Dôm Bruk Ngak 8
8
Sau-lơ phak pabrai Nhom Nưbi
1Sau-lơ bram ka bruk Ê-tiên gok pamưtai. Dalam harei nan, Nhom Nưbi tak Yê-ru-sa-lem gōk binhôr phak pabrai biak danưh; klāk tabiak dôm Xêh Pachai, abih mưnuix dial Pô jang gok calah blah dalam dôm nưgar Yu-đê thong Sa-ma-ri. 2Dôm urang dial taka dar ramik Ê-tiên thong hia patak parai ka ong biak ralô. 3#Bruk 22:4,5; Bruk 26:9-11.Min Sau-lơ phak pabrai Nhom Nưbi, blak tamư yāup boh thang mưk bih urang likei gam urang kamei karơk dalam thang danuh.
Khao Siam bihu rao lang tak Sa-ma-ri
4Yau nan, dôm urang gok calah blah nao mưng libik ni tal libik dêh lang pahơh Khao Siam. 5Phi-lip trun nao dhan Sa-ma-ri rao lang Dê Krist ka bôl bhap tak nan. 6Tapôr bôl pang Phi-lip lang thong ƀôh dôm nưm crih ong ngak yơ tha duk tha dai patom mat pang ong; 7kaywa hu ralô tan ok yang prêu prong xap bloh tabiak truh di dôm urang gok mưk; ralô urang mưtai arak thong joh lijang bihu pajru dhit. 8Ywa nan ka, dalam dhan hu mưthik mưdar pakal bui.
Badut Si-môn
9Kal nan, dalam dhan nan hu tha urang angan Si-môn, dahlau dêh ngak danok pamong, êng brei ka drei nạn mưnuix prong di prong, ngak ka bôl Sa-ma-ri plơng kadơng. 10Abih drei mưng xit tal prong jang pang tui ong, đôm laic: “Urang ni iêu nạn Xagta Prong, nạn gon xagta Pô Lingik.” 11Khol nhu pang tui ong kaywa livik mai ong nan angui pamong ngak ka khol nhu plơng kadơng. 12Min tuk khol nhu krung hu dial Phi-lip, urang rao lang Khao Siam ka Dit Biya Pô Lingik thong angan Pô Yê-su Krist ka khol nhu, yơ bih likei gam kamei jang tôk ƀap-tem. 13Êng Si-môn lijang dial; hadei di tuk tôk ƀap-tem, ong mưdok takung thong Phi-lip. Ƀôh dôm thunau ginrơh thong nưm crih prong bihu klan, ong biak plơng kadơng.
14Dôm Xêh Pachai pak Yê-ru-sa-lem hamit khao bôl bhap Sa-ma-ri krung hu takabal Panôic Pô Lingik binhêt pađar Phi-e-rơ thong Yâng mưrai tom khol nhu. 15Dwa ong mưrai tal, lang kar ka dôm urang ni piêh khol nhu tôk mưk Pô Nưbi Ginrơh. 16Kaywa Pô Nưbi Ginrơh ô ka jrang trun di thei trah, khol nhu ciêt nưmax angan Pô nạn Pô Yê-su tôk ƀap-tem min. 17Phi-e-rơ thong Yâng cek tangin ngok khol nhu, khol nhu binhêt tôk mưk Pô Nưbi Ginrơh. 18Tuk ƀôh dôm Xêh Pachai cek tangin tagôk yơ Pô Nưbi Ginrơh bihu ƀai trun, Si-môn binhêt mưk jiên limah ka dwa Xêh Pachai, bloh đôm: 19“Likau lijang brei ka dahlak aco gon nan, piêh dahlak cek tangin di thei yơ urang nạn tôk mưk Pô Nưbi Ginrơh.” 20Min Phi-e-rơ thuuk laic: “Jiên hư lijang pao lihik thong hư, kaywa hư đaka hu mưda mưk jiên blei bihu gruk ƀai alin anưd Pô Lingik. 21Hư ôh bihu tamưbha ngan klah rabha dalam kabha ni, kaywa tian hư ôh tapak tape di anak Pô Lingik. 22Yau nan, xang tumal bruk ag hư thong lang kar thong Pô, mưyah hu, mưca Bhô ampun thangka nan dalam tian hư. 23Kaywa dahlak ƀôh hư krưh dok dalam phik plak thong dalam talei threng danuh khak.” 24Si-môn thuuk: “Xang likau lang kar di Pô ka dahlak, piêh dahlak ôh tavak kabha ong đôm nan.”
25Hadei di tuk krung hu ngak kaxan thong lang agama Pô, Phi-e-rơ thong Yâng gilaic mai Yê-ru-sa-lem, thong nao thong lang pahơh Khao Siam dalam ralô palei mưnuix Sa-ma-ri.
Kwan gok baxeh xari Ê-thi-ô-pi dial Pô Yê-su
26Kal nan, hu tha umat Pô bican thong Phi-lip: “Xang dang tagôk nao gah mưrong#8:26 nao gah mưrong: Ngan nạn nao tuk krưh pađiak., tui jalan mưng Yê-ru-sa-lem trun Ga-xa. Jalan nan jwa pa.” 27Ong dang tagôk bloh nao. Dêh hu tha kwan gok baxeh xari Ê-thi-ô-pi ngak kwan prong Kan-đag, patao kamei ia Ê-thi-ô-pi mong iơk abih kamnat muk. Ong krung hu nao tal Yê-ru-sa-lem piêh bhuktik; 28thong tuk gilaic mai, dok ngok rideh atheh, pôic tapuk hôr Ê-sai. 29Pô Nưbi Ginrơh đôm thong Phi-lip: “Xang nao jek thong tui ka thumu rideh nan.” 30Phi-lip đôic tal, pang ong nan dok krưh pôic tapuk hôr Ê-sai yơ đôm laic: “Ong thau panôic drei dok krưh pôic nan lei?” 31Kwan gok baxeh xari thuuk: “Mưyah ôh hu thei ariêng ba, ngak habar dahlak dul bihu?” Bloh ong daa Phi-lip tagôk rideh dok thong drei. 32Pat Agal Nưbi ong krưh dok pôic yau ni:
“Urang krung hu gok dui nao yau pabo ba ngak rilo,
Yau pabo anưk gađang dhit di anak ra cakak bilau, Urang ôh bik pơh pabah.
33Dalam tuk Urang gok jhơk jhel, adil krung hu gok mưblah mưk.
Thei hu mưda đôm tal talei pajeh Urang?
Kaywa gruk diup Urang krung hu gok ba truh di tanưh bloh.”
34Kwan gok baxeh xari đôm thong Phi-lip: “Likau tanhi ong, pakat hôr krung hu đôm kabha ni piêh đôm ka thei? Ka êng drei ngan ka mưnuix halei pakan?” 35Phi-lip binhêt pơh pabah, raup mưng pat Agal Nưbi nan bloh rao lang Khao Siam Pô Yê-su ka ong. 36Tuk dwa urang dok krưh nao, gōk libik hu ia, kwan gok baxeh xari đôm: “Mưni, ia ni, hu kabha haget kađah dahlak tôk ƀap-tem kaic?” 37[Phi-lip đôm: “Mưyah ong bih tian dial, kabha nan hu mưda jiơng.” Ong thuuk: “Dahlak dial Pô Yê-su Krist nạn Anưk Pô Lingik.”]#8:37 Dalam tha thanôn blah vak tangin ôh hu kanen 37. 38Ong pađar padơh rideh, bloh abih dwa jang trun ia, bloh Phi-lip ngak ƀap-tem ka kwan gok baxeh xari. 39Tuk tagôk truh di ia, Pô Nưbi Ginrơh anưd Pô ba Phi-lip nao; kwan gok baxeh xari ôh ƀôh ong vơk, thong bui ôn ngok jalan nao. 40Mưnuix ƀôh Phi-lip dok dhan A-xôt; ngok jalan nao tal Sê-sa-rê, ong rao lang Khao Siam ka abih dhan drei krung hu veh tapa.
Actualmente seleccionado:
Dôm Bruk Ngak 8: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Dôm Bruk Ngak 8
8
Sau-lơ phak pabrai Nhom Nưbi
1Sau-lơ bram ka bruk Ê-tiên gok pamưtai. Dalam harei nan, Nhom Nưbi tak Yê-ru-sa-lem gōk binhôr phak pabrai biak danưh; klāk tabiak dôm Xêh Pachai, abih mưnuix dial Pô jang gok calah blah dalam dôm nưgar Yu-đê thong Sa-ma-ri. 2Dôm urang dial taka dar ramik Ê-tiên thong hia patak parai ka ong biak ralô. 3#Bruk 22:4,5; Bruk 26:9-11.Min Sau-lơ phak pabrai Nhom Nưbi, blak tamư yāup boh thang mưk bih urang likei gam urang kamei karơk dalam thang danuh.
Khao Siam bihu rao lang tak Sa-ma-ri
4Yau nan, dôm urang gok calah blah nao mưng libik ni tal libik dêh lang pahơh Khao Siam. 5Phi-lip trun nao dhan Sa-ma-ri rao lang Dê Krist ka bôl bhap tak nan. 6Tapôr bôl pang Phi-lip lang thong ƀôh dôm nưm crih ong ngak yơ tha duk tha dai patom mat pang ong; 7kaywa hu ralô tan ok yang prêu prong xap bloh tabiak truh di dôm urang gok mưk; ralô urang mưtai arak thong joh lijang bihu pajru dhit. 8Ywa nan ka, dalam dhan hu mưthik mưdar pakal bui.
Badut Si-môn
9Kal nan, dalam dhan nan hu tha urang angan Si-môn, dahlau dêh ngak danok pamong, êng brei ka drei nạn mưnuix prong di prong, ngak ka bôl Sa-ma-ri plơng kadơng. 10Abih drei mưng xit tal prong jang pang tui ong, đôm laic: “Urang ni iêu nạn Xagta Prong, nạn gon xagta Pô Lingik.” 11Khol nhu pang tui ong kaywa livik mai ong nan angui pamong ngak ka khol nhu plơng kadơng. 12Min tuk khol nhu krung hu dial Phi-lip, urang rao lang Khao Siam ka Dit Biya Pô Lingik thong angan Pô Yê-su Krist ka khol nhu, yơ bih likei gam kamei jang tôk ƀap-tem. 13Êng Si-môn lijang dial; hadei di tuk tôk ƀap-tem, ong mưdok takung thong Phi-lip. Ƀôh dôm thunau ginrơh thong nưm crih prong bihu klan, ong biak plơng kadơng.
14Dôm Xêh Pachai pak Yê-ru-sa-lem hamit khao bôl bhap Sa-ma-ri krung hu takabal Panôic Pô Lingik binhêt pađar Phi-e-rơ thong Yâng mưrai tom khol nhu. 15Dwa ong mưrai tal, lang kar ka dôm urang ni piêh khol nhu tôk mưk Pô Nưbi Ginrơh. 16Kaywa Pô Nưbi Ginrơh ô ka jrang trun di thei trah, khol nhu ciêt nưmax angan Pô nạn Pô Yê-su tôk ƀap-tem min. 17Phi-e-rơ thong Yâng cek tangin ngok khol nhu, khol nhu binhêt tôk mưk Pô Nưbi Ginrơh. 18Tuk ƀôh dôm Xêh Pachai cek tangin tagôk yơ Pô Nưbi Ginrơh bihu ƀai trun, Si-môn binhêt mưk jiên limah ka dwa Xêh Pachai, bloh đôm: 19“Likau lijang brei ka dahlak aco gon nan, piêh dahlak cek tangin di thei yơ urang nạn tôk mưk Pô Nưbi Ginrơh.” 20Min Phi-e-rơ thuuk laic: “Jiên hư lijang pao lihik thong hư, kaywa hư đaka hu mưda mưk jiên blei bihu gruk ƀai alin anưd Pô Lingik. 21Hư ôh bihu tamưbha ngan klah rabha dalam kabha ni, kaywa tian hư ôh tapak tape di anak Pô Lingik. 22Yau nan, xang tumal bruk ag hư thong lang kar thong Pô, mưyah hu, mưca Bhô ampun thangka nan dalam tian hư. 23Kaywa dahlak ƀôh hư krưh dok dalam phik plak thong dalam talei threng danuh khak.” 24Si-môn thuuk: “Xang likau lang kar di Pô ka dahlak, piêh dahlak ôh tavak kabha ong đôm nan.”
25Hadei di tuk krung hu ngak kaxan thong lang agama Pô, Phi-e-rơ thong Yâng gilaic mai Yê-ru-sa-lem, thong nao thong lang pahơh Khao Siam dalam ralô palei mưnuix Sa-ma-ri.
Kwan gok baxeh xari Ê-thi-ô-pi dial Pô Yê-su
26Kal nan, hu tha umat Pô bican thong Phi-lip: “Xang dang tagôk nao gah mưrong#8:26 nao gah mưrong: Ngan nạn nao tuk krưh pađiak., tui jalan mưng Yê-ru-sa-lem trun Ga-xa. Jalan nan jwa pa.” 27Ong dang tagôk bloh nao. Dêh hu tha kwan gok baxeh xari Ê-thi-ô-pi ngak kwan prong Kan-đag, patao kamei ia Ê-thi-ô-pi mong iơk abih kamnat muk. Ong krung hu nao tal Yê-ru-sa-lem piêh bhuktik; 28thong tuk gilaic mai, dok ngok rideh atheh, pôic tapuk hôr Ê-sai. 29Pô Nưbi Ginrơh đôm thong Phi-lip: “Xang nao jek thong tui ka thumu rideh nan.” 30Phi-lip đôic tal, pang ong nan dok krưh pôic tapuk hôr Ê-sai yơ đôm laic: “Ong thau panôic drei dok krưh pôic nan lei?” 31Kwan gok baxeh xari thuuk: “Mưyah ôh hu thei ariêng ba, ngak habar dahlak dul bihu?” Bloh ong daa Phi-lip tagôk rideh dok thong drei. 32Pat Agal Nưbi ong krưh dok pôic yau ni:
“Urang krung hu gok dui nao yau pabo ba ngak rilo,
Yau pabo anưk gađang dhit di anak ra cakak bilau, Urang ôh bik pơh pabah.
33Dalam tuk Urang gok jhơk jhel, adil krung hu gok mưblah mưk.
Thei hu mưda đôm tal talei pajeh Urang?
Kaywa gruk diup Urang krung hu gok ba truh di tanưh bloh.”
34Kwan gok baxeh xari đôm thong Phi-lip: “Likau tanhi ong, pakat hôr krung hu đôm kabha ni piêh đôm ka thei? Ka êng drei ngan ka mưnuix halei pakan?” 35Phi-lip binhêt pơh pabah, raup mưng pat Agal Nưbi nan bloh rao lang Khao Siam Pô Yê-su ka ong. 36Tuk dwa urang dok krưh nao, gōk libik hu ia, kwan gok baxeh xari đôm: “Mưni, ia ni, hu kabha haget kađah dahlak tôk ƀap-tem kaic?” 37[Phi-lip đôm: “Mưyah ong bih tian dial, kabha nan hu mưda jiơng.” Ong thuuk: “Dahlak dial Pô Yê-su Krist nạn Anưk Pô Lingik.”]#8:37 Dalam tha thanôn blah vak tangin ôh hu kanen 37. 38Ong pađar padơh rideh, bloh abih dwa jang trun ia, bloh Phi-lip ngak ƀap-tem ka kwan gok baxeh xari. 39Tuk tagôk truh di ia, Pô Nưbi Ginrơh anưd Pô ba Phi-lip nao; kwan gok baxeh xari ôh ƀôh ong vơk, thong bui ôn ngok jalan nao. 40Mưnuix ƀôh Phi-lip dok dhan A-xôt; ngok jalan nao tal Sê-sa-rê, ong rao lang Khao Siam ka abih dhan drei krung hu veh tapa.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.