माथ 24
24
जिसु कोयजोङ ओड़ाक् धाङधासेरोक् रेयाङे रोड़ेत्
(मा़र १३:१-३७; लु २१:५-३८)
1आर जिसु दो ओडोकेनते कोयजोङ ओड़ाक् खोने चालाक्कान ताहेंकाना, खान उनिरेन चेला कोयजोङ ओड़ाक् रेयाक् बेनावाक् उदुक्आय ला़गित् उनि ठेनको हेच्सोरेना। 2मेनखान उनि दोए रोड़ रुवा़ड़ात्कोवा, “नोवाको जोतो बापे ञेलेदा? सा़रिगेञ मेतापेकाना, नोंडे दो मित् धिरि हों एटाक् धिरि चेतानरे बाङगे बा़गि ओचोक्आ ओकाटाक् बाङ छाडाव ञुरहा़क्।”
कोसटो आर सानताव
(मा़र १३:३-१३; लु २१:७-१९)
3आर जा़इतुन बुरुरेये दुड़ुप् आकान ताहेंकान जोखेच् चेलाको दो एसकाररे उनि ठेन हेच्सोरेनतेको मेनकेदा, “ला़इयालेमे, नोवाको दो तिस होयोक्आ, आर आमेम सेटेरोक् रेयाक् आर जुग मुचा़दोक् रेयाक् चिनहा़ दो चेत् होयोक्आ?”
4खान जिसुइ रोड़ रुवा़ड़ात्कोवा, “मेन सोनतोरोक्पे जेमोन ओकोय हों आलोको बुला़उपेमा। 5एनते आ़डि होड़ इञ ञुतुमते हेच्कातेको मेना, ‘इञ कानाञ मा़सि दो,’ आर आ़डि होड़को बुला़उकोवा, 6ला़ड़हा़इ आर ला़ड़हा़इ रेयाक् उदा़ँउकोपे आँजोमा, मेन आलोपे बिलबिला़उक्आ, एनते नोवाको होयोक् दो जा़रुड़गेया, मेनखान मुचा़त्तेत् दो आ़उरियाक्आ। 7एनते मित् होड़ दो एटाक् होड़ उपा़रते आर मित् राजोसटि दो एटाक् राजोसटि उपा़रतेको तेङगोना, जायगा जायगारे आकाल होयोक्आ आर ओत लाड़ावक्आ। 8नोवाको सानाम दो जानाम बेदोन रेयाक् एतोहोप्गे।”
9उनरे सानतावपे ला़गित्को सोपरोतपेया आरको गोच्पेया, आर आपे दो इञ ञुतुमते सानाम होड़को ठेनपे कुरुद ओचोक्आ।#माथाय १०:२२ 10उनरे आ़डि होड़को ता़किजोक्आ आरको सोपरोतोक्आ आरको कुपुरुदोक्आ। 11आ़डि उता़र एड़े ना़बिकोको तेङगोना आर आयमा होड़को बुला़उकोवा। 12आर बा़ड़िच्आक्गे बा़डोक्ते ढेरकोवाक् दुला़ड़ दो रेयाड़ोक् ताकोवा। 13मेनखान मुचा़त् हा़बिच् तेङगो टारहावक्इच्, उनिगेये बाञचावक्आ।#माथाय १०:२२ 14आर राजोसटि रेयाक् नोवा भागे सोमबात दो गोटा धा़रतिरे पोरचारोक्आ सानाम जा़तको ला़गित् गोहा ञुतुमते, आर एनखानते मुचा़त् दो होयोक्आ।
माराङ सानताव रेयाक् एतोहोप्
(मा़र १३:1४-२३; लु २१:२०-२४)
15ओनाते उजा़ड़ रेयाक् हिरखा़वाक्को, ओकाटाक् दानिएल ना़बि होतेते रोड़लेन, “सोनोत जायगारे तेङगोवाकानपे ञेललेरे” पाड़हाप्इच् ए बुजहा़उमा,#दानिएल ९:२७; ११:३१; १२:११ 16उनरे जिहुदा़रे ताहेनको दो बुरुतेको ञिरजोङमा, 17छातरे मेनायिच् दो आच् ओड़ाक् खोन जाहानाक् इदितोराय ला़गित् आलोय फेडोक्मा,#लुक १७:३१ 18आर खेतरे मेनायिच् दो आयाक् किचरिच् इदि ला़गित् आलोय रुवा़ड़मा। 19मेनखान ओनाको दिनरे भा़रति होड़मोको आर गिदरा़ नुनुवाको कानकोरे दो हाय! आ़डि कोसटो होयोक्आ। 20आदो कोयजोङपे जेमोन आपेयाक् ञिरजोङ दो राबाङ दिनरे से जिरा़उक् माँहाँरे आलो होयोक्तापे। 21एनते उनरे दो माराङ ओकोच् सानताव होयोक्आ, ओनकानाक् दो धा़रति एतोहोप् खोन नित हा़बिच् बाङ होय आकाना, आर आरदो तिसगे बाङ होयोक्आ।#दानिएल १२:१; जोहान सोद ७:१४ 22आर ओनाको दिन आलो खाटोलेन खान होनाङ चेले मानवा हों ओहोको बाञचावलेना, मेनखान बाछावको इया़ते ओनाको दिन दो खाटोक्आ।
23उनरे जाहाँयको मेतापे खान, ञेलपे, मा़सि दो नोंडे मेनाया, से हानडे, आलोपे पा़तिया़उक्आ। 24एनते एड़े मा़सिको आर एड़े ना़बिकोको उपेलोक्आ, आर माराङ चिनहा़ आर हाहाड़ावाक्को उदुगा जेमोन होय दाड़ेयाक् खान बाछावको होंको बुला़उको। 25ञेलपेञ ला़इ लाहा आकावात्पेया।
26ओनाते जाहाँयको मेतापे खान, “ञेलपे हाहाङकाररे मेनाया, आलोपे ओडोक चालाक्आ, से ञेलपे भिता़ररे मेनाया, आलोपे पा़तिया़उक्आ।#लुक १७:२३-२४ 27एनते चेत्लेका बिजलि दो पुरुब खोन ओडोकोक्ते पा़छिम हा़बिच् मालकाव चालाक्आ, ओना लेकागे मानवा होपोन रेयाक् सेटेरोक् हों होयोक्आ।”
28“जाहाँरेगे मा़ँड़िं ओंडेगे गिदि होंको जारवाक्आ।”#लुक १७:३७
मानवा होपोन रेयाक् हिजुगोक्
(मा़र १३:२४-२७; लु २१:२५-२८)
29आर ओनाको दिन रेयाक् साताव तायोमगे सिञ चाँदो दोए ञुतोक्आ आर ञिंदा़ चाँदो दो बाय तेरदेजा, इपिलको दो सेरमा खोनको ञुरुक्आ, आर सेरमा रेयाक् दाड़ेको दो दालदालावक्आ।#जेसाया १३:१०; ३४:४; जेहेसकेल ३२:७; जोएल २:१०-३१; ३:१५; जोहान सोद ६:१२-१३ 30आर उनरे मानवा होपोन रेयाक् चिनहा़ सेरमारे ञेलोक्आ, धा़रतिरेन सानाम गुसटिरेनको दो कोड़ामको चेटागोक्आ, आर मानवा होपोन दो आ़डि दाड़े आर ठोनोकआनते सेरमा रिमिलकोते हिजुक्कानको ञेलेया।#दानिएल ७:१३; सेकारिया़ १२:१०-१४; जोहान सोद १:७ 31आर उनि दो आच्रेन दुतको साकवा रेयाक् आँट साडेयातेये कोलकोवा, आर ओनको दो पोनोन सेनाक् होय खोन, सेरमा रेयाक् मित्मुचा़त् खोन एटाक् मुचा़त् हा़बिच्, उनि रेन बाछावकोको आ़गु जारवाकोवा।
लोवा दारे खोन सिखा़उना
(मा़र १३:२८-३१; लु २१:२९-३३)
32लोवा दारे खोन फेनतेत् चेत्जोङपे, ओना रेयाक् डा़र बालेकाते ओनारे साकाम सागेन लेनरेपे बाडाया निरोन दिन दो सोर आकाना मेनते। 33ओनकागे आपे हों नोवाको जोतोपे ञेललेरे बाडायपे, उनि दोए सोर आकाना, हें दुवा़र ठेनगे। 34सा़रिगेञ मेतापेकाना, नोवाको जोतो आ़उरि होयोक् हा़बिच् नोवा पिड़हिरेनको दो ओहोगेको पारोम चाबालेना। 35सेरमा आर ओत दो चाबाक्आ, मेनखान इञाक् काथाको दो ओहो चाबालेना।
ओना दिन आर ओकते दो ओकोय हों बाको बाडाया
(मा़र १३:३२-३७; लु १७:२६-३०,३४-३६)
36मेनखान ओना दिन आर ओकते रेयाङ दो ओकोय हों बाको बाडाया, सेरमारेन दुतको हों बाङ आर होपोन हों बाङ, एकेन बाबा एसकारगेये बाडाया। 37आर चेत्लेका नोहा रेयाक् दिनकोरे होयलेन, ओनकागे मानवा होपोन रेयाक् सेटेरोक् हों होयोक्आ।#जेनेसिस ६:५-८ 38एनते चेत्लेका डुबा़दाक् लाहारे, नोहा जाहाजरे आ़उरिये बोलोक् हा़बिच्, होड़कोको जोम ञुयेत्कान आरको बा़हु जाँवाँयोक्कान ताहेंकाना, 39आर डुबा़दाक् हेच्काते ओनको आ़उरिये आ़तु इदिको हा़बिच्, बाको बाडायलाक्आ, ओनकागे मानवा होपोन रेयाक् सेटेरोक् हों होयोक्आ।#जेनेसिस ७:६-२४ 40उनरे बार होड़ गोडारेकिन ताहेना, मित् दोए बा़गि ओचोक्आ आर मित् दोए इदि ओचोक्आ, 41बारया मायजिउ जानतिकिन रिरित्आ, मित् दोए इदि ओचोक्आ आर मित् दोए बा़गि ओचोक्आ।
42ओनाते जागवार आकाय ताहेनपे, एनते बापे बाडाया ओका हिलोक् आपेरेन प्रोभुइ हिजुक्आ। 43मेनखान नोवा बाडायपे, ओड़ाक् किसा़ँड़े बाडाय लेखान ओका पोहोर कोमबड़ोय हिजुक्आ, एनडेखान जागवारतेये ताहेंकोक्आ आर आयाक् ओड़ाक् दो ओहोय कोमबड़ो ओचोलेया।#लुक १२:३९-४० 44ओना इया़ते आपे हों सापड़ाव आकान होड़ होयोक्पे, एनते बापे हुदिसेत् कान ओकतेरेगे मानवा होपोने हिजुक्आ।
पा़तिया़र आर बेपा़तिया़र गोलाम रेयाङ
(लु १२:४१-४८)
45“ओकोय कानाय एनडेखान उनि पा़तिया़र आर बुदान गोलाम दो, ओने ओकोय आच्रेन किसा़ँड़ दो गुति का़मड़िको ओकते माछारे जोमाक् एमाकोवा मेनते आच् घारोंजरेनको चेतानरेये दोहोकेदे? 46भा़गानगेयाय उनि गोलाम दो, ओने उनि किसा़ँड़तेत् ओनकायेत्काने हेच्ञामे। 47सा़रिगेञ मेतापेकाना, आयाक् जोतो मेनाक्तायाक्को चेतानरे एकतिया़रिये दोहोयेया। 48मेनखान उनि बा़ड़िच् गोलाम आयाक् मोनेरेये मेन लेखान, इञरेन किसा़ँड़ दोए बिला़मेदा, 49आर आच् साँवतेन गुतिको दादाले एहोब, आर बुलुक्को तुलुच्ए जोम ञु लेखान, 50एनडेखान उनि गोलामरेन किसा़ँड़े हिजुक्आ उनि बाय ञेल होरेत् दिनरे, आर बाय बाडायेत् घा़ड़िच्रे, 51आर उनि दो केटेच् सा़जा़इ एमकाते, आर फा़सिया़राको तुलुच् उनियाक् बाखराये निटताया, ओंडे दो राक्जोङ आर तोगोच् डाटा होयोक्आ।”
Actualmente seleccionado:
माथ 24: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025