Psalms 10
10
1အို ဘုရားရှင်၊ ကိုယ်တော်သည် အဘယ်ကြောင့် အဝေး၌ ရပ်နေတော်မူသနည်း။ အကျွန်ုပ်တို့ ဒုက္ခရောက်ချိန်၌ အဘယ်ကြောင့် မျက်နှာလွှဲတော်မူနေပါနည်း။ 2သူယုတ်မာသည် မာနထောင်လွှားလျက် ဆင်းရဲသူတို့အား နှိပ်စက်ညှဉ်းပန်း၏။ သူသည် မိမိကြံံစည်ထားသည့် ကောက်ကျစ်သော အကြံအစည်များဖြင့် ပြန်၍ဖမ်းဆီးခြင်း ခံကြပါစေ။ 3အကြောင်းမူကား သူယုတ်မာသည် မိမိ၏ မကောင်းသည့် အလိုဆန္ဒများအကြောင်းကို ကြွားဝါတတ်၏။ လောဘကြီးသူသည် ဘုရားရှင်အား ကျိန်ဆဲလျက် မထီလေးစားပြုကာ ပစ်ပယ်တတ်၏။ 4သူယုတ်မာသည် ဘုရားရှင်အား ဂရုမစိုက်တတ်ပေ။ သူသည် မာနထောင်လွှားလျက် "ဘုရားရှင်မရှိ" ဟု အစဉ်တွေးတောနေတတ်၏။ 5သူယုတ်မာသည် ပြုသမျှသော အမှုတိုင်းတွင် အောင်မြင်တတ်သဖြင့် ဘုရားရှင် စီရင်ဆုံးဖြတ်တော်မူသော အမှုတို့အား သိမြင်နားလည်နိုင်စွမ်း မရှိပေ။ သူသည် မိမိ၏ ရန်သူများကိုလည်း ပြက်ရယ်ပြုတတ်၏။ 6သူ၏ စိတ်နှလုံးထဲ၌ "ငါသည် မည်သည့်အခါတွင်မျှ ရှုံးနိမ့်လိမ့်မည်မဟုတ်။ မည်သည့်အခါတွင်မျှ ဒုက္ခရောက်ရလိမ့်မည်မဟုတ်" ဟု တစ်ကိုယ်တည်း ပြောဆိုတတ်၏ 7သူ၏နှုတ်သည် ကျိန်ဆဲခြင်း၊ လိမ်လည်ခြင်း၊ ခြိမ်းခြောက်ခြင်းများဖြင့် ပြည့်လျက်ရှိ၏။ သူ၏နှုတ်မှ မုန်းတီးသောစကား၊ ယုတ်မာသောစကားများအား အလျင်အမြန် ပြောဆိုတတ်၏။ 8သူသည် ရွာများတွင် ပုန်းအောင်းကာ အပြစ်မဲ့သူတို့အား သတ်ဖြတ်တတ်၏။ သူတို့၏မျက်လုံးများသည် ခိုကိုးရာမဲ့သောသူများအား ချောင်းမြောင်းနေတတ်၏။ 9သူသည် သားကောင်အားဖမ်းဆီးရန် သားရဲတွင်း၌ ချောင်းမြောင်းနေကြသော ခြင်္သေ့ကဲ့သို့ ဝပ်နေတတ်၏။ သူသည် အဖိနှိပ်ခံရသူများအား ချောင်းမြောင်း၍ မိမိ၏ပိုက်ကွန်တွင် ဖမ်းဆီးပြီးလျှင် ဆွဲယူသွားတတ်၏။ 10သူသည် အင်အားကြီးသောကြောင့် ခိုကိုးရာမဲ့သူတို့သည် သူ၏ချေမှုန်းခြင်းကိုခံရ၍ ပြားပြားဝပ်လျက်ကျဆုံးကြ၏။ 11သူယုတ်မာက "ဘုရားရှင်သည် ငါ့အား ဤအမှုတွင် ဂရုစိုက်တော်မူခြင်းမရှိ။ ကိုယ်တော်သည် မျက်နှာတော်လွှဲ၍ ငါ့အား မည်သည့်အခါမျှ မြင်တော်မူလိမ့်မည်မဟုတ်" ဟု တစ်ကိုယ်တည်း ပြောဆိုတတ်၏။ 12အို ဘုရားရှင်၊ ကြွလာတော်မူပါ။ အို ဘုရားရှင် ထိုသူယုတ်မာတို့အား ဒဏ်ခတ်တော်မူပါ။ ဆင်းရဲဒုက္ခခံရသူတို့အား မေ့လျော့တော်မူခြင်း မရှိပါနှင့်။ 13သူယုတ်မာသည် မည်သည့်အတွက်ကြောင့် ဘုရားရှင်အား မထီမဲ့မြင်ပြု၍ "ကိုယ်တော်သည် ငါ့အား အပြစ်ဒဏ်ပေးတော်မူမည်မဟုတ်" ဟု တစ်ကိုယ်တည်း ပြောဆိုနိုင်ပါသနည်း။ 14သို့သော် ကိုယ်တော်သည် ဒုက္ခဝေဒနာများအား အမှန်ပင်မြင်၍ ကူညီမစရန် အမြဲအဆင်သင့် ရှိတော်မူပါ၏။ ခိုကိုးရာမဲ့သူတို့သည် မိမိကိုယ်မိမိ လက်တော်သို့ အပ်နှံတတ်ကြပါ၏။ ကိုယ်တော်သည် ချို့တဲ့နွမ်းပါးသူတို့အား အစဉ်အမြဲ ကူညီမစတော်မူခဲ့ပါ၏။ 15သူယုတ်မာများနှင့် အပြစ်ဒုစရိုက်ပြုသူများ၏ လက်ရုံးကို ချိုးတော်မူပါ။ သူတို့သည် အပြစ်ဒုစရိုက်အမှုကို မပြုနိုင်ကြတော့သည့်တိုင်အောင် အပြစ်ဒဏ်ခတ်တော်မ။ 16ဘုရားရှင်သည် ကာလအစဉ်အဆက် ရှင်ဘုရင်ဖြစ်တော်မူ၏။ အခြားသောဘုရားအား ကိုးကွယ်ကြသူတို့သည် ကိုယ်တော်၏တိုင်းပြည်မှ ပျောက်ကွယ်သွားကြလိမ့်မည်။ 17အို ဘုရားရှင် ကိုယ်တော်သည် စိတ်နှလုံးနှိမ့်ချသူတို့၏ ဆုတောင်းသံကို ကြားတော်မူပြီး သူတို့အား ရဲစွမ်းသတ္တိကို ပေးတော်မူလိမ့်မည်။ 18ဖိနှိပ်ခြင်းခံရသူများနှင့် မိဘမဲ့များအား နောက်ထပ်တစ်ဖန် မခြောက်လှန့်နိုင်ရန်အတွက် ကိုယ်တော်သည် ထိုသူတို့၏ အော်ဟစ်တောင်းလျှောက်သံကို ကြားတော်မူ၍ သူတို့၏အကျိုးစီးပွားကိုထောက်လျက် တရားစီရင်တော်မူလိမ့်မည်။
Actualmente seleccionado:
Psalms 10: TPV-RV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Psalms 10
10
1အို ဘုရားရှင်၊ ကိုယ်တော်သည် အဘယ်ကြောင့် အဝေး၌ ရပ်နေတော်မူသနည်း။ အကျွန်ုပ်တို့ ဒုက္ခရောက်ချိန်၌ အဘယ်ကြောင့် မျက်နှာလွှဲတော်မူနေပါနည်း။ 2သူယုတ်မာသည် မာနထောင်လွှားလျက် ဆင်းရဲသူတို့အား နှိပ်စက်ညှဉ်းပန်း၏။ သူသည် မိမိကြံံစည်ထားသည့် ကောက်ကျစ်သော အကြံအစည်များဖြင့် ပြန်၍ဖမ်းဆီးခြင်း ခံကြပါစေ။ 3အကြောင်းမူကား သူယုတ်မာသည် မိမိ၏ မကောင်းသည့် အလိုဆန္ဒများအကြောင်းကို ကြွားဝါတတ်၏။ လောဘကြီးသူသည် ဘုရားရှင်အား ကျိန်ဆဲလျက် မထီလေးစားပြုကာ ပစ်ပယ်တတ်၏။ 4သူယုတ်မာသည် ဘုရားရှင်အား ဂရုမစိုက်တတ်ပေ။ သူသည် မာနထောင်လွှားလျက် "ဘုရားရှင်မရှိ" ဟု အစဉ်တွေးတောနေတတ်၏။ 5သူယုတ်မာသည် ပြုသမျှသော အမှုတိုင်းတွင် အောင်မြင်တတ်သဖြင့် ဘုရားရှင် စီရင်ဆုံးဖြတ်တော်မူသော အမှုတို့အား သိမြင်နားလည်နိုင်စွမ်း မရှိပေ။ သူသည် မိမိ၏ ရန်သူများကိုလည်း ပြက်ရယ်ပြုတတ်၏။ 6သူ၏ စိတ်နှလုံးထဲ၌ "ငါသည် မည်သည့်အခါတွင်မျှ ရှုံးနိမ့်လိမ့်မည်မဟုတ်။ မည်သည့်အခါတွင်မျှ ဒုက္ခရောက်ရလိမ့်မည်မဟုတ်" ဟု တစ်ကိုယ်တည်း ပြောဆိုတတ်၏ 7သူ၏နှုတ်သည် ကျိန်ဆဲခြင်း၊ လိမ်လည်ခြင်း၊ ခြိမ်းခြောက်ခြင်းများဖြင့် ပြည့်လျက်ရှိ၏။ သူ၏နှုတ်မှ မုန်းတီးသောစကား၊ ယုတ်မာသောစကားများအား အလျင်အမြန် ပြောဆိုတတ်၏။ 8သူသည် ရွာများတွင် ပုန်းအောင်းကာ အပြစ်မဲ့သူတို့အား သတ်ဖြတ်တတ်၏။ သူတို့၏မျက်လုံးများသည် ခိုကိုးရာမဲ့သောသူများအား ချောင်းမြောင်းနေတတ်၏။ 9သူသည် သားကောင်အားဖမ်းဆီးရန် သားရဲတွင်း၌ ချောင်းမြောင်းနေကြသော ခြင်္သေ့ကဲ့သို့ ဝပ်နေတတ်၏။ သူသည် အဖိနှိပ်ခံရသူများအား ချောင်းမြောင်း၍ မိမိ၏ပိုက်ကွန်တွင် ဖမ်းဆီးပြီးလျှင် ဆွဲယူသွားတတ်၏။ 10သူသည် အင်အားကြီးသောကြောင့် ခိုကိုးရာမဲ့သူတို့သည် သူ၏ချေမှုန်းခြင်းကိုခံရ၍ ပြားပြားဝပ်လျက်ကျဆုံးကြ၏။ 11သူယုတ်မာက "ဘုရားရှင်သည် ငါ့အား ဤအမှုတွင် ဂရုစိုက်တော်မူခြင်းမရှိ။ ကိုယ်တော်သည် မျက်နှာတော်လွှဲ၍ ငါ့အား မည်သည့်အခါမျှ မြင်တော်မူလိမ့်မည်မဟုတ်" ဟု တစ်ကိုယ်တည်း ပြောဆိုတတ်၏။ 12အို ဘုရားရှင်၊ ကြွလာတော်မူပါ။ အို ဘုရားရှင် ထိုသူယုတ်မာတို့အား ဒဏ်ခတ်တော်မူပါ။ ဆင်းရဲဒုက္ခခံရသူတို့အား မေ့လျော့တော်မူခြင်း မရှိပါနှင့်။ 13သူယုတ်မာသည် မည်သည့်အတွက်ကြောင့် ဘုရားရှင်အား မထီမဲ့မြင်ပြု၍ "ကိုယ်တော်သည် ငါ့အား အပြစ်ဒဏ်ပေးတော်မူမည်မဟုတ်" ဟု တစ်ကိုယ်တည်း ပြောဆိုနိုင်ပါသနည်း။ 14သို့သော် ကိုယ်တော်သည် ဒုက္ခဝေဒနာများအား အမှန်ပင်မြင်၍ ကူညီမစရန် အမြဲအဆင်သင့် ရှိတော်မူပါ၏။ ခိုကိုးရာမဲ့သူတို့သည် မိမိကိုယ်မိမိ လက်တော်သို့ အပ်နှံတတ်ကြပါ၏။ ကိုယ်တော်သည် ချို့တဲ့နွမ်းပါးသူတို့အား အစဉ်အမြဲ ကူညီမစတော်မူခဲ့ပါ၏။ 15သူယုတ်မာများနှင့် အပြစ်ဒုစရိုက်ပြုသူများ၏ လက်ရုံးကို ချိုးတော်မူပါ။ သူတို့သည် အပြစ်ဒုစရိုက်အမှုကို မပြုနိုင်ကြတော့သည့်တိုင်အောင် အပြစ်ဒဏ်ခတ်တော်မ။ 16ဘုရားရှင်သည် ကာလအစဉ်အဆက် ရှင်ဘုရင်ဖြစ်တော်မူ၏။ အခြားသောဘုရားအား ကိုးကွယ်ကြသူတို့သည် ကိုယ်တော်၏တိုင်းပြည်မှ ပျောက်ကွယ်သွားကြလိမ့်မည်။ 17အို ဘုရားရှင် ကိုယ်တော်သည် စိတ်နှလုံးနှိမ့်ချသူတို့၏ ဆုတောင်းသံကို ကြားတော်မူပြီး သူတို့အား ရဲစွမ်းသတ္တိကို ပေးတော်မူလိမ့်မည်။ 18ဖိနှိပ်ခြင်းခံရသူများနှင့် မိဘမဲ့များအား နောက်ထပ်တစ်ဖန် မခြောက်လှန့်နိုင်ရန်အတွက် ကိုယ်တော်သည် ထိုသူတို့၏ အော်ဟစ်တောင်းလျှောက်သံကို ကြားတော်မူ၍ သူတို့၏အကျိုးစီးပွားကိုထောက်လျက် တရားစီရင်တော်မူလိမ့်မည်။
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.