མེ་ཐིའུ 9

ཡེ་ཤུ་གིས་གཟུགས་ཞར་མི་དྲགཔ་མཛད་པའི་སྐོར།

(མཱརཀ 2:1-12; ལུཀ 5:17-26)

1ཆ་ཡེ་གྲུ་ནང་ཡེ་ཤུ་འཛུལ་ཇི་ མཚོ་བརྒལ་ ཕ་ཁར་ཐོན་ཏེ་གསུངས་ཇི་ན། ཁྱི་ར་གི་གྲོང་ཁེར་ནང་ན་ན་ངོ་ ཕེབས་ན། 2ཆོད་ནས་ཆེ་ན་ མི་དང་ས་ང་། པ་ལང་ཇེ་དོ་ དོ་མི་གཟུགས་ཞར་མི་ཐེ་ གང་པོ་དང་ས་ང་ བུའི་ཆུད་ཇི་འོན་ན། ཆོད་ནས་ཁྱི་ སྐུ་མདུན་ན་ བག་ཇི་འོངས་ན། ཆོད་ནས་ཁྱི་བོ་དོ་ ཞི་བོ་བུ་ནང་ནས་ དད་པ་སྐྱེ་གཟིགས་ཇི་ན་ཁན། ཡེ་ཤུ་གྱིས་གཟའ་ཟེ་ཁན་ཆེ་ན། བུཚ་ཡོད་ར་ སྙིང་སྟོབས་ཁྱི་ཇི་ ཆོད་ནས ཡོད་ར་གི་ སྡིག་པ་ཡེ་ར་ནས་ འདག་པ་བུ་ཇི་གསུངས་ན།

3ཆོད་ནས་ བཀའ་ཁྲིམས་ཀྱི་སློབ་དཔོན་གཏན་མི་ཐེ་གི་ ཨ་སོར་མི་ཆ་ཡི་དཀོན་མཆོག་ན་དད་པ་སྨདཔ་ཨིན་མས་ཟེར་ བོ་ར་ཐེ་གི་ཐེ་ནང་སླབ་ཏ་ཡོན་ད།

4ཆོད་ནས་ ཞི་བོ་བུ་ནང་ནས་ ཁྱི་གི་མོན་ཡེ་ཁན་ཆ་ཡེ་ ཡེ་ཤུ་གི་མཁེན་ཞི་ན། ཆོད་ནས་ཁྱི་དོ་ ཁྱི་གི་སེམས་ངན་པ་ ཞི་བུ་ཇི་དེ་ དགོ་སི་བུ་ཇི་ན། 5ཁྱི་ར་གི་ སྡིག་པ་འདག་ཇི་ན་ བུ་ཇི་སླབས་དགྲ་གམ་ བུ་ཇི་ན་ ཡང་ན་ཡར་ལོང་ཇི་ཡམ་འགྱོ་ཟེར་སླབ་ནི་ ཇོན་ནས་ག་འདི་འཇམ་སྨོ། 6འོ་སར་བུ་མ་དཝ་ མིའི་བུ་ འཇིག་རྟེན་ནང་སྡིག་པ་ཆ་ཡི་བཀའ་དྲིན་ཆང་མེ་ལ་དབང་ཚད་ན་ཟེར་ ཡོད་བརན་དགོ་བུ་ཇི་གསུངས་ན་ ཆོད་ནས་ གཟུགས་བླེ་ཁན་ཆར་ཇི་ ཁ་ཡང་ང་ཡི་ ཡོད་ར་གི་ཙར་ཇིང་ཏུམ་ཁོ་ལེ་བུ་ཇི་ ཡེ་ར་མ་ཡི་དོ་ག་ལེ་བུ་ཇི་གསུངས་ན།

7ཆོད་ནས་ མི་ཆར་ཇི་ ཡང་ཇི་ལས་ ཁྱི་ར་གི་ མ་ཡེ་དོ་ ལོགས་ཞི་ ག་ཡེ་ན། 8མི་དམངས་ཀྱི་མཐོང་ས་རོ་ འོ་སར་ཅོག་སར་ ཁྱི་ཧ་ལས་ཏི་ དཀོན་མཆོག་གི་མི་ན་ འོ་སར་ཅོག་སར་དབང་ཆད་གནང་ན་བུ་ཇི་ བསྟོད་པ་ཕུལ་ན།

ཡེ་ཤུ་གིས་ མེ་ཐིའུ་ལུ་འབོ་པའི་སྐོར་ཇི།

(མཱརཀ 2:13-17; ལུཀ 5:27-32)

9ཆོད་ནས་ ཡེ་ཤུ་གི་ འབྱོནམ་དཝ་ མེ་ཐིའུ་བུ་ཁན་ཆར་ཇི་ ཁྲལ་བསྡུ་ཁན་ས་གོ་ནང་སྡོདཔ་བུ་ཇི་ ཁྱི་གི་ང་ཡེ་བྱུ་འོ་ཅིག་ ཨ་ཡེ་བུ་ཇི་ བཀའ་གནང་ན་ མེ་ཐུ་ཁ་ཡང་ཇི་ ཁྱི་བྱུ་ཉོག་ཅི་ ག་ཡེ་ན།

10ཆོད་ནས་ ཡེ་ཤུ་ཁྱི་གི་སློབ་མ་དང་ཇུ་ཉོག་ཅི་ མེ་ཐིའུ་གི་མ་ཡི་ནང་ཚོགས་བཟུ་མེ་ལ་བཞུགས་ཁན་ ཁྲལ་བསྡུ་ཁན་དང་མི་སྡིག་ཅན་ལེ་ཤ་ཅིག་འོངས་ཏེ་ ཁྱི་ཆ་ཁྱབ་དང་ཐེ་ཁར་ཟ་ནུག། 11ཆོད་ནས་ ཕ་རུ་ཤི་པ་ ཆི་ཁན་ཆ་ཡེ་ ཆ་ཡེ་ཅོག་སར་མཐོང་ཞི་ ཁྱི་སློབ་མ་ཆུ་ན་ཡེད་གྱི་སློབ་དཔོན་ལ་ ཡེད་ཁྲལ་བསྡུ་ཁན་ནས་ སྡིག་ཅན་དང་ས་ང་ གསོལཝ་བཞེས་དགོ་ཁན་ཆ་ཡེ་ ཞི་བོ་བུ་ཇི་ ཞུ་ན།

12ཡེ་ཤུ་གི་ལོ་རྒྱུས་འདི་སྙན་གསནམ་ད་དང་གསུངས་ན་ བོད་ན་ཁན་ཆ་ཡེ་ན་ ནང་པ་མུ་ལེ་ ཆ་ཡི་ མེད་ན་མི་དགོ་ བུ་ཇི་ནད་པ་ཆ་ཡི་གི་དོན་ན་ཡོན་ད། 13འོ་སར་ཅོག་སར་བུ་ཇི་ ཨ་ཡེ་ཡོན་སང་ ཁྱི་ར་གི་ ག་ཡེ་མ་དོག། ང་ཡེ་སྙིང་ཇེ་ ཆ་ཡེ་ཐུགས་ན་མཁྱེན། མཆོད་པ་ལུ་ ཐུགས་མི་བུ་ཇི་ན་ ཆོད་ནས་ཁྱི་ ཨ་ཡེ་ཡོན་སང་ ཆ་ཡེ་ན་ལྷབ། ཞི་བོ་བུ་ནང་ནས་ ཆོ ས་སེམས་ཅན་ཆ་ཡེ་དོན་ན་ ང་མ་ར་བུ་ཇི་ན། སྡིག་ཅན་དོན་ན་ སྐྱེད་ནི་གི་ འོངས་ཡེ་ཟེར་ གསུངས་ཇི་ན།

སྨྱུག་སྙས་གསུང་པའི་འདྲི་བ།

(མཱརཀ 2:18-22; ལུཀ 5:33-39)

14ཆོད་ནས་ ཡོ་ཧ་ནཱན་གྱི་སློབ་མ་ཚུ་གི་ ཡེ་ཤུ་བཞུགས་སར་བཅར་མེ་ལ་ཡེ་ཤུ་ལུ་ ནེད་ར་ནེ་ཕ་རུ་ཤི་པ་ཚུ་སྨྱུང་གནས་སྲུངམ་ད་ ཆོར་བུ་མ་དཝ་ ཆོང་ཡི་སློབ་མ་ཚུ་སྨྱུང་གནས་མི་སྲུངམ་ད་ བོད་ཨ་ཏོ་ཡོན་ནམ་བུ་ཇི་ ཞུ་ད།

15ཡེ་ཤུ་གིས་ཆར་ཇི་ལན་ན་ གཉེན་གྱི་རྟེན་འབྲེལ་བརྩིས་ཇི་ དགའ་སྤྲོ་འགྱུར་བའི་བསྒང་ན་ རྨག་པ་གི་མགྱོནམ་ད་ས་ང་ སེམས་སྐྱོ་ཇི་ཉི་ས་ར་ ཉིནམ་ཐེ་གི་ཆེ་རྨག་པ་ཡང་ བོད་ཡང་ཁ་བེར་བྱི་ དུས་གཅིག་རྗོང་ར་ ཆོད་ནས་བོད་སྨུག་གནས་བསྲུང་ར།

16ཆོད་ནས་ ཨ་ཡེ་ཡོན་སང་ བློག་པ་མེན་པ་ཟེ་དོ་ ཁྲ་མེ་གསར་པ་མི་བཏབ། ཞི་བོ་བུ་ནང་ནས་ ཁྲ་མེ་གསར་པ་ཆེ་ཇི་ བློག་པ་མན་པའི་ ཆ་ཡེ་དབང་ཕྱིག་པ་ཆོང་ དགོ་ས་ཐེར་བུ་ཇི་ན། 17ཆོད་ནས་བོ་ཡེ་ ཆུར་མ་གསར་པ་ནང་ པག་པ་རྐྱལ་ཅུང་མན་པའི་ ན་ངོ་མི་ཡོ། བུ་ཡེ་ ཆུ་མ་ཆ་ཡེ་ རྐྱལ་ཅུང་ཡང་དཀྲུམ། ཆུར་མ་ཡང་ ཁྲོག་སི་ཙམ་བུ་ཇི་ན། ཆོད་ནས་རྐྱལ་ཅུང་ཡང་ དཀྲུམ་གུན་ཆང་ཆེ་ཡེ་ གསར་པ་ཆེ་ རྐྱལ་ཅུང་ གསར་པ་ན་ངོ་ ཡོ་ཧ་ནན་ནས་ ཆུར་མ་ ག་དེ་ཆ་ཡེ་ བུ་ཇི་ ཉེ་ར་བུ་ཇི་གསུངས་ཇི་ན།

ཡེ་ཤུ་གིས་བུམོ་ཐེ་ལུ་ ཤི་ས་ནས་གསོན་པོ་སྦེ་ལྷོང་གནང་དང་ཨམ་སྲུ་ནག་པ་དྲགཔ་ཇེ་བའི་སྐོར།

(མཱརཀ 5:21-43; ལུཀ 8:40-56)

18ཡེ་ཤུ་གི་འོ་སོར་གསུངས་པའི་སྐབས་ན་ སི་ན་གོག་གི་དབུ་མཛད་ཐེ་ར་ཇི་ ཁྱི་སྐུ་མདུན་ན་ཕྱག་འཚལ་བུ་ཇི་ ང་ཡི་བུམོ་ད་ར་ཤི་ས་ཡོན་ ཆ་ཡི་བུ་མ་དཝ་ ཆ་ཡི་བྱོན་བྱི་ མོ་གི་གུ་ཕྱག་བཀུལ་གནང་ནས་ མོ་ལོག་ཇི་ གསོན་པོ་སྦེ་ཉེ་ར་བུ་ཛི་ ཞུ་ན།

19ཆོད་ནས་ཡེ་ཤུ་ཡང་ཁར་བཞེངས་ ཁྱི་བྱི་ནོ་ཅིག་ འབྱོན་པའི་སྐབས བོད་སློབ་མ་ཡང་ བུ་ཡེ་བྱུ་ཉོག་ཅི་ ག་ཡེ་ན།

20བོད་ཨམ་མའི་ ཐེ་གི་ཁྱི་ར་གི་ གཟུགས་ནས་བཀག་བྱག་སི ཉེན་ཆིང་ཀུ་ཚུན་མ་དྲག་པར། མེ་ ཨ་ཡེ་ཅིག་ཡང་ ཡེ་ཤུ་གི་ སྐུ་གྱབ་ནས་ག་ཡེ་ཇི་ ཁྱི་ར་གི་ན་བཟའ་མཐའམ་ཆ་ཡེ་ ཁྱི་དོ་ནང་ནས། 21མོ་གིས་ཁྱི་ར་སེམས་ན་ ང་ཡི་ཡེ་ཤུ་གི་ན་བཟའ་ངོད་པ་རོ་ བྱོང་ཆུ་ནང་ནས་ ང་དྲག་བུ་ཇི་ཡི་ན།

22ཆོད་ནས་ཡེ་ཤུ་ཀ་ཡི་གིར་མ་ད་དགོ་ ཁྱིད་ལུ་གཟིགས་ཏེ་ ཡེ་ཤུ་གི་ཁྱི་དོ་ བུམོ་ཡོད་སེམས་མ་ཕམ་ཡོད་རེ་ ཡེ་ར་གི་དད་པ་གི་ཡོད་ར་ནང་ དྲག་པ་བུ་ཇི་གསུངས་མ་དཝ་ ཨམ་སྲུ་དེ་དྲག་ཇི་ག་ཡི་ན།

23ཡེ་ཤུ་དབུ་མཛད་ཀྱི་མ་ཡི་སྒོ་ན་འབྱོན་མ་དཝ་ ཇེང་བོད་མྱ་ངན་བུ་ཁན་ཆ་ཡི་ ཁྱི་མི་དམངས་ནང་འུར་འཐབ་ཉི་ས་རོ་གཟིགས་ན། 24ཡེ་ཤུ་གི་བོ་དོ་ ད་ས་ང་འོ་སོན་ཐུར་ག་ལེ་ བུམོ་ཆ་ཡི་མ་ཤི་ བོད་མི་ཁོམ་ཇི་ ཉི་ན་བུ་ཇི་ བོད་དགོད་བྲ་བགའ་ཇི་ཉེ་ན། 25མི་ད་ས་ང་ ཆ་ཡི་ནི་ཆོང་རྐྱ་བའི་ཤུལ་ན་ དཀོན་མཆོག་ན་ངོ་བྱོན་བྱི་ བུམོ་ཆར་ཇི་ཡག་ན་ རྗོང་ཇི་ བུམོ་ཆ་ཡི་ཁ་དོག་ཡང་ན། 26ཆོད་ནས་ཨ་ཆ་ཡི་ ལོ་རྒྱུས་ཆར་ཇི་སྐོར་ནས་ ལུང་ཕྱོགས་ཆེ་ན་ ས་ཆ་ད་ས་ང་ནང་ ཁྱབ་ཇི་ག་ཡི་ན།

ཡེ་ཤུ་གིས་མི་ཞརཝ་ཇོན་དྲག་ཛི་ནག་ད།

27ཆོད་ནས་ཡེ་ཤུ་ཆ་ཡི་ནི་བྱོན་པའི་ཤུལ་ནས་ མིག་ཞརཝ་ཇོན་ཁྱི་ཇུ་ཉོག་ཆི་ དབའི་ ད་བིད་ཀྱི་བུ་ཆ་ཆ་ཡི་ངེ་དོ་སྙིང་ཇེ་གཟིགས་ག་ཡི་ཟེར་སྐད་བུ་ཇི་ ཞུ་ན།

28ཆོད་ནས་ཁྱི་ མ་ཡེ་ན་ངོ་ ཕེམས་མ་དོག་ ཞུ་ཉོག་ཅི། ཞརཝ་ཇོན་ཆ་ཡང་ བྱི་ནག་ས་རོ་ ཆག་ན་ ཆོད་ནས་ཡེ་ཤུ་གི་ང་ཡེ་ དད་པ་ཆ་ཡེ་ཡོད་དོ་ ང་ཡེ་བུ་ཇི་ གསུངསམ་དོག་ ཁྱི་གི་ཡེ་ཤུ་ན་ དད་པ་ན་བུ་ཇི་ཞུས་ད་ བོའི་ ཡོན་ལགས་གཙོ་བོ་བུ་ཇི་ཞུ་ན།

29ཆོད་ནས་ ཡེ་ཤུ་གི་ཁྱི་གི་མིག་བཛེ་དོ་ཕྱག་སྐྱེལ་སྦེ་ ཁྱི་དད་པ་བསྐྱེད་མ་ལ་ཆར་ཇི་ ཁྱིད་མིག་གི་མཐོང་བཅུག་ན་ གསུང་མ་ཆ་ཡི། 30ཁྱི་གི་ཟོན་གྱི མིག་ཡང་ གསོལ་ཏོག་ཏོ་ འགྱུར་ཅི་ན། ཆོད་ནས་ ཡེ་ཤུ་གི་ དོན་ཆེ་ན་ ཁྱི་གི་བོད་ཨ་ཡེ་ དོ་ཡང་ཆེ་ཅི་ སྐོར་ནས་ མ་སླབ་པའི་ བཀའ་དམ་དམ་བུ་ཇི་གནང་ན།

31ཆོད་ནས་བོད་ཇོན་ ཡེ་ཤུ་གི་གཏམ་སྙན་ ད་ཕོད་དེ་ ལུང་ཕྱོགས་ད་ས་ང་ནང་ ད་ཡོན་ན།

ཁ་སླབ་མ་བཅུག་ཁན་ཆ་ཡི་ ཁ་སླབ་བཅུག་མེ་ལ་ཁེར་ན།

32བོད་ཇོན་པང་ངོ་ག་ཡི་ཇད་མ་ཏ་དགོ་ བོད་མི་གཞན་མི་ཐེ་གི་ འདྲེ་འཛུལ་ཁན་ཆ་ཡི་ ཁ་སླབ་མ་ཆུགས་ཁན་ཐེ་ ཡེ་ཤུ་གི་སྐུ་མདུན་ན་ན་ཡི་ཇི་འོརད་ན། 33ཆོད་ནས་གནོད་པ་ བདུད་ཆར་ཇི་ ཕྱི་བཏོན་གཏང་པའི་ཚེ་ ཁ་སླབ་མ་བཅུག་ཁན་ཆ་ཡི་ ཁ་སླབ་ན། ཆོད་ནས་མི་ད་ས་ང་ ཁྱི་དོ་ བལྟ་ཇི་ཡ་མཆན་ ཆི་དི་ན་ ཨཱིས་ར་ཡལ་ནང་ན་ ཆ་ཡེ་ཅོག་སར་ བུར་ཁན་ ཨ་ཡ་བུད་མུ་ཇི་ གསུངས་ཇི་ན།

34ཆོད་ནས་ཨ་ཡེ་ཡོན་སང་ ཕ་རུ་ཤི་པ་ཆུ་གྱིས་ཡང་ ཁྱི་འདྲེ་གདོན་གྱི་རྒྱལ་སྲས་དབང་གི་ཐོག་ནས་བུ་ཇི་ འདྲེ་ཆོང་ཆང་མ་ད་དགོ་ ཡོན་ད་བུ་ཇི་སླབ་ན།

ལས་མི་ཉུང་བ་དེ་མ་ཏོ་མུ་ཏ།

35ཆོད་ནས་ཡེ་ཤུ་གི་ ཁྲོམ་དང་ རྐོང་ད་ས་ང་ ན་ངོ་ཁྱི་འབྱིན་ཇི་ སི་ན་གོག་ཆུ་ནང་ ཆོས་ནང་ཇི་ནག་ད་ རྒྱལ་སྲིད་སྐོར་ནས་ འཕྲིན་བཟང་ཆ་ཡེ་ ཤེལ་བུ་ཇི་ན། མི་དང་ཕུ་དེ་ ལོང་ཇེ་ཁྱི་ ནད་པ་ན་ཆ་ཁན་ དང་ས་ང་ནང་ནི་ དྲག་ཇི་ གནང་བུ་ཇི་ན། 36ཡེ་ཤུ་གི་མི་དམངས་ནང་ གཟིགས་མ་ད་དགོ་ ཁྱི་གི་ཐུགས་ཁར་སྙིང་རྫེ་གནམ་མེད་ས་མེད་ ར་ན་ ཞི་བོ་བུ་ནང་ནས་ མི་ད་ས་ང་ལུང་རྫི་མུ་ལེ་ལུག་ཅོག་སར་ ཨ་ཇི་ཡང་གྲོགས་རམ་བུ་དོ་ དར་ན། 37ཆོད་ནས་ཡེ་ཤུ་གི་ཁྱི་ར་གི་སློབ་མ་ན་ ལེང་ན་ངོ་ལོ་ཐོག་གནམ་མེད་ས་མེད་ལེ་ན་ ཆོར་བུ་མ་དཝ་ ལས་མི་འདི་ཉུང་བ་ཏེ་མ་ཏོ་ མུ་ཏ། 38ཆོར་བུ་མ་ཏ་དགོ་ ལོ་ཐོག་གི་སྦྱིན་ད་ཆ་ཡི་ན་ ལས་མི་ལེ་ཤ་བླེག་ཡི་བུ་ཇི་ སྨོན་ལམ་ཞུ་ཡི།

Actualmente seleccionado:

མེ་ཐིའུ 9: NBT

Destacar

Copiar