Markus 15
15
ONTOPORUA 15.
Jesus pu Pilatus.
1Ongura sho kua tshi, otshingongi tshaapristeri aakuruntu tsha kundacana naakuruntukuruntu naanongo jomambo notshingongi tshaakuruntu, taa tumu Jesus a mangue, jo taa mu fara ku Pilatus.
2Nde Pilatus te mu pura: Ongueje omukuaniirua gu’aajuda? H’ota jamukura, ta ti ku he: Ngashi to ti.
3Aapristeri aakuruntu taa mu popi omatamaneko ogendji.
4Pilatus h’ote mu pura itshee: Ito jamukura nande? Puakena, otaa popi iinima ji cike peni mu nguee.
5Ndere Jesus ina jamukura ue, notsho Pilatus okua kumua ko.
6Opua ri omukaro a diturire aantu potshituci otshinene gumue mo meemango, ngu ja ara.
7Esiku ndija okua ri gumue, edina rje Barabas, a ri a kuatua puamue naantu, mba ja ninga edunguuko, nde mevundakano ja dipaga omuntu.
8Aantu sho je ja po, oje mu indire a ninge ngashi e ja ningire arushe.
9He Pilatus ta jamukura: Omua ara nduno ndi mu mangururire Omukuaniirua guaajuda?
10Oshoka okua ri e tshi naua, nokutja aapristeri aakuruntu oje mu eta mepanguro moru ondumbo.
11Nde aapristeri aakuruntu taa popi maantu, e ja mangururire Barabas.
12Pilatus h’ote ja pura itshee: Omua ara nduno ndi ninge ngiini nomukuaniirua guaajuda?
13Jo taa higida: Na arerue komutshigakano!
14Nde Pilatus ta ti ku jo: Okua ninga tshike otshineji? Ndere taa higida neenkondo: Na arerue komutshigakano!
15Pilatus sho a hara okupangura keharo rjauo, te ja pe Barabas a mangururue, nde Jesus te mu gandja a arerue, sho e mu dengica neengoro.
Jesus ta dingirua omano komutse.
16Aapija aasoldati taa mu fara motshoto tshondjugo hokupangurira, nde taa hicana ko uo ojakuauo.
17Jo taa mu zareke eruakani etirigane, taa tungu otshingongo tshomakegua, nde taa tshi tura komutse gue.
18Tsh’otsho taa shimbike okumupopica: Kundua, mukuaniirua guaajuda.
19Jo ta denge omutse gue nonenge, taa mu sijir’omate, taa ts’eengoro, nde taa mu injongamene.
20Sho ja dimbuka okumutsheka, oje mu shura eruakani etirigane, taa mu zareke nonguuo he muene, nde taa mu piica momukunda, je mu arere komutshigakano.
Jesus komutshigakano.
21Jo taa ciminike omuntu, te ende nondjira a zi mepja, Simon omukereni, she ha Alexander na Rufus, i itsike omutshigakano gue.
22Nde taa mu fara keshara rja Golgata, kutja: eshara rjeenkue deemutse.
23Jo taa mu pe omavinju ga vundakanicua nomeja omaruru okunua. Ndere ine ga tuumba.
24Sho je mu arera komutshigakano, jo ji itoporere eenguuo de nokudoogororica, keshe tuu gumue a peue he.
25Otundi sho je mu arera, oha ri ontitatu.
26Notshikoro tshokusa kue otsha tshangerua ko: Omukuaniirua guaajuda.
27Jo taa arere puamue na he aakorokoshi jaari, gumue korurjo, mukuauo korumosho.
28Otsho ohapu homambo oha guanicua: Okua ri a jarurirua maakorokoshi.
29Ajeshe, mba taa hende po, taa mu tsheke, jo taa puku eemutse dauo, taa ti: Hee, nguee ngu to kumuna po ontempeli ha Karunga, ngueje u hi tungurure momasiku gatatu:
30Ikuaca ko muene, za ko komutsigakano!
31Tsh’otsho uo aapristeri aakuruntu naanongo jomambo je mu tsheke, taa kundacana: Okua kuacerere jakuauo, nd’ita vuru okuikuca muene.
32Kristus, Mukuaniirua guaahisrael, za ko nduno komutshigakano, opo tu mone, sse tu iteere. Na mba ja arerua puamue na he, oje mu njanene.
33Ndere otundi ontikanekamue sho ha ciki, eemurema eemunene oda siikire otshirongo atshishe sigo okotundi ontimugoji.
34Nde potundi ontimugoji Jesus okui igida neui enene: Eloi, Eloi, lama sabaktani, atshi ti: Karunga kandje, Karunga kandje, otshike ue eca ndje?
35Jamue, mba ja cikama mpoka, je tshu uvite, otaa ti: Tara, nguka ti icana Elias.
36Nde gumue te enderere, ta kuca otshicekurico, te tshu uda omeja omaruru, te tshi tura kotsheenguti, nde te mu pe okunua, ta ti: Mueneni manka, tu tare, shira Elias ote ja, e mu kuce ko.
37Nde Jesus ti igida neui enene, he ta si.
38Omurapi omunene, ngu hagu edire ontempeli, guo otagu tatuka pokati pombanda sigo oposhi.#15:38 Omurapi ngu gua topora eshara rjohaltari neshara rjaantu.
39Erenga rjaakuiita, ndi rja cikama rja taarera Jesus, sho rja mono, ta si nokuigida pombanda, rja ti: Otshiri-tshiri, nguka okua ri Omumua Karunga.
40Ngaahuii okua ri ku na uo aakiintu ja tara, ja cikama kokure. Mu jo mua ri Maria Magdalena na Maria, hina ha Jakobus omumati no ha Josef, na Salome.
41Oja ri je mu cindikira, je mu karere, sho a ri mu Galilea, nojendji, mba ja hi puamue na he ku Jerusalem.
Jesus ta turua mombira.
42Rokonguroshi hesiku rjerongikidiro, orjo esiku, ndi tari tetekerere esabata.
43Josef ho ku Arimatea, omukuruntu guotshirongo a simana, ngu a tegerera uo otshirongo tsha Karunga, okue ja ku Pilatus, ke nuumbanda, nde ti indire omudimba gua Jesus.
44Pilatus, okua kumua ko, sho a huvu, nokutja Jesus a sa nare. H’oti icana erenga, nde te ri pura, nokutja okua sa tshiri?
45Sho e tshu uvu kerenga, h’ota gandja omudimba ku Josef. 46Nde Josef ta randa erapi rja jera sheke, te gu kuca, te gu dingire merapi, nde te gu rangeke mombira, ndji ha ri ho okua memanja enene, he ta garangatica po emanja potsheero tshombira.
47Maria Magdalena na Maria hina ha Josef taa tara naua, mpo tagu rangekua.
Actualmente seleccionado:
Markus 15: KWM
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Omission Heklesia Ekatolika, 1951. Namibian Catholic Bishops Conference.
Markus 15
15
ONTOPORUA 15.
Jesus pu Pilatus.
1Ongura sho kua tshi, otshingongi tshaapristeri aakuruntu tsha kundacana naakuruntukuruntu naanongo jomambo notshingongi tshaakuruntu, taa tumu Jesus a mangue, jo taa mu fara ku Pilatus.
2Nde Pilatus te mu pura: Ongueje omukuaniirua gu’aajuda? H’ota jamukura, ta ti ku he: Ngashi to ti.
3Aapristeri aakuruntu taa mu popi omatamaneko ogendji.
4Pilatus h’ote mu pura itshee: Ito jamukura nande? Puakena, otaa popi iinima ji cike peni mu nguee.
5Ndere Jesus ina jamukura ue, notsho Pilatus okua kumua ko.
6Opua ri omukaro a diturire aantu potshituci otshinene gumue mo meemango, ngu ja ara.
7Esiku ndija okua ri gumue, edina rje Barabas, a ri a kuatua puamue naantu, mba ja ninga edunguuko, nde mevundakano ja dipaga omuntu.
8Aantu sho je ja po, oje mu indire a ninge ngashi e ja ningire arushe.
9He Pilatus ta jamukura: Omua ara nduno ndi mu mangururire Omukuaniirua guaajuda?
10Oshoka okua ri e tshi naua, nokutja aapristeri aakuruntu oje mu eta mepanguro moru ondumbo.
11Nde aapristeri aakuruntu taa popi maantu, e ja mangururire Barabas.
12Pilatus h’ote ja pura itshee: Omua ara nduno ndi ninge ngiini nomukuaniirua guaajuda?
13Jo taa higida: Na arerue komutshigakano!
14Nde Pilatus ta ti ku jo: Okua ninga tshike otshineji? Ndere taa higida neenkondo: Na arerue komutshigakano!
15Pilatus sho a hara okupangura keharo rjauo, te ja pe Barabas a mangururue, nde Jesus te mu gandja a arerue, sho e mu dengica neengoro.
Jesus ta dingirua omano komutse.
16Aapija aasoldati taa mu fara motshoto tshondjugo hokupangurira, nde taa hicana ko uo ojakuauo.
17Jo taa mu zareke eruakani etirigane, taa tungu otshingongo tshomakegua, nde taa tshi tura komutse gue.
18Tsh’otsho taa shimbike okumupopica: Kundua, mukuaniirua guaajuda.
19Jo ta denge omutse gue nonenge, taa mu sijir’omate, taa ts’eengoro, nde taa mu injongamene.
20Sho ja dimbuka okumutsheka, oje mu shura eruakani etirigane, taa mu zareke nonguuo he muene, nde taa mu piica momukunda, je mu arere komutshigakano.
Jesus komutshigakano.
21Jo taa ciminike omuntu, te ende nondjira a zi mepja, Simon omukereni, she ha Alexander na Rufus, i itsike omutshigakano gue.
22Nde taa mu fara keshara rja Golgata, kutja: eshara rjeenkue deemutse.
23Jo taa mu pe omavinju ga vundakanicua nomeja omaruru okunua. Ndere ine ga tuumba.
24Sho je mu arera komutshigakano, jo ji itoporere eenguuo de nokudoogororica, keshe tuu gumue a peue he.
25Otundi sho je mu arera, oha ri ontitatu.
26Notshikoro tshokusa kue otsha tshangerua ko: Omukuaniirua guaajuda.
27Jo taa arere puamue na he aakorokoshi jaari, gumue korurjo, mukuauo korumosho.
28Otsho ohapu homambo oha guanicua: Okua ri a jarurirua maakorokoshi.
29Ajeshe, mba taa hende po, taa mu tsheke, jo taa puku eemutse dauo, taa ti: Hee, nguee ngu to kumuna po ontempeli ha Karunga, ngueje u hi tungurure momasiku gatatu:
30Ikuaca ko muene, za ko komutsigakano!
31Tsh’otsho uo aapristeri aakuruntu naanongo jomambo je mu tsheke, taa kundacana: Okua kuacerere jakuauo, nd’ita vuru okuikuca muene.
32Kristus, Mukuaniirua guaahisrael, za ko nduno komutshigakano, opo tu mone, sse tu iteere. Na mba ja arerua puamue na he, oje mu njanene.
33Ndere otundi ontikanekamue sho ha ciki, eemurema eemunene oda siikire otshirongo atshishe sigo okotundi ontimugoji.
34Nde potundi ontimugoji Jesus okui igida neui enene: Eloi, Eloi, lama sabaktani, atshi ti: Karunga kandje, Karunga kandje, otshike ue eca ndje?
35Jamue, mba ja cikama mpoka, je tshu uvite, otaa ti: Tara, nguka ti icana Elias.
36Nde gumue te enderere, ta kuca otshicekurico, te tshu uda omeja omaruru, te tshi tura kotsheenguti, nde te mu pe okunua, ta ti: Mueneni manka, tu tare, shira Elias ote ja, e mu kuce ko.
37Nde Jesus ti igida neui enene, he ta si.
38Omurapi omunene, ngu hagu edire ontempeli, guo otagu tatuka pokati pombanda sigo oposhi.#15:38 Omurapi ngu gua topora eshara rjohaltari neshara rjaantu.
39Erenga rjaakuiita, ndi rja cikama rja taarera Jesus, sho rja mono, ta si nokuigida pombanda, rja ti: Otshiri-tshiri, nguka okua ri Omumua Karunga.
40Ngaahuii okua ri ku na uo aakiintu ja tara, ja cikama kokure. Mu jo mua ri Maria Magdalena na Maria, hina ha Jakobus omumati no ha Josef, na Salome.
41Oja ri je mu cindikira, je mu karere, sho a ri mu Galilea, nojendji, mba ja hi puamue na he ku Jerusalem.
Jesus ta turua mombira.
42Rokonguroshi hesiku rjerongikidiro, orjo esiku, ndi tari tetekerere esabata.
43Josef ho ku Arimatea, omukuruntu guotshirongo a simana, ngu a tegerera uo otshirongo tsha Karunga, okue ja ku Pilatus, ke nuumbanda, nde ti indire omudimba gua Jesus.
44Pilatus, okua kumua ko, sho a huvu, nokutja Jesus a sa nare. H’oti icana erenga, nde te ri pura, nokutja okua sa tshiri?
45Sho e tshu uvu kerenga, h’ota gandja omudimba ku Josef. 46Nde Josef ta randa erapi rja jera sheke, te gu kuca, te gu dingire merapi, nde te gu rangeke mombira, ndji ha ri ho okua memanja enene, he ta garangatica po emanja potsheero tshombira.
47Maria Magdalena na Maria hina ha Josef taa tara naua, mpo tagu rangekua.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Omission Heklesia Ekatolika, 1951. Namibian Catholic Bishops Conference.