Génesis 46
46
Egipto nacionman Jacobpa viajasqanmanta
1Israelqa tukuy imaymanankunata apayukuspanmi viajaran. Hinaspan Beerseba lugarman chayaran. Chaypin papan Isaacpa Diosninman huk *sacrificio ofrendata ofreceran. 2Chay tutan Israelta sueñoyninpi huknin sutinmanta Diosqa waqyaran khaynata:
—¡Jacob! ¡Jacob! nispa.
Chaymi payqa khaynata contestaran:
—Kaypin kashani, nispa. [Nota: Jacobpa huknin sutinmi karan Israel.]
3Chaymi Diosqa niran:
—Noqan kani Dios; noqaqa papaykipa Diosninmi kani. Egipto *nacionman riytaqa ama manchakuychu. Noqaqa chaypin qanpa mirayniykimanta huk hatun nacionta ruwasaq. 4Noqaqa qanwanmi risaq Egipto nacionmanqa. Chaypi wañukapuqtiykipas wawayki Joseymi ladoykipi kaspa ñawiykitapas wishq'anqa. Hinaspapas noqa kikiymi qanpa mirayniykikunatapas kay allpaman kutichimusaq, nispa.
5Jacobmi Beerseba lugarmanta lloqsinanpaq alistakuran. Hinaqtinmi wawankunaqa *rey Faraonpa apachimusqan carretakunaman papanku Jacobta wichachiranku. Saynallataqmi paykunaqa warminkutapas wawakunantinta wichachillarankutaq. 6Hinaqtinmi Jacobqa Egipto nacionman llapallan mirayninkunantin hinallataq animalninkutawan apayukuspanku ripuranku. Hinaspapas apallarankutaqmi Canaán allpapi lliw adquirisqankutapas. 7Saynallataqmi Jacobqa Egipto nacionmanqa kay mirayninkunata pusallarantaq: qari wawankunata, warmi wawankunata hinallataq nietonkunatapas qarita warmita.
8Jacobwan kushka Egipto nacionman riq mirayninkunaqa kaykunan karan: Jacobpa kurak wawan Rubén. 9Rubenpa qari wawankunan kaykuna karanku: Hanoc, Falú, Hezrón hinallataq Carmi ima.
10Simeonpa wawankunaqa kaykunan karanku: Jemuel, Jamín, Ohad, Jaquín, Zohar hinallataq Canaán llaqtayoq warminpi wawan Saúl ima.
11Leviypa qari wawankunaqa kaykunan karanku: Gersón, Coat hinallataq Merari ima.
12Judapa qari wawankunaqa kaykunan karanku: Er, Onán, Sela, Fares hinallataq Zara ima. Ichaqa Erwan hinallataq Onanwanqa Canaán allpapin wañukapuranku. Farespa wawankunaqa kaykunan karanku: Hezrón hinallataq Hamul ima.
13Isacarpa qari wawankunaqa kaykunan karanku: Tola, Fúa, Job hinallataq Simrón ima.
14Zabulonpa wawankunaqa kaykunan karanku: Sered, Elón hinallataq Jahleel ima.
15Chaykunan Jacobpa wawankunaqa hinallataq nietonkunapas karanku. Paykunaqa warmin Leapa mirayninkunan karanku, Padan-aram allpapi naceqkuna. Hinaspapas Leapaqa kallarantaqmi Dina sutiyoq ususinpas. Jacobpa hinallataq Leapa llapallan mirayninkunaqa kinsa chunka kinsayoqmi karanku.
16Gadpa wawankunaqa kaykunan karanku: Zifión, Hagui, Ezbón, Suni, Eri, Arodi hinallataq Areli ima.
17Aserpa wawankunaqa kaykunan karanku: Imna, Isúa, Isúi, Bería hinallataq ususin Sera ima. Beriapa wawankunaqa kaykunan karanku: Heber hinallataq Malquiel ima.
18Chaykunan Jacobpa hinallataq warmin Zilpamanta miramuqkunaqa karanku. Zilpataqa Labanmi qoran ususin Leaman, payta servinanpaq. Jacobpa hinallataq Zilpapa llapallan mirayninkunaqa chunka soqtayoqmi karanku.
19Jacobpa wawankunan warmin Raquelpi kaykuna karanku: José hinallataq Benjamín ima. 20Joseypa wawankunataqmi Asenat warminpi kaykuna karanku: Manasés hinallataq Efraín ima. Paykunan Egipto nacionpi naceranku. Asenatqa On nisqa llaqtapi sacerdote Potifera sutiyoq runapa ususinmi karan. 21Benjaminpa wawankunaqa kaykunan karanku: Bela, Bequer, Asbel, Gera, Naamán, Ehi, Ros, Mupim, Hupim hinallataq Ard ima. 22Chaykunan karan Jacobpa hinallataq warmin Raquelpa mirayninkuna. Jacobpa hinallataq Raquelpa llapallan mirayninkunaqa chunka tawayoqmi karanku.
23Danpa wawanmi karan Husim.
24Neftaliypa wawankunaqa kaykunan karanku: Jahzeel, Guni, Jezer hinallataq Silem ima.
25Chaykunan karan Jacobpa hinallataq warmin Bilhapa mirayninkuna. Bilhataqa Labanmi qoran ususin Raquelman payta servinanpaq. Chay sirvientan Bilhan Jacobpa (ishkay) wawankunata onqokuran. Jacobpa hinallataq Bilhapa llapallan mirayninkunaqa qanchismi karanku.
26Jacobqa soqta chunka soqtayoq mirayninkunantinmi Egipto nacionman chayaranku. Ichaqa Jacobpa mirayninkunapa warminkunaqa manan yupasqachu karanku. 27Joseyqa Egipto nacionpiñan kasharan. Chaypin paypa ishkay wawankuna naceranku. Chaymi Jacobqa llapallan mirayninkunapiwan Egipto nacionpiqa qanchis chunka karanku.
28Jacobqa wawan Judatan kamachiran, ñawpaspa Joseyman willamunanpaq, saynapi Gosén lugarman chayamuqtinku chaypi payta chashkinanpaq. 29Chaymi Joseyqa carretanta alistanankupaq kamachiran. Hinaspan payqa Gosén lugarman riran, papanta chaypi chashkinanpaq. Hinaspan Joseyqa papanta rikuruspa, apurayllamanña p'itaykuspa abrazaykuran. Chaymi Joseyqa waqaran unayllataña papanpa rikranpi. 30Hinaqtinmi papanqa Joseyta khaynata niran:
—Qanqa kawsashasqankiraqmi. Kunanqa uyaykitan rikuruniña. Saynaqa hawkallayá wañukapusaq, nispa.
31Chaymi Joseyqa wawqenkunata hinallataq papan Jacobpa familiankunatapas niran:
—Kunanyá rey Faraonman risaq. Hinaspa willamusaq khaynata: “Familiaykunaqa Canaán lawpin tiyaranku; ichaqa kunanmi paykunaqa noqapa kasqayman hamurunku, kay Egipto nacionpi qepakunankupaq”, nispa. 32Hinaspapas nimullasaqtaqmi khaynata: “Paykunaqa animalninkuta hinallataq ovejankuta cuidaspa michiqmi kanku. Chaymi paykunaqa ovejankuta, wakankuta hinallataq tukuy ima kaqninkutapas apayukuspanku hamusqaku”, nispa. 33Rey Faraón qankunata waqyaspa “¿ima ruwaytataq yachankichís?” nispa tapusunkichis chayqa, 34khaynatan contestankichis: “Noqaykuqa animalkunata cuidaspa michiqmi kayku, ñawpaq abueloykuna hina”, nispa. Egipto nacionniyoq runakunaqa animalkunata michiq runakunataqa anchatan desprecianku. Chayraykun qankunaqa *Gosén nisqa lawpi qepakuspa tiyankichis, nispa.
Actualmente seleccionado:
Génesis 46: QEAÑT
Destacar
Compartir
Copiar

¿Quieres tener guardados todos tus destacados en todos tus dispositivos? Regístrate o inicia sesión
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 46
46
Egipto nacionman Jacobpa viajasqanmanta
1Israelqa tukuy imaymanankunata apayukuspanmi viajaran. Hinaspan Beerseba lugarman chayaran. Chaypin papan Isaacpa Diosninman huk *sacrificio ofrendata ofreceran. 2Chay tutan Israelta sueñoyninpi huknin sutinmanta Diosqa waqyaran khaynata:
—¡Jacob! ¡Jacob! nispa.
Chaymi payqa khaynata contestaran:
—Kaypin kashani, nispa. [Nota: Jacobpa huknin sutinmi karan Israel.]
3Chaymi Diosqa niran:
—Noqan kani Dios; noqaqa papaykipa Diosninmi kani. Egipto *nacionman riytaqa ama manchakuychu. Noqaqa chaypin qanpa mirayniykimanta huk hatun nacionta ruwasaq. 4Noqaqa qanwanmi risaq Egipto nacionmanqa. Chaypi wañukapuqtiykipas wawayki Joseymi ladoykipi kaspa ñawiykitapas wishq'anqa. Hinaspapas noqa kikiymi qanpa mirayniykikunatapas kay allpaman kutichimusaq, nispa.
5Jacobmi Beerseba lugarmanta lloqsinanpaq alistakuran. Hinaqtinmi wawankunaqa *rey Faraonpa apachimusqan carretakunaman papanku Jacobta wichachiranku. Saynallataqmi paykunaqa warminkutapas wawakunantinta wichachillarankutaq. 6Hinaqtinmi Jacobqa Egipto nacionman llapallan mirayninkunantin hinallataq animalninkutawan apayukuspanku ripuranku. Hinaspapas apallarankutaqmi Canaán allpapi lliw adquirisqankutapas. 7Saynallataqmi Jacobqa Egipto nacionmanqa kay mirayninkunata pusallarantaq: qari wawankunata, warmi wawankunata hinallataq nietonkunatapas qarita warmita.
8Jacobwan kushka Egipto nacionman riq mirayninkunaqa kaykunan karan: Jacobpa kurak wawan Rubén. 9Rubenpa qari wawankunan kaykuna karanku: Hanoc, Falú, Hezrón hinallataq Carmi ima.
10Simeonpa wawankunaqa kaykunan karanku: Jemuel, Jamín, Ohad, Jaquín, Zohar hinallataq Canaán llaqtayoq warminpi wawan Saúl ima.
11Leviypa qari wawankunaqa kaykunan karanku: Gersón, Coat hinallataq Merari ima.
12Judapa qari wawankunaqa kaykunan karanku: Er, Onán, Sela, Fares hinallataq Zara ima. Ichaqa Erwan hinallataq Onanwanqa Canaán allpapin wañukapuranku. Farespa wawankunaqa kaykunan karanku: Hezrón hinallataq Hamul ima.
13Isacarpa qari wawankunaqa kaykunan karanku: Tola, Fúa, Job hinallataq Simrón ima.
14Zabulonpa wawankunaqa kaykunan karanku: Sered, Elón hinallataq Jahleel ima.
15Chaykunan Jacobpa wawankunaqa hinallataq nietonkunapas karanku. Paykunaqa warmin Leapa mirayninkunan karanku, Padan-aram allpapi naceqkuna. Hinaspapas Leapaqa kallarantaqmi Dina sutiyoq ususinpas. Jacobpa hinallataq Leapa llapallan mirayninkunaqa kinsa chunka kinsayoqmi karanku.
16Gadpa wawankunaqa kaykunan karanku: Zifión, Hagui, Ezbón, Suni, Eri, Arodi hinallataq Areli ima.
17Aserpa wawankunaqa kaykunan karanku: Imna, Isúa, Isúi, Bería hinallataq ususin Sera ima. Beriapa wawankunaqa kaykunan karanku: Heber hinallataq Malquiel ima.
18Chaykunan Jacobpa hinallataq warmin Zilpamanta miramuqkunaqa karanku. Zilpataqa Labanmi qoran ususin Leaman, payta servinanpaq. Jacobpa hinallataq Zilpapa llapallan mirayninkunaqa chunka soqtayoqmi karanku.
19Jacobpa wawankunan warmin Raquelpi kaykuna karanku: José hinallataq Benjamín ima. 20Joseypa wawankunataqmi Asenat warminpi kaykuna karanku: Manasés hinallataq Efraín ima. Paykunan Egipto nacionpi naceranku. Asenatqa On nisqa llaqtapi sacerdote Potifera sutiyoq runapa ususinmi karan. 21Benjaminpa wawankunaqa kaykunan karanku: Bela, Bequer, Asbel, Gera, Naamán, Ehi, Ros, Mupim, Hupim hinallataq Ard ima. 22Chaykunan karan Jacobpa hinallataq warmin Raquelpa mirayninkuna. Jacobpa hinallataq Raquelpa llapallan mirayninkunaqa chunka tawayoqmi karanku.
23Danpa wawanmi karan Husim.
24Neftaliypa wawankunaqa kaykunan karanku: Jahzeel, Guni, Jezer hinallataq Silem ima.
25Chaykunan karan Jacobpa hinallataq warmin Bilhapa mirayninkuna. Bilhataqa Labanmi qoran ususin Raquelman payta servinanpaq. Chay sirvientan Bilhan Jacobpa (ishkay) wawankunata onqokuran. Jacobpa hinallataq Bilhapa llapallan mirayninkunaqa qanchismi karanku.
26Jacobqa soqta chunka soqtayoq mirayninkunantinmi Egipto nacionman chayaranku. Ichaqa Jacobpa mirayninkunapa warminkunaqa manan yupasqachu karanku. 27Joseyqa Egipto nacionpiñan kasharan. Chaypin paypa ishkay wawankuna naceranku. Chaymi Jacobqa llapallan mirayninkunapiwan Egipto nacionpiqa qanchis chunka karanku.
28Jacobqa wawan Judatan kamachiran, ñawpaspa Joseyman willamunanpaq, saynapi Gosén lugarman chayamuqtinku chaypi payta chashkinanpaq. 29Chaymi Joseyqa carretanta alistanankupaq kamachiran. Hinaspan payqa Gosén lugarman riran, papanta chaypi chashkinanpaq. Hinaspan Joseyqa papanta rikuruspa, apurayllamanña p'itaykuspa abrazaykuran. Chaymi Joseyqa waqaran unayllataña papanpa rikranpi. 30Hinaqtinmi papanqa Joseyta khaynata niran:
—Qanqa kawsashasqankiraqmi. Kunanqa uyaykitan rikuruniña. Saynaqa hawkallayá wañukapusaq, nispa.
31Chaymi Joseyqa wawqenkunata hinallataq papan Jacobpa familiankunatapas niran:
—Kunanyá rey Faraonman risaq. Hinaspa willamusaq khaynata: “Familiaykunaqa Canaán lawpin tiyaranku; ichaqa kunanmi paykunaqa noqapa kasqayman hamurunku, kay Egipto nacionpi qepakunankupaq”, nispa. 32Hinaspapas nimullasaqtaqmi khaynata: “Paykunaqa animalninkuta hinallataq ovejankuta cuidaspa michiqmi kanku. Chaymi paykunaqa ovejankuta, wakankuta hinallataq tukuy ima kaqninkutapas apayukuspanku hamusqaku”, nispa. 33Rey Faraón qankunata waqyaspa “¿ima ruwaytataq yachankichís?” nispa tapusunkichis chayqa, 34khaynatan contestankichis: “Noqaykuqa animalkunata cuidaspa michiqmi kayku, ñawpaq abueloykuna hina”, nispa. Egipto nacionniyoq runakunaqa animalkunata michiq runakunataqa anchatan desprecianku. Chayraykun qankunaqa *Gosén nisqa lawpi qepakuspa tiyankichis, nispa.
Actualmente seleccionado:
:
Destacar
Compartir
Copiar

¿Quieres tener guardados todos tus destacados en todos tus dispositivos? Regístrate o inicia sesión
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional