माथ 15
15
आ़रिचा़लि बाबोतते जिसुवाक् सिखा़उना
(मा़र ७:१-२०)
1उनरे जेरुसालेम खोन आदोम फा़रिसिको आर सोसतोर बाडायको जिसु ठेन हेच्कातेको मेतादेया, 2“चेदाक् आमरेन चेलाको दो हापड़ामको खोन हेच्आ़गुवाक् आ़रिचा़लिको साँड़गोम एदा? एनते ओनको दो पिठा़ जोजोम जोखेच् ति बाको आ़बुकोक् काना।” 3जिसु दोए रोड़ रुवा़ड़ात्कोवा, “आपे हों आपेयाक् आ़रिचा़लिते इसोराक् हुकुम चेदाक्पे साँड़गोमेदा? 4इसोरमा एनतेये मेनआकात् ‘एङगाम आ़पुम गानावकिनमे, आर एङगात से आपात बा़ड़िच् मेमेनिच् दो गोच्ते हों गोजेमा।’#एकसोडस २०:१2; २१:१७; लेबितिकुस १९:३; २०:९; देउतरोनोमि ५:१६; २७:१६; का़हतुक २०:२०; २३:२२; ३०:१७; १ बिबोरोन ६:२ 5मेनखान आपेपे मेनेदा जाहाँय होड़ एङगात से आपाततेत्ए मेताय, ओकाटाक्ते इञ होतेतेम पोरहोकोक् ओना दो इसोर ठेन सामाङ आकाना, 6उनि दो एङगात से आपात बाय गानावेरे हों, चेत् हों बाङकाना। आपेयाक् आ़रिचा़लितेगे इसोराक् हुकुमपे आ़उड़ियाक् आकादा।” 7ए फा़सिया़राको, जेसाया दो आपे रेयाक् ठिकगेये ना़बिलेदा, एनकाथाय;
8“नोको होड़ दो लुटितेको गानावएदिञा,
मेनखान ओनकोवाक् मोन दो इञ खोन सा़ङगिञगेताकोवा।#जेसाया २९:१३
9आ़उडियाक्गेको सेवावा़ञ काना,
एनते मानवाकोवाक् आ़रिचा़लिकोगे भा़क्ला़इ रेयाक् सिखा़उना मेनतेको चेत्आकोकानते।”
भोंडोक् रेयाङ सिखा़उना
(मा़र ७:१४-२३)
10आदो गादेल होड़ होहो सोरकातेये मेतात्कोवा, आँजोमपे आर बुजहा़उजोङपे।
11“मोचा सेच्ते बोलोक् कानाक्ते दो होड़ बाय भोंडोक्आ, बिचकोम मोचा खोन ओडोकोक् कानाक्तेगे होड़ दोए भोंडोक्आ।” 12आदो चेलाको हेच्सोरकातेको मेतादेया, “बाडायाम, फा़रिसिको ओना काथा आँजोमकातेको ता़किच् एना मेनते?”
13मेनखान जिसु दोए रोड़ रुवा़ड़ात्कोवा, “सेरमारेन आ़पुञ बाय रोहोय आकात् मित्के मित् पोहा दो तोत् गिडिक्आ। 14इका़काकोपे, काँड़ाँकोरेन काँड़ाँ आ़युरको कानाको। काँड़ाँ दो काँड़ाँय आ़युरे खान बानारगे घाडलाक्रेकिन ञुरुक्आ।” 15आदो पातरासे मेतादेया, “नोवा फेन दो भोङआलेमे।” 16जिसु दो उनिये मेतादेया, “आपे हों बेबुजगे मेनाक्पेया? 17बापे बुजहा़वेदा, मोचा सेच्ते बोलोक् कानाक्को दो लाच्ते बोलोक्आ आर टा़ंडिते ओडोक गिडिक्आ मेनते? 18मेनखान मोचा खोन ओडोकोक् कानाक्को दो मोन खोन ओडोकोक्आ आर ओनातेगे होड़ दोए भोंडोक्आ। 19एनते मोन खोन ओडोक हिजुक्आ बा़ड़िच् हुदिस, खुन, लाटघाट, लोटघुटि, कोमबड़ो, एड़े गोहा, हेनोसता, 20नोवाकोगे होड़ भोभोंडाक् दो, मेनखान बिन आ़बुक तिते जोम दो होड़ बाय भोंडेया।”
कानानि मायजिउआक् बिसवा़स
(मा़र ७:२४-३०)
21आदो जिसु ओंडे खोन सेनकाते तुर आर सिदोन टोठाकोतेये सेन फाराक एना। 22आर ञेलपे कानानरेन मित्टेन मायजिउ ओना टोठा खोन ओडोककाते होहोवातेये मेनकेदा, “माँयाँवा़ञमे ए प्रोभु, दा़उदरेन होपोन; होपोनेराञ दो बा़ड़िच् जिउ ए सानताव एदेया आ़डि बा़ड़िच्गे।” 23मेनखान जिसु दो मित् काथा हों बाय रोड़ रुवा़ड़ादेया। आदो उनिरेन चेला हेच्सोरकाते नेहोंरातेको मेतादेया, “बिदा़कायमे, एनते आबो तायोम तायोमतेये होहो आ़गुयेदा।” 24जिसु दोए रोड़ रुवा़ड़ात्कोवा, “इसराएल घारोंजरे आत् भिडिको छाडा आर ओकोय ठेन हों बा़ञ कोल ओचोआकाना।” 25मेनखान उनि मायजिउ दो सोरेनतेये डोबोक् आदेया, आरे मेतादेया, “गोड़ोंवा़ञमे प्रोभु।” 26जिसुइ रोड़ रुवा़ड़केदा, “गिदरा़कोवाक् पिठा़ हातावकाते सेताको लेबदावाको दो बाङ लेकआ।” 27उनि मायजिउ दोए मेनकेदा, “हें मा हेंगे प्रोभु सेताको हों चोङ आकोरेन किसा़ँड़ाक् मेज खोन हिरिच् पा़सिराक् गाँडागुन्डा़ दोको जोमेत् कान।” 28आदो जिसुइ रोड़ रुवा़ड़केदा, “ए मायजिउ, माराङगेया आमाक् बिसवा़स दो आमेम मेनेत् लेका बाड़े होयोक्ताममा।” आर इना़ घा़ड़िच् खोनगे होपोनेरात दोए बोगेयेना।
जिसु आयमा होड़े बोगेयेत्को
29आर जिसु ओंडे खोन ओडोककाते गा़लिल दोरयाँव आड़ेतेये हेच् एना, आर बुरुरे देच्काते ओंडेये दुड़ुप् एना। 30आर आ़डि गादेल होड़ उनि ठेनको हेच्एना, लेडहाको, ठुनटा़को, काँड़ाँको, गुङगा़को आर ढेर एटाक्कोको आ़गु दाराकेत्कोते उनियाक् जाङगा ठेनको दोहोकेत्कोवा, आर ओनकोय बोगेकेत्कोवा। 31ओनाते गादेल होड़को हाहाड़ायेना, गुङगा़को रोरोड़कान, ठुनटा़को बोगेक्कान, लेडहाको ताक्ड़ामकान, आर काँड़ाँको ञेञेलकानको ञेलकेत्कोते, आर इसराएलरेन इसोरको सारहावकेदेया।
पोन हाजार होड़े जोम ओचोयेत्को
(मा़र ८:१-१०)
32आदो जिसु आच्रेन चेलाको होहो सोरकातेये मेतात्कोवा, “नोको गादेल होड़कोरेञ माँयाँक् काना, एनते नितोक् दो पे माँहाँ खोन इञ ठेन मेनाक्कोवा आर जोमाक् दो चेत् हों बा़नुक्ताकोवा, आर उपा़सते बिदा़काको दो बाङ सानाञ काना, बाङ खान पासेच् होररेको लोराव बोतेच्कोक्।” 33आदो चेलाको मेतादेया, “ओका खोन आबो दो हाहाङकाररे नुना़क् पिठा़बोन ञामा नुना़क् होड़ बि ओचोको ला़गित् दो?” 34जिसुइ मेतात्कोवा,“तिना़क् पिठा़ मेनाक्तापेया?” मेनकेदाको “एयाय गोटेच्, आर थोड़ा थुड़ि का़टिच् हाको।” 35खानगे गादेल होड़ ओतरे दुड़ुप् ए हुकुमात्कोवा, 36आर ओना एयाय पिठा़ आर हाको आताङकेत्ते, गुन मानाव जोहारकातेये केचाक्केदा, आर चेलाकोय एमात्कोवा, आर चेलाको दो गादेल होड़को एमात्कोवा। 37आर सानामकोको जोमकेदा आरको बियेना आर केचाक्आक्को रेयाक् सारेच्आक् एयाय खा़चला़क् पेरेच्को हालाङकेदा। 38आर जोजोमको दो पोन हाजार हेरेल होपोनको ताहेंकाना गिदरा़ आर मायजिउ छाडा। 39आदो ओनको गादेल होड़ बिदा़काते ला़उका़रेये देच्एना आर मागादान टोठातेये हेच् एना।
Actualmente seleccionado:
माथ 15: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025