Uumama Seensa

Seensa

Seerri Uumamaa fi “kitaabonni Musee” kaan (Seera Baʼuu, Seera Lewwotaa, Seera Lakkoobsaatii fi Seera Keessa Deebii) seenaa haala jireenya Israaʼelootaa walitti fufiinsa qabu Kitaaba Qulqulluu kurmaana tokkoffaa keessatti raawwatame beeksisu. Seerri Uumamaa kun akka bartee jiruutti Musee, isa saba Israaʼel biyya Gibxii baasee geggeessaa tureen kan barreeffame akka taʼetti beekama.

Seerri Uumamaa akkamitti sabni tokko karoora Waaqayyo sanyii namaa hundaaf qabu keessatti shoora addaa akka qabaate ibsa. Jalqabaa kaasee tartiibnii fi wal taʼiinsi uumama gaarii Waaqayyo uume buʼaa balleessitummaa fi of tuulummaa sanyii namaatiin guutumaan guutuutti liqimfamanii turan. Jeequmsi, murtii jalʼaa fi wal gidirsuun itti aansee dhufe sun, Gooliin, dheekkamsi Waaqayyoo fi murtiin bishaan badiisaa guddaan sababii jalʼina ilmaan namaatiif akka dhufu taasise. Ergasii Waaqayyo Abrahaamii fi sanyii isaa wajjin kakuu galuudhaan caasaa seenichaa utubee iddootti eeguu fi kan itti fufee jiraatu kenneef. Maatiin Abrahaam, Israaʼel saboota gara ofii isaatti deebisee fiduuf Waaqayyoof karaa filatamaa taʼe. Seerri Uumamaa seenaa sanyiin Abrahaam gara garee gosa guddatu tokkootti guddachuu isaatiin xumurama; garuu jarri biyya Waaqayyo waadaa isaaniif gale keessa jiraachaa hin turre. Kanaaf seenichi dhugumaan gara kitaabota warra itti aananiitti kan geggeessuu dha.

Kitaabichi sagalee, Kun seenaa isa kanaa ti jedhu siʼa kudha tokko irra deddeebiʼameen kutaa kudha lamatti qoodama. Tokkoon tokkoon kutaa kanaa waaʼee jireenyaa fi maatii nama maqaan isaa dhaʼame sanaa ti. Kutaawwan kunneen galmee seenaa ilmaan namaatii fi karaa saba Israaʼel gara iddoo isaanii duraatti isaan deebisuuf qopheesse.

Actualmente seleccionado:

Uumama Seensa: HAH

Destacar

Copiar