Logo de YouVersion
Icono de búsqueda

Psalms 8

8
1အို ကျွန်ုပ်တို့၏အရှင်ဖြစ်တော်မူသော ဘုရားရှင်၊ ကိုယ်တော်၏နာမတော် မည်မျှကြီးမြတ်တော်မူသည်ကို ကမ္ဘာမြေတစ်ခွင်လုံးတွင် မြင်တွေ့ကြရပါ၏။ ကိုယ်တော်အား သီဆိုချီးမွမ်းသံသည် ကောင်းကင်ထက်သို့တိုင်အောင် ရောက်ရှိပါ၏။ 2ကလေးသူငယ်များနှင့် နို့ဆို့ကလေးငယ်များပင် ကိုယ်တော်အား သီဆိုချီးမွမ်းကြပါ၏။ ကိုယ်တော်သည် ရန်ပြုသူများ၏ဘေးမှ ကင်းလွတ်လုံခြုံပါ၏။ ကိုယ်တော်အား ရန်မူသူများကိုလည်း တားဆီးတော်မူပါ၏။ 3ကိုယ်တော်ရှင် ဖန်ဆင်းတော်မူသော မိုးကောင်းကင်ကိုလည်းကောင်း၊ ကိုယ်တော်စီမံထားရှိသော လနှင့်ကြယ်တာရာများကိုလည်းကောင်း အကျွန်ုပ်တွေ့မြင်ရပါ၏။ 4သို့ဖြစ်၍ လူတို့သည် မည်သို့သောသူများဖြစ်၍ ကိုယ်တော်သည် သူ့တိအား အောက်မေ့တော်မူရသနည်း။ လူသားတို့သည် မည်သို့သောသူများဖြစ်၍ ကိုယ်တော်သည် သူတို့အား ကြည့်ရှုစောင့်ရှောက်တော်မူရပါသနည်း။ 5သူတို့အား နတ်ဒေဝါများထက် သာ၍နိမ့်ကျစေတော်မူလျက် ဘုန်းအသရေကိုလည်းကောင်း၊ ဂုဏ်အသရေကိုလည်းကောင်း ချီးမြှင့်တော်မူ၏။ 6သူတို့အား ကိုယ်တော်ဖန်ဆင်းတော်မူသည့် အရာမှန်သမျှတို့ကို အုပ်ချုပ်ခွင့်ပေးတော်မူ၏။ 7ထိုအရာတို့တွင် သိုးများ၊ နွားများ၊ တောတိရစ္ဆာန်များအပြင် 8မိုးကောင်ကင်ရှိငှက်များ၊ ပင်လယ်ရှိငါးများနှင့် သမုဒ္ဒရာရေကြောင်းတို့၌ ကူးခပ်သွားလာနေသည့် သတ္တဝါများ ပါဝင်၏။ 9အို ကျွန်ုပ်တို့၏အရှင်ဖြစ်တော်မူသော ဘုရားရှင်၊ ကိုယ်တော်၏ နာမတော်သည် မည်မျှကြီးမြတ်သည်ကို ကမ္ဘာမြေတစ်ခွင်လုံးတွင် မြင်တွေ့ကြရပါ၏။

Actualmente seleccionado:

Psalms 8: TPV-RV

Destacar

Compartir

Copiar

None

¿Quieres tener guardados todos tus destacados en todos tus dispositivos? Regístrate o inicia sesión

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Aprende más sobre TPV-RV (Thamma Pitakadaw)
Capítulo anterior
Siguiente capítulo