MARKUS 7
7
Parenta Allataala na kabiasaanna tau Yahudi
7:1-23
(Mat. 15:1-20)
1Sikuanna tau Farisi na risikonjo guru Tora' battu ri Yerusalem riekkii laurangi assijanjang Isa. 2Lajanjangi ma'nassana rie' risikonjo ana' gurunna Isa nganre na rammasa limanna, iamo intu lima gele ribissai. 3Saba' sikuanna tau Farisi assimpole tau Yahudi maraeng injo gele nganre ampa gele labissai limanna la'bi riolo, saba' minahanginna rikabiasaanna puwa-puwana; 4na ampa muliangi battu ri pasara injo iyai gele nganre ampa gelepai maeng labissai kalenna la'bi riolo. Lohe kabiasaang maraeng pole nulapinahangi, ebara'na ambissai galasi, bengki, na sikonjo pakakasa salaka surang tampa' patinroang. 5Injomo saba'na sikuanna tau Farisi na guru Tora' injo akkuta'nangi mange ri Isa, ”Ngura ana'-ana' gurumMu gele minahang rikabiasaanna puwa-puwata, na nganre mingka gele a'bissa lima.” 6#Yes. 29:13Pappihalinna Isa mange ri iyai, ”Naba toje'i panjanjanna Nabbi Yesaya ripassala'mu, oe tau munape', assimpole rie' ta'ukiri:
Bangsa inni lapakala'biria ri babana,
mingka atina dere ri Nakke.
7Tide' jua matu-matunna assambajang mae ri Nakke,
saba' ajarang nulapangajarangi injo parenta rupatau jua.
8Parentana Allataala gele mupariati na kabiasaanna rupatau inni muteteng jarre'.”
9Maeng injo appaui Isa mange ri iyai, ”Sara'deki toje'ko appalili parentana Allataala, solanna akkulle mugeokang kabiasaammu. 10#Kel. 20:12, 21:17; Im. 20:9; Ul. 5:16Saba' Musa maengi appau: Ngali'ko ri ammammu surang ri idommu! Na inai latunrai ammanna iyareka idonna parallui mate. 11Mingka mukua: Ampa rie' se're tau appau mange ri ammanna iyareka ri idonna: Sikonjo sokongang nuparallu injo mutarima battu ri nakke iamo koro'bang – injomo ripassidakkaang mange ri Allataala – 12jari gele mupa'biangi a'bua' se're passala lalasokongi ammanna iyareka idonna. 13Jari, battu rikabiasaang nutarrusu intu mupangajarang, pauna Allataala muare'i tide' matu-matunna. Lohe pole passala maraeng assimpole injo mugeokangi.”
14Jari Isa lakeo'i pole tau lohe injo na appaui mange ri iyai, ”Kau ngase', pilangngeria na pina'na'i. 15Gele rie' manna se're nubatu pantarang, antama' ri kalenna se're tau, akkulle appakarammasa ri ia; mingka sikonjo passala nuansulu' injo battu lalang ri kalenna se're inni tau, iamo injo anrammasi.” [16Inai jua rie' tolinna laappilangngeri sibaji'na ia appilangngeri!]
17Sungka'na antama'mo Isa ri se're sapo la'lili battu ri tau lohe injo, riekimu ana'-ana' gurunNa akkuta'nang mange ri Ia passala botoanna pakkalebarang injo. 18Jari lakuamo Isa, ”Apa kau gele todo'pai mupahangi? Geleka muisseki ma'nassana sikonjo nubattu pantara na antama'i lalang ri kalenna se're inni tau gele akkulle anrammasi ri ia, 19saba' gele antama' ri atina, mingka antama'i ri pomponna, maeng injo ansulu'i ripa'jambangang?” Ri appakonjona Ia lasa'bii ma'nassana sikonjo kanreang sanging nuhallala. 20Lakuamo pole Isa, ”Apa nuansulu' battu rise're inni tau, iamo injo anrammasi ri ia, 21saba' nubattu lalang, nubattu ri atina tau inni ammumba sikonjo pikkirang daa, kabalerang, pa'lukkakang, pamunoang, 22passangkilang, kangowaang, geo' daa, pa'buraang, geo' sala injo, siriati, pattua-tua, katampoang, na kakumbalang. 23Sikonjo passala nudaa inni ammumbai battu lalang na anrammasi tau.”
Bahine Siro-Fenesia tappa'
7:24-30
(Mat. 15:21-28)
24Maenna injo a'lampai Isa battu ri injo na mange ri tana Tirus. Ia antama'i rise're sapo na gele lakaa'raki rie' laisse'i manna se're tau, mingka parie'na ri injo gele akkulle risa'bu-sa'bu. 25Mingka rie' se're idong, tuana' bahinena injo lapantamai setang, ia be'bere laisse' Ia, jari mangemu na joppa'i ri a'rakang bangkenNa. 26Bahine injo se'rei tau Yunani sossorang Siro-Fenesia. Ia laerai mange ri Isa lalaga'gara setang injo battu ri ana' bahinena. 27Jari lakuamo Isa mange ri ia, ”Lappasammu bassoro riolo ana'-ana' injo, saba' gele ma'ring ri alle roti ripakasadiaang injo mange ri ana'-ana' na ripamballungi mange ri asu.” 28Mingka appihali bahine injo, lakua, ”Toje'i Karaeng, mingka asu rie' injo rahangang mejang nganre todo'i ri baru'bu' roti nulapadappe' injo ana'-ana'.” 29Jari lakuamo Isa mange ri bahine injo, ”Saba' paumu injo, jari a'lampamoko na setang injo ansulu'mu battu ri ana'mu.” 30Muliammu bahine injo mange ri saponna, na larumpa'i ana'na attangnga tinro-tinro ri patinroang na tide'mu setang injo.
Isa appakagassing tau bongolo
7:31-37
31Maenna injo labokoimu isse' Isa tana Tirus na Sidon lapa'lalangi a'lampa mange ri tamparang La'ba Galilea, a'molongi ri Tana Dekapolis. 32Ri injo rie' tau ngerang mange ri Ia se're tau bongolo na pepe todo'i na laerai mange ri Ia, solanna Ia labarakkaki tau injo. 33Sungka'i Isa maemmo lasa'la' tau injo battu ri tau lohe, sa'genna iyaimamo ri injo, Ia lapantama' karamenna lalang ri tolinna tau injo, ampai a'pe'ru surang lakaraha lilana tau injo. 34Maenna injo ammongai Isa nai' ri langi' na appaui mange ri tau injo, ”Efata!”, battuanganna: Ta'bungkaramoko! 35Rihattu injo sikali ta'bungkaramu tolinna tau injo na baji' tommo lilana, jari ia akkullemu baji' ta'ranna appau. 36Appasangi Isa mange ri iyai solanna gele lalagara mange ri tau maraeng manna pole ri inai. Mingka pela' ripisangkai, pela' alla'bangi lapau-paui. 37Sanna' lannasinna na lakua, ”Ia lapaa'jari iangase'na baji', tau bongolo lapakaallangngere, tau pepe lapakabaji' ta'ranna appau.”
Actualmente seleccionado:
MARKUS 7: LAI_SLY
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)
MARKUS 7
7
Parenta Allataala na kabiasaanna tau Yahudi
7:1-23
(Mat. 15:1-20)
1Sikuanna tau Farisi na risikonjo guru Tora' battu ri Yerusalem riekkii laurangi assijanjang Isa. 2Lajanjangi ma'nassana rie' risikonjo ana' gurunna Isa nganre na rammasa limanna, iamo intu lima gele ribissai. 3Saba' sikuanna tau Farisi assimpole tau Yahudi maraeng injo gele nganre ampa gele labissai limanna la'bi riolo, saba' minahanginna rikabiasaanna puwa-puwana; 4na ampa muliangi battu ri pasara injo iyai gele nganre ampa gelepai maeng labissai kalenna la'bi riolo. Lohe kabiasaang maraeng pole nulapinahangi, ebara'na ambissai galasi, bengki, na sikonjo pakakasa salaka surang tampa' patinroang. 5Injomo saba'na sikuanna tau Farisi na guru Tora' injo akkuta'nangi mange ri Isa, ”Ngura ana'-ana' gurumMu gele minahang rikabiasaanna puwa-puwata, na nganre mingka gele a'bissa lima.” 6#Yes. 29:13Pappihalinna Isa mange ri iyai, ”Naba toje'i panjanjanna Nabbi Yesaya ripassala'mu, oe tau munape', assimpole rie' ta'ukiri:
Bangsa inni lapakala'biria ri babana,
mingka atina dere ri Nakke.
7Tide' jua matu-matunna assambajang mae ri Nakke,
saba' ajarang nulapangajarangi injo parenta rupatau jua.
8Parentana Allataala gele mupariati na kabiasaanna rupatau inni muteteng jarre'.”
9Maeng injo appaui Isa mange ri iyai, ”Sara'deki toje'ko appalili parentana Allataala, solanna akkulle mugeokang kabiasaammu. 10#Kel. 20:12, 21:17; Im. 20:9; Ul. 5:16Saba' Musa maengi appau: Ngali'ko ri ammammu surang ri idommu! Na inai latunrai ammanna iyareka idonna parallui mate. 11Mingka mukua: Ampa rie' se're tau appau mange ri ammanna iyareka ri idonna: Sikonjo sokongang nuparallu injo mutarima battu ri nakke iamo koro'bang – injomo ripassidakkaang mange ri Allataala – 12jari gele mupa'biangi a'bua' se're passala lalasokongi ammanna iyareka idonna. 13Jari, battu rikabiasaang nutarrusu intu mupangajarang, pauna Allataala muare'i tide' matu-matunna. Lohe pole passala maraeng assimpole injo mugeokangi.”
14Jari Isa lakeo'i pole tau lohe injo na appaui mange ri iyai, ”Kau ngase', pilangngeria na pina'na'i. 15Gele rie' manna se're nubatu pantarang, antama' ri kalenna se're tau, akkulle appakarammasa ri ia; mingka sikonjo passala nuansulu' injo battu lalang ri kalenna se're inni tau, iamo injo anrammasi.” [16Inai jua rie' tolinna laappilangngeri sibaji'na ia appilangngeri!]
17Sungka'na antama'mo Isa ri se're sapo la'lili battu ri tau lohe injo, riekimu ana'-ana' gurunNa akkuta'nang mange ri Ia passala botoanna pakkalebarang injo. 18Jari lakuamo Isa, ”Apa kau gele todo'pai mupahangi? Geleka muisseki ma'nassana sikonjo nubattu pantara na antama'i lalang ri kalenna se're inni tau gele akkulle anrammasi ri ia, 19saba' gele antama' ri atina, mingka antama'i ri pomponna, maeng injo ansulu'i ripa'jambangang?” Ri appakonjona Ia lasa'bii ma'nassana sikonjo kanreang sanging nuhallala. 20Lakuamo pole Isa, ”Apa nuansulu' battu rise're inni tau, iamo injo anrammasi ri ia, 21saba' nubattu lalang, nubattu ri atina tau inni ammumba sikonjo pikkirang daa, kabalerang, pa'lukkakang, pamunoang, 22passangkilang, kangowaang, geo' daa, pa'buraang, geo' sala injo, siriati, pattua-tua, katampoang, na kakumbalang. 23Sikonjo passala nudaa inni ammumbai battu lalang na anrammasi tau.”
Bahine Siro-Fenesia tappa'
7:24-30
(Mat. 15:21-28)
24Maenna injo a'lampai Isa battu ri injo na mange ri tana Tirus. Ia antama'i rise're sapo na gele lakaa'raki rie' laisse'i manna se're tau, mingka parie'na ri injo gele akkulle risa'bu-sa'bu. 25Mingka rie' se're idong, tuana' bahinena injo lapantamai setang, ia be'bere laisse' Ia, jari mangemu na joppa'i ri a'rakang bangkenNa. 26Bahine injo se'rei tau Yunani sossorang Siro-Fenesia. Ia laerai mange ri Isa lalaga'gara setang injo battu ri ana' bahinena. 27Jari lakuamo Isa mange ri ia, ”Lappasammu bassoro riolo ana'-ana' injo, saba' gele ma'ring ri alle roti ripakasadiaang injo mange ri ana'-ana' na ripamballungi mange ri asu.” 28Mingka appihali bahine injo, lakua, ”Toje'i Karaeng, mingka asu rie' injo rahangang mejang nganre todo'i ri baru'bu' roti nulapadappe' injo ana'-ana'.” 29Jari lakuamo Isa mange ri bahine injo, ”Saba' paumu injo, jari a'lampamoko na setang injo ansulu'mu battu ri ana'mu.” 30Muliammu bahine injo mange ri saponna, na larumpa'i ana'na attangnga tinro-tinro ri patinroang na tide'mu setang injo.
Isa appakagassing tau bongolo
7:31-37
31Maenna injo labokoimu isse' Isa tana Tirus na Sidon lapa'lalangi a'lampa mange ri tamparang La'ba Galilea, a'molongi ri Tana Dekapolis. 32Ri injo rie' tau ngerang mange ri Ia se're tau bongolo na pepe todo'i na laerai mange ri Ia, solanna Ia labarakkaki tau injo. 33Sungka'i Isa maemmo lasa'la' tau injo battu ri tau lohe, sa'genna iyaimamo ri injo, Ia lapantama' karamenna lalang ri tolinna tau injo, ampai a'pe'ru surang lakaraha lilana tau injo. 34Maenna injo ammongai Isa nai' ri langi' na appaui mange ri tau injo, ”Efata!”, battuanganna: Ta'bungkaramoko! 35Rihattu injo sikali ta'bungkaramu tolinna tau injo na baji' tommo lilana, jari ia akkullemu baji' ta'ranna appau. 36Appasangi Isa mange ri iyai solanna gele lalagara mange ri tau maraeng manna pole ri inai. Mingka pela' ripisangkai, pela' alla'bangi lapau-paui. 37Sanna' lannasinna na lakua, ”Ia lapaa'jari iangase'na baji', tau bongolo lapakaallangngere, tau pepe lapakabaji' ta'ranna appau.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)