MARKUS 4
4
Pakkalebarang ripassala palamung
4:1-20
(Mat. 13:1-23; Luk. 8:4-15)
1 #
Mark. 3:9-10; Luk. 5:1-3 Rie' se're hattu ripakaramulana ngajara Isa ri biring tamparang la'ba. Rie'mo tau sanna' lohe jumallana a'domung ri Isa, sa'genna Ia nai'i risibatu lopi a'labu injo ampai attolong ri injo, na tau lohe injo ammenteng ngase'i ribonto, ri biring tamparang la'ba injo. 2Ri injo lohe passala lapangajarang Isa mange ri iyai lalang pakkalebarang. RiajaranNa injo, lakua Isa mange ri iyai, 3”Pilangngeri! Rie' se're palamung mange a'lamung. 4Rihattu a'lamunna, sidahuang lamunganna injo a'dappe' ri biring lalang, maeng injo rie'mo jangang-jangang na lakanre sa'genna la'busu. 5Sidahuang a'dappe'i ri tana lohe batu-batunna nugele lohe assi tanana, jari lassiri attimbo lamungang injo, saba' so'di' assi tanana. 6Mingka ri ambassi'namo matanna allo, lajumu lamungang injo na a'jari kalotoro saba' tide' aka'na. 7Sidahuang pole a'dappe' ritangnga rompo' bunga jabe, jari pela' bakka'i bunga jabe injo na labohongi sa'genna mate, jari tide' buana. 8Sidahuang a'dappe' ri tana baji', jari soppong timbona na ambuai. Hassele'na rie' nua'lappi tallumpulo, rie' nua'lappi annampulo, rie' nua'lappi sibilangang.” 9Jari lakuamo Isa, ”Inai rie' tolinna laallangngere, sibaji'na ia appilangngeri!”
10Rihattu akkale-kalena Isa, sikonjo tuminahang ri Ia na sampuloiya rua suro-suroNa akkuta'nang mange ri Isa passala pakkalebarang injo. 11Jari lakuamo Isa mange ri iyai, ”Ri kau maeng ripassareangi harasiana Pakkaraengang Allataala, mingka mange ri tau lohe rieki injo pantarang sikuanna parallui ripappauwang lalang ripakkalebarang, 12#Yes. 6:9-10solanna:
Manna injo anjanjangi, mingka gelei lapahang,
manna injo toje'i allangngere, mingka gelei laisse',
solanna iyai gele a'giling na risare pangampungang.”
13Maeng injo appaui pole Isa mange ri iyai, ”Gelepai mupahangi pakkalebarang inni? Ampa appakonjoi anteekamua lamupahangi sikonjo pakkalebarang maraeng? 14Palamung injo a'lamungi pau. 15Sikuanna tau rie' ri biring lalang. Tampa'na pau injo rilamung, iamo intu tau allangngere injo pau, maeng injo rie'i Ibilisi na laalle pau nuampa injo rilamung ri iyai. 16Appakonjo todo'i nurilamung injo ri tana a'batu-batu, iyaimo tau allangngere injo pau na lassiri latarima baji', 17mingka gele a'dakki' na sinampe' juai attahang. Ampa rie'mo passissa iyareka pama'risi saba' ri pau injo, lassirimu a'boko. 18Numaraeng injo iamo intu nua'dappe' injo ri rompo' bunga jabe; iamo injo tuallangngere injo pauna Allataala, 19mingka passabakang bata-bata ri lino inni na pappalinguna kakalumannyangang na risikonjo a'ra' mata nugele injo akkulle ritahang iamo antama' laepe' pau injo jari gelei ambua. 20Kala'busanna nua'dappe' injo ri tana baji', iamo intu tau allangngere injo pau ampai latarima baji' pau injo jari ambuai, rie' nua'lappi tallumpulo, rie' nua'lappi annampulo, na rie' nua'lappi sibilangang.”
Pakkalebarang ripassala kanjoli na passuka'
4:21-25
(Luk. 8:16-18)
21 #
Mat. 5:15; Luk. 11:33 Maeng injo appaui Isa mange ri iyai, ”Makalama'ringi tau inni ngerang kanjoli solanna lataro rahangang talle iyareka rahangang patinroang? Gelejua solanna ritaro rate ri tampa'na? 22#Mat. 10:26; Luk. 12:2Saba' gele rie' manna se're nutassa'bu lagele kauppaang, na gele rie' manna se're nuharasia lagele ripappiissekang. 23Inai rie' tolinna lallangngere, sibaji'na ia appilangngeri!”
24 #
Mat. 7:2; Luk. 6:38 Maenna injo appaumu isse' Isa, ”Pariatilalo apa numaeng mulangngere! Passuka' numupake injo lanyuka' iamo laripasuka' mange ri kau, na rimaraenganna injo laritambai pole mange ri kau. 25#Mat. 13:12, 25:29; Luk. 19:26Saba' inai rie' anunna, ia lasare, mingka inai tide' anunna, apa jua rie' ri ia larialle ngase'i.”
Pakkalebarang ripassala lamungang attimbo
4:26-29
26Jari lakuamo Isa, ”Injo passala Pakkaraenganna Allataala appakonni: assimpole tau a'lamung lamungang ri tana, 27ampa bangngi tinroi na ampa allo ambaungi, anteekamua kajarianna gele laisse' tau injo. 28Lino inni appasulu' kale-kale bua, pakaramula tangke-tangkena, ampamo bullere'na, maeng injo lisere'na rassi lalang ri bullere injo. 29#Yl. 3:13Ampa toamu bua injo, lassirimu opuna koko labingalai, saba' larapi'mu hattu panduru.”
Pakkalebarang ripassala lisere sinahu
4:30-34
(Mat. 13:31-35; Luk. 13:18-19)
30Lakuamo pole Isa, ”Apamo a'ra' laripassinrapangangi Pakkaraengang Allataala, iyareka pakkalebarang anteeammo a'ra' larija'bangangi? 31Injo passala Pakkaraengang Allataala assimpole lisere sinahu nuritahuru injo ri tana. Lisere'na sinahu injo kaminang ki'di' battu risikonjo lisere lamung-lamung rie' ri lino. 32Mingka ampa ritahurui, attimbo lisere injo na a'jari kaminang bakka' battu risikonjo gangang-gangang maraeng na rie' pangka-pangkana nubakka', jari lohemo jangang-jangang akkulle a'bua' poo ri injo.”
33Lohe rupanna pakkalebarang assimpole injo, lapake Isa appala'bang pauna Allataala mange ri iyai assituru' pakkullena lappahang, 34na ampa gele pakkalebarang Isa gele appau mange ri iyai, mingka mange ri suro-suroNa Ia lasesei baji'i sikonjo numaeng lapau lalang ri pakkalebarang.
Anging parupusu lapakaluba'
4:35-41
(Mat. 8:23-27; Luk. 8:22-25)
35Ri allo injo, sungka'i labangngi, lakuamo Isa mange ri iyai, ”Maemoko a'lampaki anta'leang.” 36Labokoi tau lohe injo ampai a'lampai na laurang todo'i Isa lalang ri lopi na attolongi ri injo na lohe pole lopi maraeng minahang ri Isa. 37Sikalinna rie'mo anging parupusu na ere injo antama'mu ri lopi, jari lopi injo pakaramulamu rassi ere. 38Rihattu injo Isa attangngai tinro make lungang riboko lopi. Jari ana'-ana' gurunNa laronrongi Isa na appaui mange ri Isa, ”Guru, Kau gele mupaduli ma'nassana latallangki?” 39Jari ambaungi Isa na laga'gara anging parupusu injo na lakua mange tamparang la'ba injo, ”Ammariko! Sannangko!” Jari luba'mu anging parupusu na tamparang la'ba injo a'jari sannang. 40Jari appaui Isa mange ri iyai, ”Ngura namallaki konjoko? Ngura geleiko tappa'?” 41Jari pela' mallakimu na lakuai, ”Inai sitoje'na tau inni, na manna anging surang ere tamparang la'ba inni turu' mange ri Ia?”
Actualmente seleccionado:
MARKUS 4: LAI_SLY
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)
MARKUS 4
4
Pakkalebarang ripassala palamung
4:1-20
(Mat. 13:1-23; Luk. 8:4-15)
1 #
Mark. 3:9-10; Luk. 5:1-3 Rie' se're hattu ripakaramulana ngajara Isa ri biring tamparang la'ba. Rie'mo tau sanna' lohe jumallana a'domung ri Isa, sa'genna Ia nai'i risibatu lopi a'labu injo ampai attolong ri injo, na tau lohe injo ammenteng ngase'i ribonto, ri biring tamparang la'ba injo. 2Ri injo lohe passala lapangajarang Isa mange ri iyai lalang pakkalebarang. RiajaranNa injo, lakua Isa mange ri iyai, 3”Pilangngeri! Rie' se're palamung mange a'lamung. 4Rihattu a'lamunna, sidahuang lamunganna injo a'dappe' ri biring lalang, maeng injo rie'mo jangang-jangang na lakanre sa'genna la'busu. 5Sidahuang a'dappe'i ri tana lohe batu-batunna nugele lohe assi tanana, jari lassiri attimbo lamungang injo, saba' so'di' assi tanana. 6Mingka ri ambassi'namo matanna allo, lajumu lamungang injo na a'jari kalotoro saba' tide' aka'na. 7Sidahuang pole a'dappe' ritangnga rompo' bunga jabe, jari pela' bakka'i bunga jabe injo na labohongi sa'genna mate, jari tide' buana. 8Sidahuang a'dappe' ri tana baji', jari soppong timbona na ambuai. Hassele'na rie' nua'lappi tallumpulo, rie' nua'lappi annampulo, rie' nua'lappi sibilangang.” 9Jari lakuamo Isa, ”Inai rie' tolinna laallangngere, sibaji'na ia appilangngeri!”
10Rihattu akkale-kalena Isa, sikonjo tuminahang ri Ia na sampuloiya rua suro-suroNa akkuta'nang mange ri Isa passala pakkalebarang injo. 11Jari lakuamo Isa mange ri iyai, ”Ri kau maeng ripassareangi harasiana Pakkaraengang Allataala, mingka mange ri tau lohe rieki injo pantarang sikuanna parallui ripappauwang lalang ripakkalebarang, 12#Yes. 6:9-10solanna:
Manna injo anjanjangi, mingka gelei lapahang,
manna injo toje'i allangngere, mingka gelei laisse',
solanna iyai gele a'giling na risare pangampungang.”
13Maeng injo appaui pole Isa mange ri iyai, ”Gelepai mupahangi pakkalebarang inni? Ampa appakonjoi anteekamua lamupahangi sikonjo pakkalebarang maraeng? 14Palamung injo a'lamungi pau. 15Sikuanna tau rie' ri biring lalang. Tampa'na pau injo rilamung, iamo intu tau allangngere injo pau, maeng injo rie'i Ibilisi na laalle pau nuampa injo rilamung ri iyai. 16Appakonjo todo'i nurilamung injo ri tana a'batu-batu, iyaimo tau allangngere injo pau na lassiri latarima baji', 17mingka gele a'dakki' na sinampe' juai attahang. Ampa rie'mo passissa iyareka pama'risi saba' ri pau injo, lassirimu a'boko. 18Numaraeng injo iamo intu nua'dappe' injo ri rompo' bunga jabe; iamo injo tuallangngere injo pauna Allataala, 19mingka passabakang bata-bata ri lino inni na pappalinguna kakalumannyangang na risikonjo a'ra' mata nugele injo akkulle ritahang iamo antama' laepe' pau injo jari gelei ambua. 20Kala'busanna nua'dappe' injo ri tana baji', iamo intu tau allangngere injo pau ampai latarima baji' pau injo jari ambuai, rie' nua'lappi tallumpulo, rie' nua'lappi annampulo, na rie' nua'lappi sibilangang.”
Pakkalebarang ripassala kanjoli na passuka'
4:21-25
(Luk. 8:16-18)
21 #
Mat. 5:15; Luk. 11:33 Maeng injo appaui Isa mange ri iyai, ”Makalama'ringi tau inni ngerang kanjoli solanna lataro rahangang talle iyareka rahangang patinroang? Gelejua solanna ritaro rate ri tampa'na? 22#Mat. 10:26; Luk. 12:2Saba' gele rie' manna se're nutassa'bu lagele kauppaang, na gele rie' manna se're nuharasia lagele ripappiissekang. 23Inai rie' tolinna lallangngere, sibaji'na ia appilangngeri!”
24 #
Mat. 7:2; Luk. 6:38 Maenna injo appaumu isse' Isa, ”Pariatilalo apa numaeng mulangngere! Passuka' numupake injo lanyuka' iamo laripasuka' mange ri kau, na rimaraenganna injo laritambai pole mange ri kau. 25#Mat. 13:12, 25:29; Luk. 19:26Saba' inai rie' anunna, ia lasare, mingka inai tide' anunna, apa jua rie' ri ia larialle ngase'i.”
Pakkalebarang ripassala lamungang attimbo
4:26-29
26Jari lakuamo Isa, ”Injo passala Pakkaraenganna Allataala appakonni: assimpole tau a'lamung lamungang ri tana, 27ampa bangngi tinroi na ampa allo ambaungi, anteekamua kajarianna gele laisse' tau injo. 28Lino inni appasulu' kale-kale bua, pakaramula tangke-tangkena, ampamo bullere'na, maeng injo lisere'na rassi lalang ri bullere injo. 29#Yl. 3:13Ampa toamu bua injo, lassirimu opuna koko labingalai, saba' larapi'mu hattu panduru.”
Pakkalebarang ripassala lisere sinahu
4:30-34
(Mat. 13:31-35; Luk. 13:18-19)
30Lakuamo pole Isa, ”Apamo a'ra' laripassinrapangangi Pakkaraengang Allataala, iyareka pakkalebarang anteeammo a'ra' larija'bangangi? 31Injo passala Pakkaraengang Allataala assimpole lisere sinahu nuritahuru injo ri tana. Lisere'na sinahu injo kaminang ki'di' battu risikonjo lisere lamung-lamung rie' ri lino. 32Mingka ampa ritahurui, attimbo lisere injo na a'jari kaminang bakka' battu risikonjo gangang-gangang maraeng na rie' pangka-pangkana nubakka', jari lohemo jangang-jangang akkulle a'bua' poo ri injo.”
33Lohe rupanna pakkalebarang assimpole injo, lapake Isa appala'bang pauna Allataala mange ri iyai assituru' pakkullena lappahang, 34na ampa gele pakkalebarang Isa gele appau mange ri iyai, mingka mange ri suro-suroNa Ia lasesei baji'i sikonjo numaeng lapau lalang ri pakkalebarang.
Anging parupusu lapakaluba'
4:35-41
(Mat. 8:23-27; Luk. 8:22-25)
35Ri allo injo, sungka'i labangngi, lakuamo Isa mange ri iyai, ”Maemoko a'lampaki anta'leang.” 36Labokoi tau lohe injo ampai a'lampai na laurang todo'i Isa lalang ri lopi na attolongi ri injo na lohe pole lopi maraeng minahang ri Isa. 37Sikalinna rie'mo anging parupusu na ere injo antama'mu ri lopi, jari lopi injo pakaramulamu rassi ere. 38Rihattu injo Isa attangngai tinro make lungang riboko lopi. Jari ana'-ana' gurunNa laronrongi Isa na appaui mange ri Isa, ”Guru, Kau gele mupaduli ma'nassana latallangki?” 39Jari ambaungi Isa na laga'gara anging parupusu injo na lakua mange tamparang la'ba injo, ”Ammariko! Sannangko!” Jari luba'mu anging parupusu na tamparang la'ba injo a'jari sannang. 40Jari appaui Isa mange ri iyai, ”Ngura namallaki konjoko? Ngura geleiko tappa'?” 41Jari pela' mallakimu na lakuai, ”Inai sitoje'na tau inni, na manna anging surang ere tamparang la'ba inni turu' mange ri Ia?”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)