Лыдпусъёс 11
11
11-тӥ ЛЮКЕТ
1Калык Кузё-Инмарлы кылӥськымон ӝожтӥськыны-ӟургетыны кутскиз; Кузё-Инмар кылӥз но, Солэн вожпотонэз пурӟиз, соос дорын Кузё-Инмарлэн тылыз ӝуаны кутскиз, станлэсь дурзэ сутыны кутскиз. 2Калык Моисейлы вазиськиз; Моисей Кузё-Инмарлы вӧсяськыса вазиськиз но, тыл ӝуамысь дугдӥз. 3Со интылы таӵе ним сётӥзы: «Тавера»#11:3 Тавера – «ӝуан» шуэм луэ малы ке шуоно соос дорын Кузё-Инмарлэн тылыз ӝуатскиз. 4Соос пӧлы улыны лыктэмъёс асьсэлэсь маин ке тыр луымтэзэс возьматыны кутскизы; соосын ӵош бӧрдыса пукизы израиль пиос но, соос шуизы: «Кин милемыз сӥлен сюдоз? 5Ми тодамы вайиськомы на, кызьы ми Египетын дунтэк чорыг сиимы, тодамы вайиськомы кияръёс, дыняос, порей сугон, сугон, чеснок сиеммес; 6нош та дыре милям лулмы курадӟе; син азямы, манна сяна, номыр но ӧвӧл». 7Нош манна укша вал кориандрлэн кидысэзлы, вылтусыз бдолахлы укша вал; 8калык сое бичаса ветлӥз, кикӧен изӥз яке гырын туйиз, пуртыын пӧзьтӥз но солэсь уднянь пыжылӥз; шӧмыз нош солэн вӧйын пыжем удняньлы укша вал. 9Стан вылэ уйин лысву усьыку, со виын татчы манна но виялляз. 10Моисей кылылӥз, кызьы котькуд семьяын балаганазы пырон ӧс дорын адямиос бӧрдо; соку Кузё-Инмарлэн вожпотонэз туж зол пурӟиз, Моисей ӝожомиз. 11Соку Моисей Кузё-Инмарлы шуиз: «Мар понна Тон Аслэсьтыд ляльчидэ курадӟытӥськод? Малы мон Тон дорысь гажан-жалянэз ӧй шедьты, – та быдэс калыклэсь секыт ныпъетсэ мон вылэ ошид? 12Та быдэс калыкез мон ас пушкам нуллӥ шат, мон та калыкез вордӥськытӥ шат, – Тон мыным шуиськод: ”Кызьы нуны утись нунызэ ки вылаз нуллэ, ас ки вылад тон но сое ну” солэн атайёсызлы Тынад сётыны сӥзем музъем вылад? 13Тамында калыклы сётъяны кытысь мон сомында сӥль шедьтом? Соос мон азьын бӧрдыса шуо уго: ”Вай милемлы сиыны сӥль”. 14Вань та калыкез мон ас вылам нуыны уг быгатӥськы, секыт ук со мон понна; 15тазьы монэн кариськод бере, Тон монэ гажаськод-жаляськод ке, эсьмаса ви монэ, шугадӟонъёс-курадӟонъёс адӟоно медам ни луы».
16Кузё-Инмар Моисейлы шуиз: «Израиль калыклэн тӧроосыз пӧлысь сизьымдон пиосмуртъёсты Мон доры люка, соос сярысь тон тодыны кулэ: соос калыклэн тӧроосыз, эскерись-чакласьёсыз луо, вӧсяськон скиния доры соосты басьты, отын соос тонэн ӵош мед султозы. 17Мон васько но отысен тонэн верасько, тон вылын улӥсь Духлэсь люкетсэ басьто но соос вылэ поно, – тонэн ӵош секыт ныпъет луись калыкез мед нуозы, тон одӥгнад гинэ сое медад нуллы. 18Нош калыклы шу: ӵуказе нуналлы чылкытатӥське, соку сӥль сиёды; Кузё-Инмарлы кылӥськымон тӥ бӧрдӥды но тазьы шуиды: ”Кин милемыз сӥлен сюдоз? Умой вал милемлы Египетын”, – со понна ик Кузё-Инмар тӥледлы сӥль сётоз, тӥ [сӥль] сиёды: 19одӥг нунал гинэ уд сие, кык нунал гинэ, вить нунал гинэ, дас нунал гинэ, кызь нунал гинэ уд сие, – 20быдэс толэзь [сиёды], нырпасьтӥды сиёнды потытозь сиёды, тӥ пӧлын улӥсь Кузё-Инмарез кулэтэм каремды понна голькатозяды сиёды, Со азьын уго тӥ тазьы шуыса бӧрдӥды: ”Малы кулэ вал милемлы Египетысь потыны?”» 21Моисей шуиз: «Али улоно калыке пӧлын куать сю сюрс пыдын мынӥсь пиосмуртъёс; нош Тон шуиськод: ”Мон соослы сӥль сёто, быдэс толэзь сӥль сиёзы!” 22Вань ыжъёсты, ошъёсты вандӥд ке но, соослы со тырмыт луоз-а? Яке, зарезьысь вань чорыгез люкад ке но, соослы со тырмыт луоз-а?» 23Соку Кузё-Инмар Моисейлы шуиз: «Кузё-Инмарлэн киыз вакчи шат? Туннэ тон адӟод, быдэсмоз-а, уз-а Мынам тыныд верам кылы».
24Моисей потӥз но Кузё-Инмарлэсь кылъёссэ калыклы вераз, калыклэн тӧроосыз пӧлысь сизьымдон пиосмуртъёсты люказ но скиния вӧзы султытӥз. 25Пилем пушкын Кузё-Инмар васькиз но соин вераськыса улӥз, со вылын улӥсь Духлэсь люкетсэ басьтӥз но сизьымдон тӧро пиосмуртъёслы сётӥз. Дух соос вылын улыны кутскем бере соос азьпалзэ тодытыса вераны кутскизы, нош берлогес дугдӥзы. 26Кыкез пиосмуртъёс станэ кылизы, огезлэн нимыз Елдад, нош мукетызлэн – Модад; соос вылын но Дух улыны кутскиз (соос гожтэмъёс пӧлысь вал, но скиния доры ӧз потылэ), соос станын азьпалзэ тодытыса вераллязы. 27Соку пинал пи бызьыса мынэм но Моисейлы ивортэм: «Елдад но Модад станын азьпалзэ тодытыса верало». 28Моисейлэн ужась-тыршисез, одӥгез быръем муртэз, Навинлэн Иисус пиез, ответ сётыса шуиз: «Кузёе, Моисей! Соослы азьпалзэ тодытыса вераны эн лэзьы». 29Нош Моисей солы шуиз: «Мон понна тон уд сюлэмшугъяськиськы-а? Э, Кузё-Инмарлэн калыкез пӧлысь вань адямиос пророкъёс луысалзы ке, соос вылэ Кузё-Инмар Аслэсьтыз Духсэ лэзьысал ке!» 30Моисей но, Израильлэн тӧроосыз но станэ берытскизы. 31Кузё-Инмар дорысь тӧл потӥз но зарезь дурысь бӧдёноосты вайиз, соосты стан вӧзы уськытъяз, станлэн огпалаз одӥг нунал мынон кемозь, станлэн мукет палаз одӥг нунал мынон кемозь, музъем вылысен кык гырпум ӝуждаозь соос люкаськизы. 32Соку калык султӥз, быдэс нунал, быдэс уй, ӵуказеяз но быдэс нунал бӧдёноосты асьсэлы люказы. Ӧжыт люкасьёс дас хомер люказы; стан котыре соосты асьсэлы тыризы. 33Кузё-Инмарлэн йыркурез та калык вылэ ӝуатскыку, сӥльзы пинь улазы вал на, сиыса ӧз на быдтэ вал – Кузё-Инмар туж бадӟым яраосын соосты вӧсь карыса погыртылӥз. 34Со интылы ним сётӥзы Киброт-Гаттаава#11:34 Киброт-Гаттаава – «кирегъяськонлэн шайгуосыз» шуэм луэ, уго отчы ватылӥзы кирегъяськись калыкез. 35Киброт-Гаттааваысен калык Асирофе вырӟиз, Асирофе дугдӥз.
Actualmente seleccionado:
Лыдпусъёс 11: УДМБИБ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016
Лыдпусъёс 11
11
11-тӥ ЛЮКЕТ
1Калык Кузё-Инмарлы кылӥськымон ӝожтӥськыны-ӟургетыны кутскиз; Кузё-Инмар кылӥз но, Солэн вожпотонэз пурӟиз, соос дорын Кузё-Инмарлэн тылыз ӝуаны кутскиз, станлэсь дурзэ сутыны кутскиз. 2Калык Моисейлы вазиськиз; Моисей Кузё-Инмарлы вӧсяськыса вазиськиз но, тыл ӝуамысь дугдӥз. 3Со интылы таӵе ним сётӥзы: «Тавера»#11:3 Тавера – «ӝуан» шуэм луэ малы ке шуоно соос дорын Кузё-Инмарлэн тылыз ӝуатскиз. 4Соос пӧлы улыны лыктэмъёс асьсэлэсь маин ке тыр луымтэзэс возьматыны кутскизы; соосын ӵош бӧрдыса пукизы израиль пиос но, соос шуизы: «Кин милемыз сӥлен сюдоз? 5Ми тодамы вайиськомы на, кызьы ми Египетын дунтэк чорыг сиимы, тодамы вайиськомы кияръёс, дыняос, порей сугон, сугон, чеснок сиеммес; 6нош та дыре милям лулмы курадӟе; син азямы, манна сяна, номыр но ӧвӧл». 7Нош манна укша вал кориандрлэн кидысэзлы, вылтусыз бдолахлы укша вал; 8калык сое бичаса ветлӥз, кикӧен изӥз яке гырын туйиз, пуртыын пӧзьтӥз но солэсь уднянь пыжылӥз; шӧмыз нош солэн вӧйын пыжем удняньлы укша вал. 9Стан вылэ уйин лысву усьыку, со виын татчы манна но виялляз. 10Моисей кылылӥз, кызьы котькуд семьяын балаганазы пырон ӧс дорын адямиос бӧрдо; соку Кузё-Инмарлэн вожпотонэз туж зол пурӟиз, Моисей ӝожомиз. 11Соку Моисей Кузё-Инмарлы шуиз: «Мар понна Тон Аслэсьтыд ляльчидэ курадӟытӥськод? Малы мон Тон дорысь гажан-жалянэз ӧй шедьты, – та быдэс калыклэсь секыт ныпъетсэ мон вылэ ошид? 12Та быдэс калыкез мон ас пушкам нуллӥ шат, мон та калыкез вордӥськытӥ шат, – Тон мыным шуиськод: ”Кызьы нуны утись нунызэ ки вылаз нуллэ, ас ки вылад тон но сое ну” солэн атайёсызлы Тынад сётыны сӥзем музъем вылад? 13Тамында калыклы сётъяны кытысь мон сомында сӥль шедьтом? Соос мон азьын бӧрдыса шуо уго: ”Вай милемлы сиыны сӥль”. 14Вань та калыкез мон ас вылам нуыны уг быгатӥськы, секыт ук со мон понна; 15тазьы монэн кариськод бере, Тон монэ гажаськод-жаляськод ке, эсьмаса ви монэ, шугадӟонъёс-курадӟонъёс адӟоно медам ни луы».
16Кузё-Инмар Моисейлы шуиз: «Израиль калыклэн тӧроосыз пӧлысь сизьымдон пиосмуртъёсты Мон доры люка, соос сярысь тон тодыны кулэ: соос калыклэн тӧроосыз, эскерись-чакласьёсыз луо, вӧсяськон скиния доры соосты басьты, отын соос тонэн ӵош мед султозы. 17Мон васько но отысен тонэн верасько, тон вылын улӥсь Духлэсь люкетсэ басьто но соос вылэ поно, – тонэн ӵош секыт ныпъет луись калыкез мед нуозы, тон одӥгнад гинэ сое медад нуллы. 18Нош калыклы шу: ӵуказе нуналлы чылкытатӥське, соку сӥль сиёды; Кузё-Инмарлы кылӥськымон тӥ бӧрдӥды но тазьы шуиды: ”Кин милемыз сӥлен сюдоз? Умой вал милемлы Египетын”, – со понна ик Кузё-Инмар тӥледлы сӥль сётоз, тӥ [сӥль] сиёды: 19одӥг нунал гинэ уд сие, кык нунал гинэ, вить нунал гинэ, дас нунал гинэ, кызь нунал гинэ уд сие, – 20быдэс толэзь [сиёды], нырпасьтӥды сиёнды потытозь сиёды, тӥ пӧлын улӥсь Кузё-Инмарез кулэтэм каремды понна голькатозяды сиёды, Со азьын уго тӥ тазьы шуыса бӧрдӥды: ”Малы кулэ вал милемлы Египетысь потыны?”» 21Моисей шуиз: «Али улоно калыке пӧлын куать сю сюрс пыдын мынӥсь пиосмуртъёс; нош Тон шуиськод: ”Мон соослы сӥль сёто, быдэс толэзь сӥль сиёзы!” 22Вань ыжъёсты, ошъёсты вандӥд ке но, соослы со тырмыт луоз-а? Яке, зарезьысь вань чорыгез люкад ке но, соослы со тырмыт луоз-а?» 23Соку Кузё-Инмар Моисейлы шуиз: «Кузё-Инмарлэн киыз вакчи шат? Туннэ тон адӟод, быдэсмоз-а, уз-а Мынам тыныд верам кылы».
24Моисей потӥз но Кузё-Инмарлэсь кылъёссэ калыклы вераз, калыклэн тӧроосыз пӧлысь сизьымдон пиосмуртъёсты люказ но скиния вӧзы султытӥз. 25Пилем пушкын Кузё-Инмар васькиз но соин вераськыса улӥз, со вылын улӥсь Духлэсь люкетсэ басьтӥз но сизьымдон тӧро пиосмуртъёслы сётӥз. Дух соос вылын улыны кутскем бере соос азьпалзэ тодытыса вераны кутскизы, нош берлогес дугдӥзы. 26Кыкез пиосмуртъёс станэ кылизы, огезлэн нимыз Елдад, нош мукетызлэн – Модад; соос вылын но Дух улыны кутскиз (соос гожтэмъёс пӧлысь вал, но скиния доры ӧз потылэ), соос станын азьпалзэ тодытыса вераллязы. 27Соку пинал пи бызьыса мынэм но Моисейлы ивортэм: «Елдад но Модад станын азьпалзэ тодытыса верало». 28Моисейлэн ужась-тыршисез, одӥгез быръем муртэз, Навинлэн Иисус пиез, ответ сётыса шуиз: «Кузёе, Моисей! Соослы азьпалзэ тодытыса вераны эн лэзьы». 29Нош Моисей солы шуиз: «Мон понна тон уд сюлэмшугъяськиськы-а? Э, Кузё-Инмарлэн калыкез пӧлысь вань адямиос пророкъёс луысалзы ке, соос вылэ Кузё-Инмар Аслэсьтыз Духсэ лэзьысал ке!» 30Моисей но, Израильлэн тӧроосыз но станэ берытскизы. 31Кузё-Инмар дорысь тӧл потӥз но зарезь дурысь бӧдёноосты вайиз, соосты стан вӧзы уськытъяз, станлэн огпалаз одӥг нунал мынон кемозь, станлэн мукет палаз одӥг нунал мынон кемозь, музъем вылысен кык гырпум ӝуждаозь соос люкаськизы. 32Соку калык султӥз, быдэс нунал, быдэс уй, ӵуказеяз но быдэс нунал бӧдёноосты асьсэлы люказы. Ӧжыт люкасьёс дас хомер люказы; стан котыре соосты асьсэлы тыризы. 33Кузё-Инмарлэн йыркурез та калык вылэ ӝуатскыку, сӥльзы пинь улазы вал на, сиыса ӧз на быдтэ вал – Кузё-Инмар туж бадӟым яраосын соосты вӧсь карыса погыртылӥз. 34Со интылы ним сётӥзы Киброт-Гаттаава#11:34 Киброт-Гаттаава – «кирегъяськонлэн шайгуосыз» шуэм луэ, уго отчы ватылӥзы кирегъяськись калыкез. 35Киброт-Гаттааваысен калык Асирофе вырӟиз, Асирофе дугдӥз.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016