Dôm Bruk Ngak 5
5
A-na-nia thong Sa-phi-ra
1Min hu tha urang angan A-na-nia, thubik thong hadiup nạn Sa-phi-ra, pablei ƀang angui drei. 2Ong bram thong hadiup khik vơk tha nôk jiên pablei, bloh ba nôk dok vơk cek ala takai dôm Xêh Pachai. 3Phi-e-rơ đôm: “Mưni A-na-nia! Habar lôi ka Sa-tan tamư bak lamak di tian ong, thangak ong đôm lor thong Pô Nưbi Ginrơh bloh khik vơk tha nôk jiên pablei hamu nan? 4Tuk ô ka pablei hamu nan, nhu ôh njaup anưd ong ô? Tuk pablei bloh, jiên nan ôh njaup bha di gon angui ong ô? Ywa haget ong gilaic kahri kahria bruk yau nan dalam tian? Ôh njaup đôm lor thong mưrôxak ô min nạn đôm lor thong Pô Lingik.” 5Pang dôm panôic nan bloh, A-na-nia jalơh trun thong kloh xwan. Abih drei pang kabha nan jang thur mưk. 6Dôm dam dara tagôk dang paangui atau nhu bloh ba nao dar.
7Nôic klau tuk hadei, hadiup nhu yam tamư, ô ka mưda thau bruk birau mưjiơng tabiak. 8Phi-e-rơ đôm thong muk: “Xang brei ka dahlak thau, hu njaup muk krung hu pablei alok hamu thong yom hadôm nan lei?” Muk thuuk: “Pô, yom hadôm nan.” 9Phi-e-rơ đôm: “Habar ong muk tha hatai khin padang anngak piêh long Pô Nưbi Ginrơh anưd Pô? Dêh, takai dôm urang dar pathang muk dok dang di lingiu baƀang, mưca khol nhu ba muk nao takung.” 10Êng tuk nan, muk jalơh trun di takai Phi-e-rơ bloh kloh xwan. Dôm dam dara gilaic mai ƀôh muk krung hu mưtai, binhêt cakông nao dar taphia tanum pathang nhu. 11Abih Nhom Nưbi thong dôm urang hamit dôm bruk ni jang biak thur mưk.
Gruk cak rôk agama Pô Yê-su
12Kal nan, hu ralô thunau ginrơh thong nưm crih bihu ngak di krưh bôl bhap kaywa di tangin dôm Xêh Pachai. Abih mưnuix dial Pô jang ginum gimnit nhom gaup ala caic baƀang Sa-lô-môn. 13Ôh thei pakan khin tamưbha thong khol nhu, min bôl bhap yơ biak pôkja. 14Thanôn urang dial Pô Yê-su bik harei bik paƀlwak ralô drei, dalam nan hu bih likei gam kamei, 15thangak mưnuix urang xang ba dôm urang rwak hakik cek di lingiu jalan din, pađih ngok katong thong ayun piêh tuk Phi-e-rơ nao thrang tapa, binguk ong takik tra lijang pacang hu hadôm mưnuix rwak. 16Bôl bhap dok di dôm mưdin jek taphia lijang patom nhom pak Yê-ru-sa-lem, ba mưrai dôm ra pađik pađwa, dôm ra gok dôm tan ok yang dan duh thong abih jang bihu pajru dhit.
Dôm Xêh Pachai gok mưk bloh bihu talơh taleh – Panôic Ga-ma-li-ên jum gimnit
17Kal nạn gru mưliêng glong yatha thong dôm ra tui ong, ar nạn môn Sa-đu-xê ginrak tian jhak hatai, dang tagôk 18mưk dôm Xêh Pachai jam tamư thang danuh. 19Min tuk mưlam hu tha umat Pô pơh baƀang thang danuh ba dôm Xêh Pachai tabiak thong kakei laic: 20“Xang nao, dang dalam huji thong rao lang ka bôl bhap graup panôic anưd gruk diup ni.” 21Hamit yau nan, dôm Xêh Pachai nao tamư huji birau tuk hadah ƀrang thong raup pato pakai. Tuk gru mưliêng glong yatha thong tapôr kadi kadai mưrai, khol nhu iêu patom Ginum biai thong abih ginôr taha bôl I-sra-ên vơk, bloh pachai mưnuix tamư thang danuh piêh ba dôm Xêh Pachai mưrai. 22Min dôm urang đwa gon tamư dalam thang danuh, ôh ƀôh dôm Xêh Pachai tak nan, binhêt gilaic mai pathau 23laic: “Khol dahlak ƀôh thang danuh karơk biak tani tanat thong rajabôl dang khik di anak baƀang, min tuk pơh tabiak yơ ôh ƀôh tha urang halei dok dalam nan.” 24Kar mong iơk huji thong dôm gru mưliêng prong pang dôm panôic nan ka mưbuk mưbar ka dôm Xêh Pachai thong ôh thau bruk ni mưca yau halei. 25Min hu mưnuix mưrai akhan thong khol nhu laic: “Dêh, dôm urang bloh dôm ong krung hu buh danuh, urak ni dok pak dalam huji pato pakai bôl bhap!” 26Kar mong iơk huji thong dôm rajabôl nao vêt tal libik bloh mưk dôm Xêh Pachai ba nao, min ôh ngak trak tangin kaywa khol nhu hôic di bôl bhap glam patau.
27Khol nhu ba dôm Xêh Pachai nao thong ba mưrai ginum biai. Gru mưliêng glong yatha athul tanhi dôm Xêh Pachai laic: 28#Mat 27:25.“Khol dahlak krung hu ghak pakaup dôm xaai mưk angan nan piêh pato pakai,#5:28 Khol dahlak... pato pakai: Dalam tha thanôn blah vak tangin nạn Gađi halei khol dahlak ô ka bhian pakaup ghat khol hư mưk angan nan piêh pato pakai? min dôm xaai krung hu ngak ka Yê-ru-sa-lem mưthik mưdar katika drei, gilaic dok ưng ka darah Urang nan tuh gilaic di ngok khol dahlak vơk mih!” 29Phi-e-rơ thong dôm Xêh Pachai thuuk: “Dak xang pang tui Pô Lingik, dok hơl pang panôic mưnuix urang. 30Pô Lingik anưd muk kei khol drei krung hu ngak ka Pô Yê-su diup vơk, nạn Dê bloh dôm ong krung hu tôr ngok gai kayau thong pamưtai. 31Pô Lingik krung hu ba Dê nan tagôk dok gah hanuk Bhô ngak Kar Pan Akok thong Pô Dong piêh ƀai brei gruk tumal thong gruk ampun glaic ka bôl I-sra-ên. 32Êng khol dahlak nạn dôm urang ngak kaxan ka dôm bruk nan thubik thong Pô Nưbi Ginrơh bloh Pô Lingik krung hu ƀai brei ka dôm urang pang panôic Bhô.”
33Tuk pang dôm panôic ni yơ khol nhu dangih brôk hanrôi tagôk thong ưng pamưtai dôm Xêh Pachai. 34Min hu tha urang Pha-ri-si angan Ga-ma-li-ên, gru pato ka hakum jakar, bihu abih bôl bhap pôkja, dang tagôk di krưh ginum biai thong thurah ba dôm Xêh Pachai tabiak lingiu tha kal. 35Bloh ong dôm thong khol nhu: “Pathau bhap paran I-sra-ên, xang ajut ka ganap rakaya dok dang thong dôm urang ni. 36Dahlau dêh, Thêu-đa brôk tagôk, pah tada tao angan, hu nôic pāk rituh urang tui nhu, min nhu gok pamưtai, thong abih ra tui nhu jang cah côt, ôh dok haget trah. 37Hadei di nhu lijang hu Yu-đa, mưnuix Ga-li-lê, brôk tagôk dalam bangyau rah yaup akok bôl thong katung hwa ralô urang tui drei; min bloh lijang mưtai, abih urang tui nhu lijang gok calah blah. 38Urak ni dahlak likau adan rakaya: Xang pleh atah di dôm urang ni, kưk lôi nhu mek, mưyah jamal thong bruk ni mưrai mưng mưrôxak yơ mưca gok athu jwak; 39min mưyah mưrai mưng Pô Lingik yơ rakaya ôh mưda halei pabinax khol nhu bihu; gilaic vơk, rakaya kadran drei mưthuh kalin mưradhag Pô Lingik.” Yau nan, khol nhu pang tui panôic Ga-ma-li-ên adan. 40Khol nhu iêu dôm Xêh Pachai gilaic tamư, pađar atong poh thong pakaup jôi mưk angan Pô Yê-su bloh lang pato, bloh palao dwa ong tabiak.
41Ywa nan ka dôm Xêh Pachai niga truh di Ginum biai, bui ôn kaywa khol nhu krung bihu mong yau lek thamgôn ciup jhak kaywa angan Pô Yê-su. 42Yāup harei, dalam huji ngan mưng thang ni tapa thang dêh, dôm Xêh Pachai kưk kakal pato pakai thong rao pahơh Khao Siam Pô Yê-su nạn Dê Krist.
Actualmente seleccionado:
Dôm Bruk Ngak 5: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Dôm Bruk Ngak 5
5
A-na-nia thong Sa-phi-ra
1Min hu tha urang angan A-na-nia, thubik thong hadiup nạn Sa-phi-ra, pablei ƀang angui drei. 2Ong bram thong hadiup khik vơk tha nôk jiên pablei, bloh ba nôk dok vơk cek ala takai dôm Xêh Pachai. 3Phi-e-rơ đôm: “Mưni A-na-nia! Habar lôi ka Sa-tan tamư bak lamak di tian ong, thangak ong đôm lor thong Pô Nưbi Ginrơh bloh khik vơk tha nôk jiên pablei hamu nan? 4Tuk ô ka pablei hamu nan, nhu ôh njaup anưd ong ô? Tuk pablei bloh, jiên nan ôh njaup bha di gon angui ong ô? Ywa haget ong gilaic kahri kahria bruk yau nan dalam tian? Ôh njaup đôm lor thong mưrôxak ô min nạn đôm lor thong Pô Lingik.” 5Pang dôm panôic nan bloh, A-na-nia jalơh trun thong kloh xwan. Abih drei pang kabha nan jang thur mưk. 6Dôm dam dara tagôk dang paangui atau nhu bloh ba nao dar.
7Nôic klau tuk hadei, hadiup nhu yam tamư, ô ka mưda thau bruk birau mưjiơng tabiak. 8Phi-e-rơ đôm thong muk: “Xang brei ka dahlak thau, hu njaup muk krung hu pablei alok hamu thong yom hadôm nan lei?” Muk thuuk: “Pô, yom hadôm nan.” 9Phi-e-rơ đôm: “Habar ong muk tha hatai khin padang anngak piêh long Pô Nưbi Ginrơh anưd Pô? Dêh, takai dôm urang dar pathang muk dok dang di lingiu baƀang, mưca khol nhu ba muk nao takung.” 10Êng tuk nan, muk jalơh trun di takai Phi-e-rơ bloh kloh xwan. Dôm dam dara gilaic mai ƀôh muk krung hu mưtai, binhêt cakông nao dar taphia tanum pathang nhu. 11Abih Nhom Nưbi thong dôm urang hamit dôm bruk ni jang biak thur mưk.
Gruk cak rôk agama Pô Yê-su
12Kal nan, hu ralô thunau ginrơh thong nưm crih bihu ngak di krưh bôl bhap kaywa di tangin dôm Xêh Pachai. Abih mưnuix dial Pô jang ginum gimnit nhom gaup ala caic baƀang Sa-lô-môn. 13Ôh thei pakan khin tamưbha thong khol nhu, min bôl bhap yơ biak pôkja. 14Thanôn urang dial Pô Yê-su bik harei bik paƀlwak ralô drei, dalam nan hu bih likei gam kamei, 15thangak mưnuix urang xang ba dôm urang rwak hakik cek di lingiu jalan din, pađih ngok katong thong ayun piêh tuk Phi-e-rơ nao thrang tapa, binguk ong takik tra lijang pacang hu hadôm mưnuix rwak. 16Bôl bhap dok di dôm mưdin jek taphia lijang patom nhom pak Yê-ru-sa-lem, ba mưrai dôm ra pađik pađwa, dôm ra gok dôm tan ok yang dan duh thong abih jang bihu pajru dhit.
Dôm Xêh Pachai gok mưk bloh bihu talơh taleh – Panôic Ga-ma-li-ên jum gimnit
17Kal nạn gru mưliêng glong yatha thong dôm ra tui ong, ar nạn môn Sa-đu-xê ginrak tian jhak hatai, dang tagôk 18mưk dôm Xêh Pachai jam tamư thang danuh. 19Min tuk mưlam hu tha umat Pô pơh baƀang thang danuh ba dôm Xêh Pachai tabiak thong kakei laic: 20“Xang nao, dang dalam huji thong rao lang ka bôl bhap graup panôic anưd gruk diup ni.” 21Hamit yau nan, dôm Xêh Pachai nao tamư huji birau tuk hadah ƀrang thong raup pato pakai. Tuk gru mưliêng glong yatha thong tapôr kadi kadai mưrai, khol nhu iêu patom Ginum biai thong abih ginôr taha bôl I-sra-ên vơk, bloh pachai mưnuix tamư thang danuh piêh ba dôm Xêh Pachai mưrai. 22Min dôm urang đwa gon tamư dalam thang danuh, ôh ƀôh dôm Xêh Pachai tak nan, binhêt gilaic mai pathau 23laic: “Khol dahlak ƀôh thang danuh karơk biak tani tanat thong rajabôl dang khik di anak baƀang, min tuk pơh tabiak yơ ôh ƀôh tha urang halei dok dalam nan.” 24Kar mong iơk huji thong dôm gru mưliêng prong pang dôm panôic nan ka mưbuk mưbar ka dôm Xêh Pachai thong ôh thau bruk ni mưca yau halei. 25Min hu mưnuix mưrai akhan thong khol nhu laic: “Dêh, dôm urang bloh dôm ong krung hu buh danuh, urak ni dok pak dalam huji pato pakai bôl bhap!” 26Kar mong iơk huji thong dôm rajabôl nao vêt tal libik bloh mưk dôm Xêh Pachai ba nao, min ôh ngak trak tangin kaywa khol nhu hôic di bôl bhap glam patau.
27Khol nhu ba dôm Xêh Pachai nao thong ba mưrai ginum biai. Gru mưliêng glong yatha athul tanhi dôm Xêh Pachai laic: 28#Mat 27:25.“Khol dahlak krung hu ghak pakaup dôm xaai mưk angan nan piêh pato pakai,#5:28 Khol dahlak... pato pakai: Dalam tha thanôn blah vak tangin nạn Gađi halei khol dahlak ô ka bhian pakaup ghat khol hư mưk angan nan piêh pato pakai? min dôm xaai krung hu ngak ka Yê-ru-sa-lem mưthik mưdar katika drei, gilaic dok ưng ka darah Urang nan tuh gilaic di ngok khol dahlak vơk mih!” 29Phi-e-rơ thong dôm Xêh Pachai thuuk: “Dak xang pang tui Pô Lingik, dok hơl pang panôic mưnuix urang. 30Pô Lingik anưd muk kei khol drei krung hu ngak ka Pô Yê-su diup vơk, nạn Dê bloh dôm ong krung hu tôr ngok gai kayau thong pamưtai. 31Pô Lingik krung hu ba Dê nan tagôk dok gah hanuk Bhô ngak Kar Pan Akok thong Pô Dong piêh ƀai brei gruk tumal thong gruk ampun glaic ka bôl I-sra-ên. 32Êng khol dahlak nạn dôm urang ngak kaxan ka dôm bruk nan thubik thong Pô Nưbi Ginrơh bloh Pô Lingik krung hu ƀai brei ka dôm urang pang panôic Bhô.”
33Tuk pang dôm panôic ni yơ khol nhu dangih brôk hanrôi tagôk thong ưng pamưtai dôm Xêh Pachai. 34Min hu tha urang Pha-ri-si angan Ga-ma-li-ên, gru pato ka hakum jakar, bihu abih bôl bhap pôkja, dang tagôk di krưh ginum biai thong thurah ba dôm Xêh Pachai tabiak lingiu tha kal. 35Bloh ong dôm thong khol nhu: “Pathau bhap paran I-sra-ên, xang ajut ka ganap rakaya dok dang thong dôm urang ni. 36Dahlau dêh, Thêu-đa brôk tagôk, pah tada tao angan, hu nôic pāk rituh urang tui nhu, min nhu gok pamưtai, thong abih ra tui nhu jang cah côt, ôh dok haget trah. 37Hadei di nhu lijang hu Yu-đa, mưnuix Ga-li-lê, brôk tagôk dalam bangyau rah yaup akok bôl thong katung hwa ralô urang tui drei; min bloh lijang mưtai, abih urang tui nhu lijang gok calah blah. 38Urak ni dahlak likau adan rakaya: Xang pleh atah di dôm urang ni, kưk lôi nhu mek, mưyah jamal thong bruk ni mưrai mưng mưrôxak yơ mưca gok athu jwak; 39min mưyah mưrai mưng Pô Lingik yơ rakaya ôh mưda halei pabinax khol nhu bihu; gilaic vơk, rakaya kadran drei mưthuh kalin mưradhag Pô Lingik.” Yau nan, khol nhu pang tui panôic Ga-ma-li-ên adan. 40Khol nhu iêu dôm Xêh Pachai gilaic tamư, pađar atong poh thong pakaup jôi mưk angan Pô Yê-su bloh lang pato, bloh palao dwa ong tabiak.
41Ywa nan ka dôm Xêh Pachai niga truh di Ginum biai, bui ôn kaywa khol nhu krung bihu mong yau lek thamgôn ciup jhak kaywa angan Pô Yê-su. 42Yāup harei, dalam huji ngan mưng thang ni tapa thang dêh, dôm Xêh Pachai kưk kakal pato pakai thong rao pahơh Khao Siam Pô Yê-su nạn Dê Krist.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.