मत्ती 10
10
येसुई फेप्पान प्रेरित च्योङेपाव
(मर्क ३:१३-१९; ६:७-१३; १३:९-१३; लुक ६:१२-१६; ९:१-६; १२:२-९; २१:१२-१७)
1येसुई जेँन चेला च्योङेपाकाङ्मोः स्वा र्वार्वा मुव छ्यूनान रे तैस्याङ पुरून नाह्जा रे कमिकमजोरी ताःफान्चेन आङ ख्युकाङ्मोः बिम्बो। 2प्रेरित च्योङेपावन मिह्न अनै जेङ्पा, ङूस्योवान पत्रुस र्वानान सिमोन रे नुन भाई अन्द्रियास, जब्दियान ङोह्जो याकूब रे नुन भाइ यूहन्ना, 3फिलिप रे बारथोलोमाइ, थोमा रे कर तुईनान्न मत्ती, अल्फयसन ङोह्जो याकूब रे थेदियस, 4सिमोन कनानी रे यहूदा इस्करियोत, सुई येसू जुङ्फाम्बो।
5येसुई अन चेला च्योङेपाः झाःम र्वार्वा आदेस बिमबिम फेप्पो, “यहूदीन खोलोःन सिमिवन घूँ नवया, रे सामरीवन सहरग नजाः।”#यर ५०:६ 6जेङ्नै इस्राएल जातिन मोल्पान लूपावन स्याह् वया। 7स्वर्गन राज्य रह्म्मः स्वा ताप्पा ङ्याह् र्वाईर्वाई ताह्फेरा। 8खङ्नानकाङ्मोः ताःफाना। सिह्पाकाङ्मोः सम्पु धोँवा, कोरन नाह्जा ताह्पान सिमिकाङ्मोः छाङ्म धोँवा, मुकाङ्मोः छ्यूवा। ङेनजै भाछ्योँवाग देप्पा, भाछ्योँवाग भिना। 9ङेन जेँन धबग मर, मुल रे पलेङ्न सिक्का नहुरा, 10लेन्चेन भिह्तु झोला, भन्दि छ्या ङेह्, पौला, पेर्गा नहोरा। तैङर्वाङिन खेः धोन खेनान्न सिमिजै नुन ङ्योप्पा देत्त्वानान।#१ कोर ९:१४; १ तिमो ५:१८ 11“कन सहर या नाम्ग ङेन जाःङ, स्याह् सु लः ङ्याह् र्वार्वा फारा, रे स्याह्लै मवैन बेर स्याह्ई छ्योँवा। 12मन यिमन झिङ जाःतौ सिह्म ङिह्पाऊ र्वा। 13मन यिम सम स्योरस्योरलैम ङिङिन, ङेनकोन सान्ति मन यिम स्वाःयो। जेङ्नै मन सम स्योरस्योरलैम नह् र्वाङिन, ङेनकोन सान्ति ङेन स्याह्ई होलहोल स्वाःयो। 14यदि सुई ङेनकाङ्मोः स्वीकार मखेबो या ङेनकोन ल्होई मङ्याङ्ङिन, मन यिम आथबा सहरलै गेत्तौ जेँन लेह्न थल्जुप खारा।#प्रे १३:५१ 15तेम्माई, ङा ङेनकाङ्मोः र्वाचे, न्यायन ल्हाः मन थाउँन धसा खेरे बरु सदोम रे गमोरान धसा ह्याल्म कुतैनान राह्नान ङ्याह्।”#मत्ती ११:२४; उत १९:२४-२८; लुक १०:४-१२
स्वामः जाःपान तेह्पफान्नान्न भारेः
(मर्क १३:९-१३; लुक २१:१२-१७)
16“सेह्ना, ङा ङेनकाङ्मोः फारावन घूँ लूपा लैम फेप्पाई ङिह्पा, अन्नकारन ङेन भुलेन लैम जेर्म रे पुरेन लैम वाम्म रा।#लुक १०:३ 17जेङ्नै सिमिवलम होसखेखे छ्योँवा, तैङर्वाङिन ख्युई ङेनकाङ्मोः अदालतवग थोन्नान ङ्याह्, रे ख्युन यहूदीन आराधनालयवग ङेनकाङ्मोः चेरन ताल्च्या फ्याङ्नान ङ्याह्।#मर्क १३:९-११; लुक १२:११-१२; २१:१२-१५ 18ङेन ङन खातिर हाकिम रे झलीवन ङू सोल्नान ङ्याह् रे अन ख्यु रे यहूदीन खोलोःन सिमिवन भिह्तु साँचि राह्नान ङ्याह्। 19जेङ्नै जब ख्युई ङेनकाङ्मोः जुङ्फाङ्ङ, तब कुजुई रे तै ल्होई र्वाचे र्वार्वा छरा नख्या। तैङर्वाङिन ङेनजै तै ल्होई र्वात्वानान, मन्नै भेला ङेनकाङ्मोः स्यान्नान ङ्याह्। 20तैङर्वाङिन ल्होई र्वानान ङेह् राह्नान मह्या, जेङ्नै ङेनकोन पा परमेस्वरन आत्मा ङेनलम ल्होई र्वानान ङ्याह्।” 21“थिक्कोवजै जेँन भाइग सत्फान्चेन भिह्तु जुङ्फान्नान ङ्याह्, रे पाई ङोह्जो-चमेःग, रे ङोह्जो-चमेःव पोमावन बिरोधग च्याङ्नान ङ्याह् रे ख्युकाङ्मोः सत्फान्नान ङ्याह्। 22ङन मिह्न्न खातिर सिमि पुरूवलम ङेन मस्याङ्नान राह्नान ङ्याह्। जेङ्नै सु अन्त्यन बेर स्थिर छ्यूँ, नुनै उद्धार राह्नान ङ्याह्। 23जब ख्युई ङेनकाङ्मोः सहरदीग तेह्पफाङ्ङ तब घङ सहरग झ्यारा। तैङर्वाङिन तेम्माई ङा ङेनकाङ्मोः र्वाचे, ङेन इस्राएलन सहर पुरूवग मतूपा रातौ यङ सिमिन ङोह्जो स्वानान ङ्याह्।” 24“चेला जेँन गुरु खेरे रे राङ्पा जेँन मालिक खेरे किम मराह्नान। 25चेला जेँन गुरु लैम रे राङ्पा जेँन मालिक लैम राचे हाति र्वार्वा जेङ्पा। यदि ख्युई यिमन ताःपोग र्वार्वा बालजिबुल#10:25 सैतान र्वापा ङ्याह् र्वाङिन, झन नुन पयारकाङ्मोः झन हाति ह्याल्म र्वादरा?” 26“अन्नकारन ख्युन ङ्याबो नङिना। तैङर्वाङिन कप्कप् मरङ्नान रे क्युक्यु क्युई मराह्नान तये मह्या। 27तै ङा ङेनकाङ्मोः नाःतुमाः र्वानान, अन ङेनजै साल्मः र्वा, रे तै ङेनजै फाक र्वापान ल्होई नाम्ज्योवाग ताँ, अन ङेनजै यिमन ल्हुपलै ताह्फेरा। 28ख्युन ङ्याबो नङिना सुई ल्होग सह्ङ्ङ, जेङ्नै आत्माः सत मतैङ। बरु आत्मा रे ल्हो ङ्योरुमग ङ्यालाः मीपा दोङ तैनान परमेस्वरन ङ्याबो ङिना। 29तै सोह्ङदीग छिप्चा ङेह् मग्युर्नौ? मन्न बर्ग ती यङ ङेनकोन पान इच्छ्या मीम सा: छार्नान मह्या। 30ङेनकोन थोप्पान छमव यङ पुरू जेर्पा ङ्याह्।#लुक १२:७ 31अन्नकारन ङेन नङिना, ङेन लैः छिप्चा खेरे ह्याल्म मकेकुकेन कुम्म ङ्याह्।”
येसू स्वीकार खेपा रे अस्वीकार मखेपा
32“अन्नकारन पुरू सुई सिमिवन ङू ङाः स्वीकार खेँ, ङा रे नू स्वर्गः छ्युङ्नान्न ङन पान ङू स्वीकार खेनान ङ्युँ। 33जेङ्नै पुरू सुई ङाः सिमिवन ङू अस्वीकार खेँ, ङा रे नू स्वर्गः छ्युङ्नान्न ङन पान ङू अस्वीकार खेनान ङ्युँ।”#२ तिमो २:१२
सान्ति नङ्पा जेङ्नै तरवाली
(लुक १२:५२-५३; १४:२६-२७)
34“ङा पिर्थीबी सान्ति सस्सै स्वापा जेङ्पा र्वार्वा नछुव। सान्ति सस्सै नङ्पा, जेङ्नै ङा तरवाली कुल्चेन भिह्तु स्वापा जेङ्पा। 35तैङर्वाङिन ङा सिमी नुन पान बिरोधग, रे चमेःग नुन मान बिरोधग, रे झाङ्ग नुन मेह्न बिरोधग सोल्मः स्वापा जेङ्पा। 36सिमिवन बैरी नुन जेँन पयारन झिङनै सिमिव राह्नान ङ्याह्।” 37“सुई ङाः खेरे ह्याल्म जेँन पा या माः मया खेँ, नु ङन सम स्योरस्योरलैम मराह्नान। सुई ङाः खेरे ह्याल्म जेँन ङोह्जो या चमेःग मया खेनान यङ ङन चेला राचेन सम स्योरस्योरलैम मराह्नान। 38सुस्याङ जेँन क्रुस सोलसोल ङन ङिक मजाँः, नु ङन सम स्योरस्योरलैम मराह्नान। 39सुई जेँन परान बचाई खेँ, नुई मन मोल्नान ङ्याह्, रे जेँन परान ङन भिह्तु मोल्नान सिमिजै चन जुनि देन्नान ङ्याह्।#मत्ती १६:२५; मर्क ८:३५; लुक ९:२४; १७:३३; यूह १२:२५
चेलाई देन्नान्न इनामन भारेः
(मर्क ९:४१; लुक १०:१६)
40“ङेनकाङ्मोः स्वीकार खेनान्न सिमिजै ङाः स्वीकार खेँ, रे ङाः स्वीकार खेनान्न सिमिजै ङाः फेन्नानग स्वीकार खेँ। 41सुई परमेस्वरन भबिस्यबक्ताग ‘भबिस्यबक्ता जेङ्पा’ र्वार्वा स्वीकार खेनानजै भबिस्यबक्तानै इनाम देन्नान ङ्याह्। उजुखेखेई परमेस्वरन ङू धर्मी रह्पा सिमी स्वीकार खेनानजै नुनै इनाम देन्नान ङ्याह्। 42सुई अन छ्युमवन बर्ग तीपाः ङन चेला छुछु खोरेदी त्यु भाम्म मात्र रानै थुङ फान्दरा, तेम्माई ङा ङेनकाङ्मोः र्वाचे, नुई जेँन इनाम तै खेखेई मोल्नान मह्या।”
Actualmente seleccionado:
मत्ती 10: NTKST25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Kaike Language © The Word for the World International and Kaike Translation Project, Nepal, 2025
मत्ती 10
10
येसुई फेप्पान प्रेरित च्योङेपाव
(मर्क ३:१३-१९; ६:७-१३; १३:९-१३; लुक ६:१२-१६; ९:१-६; १२:२-९; २१:१२-१७)
1येसुई जेँन चेला च्योङेपाकाङ्मोः स्वा र्वार्वा मुव छ्यूनान रे तैस्याङ पुरून नाह्जा रे कमिकमजोरी ताःफान्चेन आङ ख्युकाङ्मोः बिम्बो। 2प्रेरित च्योङेपावन मिह्न अनै जेङ्पा, ङूस्योवान पत्रुस र्वानान सिमोन रे नुन भाई अन्द्रियास, जब्दियान ङोह्जो याकूब रे नुन भाइ यूहन्ना, 3फिलिप रे बारथोलोमाइ, थोमा रे कर तुईनान्न मत्ती, अल्फयसन ङोह्जो याकूब रे थेदियस, 4सिमोन कनानी रे यहूदा इस्करियोत, सुई येसू जुङ्फाम्बो।
5येसुई अन चेला च्योङेपाः झाःम र्वार्वा आदेस बिमबिम फेप्पो, “यहूदीन खोलोःन सिमिवन घूँ नवया, रे सामरीवन सहरग नजाः।”#यर ५०:६ 6जेङ्नै इस्राएल जातिन मोल्पान लूपावन स्याह् वया। 7स्वर्गन राज्य रह्म्मः स्वा ताप्पा ङ्याह् र्वाईर्वाई ताह्फेरा। 8खङ्नानकाङ्मोः ताःफाना। सिह्पाकाङ्मोः सम्पु धोँवा, कोरन नाह्जा ताह्पान सिमिकाङ्मोः छाङ्म धोँवा, मुकाङ्मोः छ्यूवा। ङेनजै भाछ्योँवाग देप्पा, भाछ्योँवाग भिना। 9ङेन जेँन धबग मर, मुल रे पलेङ्न सिक्का नहुरा, 10लेन्चेन भिह्तु झोला, भन्दि छ्या ङेह्, पौला, पेर्गा नहोरा। तैङर्वाङिन खेः धोन खेनान्न सिमिजै नुन ङ्योप्पा देत्त्वानान।#१ कोर ९:१४; १ तिमो ५:१८ 11“कन सहर या नाम्ग ङेन जाःङ, स्याह् सु लः ङ्याह् र्वार्वा फारा, रे स्याह्लै मवैन बेर स्याह्ई छ्योँवा। 12मन यिमन झिङ जाःतौ सिह्म ङिह्पाऊ र्वा। 13मन यिम सम स्योरस्योरलैम ङिङिन, ङेनकोन सान्ति मन यिम स्वाःयो। जेङ्नै मन सम स्योरस्योरलैम नह् र्वाङिन, ङेनकोन सान्ति ङेन स्याह्ई होलहोल स्वाःयो। 14यदि सुई ङेनकाङ्मोः स्वीकार मखेबो या ङेनकोन ल्होई मङ्याङ्ङिन, मन यिम आथबा सहरलै गेत्तौ जेँन लेह्न थल्जुप खारा।#प्रे १३:५१ 15तेम्माई, ङा ङेनकाङ्मोः र्वाचे, न्यायन ल्हाः मन थाउँन धसा खेरे बरु सदोम रे गमोरान धसा ह्याल्म कुतैनान राह्नान ङ्याह्।”#मत्ती ११:२४; उत १९:२४-२८; लुक १०:४-१२
स्वामः जाःपान तेह्पफान्नान्न भारेः
(मर्क १३:९-१३; लुक २१:१२-१७)
16“सेह्ना, ङा ङेनकाङ्मोः फारावन घूँ लूपा लैम फेप्पाई ङिह्पा, अन्नकारन ङेन भुलेन लैम जेर्म रे पुरेन लैम वाम्म रा।#लुक १०:३ 17जेङ्नै सिमिवलम होसखेखे छ्योँवा, तैङर्वाङिन ख्युई ङेनकाङ्मोः अदालतवग थोन्नान ङ्याह्, रे ख्युन यहूदीन आराधनालयवग ङेनकाङ्मोः चेरन ताल्च्या फ्याङ्नान ङ्याह्।#मर्क १३:९-११; लुक १२:११-१२; २१:१२-१५ 18ङेन ङन खातिर हाकिम रे झलीवन ङू सोल्नान ङ्याह् रे अन ख्यु रे यहूदीन खोलोःन सिमिवन भिह्तु साँचि राह्नान ङ्याह्। 19जेङ्नै जब ख्युई ङेनकाङ्मोः जुङ्फाङ्ङ, तब कुजुई रे तै ल्होई र्वाचे र्वार्वा छरा नख्या। तैङर्वाङिन ङेनजै तै ल्होई र्वात्वानान, मन्नै भेला ङेनकाङ्मोः स्यान्नान ङ्याह्। 20तैङर्वाङिन ल्होई र्वानान ङेह् राह्नान मह्या, जेङ्नै ङेनकोन पा परमेस्वरन आत्मा ङेनलम ल्होई र्वानान ङ्याह्।” 21“थिक्कोवजै जेँन भाइग सत्फान्चेन भिह्तु जुङ्फान्नान ङ्याह्, रे पाई ङोह्जो-चमेःग, रे ङोह्जो-चमेःव पोमावन बिरोधग च्याङ्नान ङ्याह् रे ख्युकाङ्मोः सत्फान्नान ङ्याह्। 22ङन मिह्न्न खातिर सिमि पुरूवलम ङेन मस्याङ्नान राह्नान ङ्याह्। जेङ्नै सु अन्त्यन बेर स्थिर छ्यूँ, नुनै उद्धार राह्नान ङ्याह्। 23जब ख्युई ङेनकाङ्मोः सहरदीग तेह्पफाङ्ङ तब घङ सहरग झ्यारा। तैङर्वाङिन तेम्माई ङा ङेनकाङ्मोः र्वाचे, ङेन इस्राएलन सहर पुरूवग मतूपा रातौ यङ सिमिन ङोह्जो स्वानान ङ्याह्।” 24“चेला जेँन गुरु खेरे रे राङ्पा जेँन मालिक खेरे किम मराह्नान। 25चेला जेँन गुरु लैम रे राङ्पा जेँन मालिक लैम राचे हाति र्वार्वा जेङ्पा। यदि ख्युई यिमन ताःपोग र्वार्वा बालजिबुल#10:25 सैतान र्वापा ङ्याह् र्वाङिन, झन नुन पयारकाङ्मोः झन हाति ह्याल्म र्वादरा?” 26“अन्नकारन ख्युन ङ्याबो नङिना। तैङर्वाङिन कप्कप् मरङ्नान रे क्युक्यु क्युई मराह्नान तये मह्या। 27तै ङा ङेनकाङ्मोः नाःतुमाः र्वानान, अन ङेनजै साल्मः र्वा, रे तै ङेनजै फाक र्वापान ल्होई नाम्ज्योवाग ताँ, अन ङेनजै यिमन ल्हुपलै ताह्फेरा। 28ख्युन ङ्याबो नङिना सुई ल्होग सह्ङ्ङ, जेङ्नै आत्माः सत मतैङ। बरु आत्मा रे ल्हो ङ्योरुमग ङ्यालाः मीपा दोङ तैनान परमेस्वरन ङ्याबो ङिना। 29तै सोह्ङदीग छिप्चा ङेह् मग्युर्नौ? मन्न बर्ग ती यङ ङेनकोन पान इच्छ्या मीम सा: छार्नान मह्या। 30ङेनकोन थोप्पान छमव यङ पुरू जेर्पा ङ्याह्।#लुक १२:७ 31अन्नकारन ङेन नङिना, ङेन लैः छिप्चा खेरे ह्याल्म मकेकुकेन कुम्म ङ्याह्।”
येसू स्वीकार खेपा रे अस्वीकार मखेपा
32“अन्नकारन पुरू सुई सिमिवन ङू ङाः स्वीकार खेँ, ङा रे नू स्वर्गः छ्युङ्नान्न ङन पान ङू स्वीकार खेनान ङ्युँ। 33जेङ्नै पुरू सुई ङाः सिमिवन ङू अस्वीकार खेँ, ङा रे नू स्वर्गः छ्युङ्नान्न ङन पान ङू अस्वीकार खेनान ङ्युँ।”#२ तिमो २:१२
सान्ति नङ्पा जेङ्नै तरवाली
(लुक १२:५२-५३; १४:२६-२७)
34“ङा पिर्थीबी सान्ति सस्सै स्वापा जेङ्पा र्वार्वा नछुव। सान्ति सस्सै नङ्पा, जेङ्नै ङा तरवाली कुल्चेन भिह्तु स्वापा जेङ्पा। 35तैङर्वाङिन ङा सिमी नुन पान बिरोधग, रे चमेःग नुन मान बिरोधग, रे झाङ्ग नुन मेह्न बिरोधग सोल्मः स्वापा जेङ्पा। 36सिमिवन बैरी नुन जेँन पयारन झिङनै सिमिव राह्नान ङ्याह्।” 37“सुई ङाः खेरे ह्याल्म जेँन पा या माः मया खेँ, नु ङन सम स्योरस्योरलैम मराह्नान। सुई ङाः खेरे ह्याल्म जेँन ङोह्जो या चमेःग मया खेनान यङ ङन चेला राचेन सम स्योरस्योरलैम मराह्नान। 38सुस्याङ जेँन क्रुस सोलसोल ङन ङिक मजाँः, नु ङन सम स्योरस्योरलैम मराह्नान। 39सुई जेँन परान बचाई खेँ, नुई मन मोल्नान ङ्याह्, रे जेँन परान ङन भिह्तु मोल्नान सिमिजै चन जुनि देन्नान ङ्याह्।#मत्ती १६:२५; मर्क ८:३५; लुक ९:२४; १७:३३; यूह १२:२५
चेलाई देन्नान्न इनामन भारेः
(मर्क ९:४१; लुक १०:१६)
40“ङेनकाङ्मोः स्वीकार खेनान्न सिमिजै ङाः स्वीकार खेँ, रे ङाः स्वीकार खेनान्न सिमिजै ङाः फेन्नानग स्वीकार खेँ। 41सुई परमेस्वरन भबिस्यबक्ताग ‘भबिस्यबक्ता जेङ्पा’ र्वार्वा स्वीकार खेनानजै भबिस्यबक्तानै इनाम देन्नान ङ्याह्। उजुखेखेई परमेस्वरन ङू धर्मी रह्पा सिमी स्वीकार खेनानजै नुनै इनाम देन्नान ङ्याह्। 42सुई अन छ्युमवन बर्ग तीपाः ङन चेला छुछु खोरेदी त्यु भाम्म मात्र रानै थुङ फान्दरा, तेम्माई ङा ङेनकाङ्मोः र्वाचे, नुई जेँन इनाम तै खेखेई मोल्नान मह्या।”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Kaike Language © The Word for the World International and Kaike Translation Project, Nepal, 2025