I Kô-rir-tô 7
7
III. Lang yah dôm masalah anưd mưnuix Kô-rir-tô
(7:1 – 11:1)
Masalah pađih padok
1Dok ka dôm masalah dei ai krung hu vak dalam harak yau “likei ôh khing kamei nạn kabha siam.” 2Min piêh pleh di canưk payar, yāup urang likei hajiơng hu hadiup, yāup urang kamei hajiơng hu pathang. 3Pathang xang ngak bak than pajan jom thong hadiup, thong hadiup jom thong pathang lijang nan rei. 4Hadiup ôh hu gon di ngok rup pabhap drei, min nạn pathang. Pathang lijang ôh hu gon di ngok rup pabhap drei, min nạn hadiup. 5Jôi niga gaup, min lôi ka dwa gah he ho tha kal, piêh cek karei tuk vag lang kar, min hadei di nan gilaic vơk thong gaup, ô mưca Sa-tan libeh di tuk dei ai u ghak rup bloh palwô ngal dei ai kaic! 6Kabha dahlak đôm sani nạn gruk ưn mih ôh njaup nạn panưđar. 7Dahlak ưng abih drei bihu yau dahlak. Min yāup urang bihu Pô Lingik ƀai brei karun karei, urang karun ni, ra karun pakan. 8Dahlak đôm thong dôm mưnuix dok thoh thong dôm urang kamei bilau laic, mưyah mưdok bihu yau dahlak yơ siam. 9Min mưyah khol nhu ôh mưda thau ghak rup bihu yơ hajiơng padang mưnga vôm, kaywa dak padang mưnga vôm dok hơl di gok mưyut mưyau hakul cuh.
10 #
Mat 5:32; Mat 19:9; Mag 10:11,12; Lu 16:18. Jom thong dôm urang krung hu padang mưnga vôm, yơ dahlak, min ôh njaup dahlak bloh nạn Pô, thurah mưni: Hadiup ôh bihu klāk pathang, 11(min mưyah krung hu klāk pathang, yơ xang dok yau nan, ngan xang ngak pathiam vơk thong pathang). Pathang lijang ôh bihu pakloh hadiup. 12Dok thong dôm urang pakan yơ dahlak, ôh njaup nạn Pô, đôm laic: Mưyah dei ai halei hu hadiup ô ka dial Pô Yê-su, min urang ni halar hatai đih dok thong drei, yơ urang nạn ôh bihu pakloh hadiup. 13Mưyah tha urang kamei hu pathang ôh dial Pô Yê-su, min urang ni halar hatai đih dok thong drei, yơ mưnuix nạn ôh bihu pakloh pathang. 14Kaywa pathang ôh dial Pô Yê-su mưca nhơ di hadiup bihu thrah nưbi; dok hadiup ôh dial Pô Yê-su mưca nhơ di pathang bihu thrah nưbi. Mưyah ôh, yơ anưk bik dei ai krung hu gok haruk haram, min urak ni khol nhu jang bihu thrah nưbi. 15Mưyah mưnuix ôh dial Pô Yê-su ưng klah nưh yơ kưk lôi ka nhu klah nưh. Dalam atabha ni, dei ai likei kamei ôh gok jiang ikak haget, kaywa Pô Lingik krung hu iêu dei ai#7:15 dei ai: Dalam tha thanôn blah vak tangin nạn khol drei. dok rai dalam iman. 16Hơic urang ngak hadiup, thau halei dei ai kamei gilaic dong bihu pathang drei? Hơic urang ngak pathang, thau halei dei ai gilaic dong bihu hadiup drei?
Dok dang tui karun Pô iêu
17Yāup urang xang dok dang tui karun Pô ƀai brei, thong tui gruk Pô Lingik iêu. Sani nạn kabha dahlak krung hu pato dalam abih Nhom Nưbi. 18Hu thei krung hu ciup khao tan bloh bihu iêu kaic? Jôi klāk kaxan anưd gruk khao tan. Hu thei ô ka ciup khao tan bloh bihu iêu kaic? Jôi pachang dwah gruk khao tan. 19Khao tan hai ôh khao tan jang ôh hu đang hakê; kabha đang hakê nạn pang khik dôm vahi Pô Lingik. 20Thei krưh mưdok di libik dang halei tuk bihu iêu xang kưk dok di libik dang nan. 21Dei ai nạn halun kloh tuk bihu iêu kaic? Jôi tavak tian; min mưyah dei ai mưda bihu salalah yơ xang pan mưk barat nan. 22Kaywa mưnuix halei bihu Pô iêu tuk dok ngak halun kloh yơ gilaic jiơng mưnuix salalah dalam Pô. Lijang yau nan rei, mưnuix salalah tuk bihu iêu yơ gilaic jiơng halun kloh ka Dê Krist. 23Dei ai krung bihu blei mưng yom biak glong; jôi gilaic jiơng halun kloh ka mưrôxak. 24Dei ai mưdok di libik dang halei tuk bihu iêu, xang kưk mưdok libik dang nan di anak Pô Lingik.
Masalah mưnuix dok thoh
25Ka masalah dôm urang kamei kanưrup, dahlak ôh hu panưđar anưd Pô; min kaywa karun athur alim Pô, dahlak ba ganap mong drei yau tha urang đang padul. 26Kaywa dôm kađah kađe urak ni, dahlak xanưng, mưyah tha urang kưk mưdok yau nan jang siam. 27Hu njaup ayut krưh dok gok jiang ikak thong hadiup? Jôi dwah ganap thwat tabiak. Hu njaup ayut ô ka gok jiang ikak thong hadiup? Jôi dwah hadiup. 28Min mưyah ayut khing kamei, ayut ôh hu glaic haget; mưyah tha urang kamei kanưrup khing likei, kanai lijang ôh hu glaic haget. Yau nan min, dôm urang hu mưnga vôm yơ mưca gōk ralô ajal bha di lôk ni; dahlak ưng dei ai pleh truh di kabha nan.
29Pathau dei ai, dahlak ưng dôm laic: Vagtu dok biak katut; nan ka mưng urak ni, dôm urang hu hadiup, xang dok dang yau ôh hu; 30dôm urang hia cok, xang dok dang yau ôh hu hia cok; dôm urang bui ôn, xang dok dang yau ôh bui ôn; dôm urang blei talei, xang dok dang yau ôh hu pakar haget; 31dôm urang krưh capagam thong dunya, xang dok dang yau ôh capagam, kaywa thek thok anưd dunya ni mưca tapa nao. 32Dahlak ưng ka dei ai klah di tavak tian uh tarak. Mưnuix ôh khing kamei yơ tanram bruk Pô, dwah ganap ngak bui tian Pô. 33Min mưnuix hu hadiup yơ pathên kahria bruk lôg. Dwah ganap ngak bui tian hadiup, 34thong khol nhu gok rabha tian. Kamei ôh khing likei, ngan urang kamei kanưrup yơ harat jari jarô bruk Pô, dwah ganap piêh abih rup pabhap thong mat xwan bihu hacih nưbi; min mưnuix hu pathang yơ harat jari jarô bruk lôg, dwah ganap ngak bui tian pathang.
35Dahlak đôm kabha ni kaywa hu hanim ka dei ai, ôh njaup piêh ghak drưh dei ai ô, min ưng ba dei ai nao tal kabha ligeh mưkrư thong ôh rabha tian dalam gruk ragxa Pô. 36Mưyah hu mưnuix halei xanưng drei ôh mưda dok dang tha ganap njaup adat thong urang kamei cek xanôi ka drei, mưyah mưyut mưyau khang, thong hajat khing kamei, yơ xang ngak tui kabha drei ưng. Xang lôi ka khol nhu khing kamei. Kabha ni ôh hu glaic di haget. 37Min mưyah thei paya dalam tian, ôh gok di gruk cak girak halei, thau padap cong takrư thong mư irat dalam tian kưk khik kanai yau kamei cek xanôi, yơ urang nan ngak tha bruk siam. 38Yau nan, mưnuix khing gaup thong kamei cek xanôi ka drei, yơ nan ngak kabha siam; min urang ôh nao tal pađih padok yơ ngak kabha siam hơl.
39Pathang dok diup livik hadôm yơ hadiup xang jiang ikak thong pathang hadôm livik. Mưyah pathang tapa urai, hadiup bihu salalah khing likei thong mưnuix drei takrư, min njaup mưnuix dok dalam Pô. 40Min tui gimnit dahlak, mưyah kưk dok yau nan yơ hu phôl hơl. Dahlak xanưng laic, dahlak lijang hu Nưbi Ginrơh Pô Lingik.
Actualmente seleccionado:
I Kô-rir-tô 7: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
I Kô-rir-tô 7
7
III. Lang yah dôm masalah anưd mưnuix Kô-rir-tô
(7:1 – 11:1)
Masalah pađih padok
1Dok ka dôm masalah dei ai krung hu vak dalam harak yau “likei ôh khing kamei nạn kabha siam.” 2Min piêh pleh di canưk payar, yāup urang likei hajiơng hu hadiup, yāup urang kamei hajiơng hu pathang. 3Pathang xang ngak bak than pajan jom thong hadiup, thong hadiup jom thong pathang lijang nan rei. 4Hadiup ôh hu gon di ngok rup pabhap drei, min nạn pathang. Pathang lijang ôh hu gon di ngok rup pabhap drei, min nạn hadiup. 5Jôi niga gaup, min lôi ka dwa gah he ho tha kal, piêh cek karei tuk vag lang kar, min hadei di nan gilaic vơk thong gaup, ô mưca Sa-tan libeh di tuk dei ai u ghak rup bloh palwô ngal dei ai kaic! 6Kabha dahlak đôm sani nạn gruk ưn mih ôh njaup nạn panưđar. 7Dahlak ưng abih drei bihu yau dahlak. Min yāup urang bihu Pô Lingik ƀai brei karun karei, urang karun ni, ra karun pakan. 8Dahlak đôm thong dôm mưnuix dok thoh thong dôm urang kamei bilau laic, mưyah mưdok bihu yau dahlak yơ siam. 9Min mưyah khol nhu ôh mưda thau ghak rup bihu yơ hajiơng padang mưnga vôm, kaywa dak padang mưnga vôm dok hơl di gok mưyut mưyau hakul cuh.
10 #
Mat 5:32; Mat 19:9; Mag 10:11,12; Lu 16:18. Jom thong dôm urang krung hu padang mưnga vôm, yơ dahlak, min ôh njaup dahlak bloh nạn Pô, thurah mưni: Hadiup ôh bihu klāk pathang, 11(min mưyah krung hu klāk pathang, yơ xang dok yau nan, ngan xang ngak pathiam vơk thong pathang). Pathang lijang ôh bihu pakloh hadiup. 12Dok thong dôm urang pakan yơ dahlak, ôh njaup nạn Pô, đôm laic: Mưyah dei ai halei hu hadiup ô ka dial Pô Yê-su, min urang ni halar hatai đih dok thong drei, yơ urang nạn ôh bihu pakloh hadiup. 13Mưyah tha urang kamei hu pathang ôh dial Pô Yê-su, min urang ni halar hatai đih dok thong drei, yơ mưnuix nạn ôh bihu pakloh pathang. 14Kaywa pathang ôh dial Pô Yê-su mưca nhơ di hadiup bihu thrah nưbi; dok hadiup ôh dial Pô Yê-su mưca nhơ di pathang bihu thrah nưbi. Mưyah ôh, yơ anưk bik dei ai krung hu gok haruk haram, min urak ni khol nhu jang bihu thrah nưbi. 15Mưyah mưnuix ôh dial Pô Yê-su ưng klah nưh yơ kưk lôi ka nhu klah nưh. Dalam atabha ni, dei ai likei kamei ôh gok jiang ikak haget, kaywa Pô Lingik krung hu iêu dei ai#7:15 dei ai: Dalam tha thanôn blah vak tangin nạn khol drei. dok rai dalam iman. 16Hơic urang ngak hadiup, thau halei dei ai kamei gilaic dong bihu pathang drei? Hơic urang ngak pathang, thau halei dei ai gilaic dong bihu hadiup drei?
Dok dang tui karun Pô iêu
17Yāup urang xang dok dang tui karun Pô ƀai brei, thong tui gruk Pô Lingik iêu. Sani nạn kabha dahlak krung hu pato dalam abih Nhom Nưbi. 18Hu thei krung hu ciup khao tan bloh bihu iêu kaic? Jôi klāk kaxan anưd gruk khao tan. Hu thei ô ka ciup khao tan bloh bihu iêu kaic? Jôi pachang dwah gruk khao tan. 19Khao tan hai ôh khao tan jang ôh hu đang hakê; kabha đang hakê nạn pang khik dôm vahi Pô Lingik. 20Thei krưh mưdok di libik dang halei tuk bihu iêu xang kưk dok di libik dang nan. 21Dei ai nạn halun kloh tuk bihu iêu kaic? Jôi tavak tian; min mưyah dei ai mưda bihu salalah yơ xang pan mưk barat nan. 22Kaywa mưnuix halei bihu Pô iêu tuk dok ngak halun kloh yơ gilaic jiơng mưnuix salalah dalam Pô. Lijang yau nan rei, mưnuix salalah tuk bihu iêu yơ gilaic jiơng halun kloh ka Dê Krist. 23Dei ai krung bihu blei mưng yom biak glong; jôi gilaic jiơng halun kloh ka mưrôxak. 24Dei ai mưdok di libik dang halei tuk bihu iêu, xang kưk mưdok libik dang nan di anak Pô Lingik.
Masalah mưnuix dok thoh
25Ka masalah dôm urang kamei kanưrup, dahlak ôh hu panưđar anưd Pô; min kaywa karun athur alim Pô, dahlak ba ganap mong drei yau tha urang đang padul. 26Kaywa dôm kađah kađe urak ni, dahlak xanưng, mưyah tha urang kưk mưdok yau nan jang siam. 27Hu njaup ayut krưh dok gok jiang ikak thong hadiup? Jôi dwah ganap thwat tabiak. Hu njaup ayut ô ka gok jiang ikak thong hadiup? Jôi dwah hadiup. 28Min mưyah ayut khing kamei, ayut ôh hu glaic haget; mưyah tha urang kamei kanưrup khing likei, kanai lijang ôh hu glaic haget. Yau nan min, dôm urang hu mưnga vôm yơ mưca gōk ralô ajal bha di lôk ni; dahlak ưng dei ai pleh truh di kabha nan.
29Pathau dei ai, dahlak ưng dôm laic: Vagtu dok biak katut; nan ka mưng urak ni, dôm urang hu hadiup, xang dok dang yau ôh hu; 30dôm urang hia cok, xang dok dang yau ôh hu hia cok; dôm urang bui ôn, xang dok dang yau ôh bui ôn; dôm urang blei talei, xang dok dang yau ôh hu pakar haget; 31dôm urang krưh capagam thong dunya, xang dok dang yau ôh capagam, kaywa thek thok anưd dunya ni mưca tapa nao. 32Dahlak ưng ka dei ai klah di tavak tian uh tarak. Mưnuix ôh khing kamei yơ tanram bruk Pô, dwah ganap ngak bui tian Pô. 33Min mưnuix hu hadiup yơ pathên kahria bruk lôg. Dwah ganap ngak bui tian hadiup, 34thong khol nhu gok rabha tian. Kamei ôh khing likei, ngan urang kamei kanưrup yơ harat jari jarô bruk Pô, dwah ganap piêh abih rup pabhap thong mat xwan bihu hacih nưbi; min mưnuix hu pathang yơ harat jari jarô bruk lôg, dwah ganap ngak bui tian pathang.
35Dahlak đôm kabha ni kaywa hu hanim ka dei ai, ôh njaup piêh ghak drưh dei ai ô, min ưng ba dei ai nao tal kabha ligeh mưkrư thong ôh rabha tian dalam gruk ragxa Pô. 36Mưyah hu mưnuix halei xanưng drei ôh mưda dok dang tha ganap njaup adat thong urang kamei cek xanôi ka drei, mưyah mưyut mưyau khang, thong hajat khing kamei, yơ xang ngak tui kabha drei ưng. Xang lôi ka khol nhu khing kamei. Kabha ni ôh hu glaic di haget. 37Min mưyah thei paya dalam tian, ôh gok di gruk cak girak halei, thau padap cong takrư thong mư irat dalam tian kưk khik kanai yau kamei cek xanôi, yơ urang nan ngak tha bruk siam. 38Yau nan, mưnuix khing gaup thong kamei cek xanôi ka drei, yơ nan ngak kabha siam; min urang ôh nao tal pađih padok yơ ngak kabha siam hơl.
39Pathang dok diup livik hadôm yơ hadiup xang jiang ikak thong pathang hadôm livik. Mưyah pathang tapa urai, hadiup bihu salalah khing likei thong mưnuix drei takrư, min njaup mưnuix dok dalam Pô. 40Min tui gimnit dahlak, mưyah kưk dok yau nan yơ hu phôl hơl. Dahlak xanưng laic, dahlak lijang hu Nưbi Ginrơh Pô Lingik.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.