Génesis 49:24-25

Ichaqa waway José, qanqa allin fuerte brazoyoq kallpasapa runan kanki, Dios yanapasusqaykirayku. Chaymi flechanayki *arcotapas flechanaykipaq allintapuni hap'ispa sostienenki. Saynataqa ruwanki, noqa Jacobpa Tukuy Atiyniyoq Diosniy yanapasusqaykiraykun. Payqa noqata michiwaqniy, cuidawaqniy Diosmi. Noqa papaykipa servisqay Diosmi yanapasunki. Tukuy Atiyniyoq Diosmi bendecisunki alto cielomanta bendicionkunawan, lamar qochapi tukuy kaqkunawan. Qanpa mirayniykipi warmikunapas onqoq rikhurispayá, ashka wawakunata onqokuchunku. Qanpa mirayniykipi warmikunapas qolla wawakunatayá ñuñuchunku.