sɔ́n bɛbɛl bá band bányá guala Gɔdányá nŋɔ́bɛnɔ, 30nuɔyɔ ká: “Dísɔ́dɔɔ́n agá gigúl gá besié bás, gesí didimamɛnɛn bɔ́ ká bódo manɔŋ má mubús má Gɔdányá.” 31Ány nugúdíyenyi banuá muát ká nunyɛ baan bá band ɔbɔ́ bɔ́mɔ́ɔnɔ́ mubús má Gɔdányá! 32Ooo! Ánɔbaán na busió, núyíb ubú besié bán máabanyɛ́g! 33Banuá nigúl ná inyɔ́g, ɛmfɛ́ny siád! Nugaab cácácá agá yoóg yá kand nɛmanɛ́ná! 34Buád buanda yaŋuá ɛnɔ́dɔ́manɛná mubús, na band bá nsiŋi na bóŋ bisele. Nugɔɔ́nɔ ebe, nusandá bondodio aga mɔ́gɔnɔ, nugide sɔ́n ebéné na dusue agán gá bians bá mbísógól, nugakɔ́ŋa bɔ́ bɔtísɔn bɔtísɔn, 35ká manɔŋ má besi ɔmɔ́ numéegésígésí egegus nuóndin, gubanyɛg gá má osi wa mɔnd anyɛ Ábɛla guám gá má Sakalí mɔɔn wá Balasí, uwɔ́ numɔ́ɔn gadágadá wa na nɛfuɛn bɛbiág na ɔnyɛ́b wa Gɔ́dany. 36Ngúnuɔ́yɔɔn aga meliŋítas ká, manda gidigid gagɔɔn band bá nɔgɔndɔ́ na ínen.
Na Yésu na Yélúsalɛm
(Lúk 13.34-35)
37«Band bá Yelúsalɛm, band bá Yelúsalɛm, banuá nuɔ́nɔnɔ́ mubús má Gɔdányá, nuɔ́nɔ sɔ́n ebe ɔbɔ́ bánɔ́dɔ́manɛná na guétenyi bɔ́ adany, nsaman guamba bɛsɛgɛl giod ka nŋɔ́sɛ́d baan bán gɔɔ́gɔ anyɛ́ nkɔ́ gúsaná baan bág gúsígúsié wa bɛbabɔ́ bág, banuá ta gubílén! 38Oo! Gians gánɔ gɔlɔbɛn gɔdɔ́ busió bum. 39Gɔ́gɔ́ nnuɔ́yɔnɔ́ ká: Gubanyɛg nɛ́nuan, nudɛgand guŋán guáma anyɛ́ núgɔnuɔ́yɛd ká: Nsɛ́ gɛfɔn bá na ewe wúlené agá ɔfɛ́n wá Ɔgúnɔ́!»
Actualmente seleccionado:
Matáyoso 23: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Matáyoso 23
23
Ánɔbɛ́nyáŋanyáŋ Bafalisiɛ́ŋ na bóŋ bisele
(Mál 12.38-40; Lúk 20.45-47; 11.39-52)
1Yésu ganyɛ gá biŋi bá band na bafɔ́nɔfɔ́n bág ká: 2«Bóŋ bisele na Bafalisiɛ́ŋ bɔ́bɔ́ bébúlúneniné band bisele bá Moyíso: 3Anɛ́ búnyá anaány, ánualá buanda gidigid ubú bányá bɔ́gúnuɔ́yɛdɛn, gɔg ká, nudɛ́bɛ́fuág bɔ́ gɔ́b gá bielínyélínyé, gágual ká bɔ́guɔ́yɔ, bádiala. 4Báguáŋɛnan band bɛnɔ bínyá gunɔ́, bádɔ́gaan bɔ́, bɔ́bɔ́ muát ta guágɛ́n bɔ́ ɔmbɔ́g. 5Manda amaány ɔmɔ́ bálaná nyɛ gɔɔ́gɔ ká bébídíyenyi. Bóguómbonyi dugagad dúbiananá bisele, bábɛ́gɔ́da dú agá nɔbɔl na agá ɔmbɔ́g, bóndonyi meyed má bɛla bɔ́b guya#23.5 Gɔdányá mɔyɛ́d gá Beyúdɛn ká bágaan meyed agá bɛla bɔ́b ká bédíbiélídí bisele bág. Bafalisiɛ́ŋ na bóŋ bisele ebéyéli. Nɔb 15.38-40 . 6Bébíléne gulukumen agá eluku yá busió agá mɔdɔmb na agá bians bá mbísógól, 7bébílene ká bébígéligeli bɔ́ kɔɔ́m band nyá giod bond bésegenyi bɔ́ na gɔbɛ́laan bɔ́ ká: “Ofúnyifúny”. 8Banuá, nudiambɛd ká bánɔ́bɛ́laan ká: “Ofúnyifúny”; gágual ká nugúbianan Ofúnyifúny táŋ omoom, banuá gidigid nunyɛ belimen. 9Nudɛbɛ́lɛ́gɛ́n ta mɔnd egegus ká “Babá”, gágual ká nugúbianan taŋɛ́ sié omoom, Babá unyá muana. 10Nudiambɛ́d ká bánúbɛ́lɛ́gɛn ká: “Olinsi”, gágual ká Kílise uwɔ́ eŋényé ulɛnsaná buanda gidigid, unyɛ Olinsi táŋ omoom. 11Unyá gianta agá gadágadá wanɔ gubiánan ká úbá odúguny wanɔ. 12Ewe gidigid ugenúbíbúligi, bégeseli wɔ́; ugenúbíséli, bégebúlígi wɔ́. 13Gɔsɔ́g nanɔ banuá Bóŋ bisele na Bafalisiɛ́ŋ bá bunéŋ, nufugenine band nibíŋínin na Bufuŋ bá muana, banuá bámuát nudibíŋin, nudɛtɛ́n band bebílene gubíŋín kɔ́! [ 14#23.14 Búnyɛ buɔ́ŋɔ́n agá imbɔbɔnɔ símodió ká: Bɔbɛ́ nanɔ banuá Balasiɛ́ŋ na bóŋ bisele bá bunéŋ, nugúnyánɛn bisi bá bagánd gidigid, nuala imbísógól sá guya, ká bánúlɛ́ŋa. Buád buanda bégenúnúgelenyi gɔdɔ́mb anányɛ.] 15Gɔsɔ́g nanɔ banuá bóŋ bisele na bafalisiɛ́ŋ bá buneŋ, nuguándand agá bá manáŋ abɔsa na agá gus gidigid ká nubíŋínyi mɔnd omoom agán gá giɔ́b. Númáman guámɛ́nɛn ká numábiá wɔ́, nuéyi wɔ́ ewe usɛgɛmananá na nusesídényi na Gɔdányá, bɛsɛgel biándɛ gunúdɔ́mb. 16Gɔsɔ́g nanɔ. Nugúbɛ́dága ká nunyɛ ebe bendenyé band, búbú e nunyɛ bebúdebude gigúl nuɔyɔnɔ ká: “Mɔnd mábílianan agá ɔfɛ́n wá ɔnyɛb, buand dɛbá ány; mɔnd mabílianan agá ɔfɛ́n wá gól wa ɔnyɛb, ugúbianan ká waál ubú usaágubília gá bɔ́.” 17Nunyɛ bieg banuá sɔ́n bebúdebude. Na gól, na ɔnyɛ́b búnúm budɔmbaná sɔ́gɔ e? Sáa ɔnyɛb wálaná ká gól ɔ́bɔnɛn Gɔdányá e? 18Nuguɔ́yɔ sɔ́n ká: “Mɔnd mábɛ́lia agá ɔfɛ́n wá nɛfuɛn bibiág, buand dɛ́bá ány, gɔg ká, úmábɛ́lia agá ɔfɛ́n wá bibiág bínyá bidálán agá nɛfuɛn bibiág, ugúbianan ká waál ubú úsáagubɛ́lia gá bɔ́.” 19Bebúdebude ebe! Na bibiág, na nɛfuɛn bibiág, búnúm budɔmbaná sɔ́gɔ e? Sáa nɛfuɛn bibiág niálana ka bibiág ɔ́bɛ́n Gɔdányá e? 20Kányɛ gúnyá ká, ewe ubɛ́liananá agá ɔfɛ́n wa nɛfuɛn bibiág, gúbɛ́lianan aga ɔfɛ́n wa nɛfuɛn bibiág na manda gidigid mányá kɔ́ ugumuana. 21Ewe ubɛ́liananá agá ɔfɛ́n wá ɔnyɛb, gúbɛ́lianan agá ɔfɛ́n wa ɔnyɛb na gá ɔfɛ́n wá mɔnd usɔ́dɔnɔ́ kɔ́. 22Ewe ubɛ́liananá agá ɔfɛ́n wá muana, gúbɛ́lianan agá ɔfɛ́n wá niluku, na gá ɔfɛ́n wa buufe bá Gɔdányá na ewe ulukumené kɔ́. 23Gɔsɔ́g nanɔ, banuá bóŋ na bafalisiɛ́ŋ bá bunéŋ, agá aŋaf át, nuguéŋeen niaf nímoom ná bɛgɔlɛn nudigɔ́lɔɔ́n gɛsɛgɛl na gufuógonyi bisele bínyá na mfí anyɛ: busi, guánaan band gɔsɔ́g na nuládád. Mɔ́mɔ́ gɔg mányá ká nuála, ta gutɛ́n bɛgɔlɛn ibiány#23.23 Bɛgɔlɛ́n ibiány nyɛ anyɛ bɛgɔlɛ́n dibiananá agasuá: Ólindo, dugúyuguy, na bulɔgɔ.. 24Nugúgedenyi ká nuguendenyi bɔsɔ́gɔ́ nány e nunyɛ na bibúde. Nugúbalɔna manda ɔmɔ́ nubúwánaná ká nudɛmɛnɛ oŋílígid, nány e nugúmɛna bunyam bábɛ́laná ká Samó gidigid! 25Gɔsɔ́g nanɔ, banuá bóŋ na bafalisiɛ́ŋ bá bunéŋ! Nugúsɔga gélem gá mudɔ́ga na bisuá, nányé, nagadá wa mɔ́ nyɛ ofuógón na mand maán má buéb, na biád bán bá ɛmbɛ́dágɛ́dɛ́n. 26Banuá bafalisiɛ́ŋ nunyɛ bebúdebude! Ánuál guakɛn gusɔgɛd nagadá wa ɛdɔ́ga, ány, gélem gá bád gubá begubeg. 27Gɔsɔ́g nanɔ banuá bóŋ bisele na bafalisiɛ́ŋ bá bunéŋ! Nugúbɛ́fuáganan bɛbɛl ɛbɛ́ ɛdafa yá fúuum nyá fuénén fuénén gá bɛ́. Agá ɔɔnd, bɛ́gɔ́lɛ́ŋanɛn bunɔg, nagadá wa bɛ́ gɔg nyɛ ofuógón na biko bá bɛlɔŋ na manyanyɔ anama gidigid. 28Nɛnama nímoom niád banuá nunyá sɔ́n. Nugúlɛ́ŋanɛn agá ɔɔnd anɛ nunyɛ besi, nányé nagadá wanɔ nyɛ ofuógón na bunéŋ na bɔbɛ. 29Gɔsɔ́g nanɔ banuá bóŋ bisele na bafalisiɛ́ŋ bá bunéŋ! Nugúfuága bɛbɛl bá mubús má Gɔdányá, nulaŋa sɔ́n bɛbɛl bá band bányá guala Gɔdányá nŋɔ́bɛnɔ, 30nuɔyɔ ká: “Dísɔ́dɔɔ́n agá gigúl gá besié bás, gesí didimamɛnɛn bɔ́ ká bódo manɔŋ má mubús má Gɔdányá.” 31Ány nugúdíyenyi banuá muát ká nunyɛ baan bá band ɔbɔ́ bɔ́mɔ́ɔnɔ́ mubús má Gɔdányá! 32Ooo! Ánɔbaán na busió, núyíb ubú besié bán máabanyɛ́g! 33Banuá nigúl ná inyɔ́g, ɛmfɛ́ny siád! Nugaab cácácá agá yoóg yá kand nɛmanɛ́ná! 34Buád buanda yaŋuá ɛnɔ́dɔ́manɛná mubús, na band bá nsiŋi na bóŋ bisele. Nugɔɔ́nɔ ebe, nusandá bondodio aga mɔ́gɔnɔ, nugide sɔ́n ebéné na dusue agán gá bians bá mbísógól, nugakɔ́ŋa bɔ́ bɔtísɔn bɔtísɔn, 35ká manɔŋ má besi ɔmɔ́ numéegésígésí egegus nuóndin, gubanyɛg gá má osi wa mɔnd anyɛ Ábɛla guám gá má Sakalí mɔɔn wá Balasí, uwɔ́ numɔ́ɔn gadágadá wa na nɛfuɛn bɛbiág na ɔnyɛ́b wa Gɔ́dany. 36Ngúnuɔ́yɔɔn aga meliŋítas ká, manda gidigid gagɔɔn band bá nɔgɔndɔ́ na ínen.
Na Yésu na Yélúsalɛm
(Lúk 13.34-35)
37«Band bá Yelúsalɛm, band bá Yelúsalɛm, banuá nuɔ́nɔnɔ́ mubús má Gɔdányá, nuɔ́nɔ sɔ́n ebe ɔbɔ́ bánɔ́dɔ́manɛná na guétenyi bɔ́ adany, nsaman guamba bɛsɛgɛl giod ka nŋɔ́sɛ́d baan bán gɔɔ́gɔ anyɛ́ nkɔ́ gúsaná baan bág gúsígúsié wa bɛbabɔ́ bág, banuá ta gubílén! 38Oo! Gians gánɔ gɔlɔbɛn gɔdɔ́ busió bum. 39Gɔ́gɔ́ nnuɔ́yɔnɔ́ ká: Gubanyɛg nɛ́nuan, nudɛgand guŋán guáma anyɛ́ núgɔnuɔ́yɛd ká: Nsɛ́ gɛfɔn bá na ewe wúlené agá ɔfɛ́n wá Ɔgúnɔ́!»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión