ROM 2
2
Aduba a Onhon A yo honzhe.
1Zwamnani gab bone bo gab on shagi bot mai aduba, buza huja o mai, ko gab shi ga, zwam gagu o gab shi ga, zwam gagu o gab raga shagi bot mai aduba buraga shagi reto re nebe ba un, zwam zwam makwada ma gab hya bot mai na mabe maba ne gab yo na mab. 2Zwam tu dagi nezwama achiba a Onhon ayo honzhe na reto re ana araga shagu iri ne. 3Gab bot! gabwa buna hend sha iri mane makwada ma gab hya bu mai na mab! Bu on tunane nezwam gabwa wutagwa aduba a Onhon ne? 4Ko hend bu on renaga iyi bura̱̱ e Onhon, hankuri o ob, na nagu o so shen o ob kyabokyabo wo ga bo? A she, bu daki ne zwama iyi bura̱̱ e Onhon o on eb ne e raga kabu numagi ko ro kama ginduguwa ba? 5Ama bando o tube a giso a gab raga shaga na so o tukanga o gab zhe, buraga kama zuranga udubu ane a raga kabo baraga oho o so shen, o Onhon na gagu aba chibano aduba ane a yo bando iyi bura̱̱ e Onhon. 6Onhon owa topeu koga bando enk a bob. 7Azhe ane a kudage edandago na daraja na muhondo mune muza a hwagi, bando kamahima owaba, bando isha e iyi bura̱ na so na ma ibpa, aba ne Onhon owa tupeu yek na muhondo mu dududu. 8Ama ane ashi a kama kudago o reto, ana a kudagiwa mahinda, a on hend shaga mugunta, a tupen yek na so shen na tuzuma. 9Maduru na wahala aba ne araga baraga ko ga bune ko shagu mugunta, na jigu wo yahudawa, ka tomowo ana aza yahudawa. 10Ama kuchi bune bu shagi ene ishi iyi bura̱ bwa hi edanduwa na tuwaga na ashinya a bura̱̱, na jigu wo yahudawa ka tomo wo ana a za yahudawa. 11Zwam onho o chibaga ezagyagu ba.
12Kuchi ana a shagi turiya ba na edaku e aduba a Musa ba, yek a pu ba na echibaga eni ba, ama kuchi ana ashibaga eni, a shagiu yek aduba bando echibaga ene. 13Ba bando e hogo e echibaga ene suba e pwa sa ato yo na adalchi wo Onhon ba, ama isha e enk na echibaga ene ne aba raga zwamaga naba ashi ato adalchi. 14Nane a shiwo yahudawa aza echibaga e musa kuchi nanani, araga shaga ene echibaga ene e sape, bando ene e so owaba o pa yek. Ashe hend ana aza echibaga ene azhe e chibaga nyaba ba un. 15Enk aba e chibano nezwama, ene e echibaga ene e zwame e yo pane heryange na shi so shaba. Na so hakoko hab hend azhe sheda wo iri ne, zwam tamagone owaba o raga bangyaga yek na makwada na gagu oink, na gagu o mai hend o bangyagu yek na makwada ba. 16Zwam nani, ta anabare a tusongo ate a gyam raga zwamaga aik a on zwamaga, nani ob owaya oho Onhon bando Bot-bwakimga Yesu nya shagiu kuchi ene e yo na tuswe e na so owato.
Yahudawa na echibaga e Musa.
17To, gab bune bo gab raga kana ogaga Bayahude? bu on shanga na echibagano e Musa, bu on henda makungu na tukusa na tuhi na Onhon, 18Gaboi zwamaga we budaki ene e Onhon o on, bu yo na edaku bando echibaga e Musa ta gwabwa yinga ene e yo honzhe. 19Bu yado nezwama gab shi butusha go aruba ne, tubanga wo ana a yo na so tunshi 20Bai chibaga e ana aza turenge, na Umarumi wo ato so o awo a nuwa. zwam bu tabatu nezwama na so echibaga e Musa ne bu yo na edaku dinya na mahinda henda. 21To, gab bune bu gab raga chibaga reto nebe gab bune bu gab on mupas nezwama ata sha buhi, gab shi buhi ba? 22Gab bune bu gab zwame ata sha tugari, bu shagi tugari ba? Gab bune bu gab kudage mahogaba, bu shagu buhi wo egenga e mahoga ba.? 23Gab bune bu gab on makungu na echibaga e Musa, bu da̱ru reze re Onhon bando egundu e echibaga e ob ba.? 24Ta, ob oyo herange na so here e Onhon, <<Zwam gahi yahudawa aba shagu uje o makwada zwam reze re Onhon na so ana aza yahudawa.>>
25Shi bu on swabi echibaga e Musa, kochiya na kabe ka zhe ampane ba un. Ama shi nagu e swabo gab unshi wo echibaga e Musa, owa nya ba a bu shagiu kachiya ba ba un. 26Ashe shi ane aza kachiya araga shaga ene echibaga e Musa nyange ashi, Onhon owa zhagu yek ta ana a za kachiya. 27Ana a za kachiya ka kingi ama araga shagu ene echibaga e zwame ashi, a bu shagiu aduba, gab bune bu gab zhe echibaga e Musa herange, bune buraga gundaga echibaga ene. 28Zwam Baya hude bu mahinda ba bot ne bu ba yahude bando kingi suba ba, henda kachiya ka mahinda ba kayo bando kingi ko bando egundu e taka ba. 29Nanani henda, Bayahude bu mahinda buba ne bushi Bayahude bando so, hend kachiya ka mahinda kab ne kachiya ka so, wato iyi e uhunchi ushi, ba bando echibaga nyaba herange ba iri bot buni henda Onhon ne o raga shagi bot buni kuyabo, ba bot ba.
Actualmente seleccionado:
ROM 2: UAA
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
The Word for the World International and The word for the World Nigeria