Mataafa Dikoota 1
1
Akkima Isira'eeli kara diira a parraasso kunda lakki kaye ka qaropeela ca dikamen
1A Isira'eeleta Kipsi kara sookteeyye para lammattati ka leya lammatta oppa kuyyaata paayyotati, a koommayta Siina oppa caaneeyye, Yaahiwwe tukkanaadi kela'e Muuse olli haasawade ka ishi kide, 2“Samayta Isira'eeli piisa oppaayye akka kaffaasso ka toollaasso caanenne nama a diirta kodde takka takka dike. 3Ke isho Arooni samayta Isira'eeli piisa oppaayye diira a paraaysho kunda lakki kaye ka qaropeela co a oranna' tuula kaye, xela xelan ollopa taafa; 4kaffa pisa oppaayye nama aappa tika kodde takka takka a ishin quda caado ka ishin qaarqaaro. 5Maxxada a orra ishin qaarqaaro nefo sene:
Kafa Roopeeli oppaayye,
Elissuuri inna Shede'uri;
6Kafa Simooni oppaayye,
Shelumi'eli inna Surishadaayi;
7kafa Yihuta oppaayye,
Na'asooni inna Aminataapi;
8kafa Yisakoorippaayye,
Naatina'eeli inna Su'ari;
9kafa Saaploonippaayye,
Eli'api inna Helooni;
10hellaa Yoosefippa, kafa Efreemippaayye
Elishama'i inna Amihuuti,
ka kafa Minaaseppaayye,
Kemaali'eli inna Petassuuri;
11kafa Piniyaamippaayye,
Apidaani inna Kidi'oni;
12ka kafa Taanippaayye,
Ahi'eseeri inna Amishataayi;
13kafa Aseerippaayye,
Faki'i'eli inna Okiraani;
14kafa Kaatippaayye,
Eliyasaafi inna Te'u'eli;
15kafa Niftaalemippaayyeew
Ahira'i inna Enaani.”
16Samayta Isira'eeli oppaayye mattiyya toolla a kaffa Isira'eeli oppa reexame tooy sene.
17Muuse isho Arooni ka sene a maxxadaasso halaamene isi quda qeeden; 18ka leya lammatta oppa kuyyaata paayyotati samayta piisa ollopa xora xaashen, samaytase ka kaffaasso ka toollaassotin ollopa taafame; a para kunda lakki kaye ka a qaropeela ca, akka maxxadaasso dikamen ka matta mattan ollopa taafamen. 19Muuse ka akka Waaqa turan isha ajaje qara'e koommayta Siina oppa' ishootta dike. 20Sanynyeeta Roopeeli a qaarta Yayqoopi oppaayye diira a oranna tuula kaye, a parraasso kunda lakki ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan ollopa taafamen. 21A kafa Roopelippa dikame kan kuma kunda afuri lehi ka dippa keni.
22Sanynyeeta Simoonippaayye hellaa diira a oranna tuula kaye, a parraasso kunda lakki kayene ka qaropeela ca piisa ka akka maxxadaasso dikamenenne, kaffaasso ka toollaassotinni matta mattan taafamen. 23A kafa Simoonippa taafame kan nama kuma kunda keni sakali ka dippa sessa.
24Sanynyeeta Kaatippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan taafameneew; 25a kafa Kaatippa taafame kan nama kuma kunda afuri keni ka dippa lehi ka kunda keni.
26Sanynyeeta Yihuta oppaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan taafamen; 27a kafa Yihuta oppaayye taafame kan nama kuma kunda tappa afuri ka dippa lehi.
28Sanynyeeta Yisakoorippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaassoti qara'e matta mattan taafamen; 29a kafa Yisakoorippa taafame kan nama kuma kunda keni afuri ka dippa afuri.
30Sanynyeeta Saapiloonippaayye hellaa diira a oranna tuula kaye aparraasso kunda lakki kayene ka qaropeela caane piisa ka kaffaasso ka toollaassotinni akka dikoota maxxadaasso qara'e matta mattan taafamen. 31A kafa Saapiloonippa taafame kan nama kuma kunda keni tappa ka dippa afuri.
32-34Sanynyeeta Yoosefippa kafa Efreemippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaassoti qara'e matta mattan taafamen. A kafa a inna Yoosefi a Efreemippa a taafame kan nama kuma kunda afuri ka dippa keni. 35A kafa inna Yoosefi a Minaaseppa taafame kan nama kuma kunda sessa lakki ka dippa lakki.
36Sanynyeeta Piiniyaamippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan taafamen. 37A kafa Piiniyaamippa taafame kan nama kuma kunda sessa keni ka dippa afuri.
38Sanynyeeta kafa Taanippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan taafamen. 39A kafa Taanippaayye taafame kan nama kuma kunda lehi lakki ka dippa tappa.
40Sanynyeeta kafa Aseerippaayye hellaa diira a oranna tuula kaye a parraasso kunda lakki kaye ka qaropeela ca piisa ka kaffaasso ka toollaassotin akka dikoota maxxadaasso qara'e matta mattan taafamen. 41A kafa Aseerippaayye taafame kan nama kuma kunda afuri takka ka dippa keni.
42Sanynyeeta kafa Niftaalemippaayye hellaa diira a oranna tuula kaye a parraasso kunda lakki kayene ka qaropeela caane piisa ka kaffaasso ka toollaassotin akka dikoota maxxadaasso qara'e matta mattan taafamen. 43A kafa Niftaalemippa taafame kan nama kuma kunda keni sessa ka dippa afuri.
44Saarrasene kudanka lakki a Isira'eeli, orrase a Muuse isho Arooni diken tooy sene; saarroosen nefo toollaasso qaraayye ollopa sooken. 45Semmalla samayta Isira'eeli piisa oppaayye hellaa a diira a oranna tuula kaye a parraasso kunda lakki kayene ka qaropeela caane piisa ka toollaasso oppa ollopa taafamen. 46A ollopa taafame kan nama kuma dippa lehi sessa ka dippa keni kunda keni. #dikoota 26:1-51
47Lawaata xoori kaffa a toollaassotitinni, ishoottoppa'en dikamme. 48Maana malla Waaqa iMuusi kide, 49“Kafa Lewi patta ishoottoppen dikan ka in taafan; ka samayta Isira'eeli oppa ishoottan dikan. 50Sekkapaayye tukkanase a kodayteetiyyo#1:50 sede ‘tukkanase a kodayteetiyyo’ kiinitto, tukkanase 1:1 qara kitto ka tukkana a waaqa kiinitto olliiyyi takkaaw. isho meehaadi ka wa a tukkanooseti kodde piisa qara Lawaata shuume; ishootta ka tukkanose isho meehaadi pora haaden; ishoottaaw ka tukkanose kapandesa safaren ka qara tooyen. 51Oton tukkanoose'e pootammiiyyi; Lawaata poota; oton idaapammiiyyiw Lawaataaw daapa; oton nama pila'e tukkanose kapopa deeniiyyi, a alle ishshamo. 52Samayta Isira'eeli a kita kitaan tukkannaasso daapado; nama ka safaraadippa akka paantiraadi kela tukkanaadi daapado. 53Ma xoori akka miiriyyo samayta Isira'eeli qara'en kaynini'i, Lawaata a tukkana kodayteetiyyo kapandesa safarto; ka tukkanose qara tooyto.” 54Samayta Isira'eeli ka sede qara kode; ka akka Waaqa turan Muuse ajaje qara'e we piisa kode.
Actualmente seleccionado:
Mataafa Dikoota 1: MaQu
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión