Matiós 15
15
Nségíe gá busió buá nuhuínyihuínyi nuá ndíndíl siá bayúdɛn
(Mál 7.1-13)
1Buɔ́sɛ búmodi, na bafalisiɛ́ŋ na boóŋi bá Yelusalɛ́m abákilɛn gɔg Yésuse obóhún yɔ́ áneé: 2«Gá giagɛ bebinene báhɔ báyalanaá gibídína giá ndíndíl siá bayúdɛn? Bányánan kandabísuga imbɔ́g.» 3Yésuse uwondinye bɔ́ áneé: «Gá giagɛ banuá núyalanaá gigodi giá Uhaluá, nugimbe gibídína giá ndíndíl siánɔ? 4Gúu Uhaluá úmɔyɛ́d áneé: “Búlúgényé na síe wahɔ na noódíe wahɔ,” súsɔ́n “mɔndɔ usɔ́lɔm síe ugúnya ana noódíe, waánigimanan na nigué.” 5Gɔgaá, banuá, núɔ́guɔya áneé: Mɔndɔ úmɔ́yidɛn síe weg ugúnya ana noódíe áneé “ŋŋíge iyɛɛ́ yaábá ya gueleé ŋŋuhuá inyɛ nusámb nuá Uhaluá, 6ugányɛ udiébúlúgenye síe weg.” Anagányɛ núsulenyeé nugálɔ nuá Uhaluá gá busió buá gibídína giá ndíndíl siánɔ. 7Bandɔ bá mamb! Ebunebúné Esayí umɔyá gánɔ gá busió áneé:
8“Buán ubuɔ búémpínenye pɛ́ŋ uguá biódódi biá niíd,
gɔgaá ɔdɛ́m huá buɔ́ húnyɛ hádɛ naánamɛ.”
9Bémbúlúgenye agá gudɔɔ́,
gá giagiá isɔ́ma hiɔ́b ihiɛ́ bódóŋonye hínyɛ ihíbígúdán uguá melélíe má bunyɛ bandɔ.»
Buand ubúáganaá mɔndɔ biíle
10Yésuse uwond uwɔdɔ́ŋɛ́ɛn giíŋ, uwɔyidɛn giɛ́ áneé: «Bídɔ́lígɔ́nɔ́nɔ́n nuond nuɔ́b! 11Búdibá buand ubúbíŋeneé uguá niíd niá mɔndɔ búbúóndonyeé yɔ́ biíle gɔgaá, ubúhámaninaá uguég guá niíd búbúóndonyeé yɔ́ biíle.» 12Bebinene beg abákilɛn yɔ́ gɔg ɔbɔ́yidɛn yɔ́ áneé: «Eényi áneé bafalisiɛ́ŋ bɔ́sɔ́mɔɔ́b nugálɔ unugányɛ, numéséhényé bɔ́ a?» 13Yésuse uwondinye bɔ́ áneé: «Bunimɛ́d gidigid ubuɔ́ Síe wamɛ unyaá ugumɔn úmasánɛm búánábíbál. 14Nihínánánɔ bɔ́: búnyɛ behéguhégu bɔ́ béndenyeé behéguhégu. Henyé, mmába ehéguhégu weéguendenye sɔ́gá ehéguhégu, bámuanyɛ bem bánáguɛn uguá ɔmbɛ́l.» 15Piéle uwɔgɔ́l nugálɔ úmuanyɛ gég áneé: «Dísálúnɛ́n nsab igányɛ.» 16Yésuse uwɔyɛd áneé: «Banuá súsɔ́n numanyɛ nudibia nugedie a? 17Nudiálinsan áneé buand gidigid ubuɔ́ mɔndɔ únyánanaá búáguídan uguadá, wɛɛ́d wenehémíe buɔ́ uguá idúg a? 18Gɔgaá, ubúhámaninaá uguá niíd búóguólonin agá ɔdɛ́m, búbúóndonye mɔndɔ biíle. 19Agá ɔdɛ́m gɔg na bilɔg biá dugedie na mɔɔ́nɔ́n na bidáŋa na bilɔg biá iŋand na buébi na bibán na nsɛg múólonineé. 20Múmúóndonyeé mɔndɔ biíle, gɔgaá gunyánan kandabísuga imbɔ́g gudióguondonye mɔndɔ biíle.»
Guágɔdɛ́m guá ugándɔ wa gidɔŋ giá kána
(Mál 7.24-30)
21Yésuse umoómólígie agányɛ, uwɛɛ́d uguá gibéyi giá guísi giá Tíl naá giá Sidɔ́ŋ. 22Ugándɔ wa gidɔŋ giá kána uwedúmbie guesieg hɔ́ uwɛɛ́d gá héhenye: «Ŋŋán bulɔ́b, Ɔgúná, Muɔ́n wa Dáfide! Gilɔg giá gileénde gíésésenye ŋŋɔndɛ yamɛ na bugaga.» 23Gɔgaá, Yésuse umasúguás yɔ́. Bebinene beg bámaámákilɛn yɔ́, ɔbɔ́yidɛn yɔ́ áneé: «Ondíe yɔ́ na gélém, gá giagiá weédísésenye na héhenye.» 24Yésuse uwondinye áneé: «Bámandɔ́m pɛ́ŋ gá busió buá bidúmbúa biá giansɛ giá Íslayɛ́l ibímením.» 25Gɔgaá, ugándɔ uwɔsibɔmbígínɛ́n yɔ́ nudúg, úmuanyɛ gég áneé: «Ɔgúná gesíŋígín ɔmbɔ́g!» 26Yésuse uwondinye yɔ́ áneé: «Búdibá beseé áneé bɔ́gɔ́l gilɛ́d giá biayɔ gá nɔhɛn baán bá mbuá.» 27Ugándɔ uwondinye yɔ́ áneé: «Ɔgúná, búnyɛ meliŋ! Búnyɛ gindényé áneé baán bá mbuá bányánan nsa isíólonineé agá nubáŋ nuá bɔgúnɔ́gɔ́n bɔ́b gá guan eguísi.» 28Yésuse uwondinye yɔ́ gɔg áneé: «Ugándɔ, guágɔdɛ́m guáhɔ gúnyɛ giandá! Ánaá búbíal hana ɔ́yɔnɔ́.» Uguá ginɛŋ igigányɛ, ŋŋɔndɛ yeg iyedúmbie guɔ́ndɔ́ɔg.
Gióndúgie mɔdɔg na máŋ
29Yésuse uwoólígie agányɛ gá guɛ́d agá ŋŋɛnd ya máŋ má Galilé. Uwabúlɛ́ɛg uguá ɔŋuɛnyɛ uwond uwedugumin hɔ́. 30Biíŋ ibíólonin yɔ́ na bióŋi, beheguhégu, bandɔ bá dugɔ́nd bibéyi, bimúke naá bómodi súsɔ́n. Ibíásibídúnán yɔ́ bɔ́ egég gá dugɔ́nd uwond uwóndúgonye bɔ́. 31Biíŋ ibíáyíka bimúke ibímagálgal, dugɔ́nd duá bandɔ udúmabá bibéyi udúóndon beseé na bióŋi ibímandá gindényé na beheguhégu abámagɔns guánan. Ibíébúlúgenye Uhaluá wa Íslayɛ́l.
Yésuse woóguoye bandɔ duɔns dúníhi
(Mál 8.1-10; Mat 14.13-21)
32Yésuse uwɔdɔ́ŋɛ́ɛn bebinene bég uwond uwɔyidɛn bɔ́ áneé: «Yaáguánan giíŋ igiɛ bulɔ́b, gá giagiá búganyɛ mɔɔ́sɛ mádádɔ ɔmɔɔ́ gíganyaá naánamɛ guond gídigódi buand buá nyá, ndiáguamba áneé ŋŋúgie giɛ́ na nsan: bandɔ bányɛ bá guɛ́d guguanguan uguá ŋŋil.» 33Bebinene bég ɔbɔ́yidɛn yɔ́ áneé: «Agá uhambɛ aga, hanyɛ agaá dígɔɔ́gɔ́lɔnaá bilɛ́d gá guoye giandá giá giíŋ igiɛ?» 34Yésuse uwoóhún bɔ́ áneé: «Nugódi bilɛ́d bínig?» Obóndinye yɔ́ áneé: «Bítíndádɔ nomue na baán bá muɔb.» 35Uweéŋin giíŋ bugaga buá dugumin eguísi, 36uwɔgɔ́l bilɛ́d ibigányɛ na muɔb uwond uweéŋin Uhaluá mbíyigie, uwabáya biɛ́ uwond uweéŋin bebinene bég, bebinene abában giíŋ. 37Bámuanyɛ gidigid abányánan obónd abábíhálan, abábáda bibéyi ibímesíen, obóhónye mudɛd mútíndádɔ nomue gá dɔ́mb na muɔ́. 38Henyé, bandɔ abámanyánán bámabá duɔns dúníhi ta guhan bagándɔ na biayɔ. 39Yésuse umeémédébie giíŋ, uwayumɛn uguá ŋŋumba gá guɛ́d uguá gibéyi giá guísi giá Magadán.
Actualmente seleccionado:
Matiós 15: EKM
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Matiós 15
15
Nségíe gá busió buá nuhuínyihuínyi nuá ndíndíl siá bayúdɛn
(Mál 7.1-13)
1Buɔ́sɛ búmodi, na bafalisiɛ́ŋ na boóŋi bá Yelusalɛ́m abákilɛn gɔg Yésuse obóhún yɔ́ áneé: 2«Gá giagɛ bebinene báhɔ báyalanaá gibídína giá ndíndíl siá bayúdɛn? Bányánan kandabísuga imbɔ́g.» 3Yésuse uwondinye bɔ́ áneé: «Gá giagɛ banuá núyalanaá gigodi giá Uhaluá, nugimbe gibídína giá ndíndíl siánɔ? 4Gúu Uhaluá úmɔyɛ́d áneé: “Búlúgényé na síe wahɔ na noódíe wahɔ,” súsɔ́n “mɔndɔ usɔ́lɔm síe ugúnya ana noódíe, waánigimanan na nigué.” 5Gɔgaá, banuá, núɔ́guɔya áneé: Mɔndɔ úmɔ́yidɛn síe weg ugúnya ana noódíe áneé “ŋŋíge iyɛɛ́ yaábá ya gueleé ŋŋuhuá inyɛ nusámb nuá Uhaluá, 6ugányɛ udiébúlúgenye síe weg.” Anagányɛ núsulenyeé nugálɔ nuá Uhaluá gá busió buá gibídína giá ndíndíl siánɔ. 7Bandɔ bá mamb! Ebunebúné Esayí umɔyá gánɔ gá busió áneé:
8“Buán ubuɔ búémpínenye pɛ́ŋ uguá biódódi biá niíd,
gɔgaá ɔdɛ́m huá buɔ́ húnyɛ hádɛ naánamɛ.”
9Bémbúlúgenye agá gudɔɔ́,
gá giagiá isɔ́ma hiɔ́b ihiɛ́ bódóŋonye hínyɛ ihíbígúdán uguá melélíe má bunyɛ bandɔ.»
Buand ubúáganaá mɔndɔ biíle
10Yésuse uwond uwɔdɔ́ŋɛ́ɛn giíŋ, uwɔyidɛn giɛ́ áneé: «Bídɔ́lígɔ́nɔ́nɔ́n nuond nuɔ́b! 11Búdibá buand ubúbíŋeneé uguá niíd niá mɔndɔ búbúóndonyeé yɔ́ biíle gɔgaá, ubúhámaninaá uguég guá niíd búbúóndonyeé yɔ́ biíle.» 12Bebinene beg abákilɛn yɔ́ gɔg ɔbɔ́yidɛn yɔ́ áneé: «Eényi áneé bafalisiɛ́ŋ bɔ́sɔ́mɔɔ́b nugálɔ unugányɛ, numéséhényé bɔ́ a?» 13Yésuse uwondinye bɔ́ áneé: «Bunimɛ́d gidigid ubuɔ́ Síe wamɛ unyaá ugumɔn úmasánɛm búánábíbál. 14Nihínánánɔ bɔ́: búnyɛ behéguhégu bɔ́ béndenyeé behéguhégu. Henyé, mmába ehéguhégu weéguendenye sɔ́gá ehéguhégu, bámuanyɛ bem bánáguɛn uguá ɔmbɛ́l.» 15Piéle uwɔgɔ́l nugálɔ úmuanyɛ gég áneé: «Dísálúnɛ́n nsab igányɛ.» 16Yésuse uwɔyɛd áneé: «Banuá súsɔ́n numanyɛ nudibia nugedie a? 17Nudiálinsan áneé buand gidigid ubuɔ́ mɔndɔ únyánanaá búáguídan uguadá, wɛɛ́d wenehémíe buɔ́ uguá idúg a? 18Gɔgaá, ubúhámaninaá uguá niíd búóguólonin agá ɔdɛ́m, búbúóndonye mɔndɔ biíle. 19Agá ɔdɛ́m gɔg na bilɔg biá dugedie na mɔɔ́nɔ́n na bidáŋa na bilɔg biá iŋand na buébi na bibán na nsɛg múólonineé. 20Múmúóndonyeé mɔndɔ biíle, gɔgaá gunyánan kandabísuga imbɔ́g gudióguondonye mɔndɔ biíle.»
Guágɔdɛ́m guá ugándɔ wa gidɔŋ giá kána
(Mál 7.24-30)
21Yésuse umoómólígie agányɛ, uwɛɛ́d uguá gibéyi giá guísi giá Tíl naá giá Sidɔ́ŋ. 22Ugándɔ wa gidɔŋ giá kána uwedúmbie guesieg hɔ́ uwɛɛ́d gá héhenye: «Ŋŋán bulɔ́b, Ɔgúná, Muɔ́n wa Dáfide! Gilɔg giá gileénde gíésésenye ŋŋɔndɛ yamɛ na bugaga.» 23Gɔgaá, Yésuse umasúguás yɔ́. Bebinene beg bámaámákilɛn yɔ́, ɔbɔ́yidɛn yɔ́ áneé: «Ondíe yɔ́ na gélém, gá giagiá weédísésenye na héhenye.» 24Yésuse uwondinye áneé: «Bámandɔ́m pɛ́ŋ gá busió buá bidúmbúa biá giansɛ giá Íslayɛ́l ibímením.» 25Gɔgaá, ugándɔ uwɔsibɔmbígínɛ́n yɔ́ nudúg, úmuanyɛ gég áneé: «Ɔgúná gesíŋígín ɔmbɔ́g!» 26Yésuse uwondinye yɔ́ áneé: «Búdibá beseé áneé bɔ́gɔ́l gilɛ́d giá biayɔ gá nɔhɛn baán bá mbuá.» 27Ugándɔ uwondinye yɔ́ áneé: «Ɔgúná, búnyɛ meliŋ! Búnyɛ gindényé áneé baán bá mbuá bányánan nsa isíólonineé agá nubáŋ nuá bɔgúnɔ́gɔ́n bɔ́b gá guan eguísi.» 28Yésuse uwondinye yɔ́ gɔg áneé: «Ugándɔ, guágɔdɛ́m guáhɔ gúnyɛ giandá! Ánaá búbíal hana ɔ́yɔnɔ́.» Uguá ginɛŋ igigányɛ, ŋŋɔndɛ yeg iyedúmbie guɔ́ndɔ́ɔg.
Gióndúgie mɔdɔg na máŋ
29Yésuse uwoólígie agányɛ gá guɛ́d agá ŋŋɛnd ya máŋ má Galilé. Uwabúlɛ́ɛg uguá ɔŋuɛnyɛ uwond uwedugumin hɔ́. 30Biíŋ ibíólonin yɔ́ na bióŋi, beheguhégu, bandɔ bá dugɔ́nd bibéyi, bimúke naá bómodi súsɔ́n. Ibíásibídúnán yɔ́ bɔ́ egég gá dugɔ́nd uwond uwóndúgonye bɔ́. 31Biíŋ ibíáyíka bimúke ibímagálgal, dugɔ́nd duá bandɔ udúmabá bibéyi udúóndon beseé na bióŋi ibímandá gindényé na beheguhégu abámagɔns guánan. Ibíébúlúgenye Uhaluá wa Íslayɛ́l.
Yésuse woóguoye bandɔ duɔns dúníhi
(Mál 8.1-10; Mat 14.13-21)
32Yésuse uwɔdɔ́ŋɛ́ɛn bebinene bég uwond uwɔyidɛn bɔ́ áneé: «Yaáguánan giíŋ igiɛ bulɔ́b, gá giagiá búganyɛ mɔɔ́sɛ mádádɔ ɔmɔɔ́ gíganyaá naánamɛ guond gídigódi buand buá nyá, ndiáguamba áneé ŋŋúgie giɛ́ na nsan: bandɔ bányɛ bá guɛ́d guguanguan uguá ŋŋil.» 33Bebinene bég ɔbɔ́yidɛn yɔ́ áneé: «Agá uhambɛ aga, hanyɛ agaá dígɔɔ́gɔ́lɔnaá bilɛ́d gá guoye giandá giá giíŋ igiɛ?» 34Yésuse uwoóhún bɔ́ áneé: «Nugódi bilɛ́d bínig?» Obóndinye yɔ́ áneé: «Bítíndádɔ nomue na baán bá muɔb.» 35Uweéŋin giíŋ bugaga buá dugumin eguísi, 36uwɔgɔ́l bilɛ́d ibigányɛ na muɔb uwond uweéŋin Uhaluá mbíyigie, uwabáya biɛ́ uwond uweéŋin bebinene bég, bebinene abában giíŋ. 37Bámuanyɛ gidigid abányánan obónd abábíhálan, abábáda bibéyi ibímesíen, obóhónye mudɛd mútíndádɔ nomue gá dɔ́mb na muɔ́. 38Henyé, bandɔ abámanyánán bámabá duɔns dúníhi ta guhan bagándɔ na biayɔ. 39Yésuse umeémédébie giíŋ, uwayumɛn uguá ŋŋumba gá guɛ́d uguá gibéyi giá guísi giá Magadán.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión