Mothi 16
16
Jihudi ojarok sidom naini naiyw
(Mark 8:11-13; Luk 12:54-56)
1Jerw kainwi kaitham Phorisi tei Soddukirok Jisunw bajai naini bagwi Bini dayw phaikha tei bok chukhani kwrwngsa sidom naini naikha.
2Jisu boknw joba rwgwi sakha, "Swinda ongkhalai nokh hinw, 'Khanapni sal kwchwng ongnai twmwi hinba nokha kachak ongjak.' 3Arw huaikhalai nokh sagw, 'Tini oatwi rwnai twmwi hinba nokha kachak arw kwswm ongjak.' Nokh nokhanw gam khalaywi nalchir khalaini rwngw, matwr jorani sidomnw bijiya. 4I molni chaya paitokya borogrokse sidom rutubw, matwr Jonani sidomni bader boknw arw kothe mwngsa sidom phunukgalak." Obwni jerw Jisu boknw yakarwi thangkha.
Phorisi tei Sodduki rokni phwrwngmani kothoyw hus khalaimani
(Mark 8:14-21)
5Sagrirok twithuni oijang narw thangphini auan lani palokjak. 6Jisu boknw sakha, "Nokh kwrwk ongdi, Phorisibai Sodduki rokni chothani hus tongdi." 7Obwbai sagrirok saknibai sak salaini nangkha, "Chwng auan twbwjiya hinwi Bw i koknw sakha."
8O koknw bijiywi Jisu sakha, "Paitokma kisarok, nokh tani nokhni bai nokh salaidok je nokhni auan kwrwi? 9Nokh tama tabokbw bijidokya? Nokhni ta bakhabw kaya? O sai ba borogni bagwi auan lebani koknw, obwni jerw khopara bwswk nokh tisagwi lajak? 10Arw o brwi sai borogni bagwi auan leb snini koknw, tei nokh khopara bwswk tisagwi lajak? 11Nokh tani bijiya je, Ang nokhnw auanni koknw sajiya? Matwr nokh Phorisibai Soddukirokni chothani hus tongdi." 12Aiphuo bok bijikha, Bw auan chotha dainiya, matwr Phorisibai Soddukirokni phwrwngma dainise hus khalaywi tongdi hinwi sajak.
Pitor sakha Subrai Jisuse Mosiho
(Mark 8:27-30; Luk 9:18-21)
13Jerw Jisu Kwisoriya Philipi jilao thangwi Bini sagriroknw swngkha, "Borogni Sajlani kothoyw borogrok ta sa?" 14Bok sakha, "Kaisa kanwi sagw nwng baptismo rwnai Johon, Kaisa kanwi sagw Eliyo, arwbw kaisa kanwi sagw Jiromiyo eba diyarirokni daini kaisa."
15Aiphuo Bw boknw sakha, "Matwr nokh tama sa, Ang swrw?" 16Simon Pitor sakha, "Nwng o Mosiho, kathang Kaitorni Sajla."
17Joba rwgwi Jisu bwnw sakha, "Jonani basa Simon, hamsa nwng! twmwi hinba kaisa borog nini dayw imwnw saplang jiya, Ani chukhani Aphase nini dayw saplangjak. 18Ang nwnw sadok, nwng Pitor (jebwni sema Holong), i holongni sakagw Ang Ani mothanw tisanw. Bini sakao kaplai ongni morkeni mwngsa pharan kwrwi. 19Ang nwnw chukha auarni surani roknw rwnai, tei nwng hayungw jebw khanw, obw chukhaobw khajaknw arw hayungw jeba khengnw, obw chukhaobw khengjaknw."
20Aiphuo Bw Bini sagriroknw hus khaywi rwkha bok kaisanwbw sayatwi, Bwse Mosiho.
Sakni thwinainw lagwi Subrai Jisu samani
(Mark 8:31-9:1; Luk 9:22-27)
21O jorani jimin Jisu Bini sagriroknw sani nangkha, Bw Jirusalemw mathangnai arw okara chakararok, chontai ojarok tei raida phwrangsa rokni bagwi kabangma dugu mabuginai. Jerw Bwnw buthalwi pairwnai arw salthamni salw Bw thangwi bachanai.
22Aiphuo Pitor Bwnw pang kaisa tilangwi daisa rwgwi sani nangkha, "Subrai, imwrok Nini daini kachalw tongthwk. Nwngbai imwrok oaisabw ta ongthwk."
23Jisu Pitorni aita phirogwi bwnw sakha, "Saitan, nwng Ani daini thangdi. Nwng Ani lamani thema. Twmwi hinba nini i oansokma Kaitorni daini phaijiya borogni dainise phaiyw.
24Aiphuo Jisu Bini sagriroknw sakha, "Kaisaswk Ani lamao phaini naikhalai bw bini muchukmwngtwi himyatwi, sakni krusnw balwi lathwk arw Anw ukhum ukhum phaithwk. 25Kaisaswk jwtini bini sakni langmanw rwkhiya khalaini nayw hinkhlai bw bini kwbwi langmanw kamajaknai, matwr jwtini kaisaswk Ani bagwi bini singli kamajagw hinkhlai bw bini kwbwi langmanw rwkhiya khalainw. 26Kaisaswk jwtini jotho hayungnw manwibw kwbwi langmanw kamajagw, halai bini tama amrai ongnw? Eba bini singlinw philwi manni bagwi tama rwmannw?" 27Twmwi hinba Borogni Sajla Bini suari roknw logeo lagwi Bini Phani lobmwngtwi phainai. Aiphuo Bw jotho borognw bini samungni maping bathai rwnai. 28Ang nokhnw daijw khalaywi sadok, idayw bachagwi tongjak rokni bisingw kainwi kaitham tongw jebwrok Borogni Sajlanw bugra ongwi phaimani nungya sak jora thwigalak."
Actualmente seleccionado:
Mothi 16: TPE
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
©️2025 Bible Students Fellowship of Bangladesh
Mothi 16
16
Jihudi ojarok sidom naini naiyw
(Mark 8:11-13; Luk 12:54-56)
1Jerw kainwi kaitham Phorisi tei Soddukirok Jisunw bajai naini bagwi Bini dayw phaikha tei bok chukhani kwrwngsa sidom naini naikha.
2Jisu boknw joba rwgwi sakha, "Swinda ongkhalai nokh hinw, 'Khanapni sal kwchwng ongnai twmwi hinba nokha kachak ongjak.' 3Arw huaikhalai nokh sagw, 'Tini oatwi rwnai twmwi hinba nokha kachak arw kwswm ongjak.' Nokh nokhanw gam khalaywi nalchir khalaini rwngw, matwr jorani sidomnw bijiya. 4I molni chaya paitokya borogrokse sidom rutubw, matwr Jonani sidomni bader boknw arw kothe mwngsa sidom phunukgalak." Obwni jerw Jisu boknw yakarwi thangkha.
Phorisi tei Sodduki rokni phwrwngmani kothoyw hus khalaimani
(Mark 8:14-21)
5Sagrirok twithuni oijang narw thangphini auan lani palokjak. 6Jisu boknw sakha, "Nokh kwrwk ongdi, Phorisibai Sodduki rokni chothani hus tongdi." 7Obwbai sagrirok saknibai sak salaini nangkha, "Chwng auan twbwjiya hinwi Bw i koknw sakha."
8O koknw bijiywi Jisu sakha, "Paitokma kisarok, nokh tani nokhni bai nokh salaidok je nokhni auan kwrwi? 9Nokh tama tabokbw bijidokya? Nokhni ta bakhabw kaya? O sai ba borogni bagwi auan lebani koknw, obwni jerw khopara bwswk nokh tisagwi lajak? 10Arw o brwi sai borogni bagwi auan leb snini koknw, tei nokh khopara bwswk tisagwi lajak? 11Nokh tani bijiya je, Ang nokhnw auanni koknw sajiya? Matwr nokh Phorisibai Soddukirokni chothani hus tongdi." 12Aiphuo bok bijikha, Bw auan chotha dainiya, matwr Phorisibai Soddukirokni phwrwngma dainise hus khalaywi tongdi hinwi sajak.
Pitor sakha Subrai Jisuse Mosiho
(Mark 8:27-30; Luk 9:18-21)
13Jerw Jisu Kwisoriya Philipi jilao thangwi Bini sagriroknw swngkha, "Borogni Sajlani kothoyw borogrok ta sa?" 14Bok sakha, "Kaisa kanwi sagw nwng baptismo rwnai Johon, Kaisa kanwi sagw Eliyo, arwbw kaisa kanwi sagw Jiromiyo eba diyarirokni daini kaisa."
15Aiphuo Bw boknw sakha, "Matwr nokh tama sa, Ang swrw?" 16Simon Pitor sakha, "Nwng o Mosiho, kathang Kaitorni Sajla."
17Joba rwgwi Jisu bwnw sakha, "Jonani basa Simon, hamsa nwng! twmwi hinba kaisa borog nini dayw imwnw saplang jiya, Ani chukhani Aphase nini dayw saplangjak. 18Ang nwnw sadok, nwng Pitor (jebwni sema Holong), i holongni sakagw Ang Ani mothanw tisanw. Bini sakao kaplai ongni morkeni mwngsa pharan kwrwi. 19Ang nwnw chukha auarni surani roknw rwnai, tei nwng hayungw jebw khanw, obw chukhaobw khajaknw arw hayungw jeba khengnw, obw chukhaobw khengjaknw."
20Aiphuo Bw Bini sagriroknw hus khaywi rwkha bok kaisanwbw sayatwi, Bwse Mosiho.
Sakni thwinainw lagwi Subrai Jisu samani
(Mark 8:31-9:1; Luk 9:22-27)
21O jorani jimin Jisu Bini sagriroknw sani nangkha, Bw Jirusalemw mathangnai arw okara chakararok, chontai ojarok tei raida phwrangsa rokni bagwi kabangma dugu mabuginai. Jerw Bwnw buthalwi pairwnai arw salthamni salw Bw thangwi bachanai.
22Aiphuo Pitor Bwnw pang kaisa tilangwi daisa rwgwi sani nangkha, "Subrai, imwrok Nini daini kachalw tongthwk. Nwngbai imwrok oaisabw ta ongthwk."
23Jisu Pitorni aita phirogwi bwnw sakha, "Saitan, nwng Ani daini thangdi. Nwng Ani lamani thema. Twmwi hinba nini i oansokma Kaitorni daini phaijiya borogni dainise phaiyw.
24Aiphuo Jisu Bini sagriroknw sakha, "Kaisaswk Ani lamao phaini naikhalai bw bini muchukmwngtwi himyatwi, sakni krusnw balwi lathwk arw Anw ukhum ukhum phaithwk. 25Kaisaswk jwtini bini sakni langmanw rwkhiya khalaini nayw hinkhlai bw bini kwbwi langmanw kamajaknai, matwr jwtini kaisaswk Ani bagwi bini singli kamajagw hinkhlai bw bini kwbwi langmanw rwkhiya khalainw. 26Kaisaswk jwtini jotho hayungnw manwibw kwbwi langmanw kamajagw, halai bini tama amrai ongnw? Eba bini singlinw philwi manni bagwi tama rwmannw?" 27Twmwi hinba Borogni Sajla Bini suari roknw logeo lagwi Bini Phani lobmwngtwi phainai. Aiphuo Bw jotho borognw bini samungni maping bathai rwnai. 28Ang nokhnw daijw khalaywi sadok, idayw bachagwi tongjak rokni bisingw kainwi kaitham tongw jebwrok Borogni Sajlanw bugra ongwi phaimani nungya sak jora thwigalak."
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
©️2025 Bible Students Fellowship of Bangladesh