मत्ती 6
6
दान बिन्नान्न भारेः लम्पा
(लुक ११:२-४)
1“होसखेखे छ्योवा, ङेन सिमिकाङ्मोः थन्चेन भिह्तु केवान धोन नख्या। तेमन्ता स्वर्गः ङिह्पान ङेनकोन पा लम ङेनजै इनाम तये देन्नान मह्या।” 2“अन्नकारन जब ङेन दान बिङ्ङ, तब जेँन ङू भुकुर नभुरा कताःम ख्वाकिबावजै आराधनालयव रे लमवग सिमिवलम प्रसङ्सा देच्चेन भिह्तु खेँ। तेम्माई ङा ङेनकाङ्मोः र्वाचे, ख्युई जेँन इनाम देत्तपा ङ्याह्। 3जेङ्नै जब ना दान बिङ्ङ, नान लाह् याईपाई तै खेपाई ङ्याह् अन लाह् योम्माः क्युई नराःयो। 4नान दान फाक राःयो, रे फाक रङ्नान्न नान पाई नाः इनाम बिन्नान ङ्याह्।”
सोअतापन भारेः लम्पा
(लुक ११:२-४)
5“जब ना सोअताप्ङ तब ख्वाकिबाव लैम नह्रा, तैङर्वाङिन ख्यु आराधनालयवग रे लमवन कोप्चाः सिमिवजै रँयो र्वार्वा च्याङ्च्याङ् सोअताप्मः स्याँ। तेम्माई ङा ङेनकाङ्मोः र्वाचे, ख्युई जेँन इनाम देत्तपा ङ्याह्।”#लुक १८:१०-१४ 6“जेङ्नै ना जब सोअताप्ङ, जेँन झिङन कोथाः जाः, रे झला थाथा फाक छ्युङ्नान्न स्वर्गन परमेस्वर पाः सोअताबा, रे फाक छ्युङ्नान्न नान पाई नाः इनाम बिन्नान ङ्याह्।” 7रे सोअताप्तौ यहूदीन खोलोःन सिमिव लैम भाछ्योवाग प्यारप्यार नख्या। तैङर्वाङिन छि लैःग ल्होई र्वाङिन अन ङ्यान्नान र्वानान ख्यु छूँ। 8अन्नकारन ख्युलैम नह्रा। तैङर्वाङिन ङेनजै नुन ङ्याबो तोल्चेन खेरे ङूह्ई ङेनकाङ्मोः ल्होई तैन कोम्म रह्पा ङ्याह्, अन ङेनकोन स्वर्गः ङिह्पान परमेस्वर पाः क्युई ङिह्पा। 9जेङ्नै ङेनचन झामखेखे सोअताबा:
“हे ङिन पा, सु स्वर्गः ङिह्पा, नान मिह्न पबित्र ङ्यानाःयो।#लुक १२:२ 10नान राज्य स्वाःयो। नान इच्छ्या स्वर्गः कताःम ङ्याह्। मन लैमै अन पिर्थीबी पुरा राःयो। 11ङी त्या ङिन बात्तैन ङ्योप्पा क। 12ङी खेपान तीपाव माफ ख्या, कुजुई ङी र्वार्वा ङिन बिरोधग तीपा खेनानकाङ्मोः माफ खेपा ङिह्पा। 13ङी छोए सेन्चेग थेप नफाना, अलःलै फा तैङर्वाङिन राज्य, पराक्रम रे महिमा एकुरोभरि नानै जेङ्पा, आमेन।” 14तैङर्वाङिन ङेनजै सिमिवन तीपा माफ खेङिन ङेनकोन स्वर्गः ङिह्पान परमेस्वर पाई र्वार्वा ङेनकाङ्मोः माफ खेनान ङ्याह्।#मर्क ११:२५-२६ 15जेङ्नै ङेनजै सिमिवन तीपा माफ मखेङिन ङेनकोन स्वर्गः ङिह्पान परमेस्वर पाई र्वार्वा ङेन तीपा माफ खेनान मह्या।
बर्तन भारेः लम्पा
16“जब ङेन बर्त छयूँ, तब ख्वाकिबाव लैम नाह्छुपछुप ध्वा नथना। तैङर्वाङिन सिमिकाङ्मोः बर्त छ्युङ्पा थन्चेन भिह्तु ख्यु जेँन ध्वा नाःतुमा धोँ। तेम्माई, ङा ङेनकाङ्मोः र्वाचे, ख्युई जेँन पुरस्कार देत्तपा ङ्याह्। 17ना चन बर्त छ्युङ्तौ एकुरोलैम जेँन थोप्पाः छि दुद्दुई जेँन खालाः थुथु छ्योवा। 18रे नान बर्त सिमिवजै नङ्पा, जेङ्नै फाक ङिह्पान नान पाई रँयो, रे फाक ङिह्पान नान पाई नाः इनाम बिन्नान ङ्याह्।”
स्वर्गन क्यु
(लुक १२:३३-३४; १६:१३)
19“जेँन भिह्तु पिर्थीबी क्यु नसाः, स्यीह् साःपान क्यु ता भु रे घत्याःजै मन मीपा दोङ्नान रे खुम्मपावजै यिम तिलतिल मन खुनान।#याक ५:२-३ 20जेङ्नै जेँन भिह्तु स्वार्गः क्यु सा, खाः भुई या घत्याःजै मीपा मदोङ्नान, रे खुम्पाई र्वार्वा यिम तिलतिल मखुनान। 21तैङर्वाङिन खाः नान क्यु राह्नान, स्याह्ई नान सम यङ राह्नान।”
ल्होन ताह्म
(लुक ११:३४-३६)
22मी ल्होन लज्युङ जेङ्पा। अन्नकारन यदि नान मी खामसाङ्म ङिङिन, नान ल्हो पुरू साल्म राह्नान ङ्याह्। 23जेङ्नै यदि नान मी अलः ङिङिन, नान ल्हो पुरू नाःतुमा राह्नान ङ्याह्। अन्नकारन नान समग रह्पान साल्म चन नाःतुमा राङिन, अन नाःतुमा हाति ह्याल्म नाःतुमा र्हदरा!
परमेस्वर रे क्यु
(लुक १६:१३; १२:२२-३१)
24सुई यङ मालिक ङेह्न सेवा खे मतैनान। तैङर्वाङिन नुई तीपाः मस्याङ्नान ङ्याह् रे घङग मया खेनान ङ्याह्। आथबा नुई तीपाः भक्ति नान्नान ङ्याह्, रे घङग नुई फानै मत्वानान र्वार्वा छुनान ङ्याह्। ङेनजै परमेस्वर रे क्युन सेवा खे मतैनान।
25अन्नैकारन ङा ङेनकाङ्मोः र्वाचे, “तै झाचे, तै थुङ्चे र्वार्वा जेँन परान्न भिह्तु रे तै गोन्चे र्वार्वा जेँन ल्होन भिह्तु छरा नख्या।” तै झायाप खेरे जिन्दगी किम रे घोलाङ खेरे ल्हो किम नङ्पा तै? 26पान्नाङ्न युजू सेह्ना। ख्युई न ता र्यु पह्ङ्ङ, न साह्ई गम्ङ, न स्योह्बुङ्ग साःङ, जेङ्नै ङेनकोन स्वर्गन पाई ख्युकाङ्मोः झाफाङ्ङ। तै ङेन ख्युन खेरे मकेकुकेन कुम्म मिपा तै? 27ङेनकोन बर्ग कन चनजै छरा खेखे जेँन छ ङाईदी यङ र्याङ्म दोङ तैनौ? 28“आलै घोलाङन भिह्तु ङेन तैङ छरा खेनान? क्वान लिलि मिन्नोवाग सेह्ना। मन कुजुई छार्ङ। नुई न तूरि खेँ, न ता घोलाङ ब्योङ। 29जेङ्नै ङा ङेनकाङ्मोः र्वाचे, सोलोमन झली यङ जेँन बैभब पुरूग ख्युन बर्ग तीपान झोर यङ छ्याईपा मह्या। 30त्या ङिह्पा रे नाप्चे मेह्कोअन मेह्ग पन्नान्न सी परमेस्वरजै झामखेखे थङ्ङ र्वाङिन, ए ङाईदिन बिस्वासी हो, तै ङेनकाङ्मोः हेँ ह्याल्म नुई थन्नान मह्या तै?” 31अन्नकारन “तै झाचे? कि तै थुङ्चे? कि तै गोन्चे? र्वार्वा छरा नख्या।” 32तैङर्वाङिन यहूदीन खोलोःन सिमिवजै अन तैस्याङ पुरू फाङ्ङ, रे ङेनकोन स्वर्गः ङिह्पान पाई ङेनकाङ्मोः अन तैस्याङ पुरू त्वाङ र्वार्वा क्युई ङिह्पा।#लुक १२:३१ 33जेङ्नै ङू परमेस्वरन राज्य रे परमेस्वरन इच्छ्या फाच्चे ख्या, रे अन तैस्याङ पुरू ङेनकोन भिह्तु पोह्न राह्नान ङ्याह्। 34अन्नकारन नाप्चेन भिह्तु छरा नख्या, तैङर्वाङिन नाप्चेन लाह्जै जेँन छरा जेँजै खेनान ङ्याह्। त्यान तूरि त्यान भिह्तु हाति र्वार्वा ङ्याह्।
Actualmente seleccionado:
मत्ती 6: NTKST25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Kaike Language © The Word for the World International and Kaike Translation Project, Nepal, 2025
मत्ती 6
6
दान बिन्नान्न भारेः लम्पा
(लुक ११:२-४)
1“होसखेखे छ्योवा, ङेन सिमिकाङ्मोः थन्चेन भिह्तु केवान धोन नख्या। तेमन्ता स्वर्गः ङिह्पान ङेनकोन पा लम ङेनजै इनाम तये देन्नान मह्या।” 2“अन्नकारन जब ङेन दान बिङ्ङ, तब जेँन ङू भुकुर नभुरा कताःम ख्वाकिबावजै आराधनालयव रे लमवग सिमिवलम प्रसङ्सा देच्चेन भिह्तु खेँ। तेम्माई ङा ङेनकाङ्मोः र्वाचे, ख्युई जेँन इनाम देत्तपा ङ्याह्। 3जेङ्नै जब ना दान बिङ्ङ, नान लाह् याईपाई तै खेपाई ङ्याह् अन लाह् योम्माः क्युई नराःयो। 4नान दान फाक राःयो, रे फाक रङ्नान्न नान पाई नाः इनाम बिन्नान ङ्याह्।”
सोअतापन भारेः लम्पा
(लुक ११:२-४)
5“जब ना सोअताप्ङ तब ख्वाकिबाव लैम नह्रा, तैङर्वाङिन ख्यु आराधनालयवग रे लमवन कोप्चाः सिमिवजै रँयो र्वार्वा च्याङ्च्याङ् सोअताप्मः स्याँ। तेम्माई ङा ङेनकाङ्मोः र्वाचे, ख्युई जेँन इनाम देत्तपा ङ्याह्।”#लुक १८:१०-१४ 6“जेङ्नै ना जब सोअताप्ङ, जेँन झिङन कोथाः जाः, रे झला थाथा फाक छ्युङ्नान्न स्वर्गन परमेस्वर पाः सोअताबा, रे फाक छ्युङ्नान्न नान पाई नाः इनाम बिन्नान ङ्याह्।” 7रे सोअताप्तौ यहूदीन खोलोःन सिमिव लैम भाछ्योवाग प्यारप्यार नख्या। तैङर्वाङिन छि लैःग ल्होई र्वाङिन अन ङ्यान्नान र्वानान ख्यु छूँ। 8अन्नकारन ख्युलैम नह्रा। तैङर्वाङिन ङेनजै नुन ङ्याबो तोल्चेन खेरे ङूह्ई ङेनकाङ्मोः ल्होई तैन कोम्म रह्पा ङ्याह्, अन ङेनकोन स्वर्गः ङिह्पान परमेस्वर पाः क्युई ङिह्पा। 9जेङ्नै ङेनचन झामखेखे सोअताबा:
“हे ङिन पा, सु स्वर्गः ङिह्पा, नान मिह्न पबित्र ङ्यानाःयो।#लुक १२:२ 10नान राज्य स्वाःयो। नान इच्छ्या स्वर्गः कताःम ङ्याह्। मन लैमै अन पिर्थीबी पुरा राःयो। 11ङी त्या ङिन बात्तैन ङ्योप्पा क। 12ङी खेपान तीपाव माफ ख्या, कुजुई ङी र्वार्वा ङिन बिरोधग तीपा खेनानकाङ्मोः माफ खेपा ङिह्पा। 13ङी छोए सेन्चेग थेप नफाना, अलःलै फा तैङर्वाङिन राज्य, पराक्रम रे महिमा एकुरोभरि नानै जेङ्पा, आमेन।” 14तैङर्वाङिन ङेनजै सिमिवन तीपा माफ खेङिन ङेनकोन स्वर्गः ङिह्पान परमेस्वर पाई र्वार्वा ङेनकाङ्मोः माफ खेनान ङ्याह्।#मर्क ११:२५-२६ 15जेङ्नै ङेनजै सिमिवन तीपा माफ मखेङिन ङेनकोन स्वर्गः ङिह्पान परमेस्वर पाई र्वार्वा ङेन तीपा माफ खेनान मह्या।
बर्तन भारेः लम्पा
16“जब ङेन बर्त छयूँ, तब ख्वाकिबाव लैम नाह्छुपछुप ध्वा नथना। तैङर्वाङिन सिमिकाङ्मोः बर्त छ्युङ्पा थन्चेन भिह्तु ख्यु जेँन ध्वा नाःतुमा धोँ। तेम्माई, ङा ङेनकाङ्मोः र्वाचे, ख्युई जेँन पुरस्कार देत्तपा ङ्याह्। 17ना चन बर्त छ्युङ्तौ एकुरोलैम जेँन थोप्पाः छि दुद्दुई जेँन खालाः थुथु छ्योवा। 18रे नान बर्त सिमिवजै नङ्पा, जेङ्नै फाक ङिह्पान नान पाई रँयो, रे फाक ङिह्पान नान पाई नाः इनाम बिन्नान ङ्याह्।”
स्वर्गन क्यु
(लुक १२:३३-३४; १६:१३)
19“जेँन भिह्तु पिर्थीबी क्यु नसाः, स्यीह् साःपान क्यु ता भु रे घत्याःजै मन मीपा दोङ्नान रे खुम्मपावजै यिम तिलतिल मन खुनान।#याक ५:२-३ 20जेङ्नै जेँन भिह्तु स्वार्गः क्यु सा, खाः भुई या घत्याःजै मीपा मदोङ्नान, रे खुम्पाई र्वार्वा यिम तिलतिल मखुनान। 21तैङर्वाङिन खाः नान क्यु राह्नान, स्याह्ई नान सम यङ राह्नान।”
ल्होन ताह्म
(लुक ११:३४-३६)
22मी ल्होन लज्युङ जेङ्पा। अन्नकारन यदि नान मी खामसाङ्म ङिङिन, नान ल्हो पुरू साल्म राह्नान ङ्याह्। 23जेङ्नै यदि नान मी अलः ङिङिन, नान ल्हो पुरू नाःतुमा राह्नान ङ्याह्। अन्नकारन नान समग रह्पान साल्म चन नाःतुमा राङिन, अन नाःतुमा हाति ह्याल्म नाःतुमा र्हदरा!
परमेस्वर रे क्यु
(लुक १६:१३; १२:२२-३१)
24सुई यङ मालिक ङेह्न सेवा खे मतैनान। तैङर्वाङिन नुई तीपाः मस्याङ्नान ङ्याह् रे घङग मया खेनान ङ्याह्। आथबा नुई तीपाः भक्ति नान्नान ङ्याह्, रे घङग नुई फानै मत्वानान र्वार्वा छुनान ङ्याह्। ङेनजै परमेस्वर रे क्युन सेवा खे मतैनान।
25अन्नैकारन ङा ङेनकाङ्मोः र्वाचे, “तै झाचे, तै थुङ्चे र्वार्वा जेँन परान्न भिह्तु रे तै गोन्चे र्वार्वा जेँन ल्होन भिह्तु छरा नख्या।” तै झायाप खेरे जिन्दगी किम रे घोलाङ खेरे ल्हो किम नङ्पा तै? 26पान्नाङ्न युजू सेह्ना। ख्युई न ता र्यु पह्ङ्ङ, न साह्ई गम्ङ, न स्योह्बुङ्ग साःङ, जेङ्नै ङेनकोन स्वर्गन पाई ख्युकाङ्मोः झाफाङ्ङ। तै ङेन ख्युन खेरे मकेकुकेन कुम्म मिपा तै? 27ङेनकोन बर्ग कन चनजै छरा खेखे जेँन छ ङाईदी यङ र्याङ्म दोङ तैनौ? 28“आलै घोलाङन भिह्तु ङेन तैङ छरा खेनान? क्वान लिलि मिन्नोवाग सेह्ना। मन कुजुई छार्ङ। नुई न तूरि खेँ, न ता घोलाङ ब्योङ। 29जेङ्नै ङा ङेनकाङ्मोः र्वाचे, सोलोमन झली यङ जेँन बैभब पुरूग ख्युन बर्ग तीपान झोर यङ छ्याईपा मह्या। 30त्या ङिह्पा रे नाप्चे मेह्कोअन मेह्ग पन्नान्न सी परमेस्वरजै झामखेखे थङ्ङ र्वाङिन, ए ङाईदिन बिस्वासी हो, तै ङेनकाङ्मोः हेँ ह्याल्म नुई थन्नान मह्या तै?” 31अन्नकारन “तै झाचे? कि तै थुङ्चे? कि तै गोन्चे? र्वार्वा छरा नख्या।” 32तैङर्वाङिन यहूदीन खोलोःन सिमिवजै अन तैस्याङ पुरू फाङ्ङ, रे ङेनकोन स्वर्गः ङिह्पान पाई ङेनकाङ्मोः अन तैस्याङ पुरू त्वाङ र्वार्वा क्युई ङिह्पा।#लुक १२:३१ 33जेङ्नै ङू परमेस्वरन राज्य रे परमेस्वरन इच्छ्या फाच्चे ख्या, रे अन तैस्याङ पुरू ङेनकोन भिह्तु पोह्न राह्नान ङ्याह्। 34अन्नकारन नाप्चेन भिह्तु छरा नख्या, तैङर्वाङिन नाप्चेन लाह्जै जेँन छरा जेँजै खेनान ङ्याह्। त्यान तूरि त्यान भिह्तु हाति र्वार्वा ङ्याह्।
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Kaike Language © The Word for the World International and Kaike Translation Project, Nepal, 2025