यूहन्ना 11
11
लाजर री मौत
1 #
लूक 10:38,39 बैतनिय्याह गांव रै मांय लाजर नाम रौ एक मिनख हो, जिकौ बीमार हो। वो उठै आपरी बेनां मरियम अर मारथा रै साथै रैवतौ हो। 2#यूह 12:3आ वां इज मरियम ही जिकौ घणा मूंगा अन्तर नै परभु यीसु रै पग माथै चढ़ायनै वांरै पगां नै आपरा बालों ऊं पुंछिया हा। उणरौ इज भाई लाजर बीमार हो। 3इण वास्तै उणरी बेनां यीसु खनै खबर भेजी, अर कयौ, “हे परभु, जिण ऊं थै हेत राखौ हो, वो बीमार है।”
4आ बात सुणनै यीसु कयौ, “इण बीमारी रौ मकसद मौत नीं है, पण परमेसर री महिमा सारू है, की इणरै दवारा परमेसर रै बेटा री महिमा व्है।” 5अर यीसु मारथा अर उणरी बेन मरियम अर लाजर ऊं परैम राखतौ हो। 6ओ ठाह पड़ियौ, की वो बीमार है, तो जठै हा, उठै दो दिन वळै रैगा। 7इणरै पछै उणै आपरा चेलौ नै कयौ, “आओ, अपां वळै यहूदिया हालौ।”
8चेलौ यीसु नै कयौ, “हे गुरु, अबार तो यहूदी नेता थांरै भाटा ठोकणा चावता हा, अर थूं वळै उठै जावै है?”
9यीसु जबाब दियौ, “कांई दिन रौ उजाळौ बारैह घण्टा कोनीं व्है? जे कोई दिन रै उजाळै में चालै, तो वो ठोकर नीं खावै, क्यूंकै इण जगत रौ उजाळौ देखे है। 10पण कोई रात रौ चालै, वो ठोकर खावै, क्यूंकै उण वेळा चांदणौ कोनीं व्है।”
11यीसु ऐ सैंग बातां कही, अर इणरै पछै उणौ नै कैवण लागौ, की “म्हारौ बेली लाजर सूग्यौ है, पण म्हैं उणनै जगाणै जावूं हूं।”
12तद चेलौ यीसु नै कयौ, “हे परभु, जे वो सूग्यौ है, तो सावळ व्है जावैला।” 13यीसु रौ मतलब लाजर री मौत ऊं हो, पण चेलौ समझयो के वो ऊंग में सूतौ आराम करण रौ कयौ है।
14तद यीसु उणौ नै साफ-साफ कयौ, की “लाजर मर गियौ है। 15अर म्हनै खुसी है के थौरे कारण म्हैं उठै नीं हो इण वास्तै के थै म्हारै माथै विसवास करौ, पण अबै आओ, अपां उणरै खनै हालौ।”
16तद थोमा, जिकौ “जुड़वा” कहीजै है, आपरै साथी चेलौ ऊं कयौ, “आओ, अपां ई इणरै साथै मरण चालौ।”
यीसु पुनरूत्थान अर जीवन
17उठै पूगिया पछै यीसु नै ठाह पड़ियौ के लाजर नै तो भाखर रै खोदी कबर मांय राखै नै ई च्यार दिन व्हैगा। 18बैतनिय्याह, यरुसलेम ऊं लगोलग दो मील आगौ हो। 19घणा यहूदी लोग मरियम अर मारथा खनै उणरै भाई री मौत रै कारण हीमत बंधावणै रै खातर आयोड़ा हा। 20जद मारथा नै ठाह पड़ियौ के यीसु आ रिया है, तो वां उणौ ऊं भेट करणै गी, पण मरियम घर मांय इज बैठी रीं।
21मारथा यीसु नै कयौ, “हे परभु, जो थै अठै होता, तो म्हारौ भाई कदैई नीं मरतो। 22अर हाल तांई म्हैं जांणूं हूं, की जिकौ कीं थै परमेसर ऊं मांगोला, परमेसर थांनै दैला।”
23यीसु उणनै कयौ, “थारौ भाई जी उठैला।”
24मारथा यीसु नै कयौ, “म्हैं जांणूं हूं, की आखरी दिन में पुनरूत्थान रै दिन वो जी उठैला।”
25यीसु वां नै कयौ, “पुनरूत्थान अर जीवन म्हैं इज हूं, जिकौ कोई म्हारै माथै भरोसौ राखै है वो जे मर भी जावैला, तौभी जीवैला, 26अर जिकौ जीवता है, अर म्हारै माथै विसवास करै है, वे अनतकाल तांई नीं मरेला। कांई थूं इण बात माथै भरोसौ करै है?”
27वां यीसु नै कयौ, “हां परभु, म्हैं तो भरोसौ कर लियौ के परमेसर रा बेटा मसीह जिकौ जगत मांय आवण वाळा हा, वो थै इज हो।”
यीसु रै आंख्यां मांय आंसू आया
28ओ कैन वां जाती री, अर आपरी बेन मरियम नै छांनै ऊं बुलायनै कयौ, “गुरुजी अठैज है अर वे थनै बुलाय रिया हां।” 29जणै वां आ बात सुणी, वा हटके उठनै ऊभी होई अर यीसु ऊं मिलनै गी।
30यीसु हाल तांई गांव रै बारै उण जगा माथै इज हा जठै मारथा वांरै ऊं मिळी ही। 31तद यहूदी लोग जिकौ इणरै घर में हा, अर उणनै दिलासो दैणै आया हां, ओ देखनै की मरियम तुरत उठनै बारै गी है तो ओ समझया के वां कबर माथै रोवण जावै है, इण वास्तै वे ई उणरै लारै वहीर व्हैगा।
32जद मरियम उठै पूगी जठै यीसु हां, वां वांनै देख्यां अर वांरै पगां पड़ी अर कयौ, “हे परभु, जे थै अठै व्हैता तो म्हारौ भाई नीं मरतो।”
33जणै यीसु उणनै अर यहूदियो नै रोवता देखिया, तो आतमा मांय घणौ मौळौ पड़ियौ अर दुखी होयौ, 34अर यीसु कयौ, “थै उणनै कीं ठोड़ राख्यौ?”
वे कयौ, “हे परभु, चालनै देख ले।”
35यीसु रै आंख्यां मांय आंसू आया।
36तो यहूदी कयौ, “देखौ ओ उण ऊं कितौ परैम राखतौ हो।”
37पण उण में ऊं कईक जणा कयौ, “ओ मिनख जिकौ आंधा नै आंख्यां दी, वो उणनै मरणा ऊं क्यूं नीं रोक सकयौ?”
लाजर नै जीवतौ करयौ
38यीसु हाल तांई मन मांय घणा दुखी होयनै कबर माथै आया। वा एक गुफा ही, जिणरै माथै एक मोटो भाटो मेलियोड़ो हो। 39यीसु कयौ, “भाठै नै आगौ लौ।”
पण मुड़दा री बेन मारथा कयौ, “हे परभु, अबार तो उण मांय ऊं भूंडी बास आवैला, क्यूंकै उणनै मरिया नै ई च्यार दिन व्हैगा।”
40यीसु उणौनै कयौ, “पण म्हैं थनै कोनीं कियो हो के, जे थूं विसवास करैला, तो परमेसर री महिमा नै देखेला?”
41तो उणौ उण भाटा नै आगौ लियौ, तद यीसु सरग सांम्ही देख्यौ अर कयौ, “हे पिता, म्हैं थांरौ धन्यवाद करूं हूं की थै म्हारी सुण ली। 42अर म्हैं जांणूं हूं, की थै हमेसां म्हारी सुणौ हो, पण जे भीड़ आड़ै-पाड़ै ऊभी ही, इण खातर म्हैं ओ कयौ, के अठै ऊभौड़ा सगळा लोग विसवास करै, की थै म्हनै भेज्यौ हो।”
43पछै उणै जोर ऊं हेलौ पाड़ियौ, “हे लाजर बारै निकळ आव।” 44अर लाजर बारै आय ग्या। वो कफन ऊं लपेटयोड़ौ हो, अर उणरै माथा ऊपर एक अंगोछौ बांधियोड़ो हो।
यीसु उणौनै कयौ, “इणरै कफन नै खोलो अर इणनै जावण दो।”
यीसु नै मारणै री योजना
(मती 26:1–5; मरकुस 14:1,2; लूका 22:1,2)
45घणाकर यहूदी लोग जिकौ मरियम रै साथै हा, जणै वे यीसु रौ ओ कांम देख्यौ, तो उण माथै विसवास करयौ। 46पण केई जणा फरीसियों खनै जायनै यीसु रै कांम रा समाचार दिया। 47तो परधान याजकौ अर फरीसियों इण माथै सलाह-सूत करण खातर एक सभा बुलाई। वे आपस मांय पूछयौ, “अपां कांई करां हो? ओ तो मिनख साचांणी मांय घणा चमतकार रा कांम करै है। 48जे अपां इणनै यूं ई छोड़ दियौ, तो सैंग इण माथै विसवास करण लाग जावैला, अर रोमी आयनै अपां रौ पवितर मिंदर अर अपांरै देस नै नास कर दैला।”
49वांरै मांय काइफा नाम रौ एक मिनख जिकौ उण साल रौ महायाजक हो, कयौ, “थांनै कीं ठाह कोनीं है, 50अर नीं समझौ के सगळौ रै खातर एक मिनख रौ मरणौ ठीक है, जिण ऊं के पूरौ देस नास नीं होवैला।”
51आ बात उणै आपरै मन ऊं कोनीं कही, पण उण साल रौ महायाजक होयनै भविसयवांणी करी, के यीसु पूरै यहूदी लोगां रै खातर मरेला। 52वो कैवल इजरायल देस रै वास्तै ही नीं, पण जगत मांय परमेसर री भटकयोड़ी संतान नै एक कर दे।
53इण वास्तै उण दिन ऊं वे यीसु नै मारणै री योजना बणाणै लाग्या। 54उण वगत ऊं यीसु यहूदियो रै बीच मांय चौड़े-धाड़ै कोनीं फिरीयो। पछै वे मरूस्थल रै खनै इफ्राईम नाम रै नगरी रै मांय गिया, अर आपरै चेलौ रै साथै उठैज रैवण लागा।
55यहूदियो रौ फसह रौ तैंवार नैड़ौ हो, अर घणाकर लोग फसह ऊं पैला इज यरुसलेम आ गिया की वे अपणै आप नै यहूदी रीति ऊं पवितर कर सकै। 56वे यीसु नै सौधण लागा अर वे मिंदर रै चौक मे मिळता अर एक-दूजै नै पूछता, “थै कांई सोचो हो? कांई यीसु तैंवार में कोनीं आवैला?” 57उणीज वेळा परधान याजकौ अर फरीसियों चौड़े धाड़ै आ घोसणा कराई के, जिकौ ई यीसु नै देखे वो हाथोहाथ म्हौ नै खबर दैवै, ताकी म्हौ यीसु नै पकड़ सकौ।
Actualmente seleccionado:
यूहन्ना 11: RWR
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© NLCI CC BY-NC-ND 4.0
यूहन्ना 11
11
लाजर री मौत
1 #
लूक 10:38,39 बैतनिय्याह गांव रै मांय लाजर नाम रौ एक मिनख हो, जिकौ बीमार हो। वो उठै आपरी बेनां मरियम अर मारथा रै साथै रैवतौ हो। 2#यूह 12:3आ वां इज मरियम ही जिकौ घणा मूंगा अन्तर नै परभु यीसु रै पग माथै चढ़ायनै वांरै पगां नै आपरा बालों ऊं पुंछिया हा। उणरौ इज भाई लाजर बीमार हो। 3इण वास्तै उणरी बेनां यीसु खनै खबर भेजी, अर कयौ, “हे परभु, जिण ऊं थै हेत राखौ हो, वो बीमार है।”
4आ बात सुणनै यीसु कयौ, “इण बीमारी रौ मकसद मौत नीं है, पण परमेसर री महिमा सारू है, की इणरै दवारा परमेसर रै बेटा री महिमा व्है।” 5अर यीसु मारथा अर उणरी बेन मरियम अर लाजर ऊं परैम राखतौ हो। 6ओ ठाह पड़ियौ, की वो बीमार है, तो जठै हा, उठै दो दिन वळै रैगा। 7इणरै पछै उणै आपरा चेलौ नै कयौ, “आओ, अपां वळै यहूदिया हालौ।”
8चेलौ यीसु नै कयौ, “हे गुरु, अबार तो यहूदी नेता थांरै भाटा ठोकणा चावता हा, अर थूं वळै उठै जावै है?”
9यीसु जबाब दियौ, “कांई दिन रौ उजाळौ बारैह घण्टा कोनीं व्है? जे कोई दिन रै उजाळै में चालै, तो वो ठोकर नीं खावै, क्यूंकै इण जगत रौ उजाळौ देखे है। 10पण कोई रात रौ चालै, वो ठोकर खावै, क्यूंकै उण वेळा चांदणौ कोनीं व्है।”
11यीसु ऐ सैंग बातां कही, अर इणरै पछै उणौ नै कैवण लागौ, की “म्हारौ बेली लाजर सूग्यौ है, पण म्हैं उणनै जगाणै जावूं हूं।”
12तद चेलौ यीसु नै कयौ, “हे परभु, जे वो सूग्यौ है, तो सावळ व्है जावैला।” 13यीसु रौ मतलब लाजर री मौत ऊं हो, पण चेलौ समझयो के वो ऊंग में सूतौ आराम करण रौ कयौ है।
14तद यीसु उणौ नै साफ-साफ कयौ, की “लाजर मर गियौ है। 15अर म्हनै खुसी है के थौरे कारण म्हैं उठै नीं हो इण वास्तै के थै म्हारै माथै विसवास करौ, पण अबै आओ, अपां उणरै खनै हालौ।”
16तद थोमा, जिकौ “जुड़वा” कहीजै है, आपरै साथी चेलौ ऊं कयौ, “आओ, अपां ई इणरै साथै मरण चालौ।”
यीसु पुनरूत्थान अर जीवन
17उठै पूगिया पछै यीसु नै ठाह पड़ियौ के लाजर नै तो भाखर रै खोदी कबर मांय राखै नै ई च्यार दिन व्हैगा। 18बैतनिय्याह, यरुसलेम ऊं लगोलग दो मील आगौ हो। 19घणा यहूदी लोग मरियम अर मारथा खनै उणरै भाई री मौत रै कारण हीमत बंधावणै रै खातर आयोड़ा हा। 20जद मारथा नै ठाह पड़ियौ के यीसु आ रिया है, तो वां उणौ ऊं भेट करणै गी, पण मरियम घर मांय इज बैठी रीं।
21मारथा यीसु नै कयौ, “हे परभु, जो थै अठै होता, तो म्हारौ भाई कदैई नीं मरतो। 22अर हाल तांई म्हैं जांणूं हूं, की जिकौ कीं थै परमेसर ऊं मांगोला, परमेसर थांनै दैला।”
23यीसु उणनै कयौ, “थारौ भाई जी उठैला।”
24मारथा यीसु नै कयौ, “म्हैं जांणूं हूं, की आखरी दिन में पुनरूत्थान रै दिन वो जी उठैला।”
25यीसु वां नै कयौ, “पुनरूत्थान अर जीवन म्हैं इज हूं, जिकौ कोई म्हारै माथै भरोसौ राखै है वो जे मर भी जावैला, तौभी जीवैला, 26अर जिकौ जीवता है, अर म्हारै माथै विसवास करै है, वे अनतकाल तांई नीं मरेला। कांई थूं इण बात माथै भरोसौ करै है?”
27वां यीसु नै कयौ, “हां परभु, म्हैं तो भरोसौ कर लियौ के परमेसर रा बेटा मसीह जिकौ जगत मांय आवण वाळा हा, वो थै इज हो।”
यीसु रै आंख्यां मांय आंसू आया
28ओ कैन वां जाती री, अर आपरी बेन मरियम नै छांनै ऊं बुलायनै कयौ, “गुरुजी अठैज है अर वे थनै बुलाय रिया हां।” 29जणै वां आ बात सुणी, वा हटके उठनै ऊभी होई अर यीसु ऊं मिलनै गी।
30यीसु हाल तांई गांव रै बारै उण जगा माथै इज हा जठै मारथा वांरै ऊं मिळी ही। 31तद यहूदी लोग जिकौ इणरै घर में हा, अर उणनै दिलासो दैणै आया हां, ओ देखनै की मरियम तुरत उठनै बारै गी है तो ओ समझया के वां कबर माथै रोवण जावै है, इण वास्तै वे ई उणरै लारै वहीर व्हैगा।
32जद मरियम उठै पूगी जठै यीसु हां, वां वांनै देख्यां अर वांरै पगां पड़ी अर कयौ, “हे परभु, जे थै अठै व्हैता तो म्हारौ भाई नीं मरतो।”
33जणै यीसु उणनै अर यहूदियो नै रोवता देखिया, तो आतमा मांय घणौ मौळौ पड़ियौ अर दुखी होयौ, 34अर यीसु कयौ, “थै उणनै कीं ठोड़ राख्यौ?”
वे कयौ, “हे परभु, चालनै देख ले।”
35यीसु रै आंख्यां मांय आंसू आया।
36तो यहूदी कयौ, “देखौ ओ उण ऊं कितौ परैम राखतौ हो।”
37पण उण में ऊं कईक जणा कयौ, “ओ मिनख जिकौ आंधा नै आंख्यां दी, वो उणनै मरणा ऊं क्यूं नीं रोक सकयौ?”
लाजर नै जीवतौ करयौ
38यीसु हाल तांई मन मांय घणा दुखी होयनै कबर माथै आया। वा एक गुफा ही, जिणरै माथै एक मोटो भाटो मेलियोड़ो हो। 39यीसु कयौ, “भाठै नै आगौ लौ।”
पण मुड़दा री बेन मारथा कयौ, “हे परभु, अबार तो उण मांय ऊं भूंडी बास आवैला, क्यूंकै उणनै मरिया नै ई च्यार दिन व्हैगा।”
40यीसु उणौनै कयौ, “पण म्हैं थनै कोनीं कियो हो के, जे थूं विसवास करैला, तो परमेसर री महिमा नै देखेला?”
41तो उणौ उण भाटा नै आगौ लियौ, तद यीसु सरग सांम्ही देख्यौ अर कयौ, “हे पिता, म्हैं थांरौ धन्यवाद करूं हूं की थै म्हारी सुण ली। 42अर म्हैं जांणूं हूं, की थै हमेसां म्हारी सुणौ हो, पण जे भीड़ आड़ै-पाड़ै ऊभी ही, इण खातर म्हैं ओ कयौ, के अठै ऊभौड़ा सगळा लोग विसवास करै, की थै म्हनै भेज्यौ हो।”
43पछै उणै जोर ऊं हेलौ पाड़ियौ, “हे लाजर बारै निकळ आव।” 44अर लाजर बारै आय ग्या। वो कफन ऊं लपेटयोड़ौ हो, अर उणरै माथा ऊपर एक अंगोछौ बांधियोड़ो हो।
यीसु उणौनै कयौ, “इणरै कफन नै खोलो अर इणनै जावण दो।”
यीसु नै मारणै री योजना
(मती 26:1–5; मरकुस 14:1,2; लूका 22:1,2)
45घणाकर यहूदी लोग जिकौ मरियम रै साथै हा, जणै वे यीसु रौ ओ कांम देख्यौ, तो उण माथै विसवास करयौ। 46पण केई जणा फरीसियों खनै जायनै यीसु रै कांम रा समाचार दिया। 47तो परधान याजकौ अर फरीसियों इण माथै सलाह-सूत करण खातर एक सभा बुलाई। वे आपस मांय पूछयौ, “अपां कांई करां हो? ओ तो मिनख साचांणी मांय घणा चमतकार रा कांम करै है। 48जे अपां इणनै यूं ई छोड़ दियौ, तो सैंग इण माथै विसवास करण लाग जावैला, अर रोमी आयनै अपां रौ पवितर मिंदर अर अपांरै देस नै नास कर दैला।”
49वांरै मांय काइफा नाम रौ एक मिनख जिकौ उण साल रौ महायाजक हो, कयौ, “थांनै कीं ठाह कोनीं है, 50अर नीं समझौ के सगळौ रै खातर एक मिनख रौ मरणौ ठीक है, जिण ऊं के पूरौ देस नास नीं होवैला।”
51आ बात उणै आपरै मन ऊं कोनीं कही, पण उण साल रौ महायाजक होयनै भविसयवांणी करी, के यीसु पूरै यहूदी लोगां रै खातर मरेला। 52वो कैवल इजरायल देस रै वास्तै ही नीं, पण जगत मांय परमेसर री भटकयोड़ी संतान नै एक कर दे।
53इण वास्तै उण दिन ऊं वे यीसु नै मारणै री योजना बणाणै लाग्या। 54उण वगत ऊं यीसु यहूदियो रै बीच मांय चौड़े-धाड़ै कोनीं फिरीयो। पछै वे मरूस्थल रै खनै इफ्राईम नाम रै नगरी रै मांय गिया, अर आपरै चेलौ रै साथै उठैज रैवण लागा।
55यहूदियो रौ फसह रौ तैंवार नैड़ौ हो, अर घणाकर लोग फसह ऊं पैला इज यरुसलेम आ गिया की वे अपणै आप नै यहूदी रीति ऊं पवितर कर सकै। 56वे यीसु नै सौधण लागा अर वे मिंदर रै चौक मे मिळता अर एक-दूजै नै पूछता, “थै कांई सोचो हो? कांई यीसु तैंवार में कोनीं आवैला?” 57उणीज वेळा परधान याजकौ अर फरीसियों चौड़े धाड़ै आ घोसणा कराई के, जिकौ ई यीसु नै देखे वो हाथोहाथ म्हौ नै खबर दैवै, ताकी म्हौ यीसु नै पकड़ सकौ।
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© NLCI CC BY-NC-ND 4.0