Потон 40
40
40-тӥ ЛЮКЕТ
1Кузё-Инмар Моисейлы шуиз: 2«Нырысетӥ толэзе, толэзьлэн нырысетӥ нуналаз вӧсяськыны вӧсяськон скиния пукты. 3Отчы сӥзён-косонэн ковчегез пукты, ковчегез катанчиен возъя; 4отчы ӝӧк пырты но солэсь вань тӥрлыкъёссэ со вылэ тыр, югдытон арбериез пырты но со вылэ лампадаоссэ пукты. 5Сӥзён-косонэн ковчег азьын ӵындытыны зарни курбон сётон ӝӧк пукты но [люкаськон] скинияе пырон азе катанчи ош. 6Вӧсяськон скинияе пырон доры тылын сутӥськись курбон сётон ӝӧк пукты; 7вӧсяськон скинияен курбон сётон ӝӧк вискы мисьтӥськон пукты, отчы ву лэзь; 8котыр азбар лэсьты, азбар ӟезьы азе катанчи ош. 9Зырӟыны вӧй басьты но соин скинияез но, мар со пушкын вань, ваньзэ зырӟы, скинияез, вань сосудъёссэ но эшшо отын мар вань, ваньзэ вӧся, соку дун-чылкыт луоз. 10Тылын сутӥськись курбон сётон ӝӧкез но, мар со бордын вань, ваньзэ вӧйын зырӟы, курбон сётон ӝӧкез вӧся, соку курбон сётон инты быдӟым святыня шуыса лыдӟиськоз. 11Зырӟон вӧйын мисьтӥськонэз сылон интыеныз валче зырӟы, вӧся. 12Ааронэз но солэсь пиоссэ вӧсяськон скинияе пырон доры вай но соосты вуэн миськы; 13Ааронэз вӧсяськон дӥськутэн дӥся, вӧйын зырӟы, дун-чылкыт кар – со Мынам священнике мед луоз. 14Солэсь пиоссэ но вай, дэремъёс вылазы дӥся, 15атайзэс кадь ик соосты но вӧйын зырӟы, священник луыса соос но Мыным мед ужалозы-тыршозы; вӧйын зырӟон соосты выжыысь выжые, пумтэм вапумъёс ӵожелы священник кароз». 16Моисей лэсьтӥз ваньзэ озьы, кызьы солы Кузё-Инмар лэсьтыны косӥз. 17[Египетысь потэм беразы,] кыкетӥ араз, нырысетӥ толэзе, та толэзьлэн нырысетӥ нуналаз скиния пуктэмын вал. 18Моисей скинияез пуктӥз, пыдул кутэтъёс пуктӥз, вӧлэм пулъёс тыриз, сюрыос понӥз, юбооссэ пуктӥз, 19скинияез вылтӥз шобыртӥз, солэн вылаз эшшо шобрет понӥз на, кызьы Кузё-Инмар Моисейлы косӥз. 20Кутӥз но сӥзён-косонэз ковчег пушкы понӥз, ковчеглэн кульчоосыз пушкы сюрыос понӥз, ковчеглэн вылӥяз шобрет понӥз; 21ковчегез скиния пушкы пыртӥз, солэн азяз катанчи ошиз, сӥзён-косонэн ковчегез возъяз, кызьы Кузё-Инмар Моисейлы косон сётӥз. 22Вӧсяськон скиния пушкы, скиниялэн уйпал люкетаз, катанчи сьӧры, ӝӧк пуктӥз, 23со вылэ Кузё-Инмар азе няньёс тыриз, кызьы Кузё-Инмар Моисеез лэсьтыны косӥз. 24Вӧсяськон скинияе ӝӧклы ваче беринэ, скиниялэн лымшорпал люкетаз югдытон арбери пуктӥз. 25[Солэсь] лампадаоссэ Кузё-Инмар азе пуктылӥз, кызьы Кузё-Инмар Моисеез лэсьтыны косӥз. 26Вӧсяськон скинияе катанчилэн азьпалаз зарниен шобыртэм курбон сётон ӝӧк пуктӥз но 27со вылын ческыт зын поттӥсь арбериосты ӵындытӥз, кызьы Кузё-Инмар Моисеез лэсьтыны косӥз. 28Скинияе пырон доры катанчи ошиз. 29Скинияе пырон доры тылын сутӥськись курбон сётон ӝӧк пуктӥз, со вылын тылын сутӥськись курбонъёс сётӥз, нянез курбон сётӥз, кызьы Кузё-Инмар Моисеез лэсьтыны косӥз. 30Вӧсяськон скинияен курбон сётон ӝӧк вискы мисьтӥськон пуктӥз, мисьтӥськыны отчы ву лэзиз, 31Моисей, Аарон но солэн пиосыз мисьтӥськонысь вуэн киоссэс, пыдъёссэс миськизы: 32вӧсяськон скинияе [служить карыны] пырыкузы, курбон сётон ӝӧк доры лыктылыкузы, мисьтӥськылӥзы, кызьы Кузё-Инмар Моисеез лэсьтыны косӥз. 33Скиниялэн но курбон сётон ӝӧклэн котыразы азбар лэсьтӥз, азбарлэн капка йылаз катанчи ошиз. Тазьы Моисей ужзэ йылпумъяз. 34Вӧсяськон скинияез пилем шобыртӥз но, Кузё-Инмарлэн пиштӥсь данлыкез скиния пушкын пачылаз люкаськиз. 35Вӧсяськон скинияе Моисей пырыны ӧз быгаты, малы ке шуоно сое пилем шобыртӥз, Кузё-Инмарлэн пиштӥсь данлыкез скиния пушкын пачылаз улӥз. 36Ялан сюрес вылтӥ ветлон дыръязы скиния вылысь пилем ӝутскыку, израиль пиос сюрессэс азинтӥзы; 37нош пилем дугдыса одӥг интыяз сылыку, со нош ик вылӥе ӝутскыны кутскытозь, соос дугдыса улӥзы. 38Уго ялан сюрес вылтӥ ветлон дыръязы Кузё-Инмарлэн пилемез нуназе куазьын скиния йылын сылылӥз, нош уйёсы тыл со пушкын быдэс израиль выжылэн син азяз улӥз.
Actualmente seleccionado:
Потон 40: УДМБИБ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016
Потон 40
40
40-тӥ ЛЮКЕТ
1Кузё-Инмар Моисейлы шуиз: 2«Нырысетӥ толэзе, толэзьлэн нырысетӥ нуналаз вӧсяськыны вӧсяськон скиния пукты. 3Отчы сӥзён-косонэн ковчегез пукты, ковчегез катанчиен возъя; 4отчы ӝӧк пырты но солэсь вань тӥрлыкъёссэ со вылэ тыр, югдытон арбериез пырты но со вылэ лампадаоссэ пукты. 5Сӥзён-косонэн ковчег азьын ӵындытыны зарни курбон сётон ӝӧк пукты но [люкаськон] скинияе пырон азе катанчи ош. 6Вӧсяськон скинияе пырон доры тылын сутӥськись курбон сётон ӝӧк пукты; 7вӧсяськон скинияен курбон сётон ӝӧк вискы мисьтӥськон пукты, отчы ву лэзь; 8котыр азбар лэсьты, азбар ӟезьы азе катанчи ош. 9Зырӟыны вӧй басьты но соин скинияез но, мар со пушкын вань, ваньзэ зырӟы, скинияез, вань сосудъёссэ но эшшо отын мар вань, ваньзэ вӧся, соку дун-чылкыт луоз. 10Тылын сутӥськись курбон сётон ӝӧкез но, мар со бордын вань, ваньзэ вӧйын зырӟы, курбон сётон ӝӧкез вӧся, соку курбон сётон инты быдӟым святыня шуыса лыдӟиськоз. 11Зырӟон вӧйын мисьтӥськонэз сылон интыеныз валче зырӟы, вӧся. 12Ааронэз но солэсь пиоссэ вӧсяськон скинияе пырон доры вай но соосты вуэн миськы; 13Ааронэз вӧсяськон дӥськутэн дӥся, вӧйын зырӟы, дун-чылкыт кар – со Мынам священнике мед луоз. 14Солэсь пиоссэ но вай, дэремъёс вылазы дӥся, 15атайзэс кадь ик соосты но вӧйын зырӟы, священник луыса соос но Мыным мед ужалозы-тыршозы; вӧйын зырӟон соосты выжыысь выжые, пумтэм вапумъёс ӵожелы священник кароз». 16Моисей лэсьтӥз ваньзэ озьы, кызьы солы Кузё-Инмар лэсьтыны косӥз. 17[Египетысь потэм беразы,] кыкетӥ араз, нырысетӥ толэзе, та толэзьлэн нырысетӥ нуналаз скиния пуктэмын вал. 18Моисей скинияез пуктӥз, пыдул кутэтъёс пуктӥз, вӧлэм пулъёс тыриз, сюрыос понӥз, юбооссэ пуктӥз, 19скинияез вылтӥз шобыртӥз, солэн вылаз эшшо шобрет понӥз на, кызьы Кузё-Инмар Моисейлы косӥз. 20Кутӥз но сӥзён-косонэз ковчег пушкы понӥз, ковчеглэн кульчоосыз пушкы сюрыос понӥз, ковчеглэн вылӥяз шобрет понӥз; 21ковчегез скиния пушкы пыртӥз, солэн азяз катанчи ошиз, сӥзён-косонэн ковчегез возъяз, кызьы Кузё-Инмар Моисейлы косон сётӥз. 22Вӧсяськон скиния пушкы, скиниялэн уйпал люкетаз, катанчи сьӧры, ӝӧк пуктӥз, 23со вылэ Кузё-Инмар азе няньёс тыриз, кызьы Кузё-Инмар Моисеез лэсьтыны косӥз. 24Вӧсяськон скинияе ӝӧклы ваче беринэ, скиниялэн лымшорпал люкетаз югдытон арбери пуктӥз. 25[Солэсь] лампадаоссэ Кузё-Инмар азе пуктылӥз, кызьы Кузё-Инмар Моисеез лэсьтыны косӥз. 26Вӧсяськон скинияе катанчилэн азьпалаз зарниен шобыртэм курбон сётон ӝӧк пуктӥз но 27со вылын ческыт зын поттӥсь арбериосты ӵындытӥз, кызьы Кузё-Инмар Моисеез лэсьтыны косӥз. 28Скинияе пырон доры катанчи ошиз. 29Скинияе пырон доры тылын сутӥськись курбон сётон ӝӧк пуктӥз, со вылын тылын сутӥськись курбонъёс сётӥз, нянез курбон сётӥз, кызьы Кузё-Инмар Моисеез лэсьтыны косӥз. 30Вӧсяськон скинияен курбон сётон ӝӧк вискы мисьтӥськон пуктӥз, мисьтӥськыны отчы ву лэзиз, 31Моисей, Аарон но солэн пиосыз мисьтӥськонысь вуэн киоссэс, пыдъёссэс миськизы: 32вӧсяськон скинияе [служить карыны] пырыкузы, курбон сётон ӝӧк доры лыктылыкузы, мисьтӥськылӥзы, кызьы Кузё-Инмар Моисеез лэсьтыны косӥз. 33Скиниялэн но курбон сётон ӝӧклэн котыразы азбар лэсьтӥз, азбарлэн капка йылаз катанчи ошиз. Тазьы Моисей ужзэ йылпумъяз. 34Вӧсяськон скинияез пилем шобыртӥз но, Кузё-Инмарлэн пиштӥсь данлыкез скиния пушкын пачылаз люкаськиз. 35Вӧсяськон скинияе Моисей пырыны ӧз быгаты, малы ке шуоно сое пилем шобыртӥз, Кузё-Инмарлэн пиштӥсь данлыкез скиния пушкын пачылаз улӥз. 36Ялан сюрес вылтӥ ветлон дыръязы скиния вылысь пилем ӝутскыку, израиль пиос сюрессэс азинтӥзы; 37нош пилем дугдыса одӥг интыяз сылыку, со нош ик вылӥе ӝутскыны кутскытозь, соос дугдыса улӥзы. 38Уго ялан сюрес вылтӥ ветлон дыръязы Кузё-Инмарлэн пилемез нуназе куазьын скиния йылын сылылӥз, нош уйёсы тыл со пушкын быдэс израиль выжылэн син азяз улӥз.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016