I Kô-rir-tô 11
11
1 #
I Kô 4:16; Phil 3:17. Xang ƀlah tui krơh dahlak, yau êng dahlak tui krơh Dê Krist.
IV. Dôm masalah baxa tal gruk bhuktik
(11:2 – 14:40)
Masalah angui cuk kamei dalam vār nhom
2Dahlak mưyom dei ai kaywa krung hu dar tal dahlak dalam abih gruk, thong kloh hatai khik vơk dôm carai dahlak krung hu pato ka dei ai. 3Yau nan min, dahlak ưng dei ai thau laic: Dê Krist nạn akok urang likei, urang likei nạn akok urang kamei, thong Pô Lingik nạn akok Dê Krist. 4Pathar pathar urang likei halei lang kar ngan đôm hôr bloh pabang akok vơk yơ ngak tachaup ka akok drei. 5Min, pathar pathar urang kamei halei lang kar ngan đôm hôr bloh ôh pabang akok nan ngak tachaup akok drei – drơh yau urang nạn gok kwah akok rei. 6Mưyah urang kamei ôh pabang akok yơ xang cakak ƀuk mek. Min mưyah urang kamei mong bruk cakak ƀuk ngan kwah akok nạn tachaup ƀok yơ xang pabang akok vơk!
7Urang likei nạn binguk thek thong xêh mưlang Pô Lingik nan ka ôh bihu pabang akok; min urang kamei nạn xêh mưlang urang likei. 8Kaywa urang likei ôh bihu padak padang tabiak mưng urang kamei, min kamei mưng urang likei. 9Urang likei lijang ôh bihu padak padang kaywa urang kamei, min urang kamei kaywa urang likei. 10Yau nan, kaywa di dôm umat, urang kamei xang đwa ngok akok habang anưd aco gon. 11Yau nan min, dalam Pô yơ ôh njaup urang kamei ôh dang karei thong urang likei, ngan urang likei ôh dang karei thong urang kamei. 12Kaywa yau urang kamei bihu padak padang mưng urang likei, yơ lijang yau nan, urang likei kaywa urang kamei mưnưk tabiak; thong abih gruk jang tabiak mưng Pô Lingik.
13Êng dei ai xang êng xanưng iơk, bruk urang kamei lang kar thong Pô Lingik bloh ôh pabang akok yơ hu ligeh mưkrư halei? 14Ôh njaup êng athar mưnưng phiap pato ka dei ai thau laic urang likei lôi ƀuk dhai yơ đang tachaup ƀok, 15dok urang kamei cek ƀuk dhai yơ gilaic nạn gruk mưyeh mưyom ka khol nhu ô? Kaywa ƀuk dhai bihu ƀai brei ka mưnuix yau tha blah khan haluh. 16Mưyah hu thei ưng jajek yơ nan ôh njaup nạn tana rađap khol dahlak; dôm Nhom Nưbi Pô Lingik lijang ôh hu tana rađap nan tra.
Gruk takaplung dalam Rija Vār Ƀang Likam
(Ma-thi-ơ 26:26-30; Mag 14:22-26; Lu-ka 22:14-20)
17Dok dôm panôic pato hadei ni, dahlak ôh mưda mưyom dei ai, kaywa gruk nhom gaup vơk ôh ba mai kabha siam hơl bloh dok jhak hơl. 18Dahlau yatha, dahlak hamit laic, tuk nhom vơk dalam Nhom Nưbi yơ dei ai hu gruk klah nưh; dahlak dial kabha ni hu nôk njaup. 19Bruk mưkavôm dalam dei ai yơ biak ôh dok kalman haget trah, min hu yau nan mưng krưn thau pajip thei nạn mưnuix tapak tape. 20Tuk dei ai nhom gaup vơk ôh njaup nạn piêh tamưbha Rija Vār Ƀang Likam ô. 21Kaywa tuk dei ai ƀang, yāup urang jang ƀang xamar vār karei drei, thangak urang ni yơ ơk, dok mưnuix dêh yơ trei mưbuk. 22Dei ai ôh hu thang karei piêh ƀang mưnhum ô? Ngan dei ai paong Nhom Nưbi Pô Lingik, thong jhơk jhel dôm urang hal val? Dahlak xang đôm haget thong dei ai ni? Hu mưda mưyom dei ai dalam bruk ni kaic? Ôh, dahlak ôh mưyom ô!
23Kaywa dahlak hu tôk pak Pô kabha dahlak krung hu pato ka dei ai: Ywa nan ka dalam mưlam Pô nạn Pô Yê-su gok lambil, Bhô mưk tapei, 24đwa karun, bloh pek tabiak thong bican laic: “Mưni nạn rup pabhap Ita kaywa di khol hư bloh ƀai brei,#11:24 bloh ƀai brei: Dalam tha thanôn blah vak tangin nạn Mưni nạn rup pabhap Ita ƀai brei ka khol hư; dalam tha thanôn blah vak tangin pakan nạn Mưni nạn rup pabhap Ita kaywa khol hư bloh pacah tabiak. xang ngak kabha ni piêh kanal tal Ita.” 25Mưthong tha ganap nan, hadei di tuk vār ƀang xup bloh, Bhô mưk panhin thong bican laic: “Panhin ni nạn jan ji birau dalam darah Ita; tuk halei khol hư mưnhum, xang ngak kabha ni piêh kanal tal Ita.” 26Yau nan, yāup tuk dei ai ƀang tapei ni, mưnhum panhin ni yơ rao lang gruk Pô Yê-su mưtai ka tal tuk Bhô mưrai. 27Ywa nan ka, mưyah thei ƀang tapei, mưnhum panhin Pô tha ganap ôh lek thamgôn nan mưca tavak glaic di rup pabhap thong darah Pô. 28Kaywa di nan, yāup urang xang pachang iơk êng drei bloh mưng ƀang tapei, mưnhum panhin nan. 29Kaywa mưnuix halei ôh krưn rup Pô bloh ƀang tapei, mưnhum panhin nan ar nạn ƀang mưnhum gruk bican inư ka êng drei. 30Kaywa gađi gadha nan bloh dalam dei ai hu ralô urang pađik pađwa, rwak hakik thong hu ralô ra mưtai#11:30 mưtai: Dalam tha thanôn blah vak tangin nạn dih.. 31Mưyah khol drei êng pachang iơk drei yơ mưca ôh gok bican inư. 32Min tuk Pô bican inư, Bhô pamưk tamar khol drei piêh khol drei ôh gok padok an harung thong dunya. 33Nan yơ, pathau dei ai dahlak, tuk dei ai nhom vơk piêh ƀang harung thong gaup, xang cang gaup. 34Mưyah hu thei lipa, xang ƀang pak thang, piêh bruk patom nhom dei ai ôh ba mưk gruk padok an.
Dok dôm bruk pakan, mưca lang payah tuk dahlak mưrai.
Actualmente seleccionado:
I Kô-rir-tô 11: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
I Kô-rir-tô 11
11
1 #
I Kô 4:16; Phil 3:17. Xang ƀlah tui krơh dahlak, yau êng dahlak tui krơh Dê Krist.
IV. Dôm masalah baxa tal gruk bhuktik
(11:2 – 14:40)
Masalah angui cuk kamei dalam vār nhom
2Dahlak mưyom dei ai kaywa krung hu dar tal dahlak dalam abih gruk, thong kloh hatai khik vơk dôm carai dahlak krung hu pato ka dei ai. 3Yau nan min, dahlak ưng dei ai thau laic: Dê Krist nạn akok urang likei, urang likei nạn akok urang kamei, thong Pô Lingik nạn akok Dê Krist. 4Pathar pathar urang likei halei lang kar ngan đôm hôr bloh pabang akok vơk yơ ngak tachaup ka akok drei. 5Min, pathar pathar urang kamei halei lang kar ngan đôm hôr bloh ôh pabang akok nan ngak tachaup akok drei – drơh yau urang nạn gok kwah akok rei. 6Mưyah urang kamei ôh pabang akok yơ xang cakak ƀuk mek. Min mưyah urang kamei mong bruk cakak ƀuk ngan kwah akok nạn tachaup ƀok yơ xang pabang akok vơk!
7Urang likei nạn binguk thek thong xêh mưlang Pô Lingik nan ka ôh bihu pabang akok; min urang kamei nạn xêh mưlang urang likei. 8Kaywa urang likei ôh bihu padak padang tabiak mưng urang kamei, min kamei mưng urang likei. 9Urang likei lijang ôh bihu padak padang kaywa urang kamei, min urang kamei kaywa urang likei. 10Yau nan, kaywa di dôm umat, urang kamei xang đwa ngok akok habang anưd aco gon. 11Yau nan min, dalam Pô yơ ôh njaup urang kamei ôh dang karei thong urang likei, ngan urang likei ôh dang karei thong urang kamei. 12Kaywa yau urang kamei bihu padak padang mưng urang likei, yơ lijang yau nan, urang likei kaywa urang kamei mưnưk tabiak; thong abih gruk jang tabiak mưng Pô Lingik.
13Êng dei ai xang êng xanưng iơk, bruk urang kamei lang kar thong Pô Lingik bloh ôh pabang akok yơ hu ligeh mưkrư halei? 14Ôh njaup êng athar mưnưng phiap pato ka dei ai thau laic urang likei lôi ƀuk dhai yơ đang tachaup ƀok, 15dok urang kamei cek ƀuk dhai yơ gilaic nạn gruk mưyeh mưyom ka khol nhu ô? Kaywa ƀuk dhai bihu ƀai brei ka mưnuix yau tha blah khan haluh. 16Mưyah hu thei ưng jajek yơ nan ôh njaup nạn tana rađap khol dahlak; dôm Nhom Nưbi Pô Lingik lijang ôh hu tana rađap nan tra.
Gruk takaplung dalam Rija Vār Ƀang Likam
(Ma-thi-ơ 26:26-30; Mag 14:22-26; Lu-ka 22:14-20)
17Dok dôm panôic pato hadei ni, dahlak ôh mưda mưyom dei ai, kaywa gruk nhom gaup vơk ôh ba mai kabha siam hơl bloh dok jhak hơl. 18Dahlau yatha, dahlak hamit laic, tuk nhom vơk dalam Nhom Nưbi yơ dei ai hu gruk klah nưh; dahlak dial kabha ni hu nôk njaup. 19Bruk mưkavôm dalam dei ai yơ biak ôh dok kalman haget trah, min hu yau nan mưng krưn thau pajip thei nạn mưnuix tapak tape. 20Tuk dei ai nhom gaup vơk ôh njaup nạn piêh tamưbha Rija Vār Ƀang Likam ô. 21Kaywa tuk dei ai ƀang, yāup urang jang ƀang xamar vār karei drei, thangak urang ni yơ ơk, dok mưnuix dêh yơ trei mưbuk. 22Dei ai ôh hu thang karei piêh ƀang mưnhum ô? Ngan dei ai paong Nhom Nưbi Pô Lingik, thong jhơk jhel dôm urang hal val? Dahlak xang đôm haget thong dei ai ni? Hu mưda mưyom dei ai dalam bruk ni kaic? Ôh, dahlak ôh mưyom ô!
23Kaywa dahlak hu tôk pak Pô kabha dahlak krung hu pato ka dei ai: Ywa nan ka dalam mưlam Pô nạn Pô Yê-su gok lambil, Bhô mưk tapei, 24đwa karun, bloh pek tabiak thong bican laic: “Mưni nạn rup pabhap Ita kaywa di khol hư bloh ƀai brei,#11:24 bloh ƀai brei: Dalam tha thanôn blah vak tangin nạn Mưni nạn rup pabhap Ita ƀai brei ka khol hư; dalam tha thanôn blah vak tangin pakan nạn Mưni nạn rup pabhap Ita kaywa khol hư bloh pacah tabiak. xang ngak kabha ni piêh kanal tal Ita.” 25Mưthong tha ganap nan, hadei di tuk vār ƀang xup bloh, Bhô mưk panhin thong bican laic: “Panhin ni nạn jan ji birau dalam darah Ita; tuk halei khol hư mưnhum, xang ngak kabha ni piêh kanal tal Ita.” 26Yau nan, yāup tuk dei ai ƀang tapei ni, mưnhum panhin ni yơ rao lang gruk Pô Yê-su mưtai ka tal tuk Bhô mưrai. 27Ywa nan ka, mưyah thei ƀang tapei, mưnhum panhin Pô tha ganap ôh lek thamgôn nan mưca tavak glaic di rup pabhap thong darah Pô. 28Kaywa di nan, yāup urang xang pachang iơk êng drei bloh mưng ƀang tapei, mưnhum panhin nan. 29Kaywa mưnuix halei ôh krưn rup Pô bloh ƀang tapei, mưnhum panhin nan ar nạn ƀang mưnhum gruk bican inư ka êng drei. 30Kaywa gađi gadha nan bloh dalam dei ai hu ralô urang pađik pađwa, rwak hakik thong hu ralô ra mưtai#11:30 mưtai: Dalam tha thanôn blah vak tangin nạn dih.. 31Mưyah khol drei êng pachang iơk drei yơ mưca ôh gok bican inư. 32Min tuk Pô bican inư, Bhô pamưk tamar khol drei piêh khol drei ôh gok padok an harung thong dunya. 33Nan yơ, pathau dei ai dahlak, tuk dei ai nhom vơk piêh ƀang harung thong gaup, xang cang gaup. 34Mưyah hu thei lipa, xang ƀang pak thang, piêh bruk patom nhom dei ai ôh ba mưk gruk padok an.
Dok dôm bruk pakan, mưca lang payah tuk dahlak mưrai.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.