Génesis 41
41
Rey Faraonpa sueñokusqanmanta
1Ishkay wata pasaruqtinmi, *rey Faraonqa sueñokuran. Chay sueñoyninpin payqa Nilo nisqa hatun mayupa patanpi sayashasqa. 2Hinaqtinmi chay Nilo mayumanta sumaqllaña qanchis wira wakakuna lloqsimushasqa. Hinaspan chay wakakunaqa chay lugarpi pastota mikhushasqaku. 3Chaymantapas rikullarantaqmi mayumanta millayllaña qanchis charcha wakakuna lloqsimushaqta. Hinaspan chay charcha wawakunaqa mayu patapi chay sumaqllaña wira wakakunapa ladonpi sayaykuranku. 4Hinaqtinmi chay millay charcha wakakunaqa chay qanchis sumaq wira wakakunata mikhurparanku.
Chayllamanmi Faraonqa rikch'ariran. 5Ichaqa kaqmantan rey Faraonqa puñururan. Hinaspan kay ishkay kaq sueñoyninpi rikuran sumaqllaña espigayoq qanchis trigokunata. Chay qanchis sumaqllaña espigayoq trigokunaqa huk ch'ulla tullullamantan wiñasqa. 6Chaymantan rikullarantaq ruphallaña wayrapa ñaq'echisqan ch'usu espigayoq qanchis trigokunata. 7Hinaqtinmi chay qanchis ch'usu espigayoq trigokunaqa chay sumaqllaña espigayoq qanchis trigokunata mikhurparan.
Chayllamanmi rey Faraonqa rikch'ariran. Hinaspan cuentata qokuran chayqa sueñoylla kasqanta. 8Ichaqa rey Faraonqa paqarisnin p'unchawtan ancha mancharisqa hatarimuran. Hinaspan Egipto *nacionpi llapallan watuqkunata hinallataq llapallan yachayniyoq runakunatawan waqyachimuran. Hinaspan rey Faraonqa chay sueñokusqankunata willaran. Ichaqa manan ni pipas atiranchu chay sueñokusqanqa ima ninantas nin chaytaqa. 9Hinaqtinmi reyman copata haywaq runakunapa jefenqa, Joseymanta yuyarispa, khaynata niran:
—Chayraqmi kunan yuyarini qanman mana willasqayta. 10Reynilláy Faraón, huk kutinmi qanqa phiñarukuranki noqapaq hinallataq t'anta ruwaqkunapa jefenpaqpas. Hinaspan carcelman presota churachiwarankiku. Chaypin qanpa guardiaykikunapa capitanninwan cuidachiwarankiku. 11Chaypin noqapas hinallataq t'anta ruwaqkunapa jefenpas kasqan tutalla sueñokurayku. Ichaqa sapankama sueñoyniykuqa yachachikuyniyoqkaman karan. 12Chaypin noqaykuwan kushka huk *hebreo joven kasharan. Chay jovenqa guardiaykikunapa jefenpa kamachinta ruwaqmi karan. Hinaspan chay jovenman sueñokusqaykuta willarayku. Chaymi payqa sapankama sueñokusqaykuta niwaranku, ima ninantas nin chayta. 13Chaymi chay sueñokusqaykumanta niwasqankuman hina, noqaykuta pasawaranku. Noqan ñawpaq llank'anayman kutiykachisqa karani. Ichaqa t'anta ruwaq runakunapa jefentañataqmi seq'oranku, nispa.
14Chaymi rey Faraonqa Joseyta waqyachimuran. Chayraykun Joseytaqa apuraylla carcelmanta orqomuranku. Hinaqtinmi Joseyqa chukchanta rutuchikuspa, barbantapas rasurakuran. Hinaspan p'achantapas cambiakuspa, rey Faraonpa kasqanman riran. 15Hinaqtinmi rey Faraonqa Joseyta khaynata niran:
—Noqan huk sueñota sueñokurani. Ichaqa manan ni pipas kanchu, chay sueñokusqay ima ninantas nin chayta niwananpaq hinaqa. Ichaqa qanmantan uyarini khayna rimaqta: “Sueñokuna willakusqankutan uyarin; hinaspan ima ninantas nin, chaykunata willan”, nispa.
16Hinaqtinmi Joseyqa rey Faraonta khaynata niran:
—Noqaqa runallan kani. Chayraykun mana atiymanchu chay sueñokusqayki ima ninantas nin chay niytaqa. Aswanqa Diosmi sueñokusqaykitaqa cheqaqtapuni willasunki, allin kanaykipaq, nispa.
17Chaymi rey Faraonqa Joseyman willaran khaynata:
—Sueñoyniypin Nilo mayupa patanpi kashasqani. 18Hinaqtinmi mayumanta qanchis sumaq wira wakakuna lloqsimuspa pastokunata mikhuranku. 19Chaymantapas lloqsimullarantaqmi qanchis millayllaña charcha wakakuna. Manan sayna millayllaña charcha wakakunataqa ni hayk'aqpas kay Egipto nacionpiqa rikuranichu. 20Chay millay charcha wakakunan mikhurparanku chay qanchis wira wakakunata. 21Ichaqa chay wira wakakunata mikhushaqtinkupas, chay charcha wakakunapa wiksanqa manan notakuranchu. Aswanqa ñawpaq hina millay charchallan kasqaku. Hinaqtinmi chay ratopi rikch'arirani.
22Chaymantan noqaqa sueñokullaranitaq khaynata: Huk ch'ulla trigollamantan qanchis espigayoq sumaq trigokuna wiñasqa. Hinaspan sumaq hunt'allataña rurusqa. 23Saynallataqmi sueñoyniypiqa rikullaranitaq qanchis ch'usu espigayoq trigokuna wiñamusqanta. Chay trigokunaqa kasqa ch'akisqa hinallataq rupha wayrapa ñaq'echisqan iman. 24Hinaspan chay ch'usu espigayoq trigoqa chay qanchis kaq sumaq espigayoq trigokunata mikhurparanku. Chay sueñokusqaytan willarani watuqkunaman; ichaqa manan ni pipas karanchu, ima ninantas nin chayta niwananpaq hinaqa, nispa.
25Hinaqtinmi Joseyqa rey Faraonta khaynata niran:
—Kay ishkaynin sueñokusqaykikunaqa iguallan. Diosmi kay sueñokusqaykipiqa qanman rikuchisunki imatachus pay ruwananmanta. 26Qanchis sumaq wira wakakunapas hinallataq sumaqllaña espigayoq qanchis trigokunapas, qanchis watakuna ninantan nin. Chayraykun chay ishkaynin sueñokunaqa igualla kanku. 27Wira wakakunapa qepanta lloqsimuq qanchis millay charcha wakakunapas qanchis watakuna ninantan nin. Saynallataqmi ruphaypa hinallataq wayrapa ñaq'echisqan ch'usullaña chay qanchis trigokunapas qanchis watakuna ninantan nin. Chay qanchis watantinmi muchuy kanqa. 28Rey Faraón, qanmanqa Diosmi willashasunki imatachus pay ruwananmanta. Chaymi noqapas Diospa nisqanman hina, iman kaqllata willashayki: 29Egipto nacionpin qanchis wata hunt'a ashkallaña cosecha kanqa. 30Chay watakuna pasasqanpa qepantan ichaqa, qanchis wata muchuy kanqa. Chaymi chay qanchis watakunapi kay Egipto nacionpi ashkallaña cosecha kasqantapas manaña yuyanqakuñachu, ancha muchuy kasqanrayku. 31Nishu yarqaymi kanqa. Chayraykun manaña ni pipas yuyarinqakuñachu ñawpaqta ashkallaña cosecha kay nacionpi kasqantaqa. 32Ishkaykama sueñokusqaykiwanqa, Diosmi willashasunki chaykuna cheqaqtapuni pasananmanta. Chaykunataqa prontollan ruwanqa.
33Chayraykun Señorlláy, kunan noqa consejayki kayta: Huk yuyayniyoq hinallataq yachayniyoq runata mashkay. Hinaspa Egipto nacionpi huk gobernadorta churay, saynapi kay enteron nacionmanta encargasqa kananpaq. 34Hinaspapas ruwallaytaq kaytapas: enteron Egipto nación ukhupi nombray kamachiq runakunata. Hinaspa enteron chay qanchisnintin wata llapallan huñusqanku cosechakunamanta pishqaman partispa, huknin kaq parteta waqaychachunku. 35Chay mikhuytaqa llapallan kay hamuq allin watakunapiyá huñuchunku. Hinaspa llaqtakunapi trigota waqaychachunku, saynapi muchuy kaqtin mikhuy kananpaq. Chaykunataqa ruwananku qanpa kamachisqaykita kasukuspankun. 36Chay huñusqanku cosechan servinqa, enteron Egipto nacionpi qanchis watantin muchuypi mikhunankupaq. Saynapin Egipto nacionpi runakunaqa mana yarqaymantaqa wañunqakuchu, nispa.
José gobernador nombrasqa kasqanmanta
37Joseypa chay nisqankunaqa allinpunin karan, *rey Faraonpaqpas hinallataq payta serviq runakunapaqpas. 38Chaymi rey Faraonqa paykunata khaynata niran:
—¿Kay yachayniyoq runata hina, tarisunmanchu huk runata? Diospa espiritunmi paywan kashan, nispa.
39Hinaqtinmi rey Faraonqa Joseyta khaynata niran:
—Manan ni pipas qan hina yuyayniyoq hinallataq yachayniyoqqa kanchu. Diosmi qanmanqa willasuranki, tukuy chaykunata yachanaykipaqqa. 40Chayraykun kunanmantapacha qanqa *palacio wasiypi kamachiq autoridad kanki. Kay Egipto *nacionpi llapallan runakunan qanpa nisqaykita kasukunqaku. Ichaqa noqallañan qanmanta aswan más autoridadniyoqqa kasaq, rey kasqayrayku, nispa.
41Hinaspapas rey Faraonqa nillarantaqmi khaynata:
—Josey, kunanmi nombrayki, enteron Egipto nacionpi atiyniyoq gobernador kanaykipaq, nispa.
42Hinaspan rey Faraonqa, *selloyoq anillonta makinmanta orqokuspa, Joseypa makinman churaran. Saynallataqmi fino linomanta p'achawanpas p'achachillarantaq. Hinaspan qorimanta huk collarta kunkanman churaykuran. 43Chaymantan rey Faraonqa huknin kaq carretanman wichachiran. Hinaspan runakunaqa qapariranku khaynata:
—¡Ñanta kichaychis, hinaspa qonqorikuychis! nispanku.
Saynata ruwaspan, rey Faraonqa Joseyta churaran, enteron Egipto nacionpi más atiyniyoq gobernador kananpaq.
44Chaymantapas rey Faraonqa nillarantaqmi Joseytaqa khaynata:
—Noqa rey Faraón kashaqtiypas, qanpa mana permisoykiwanqa manan ni pipas kay Egipto nacionpiqa ni imatapas ruwanqakuchu, nispa.
45Chaymantan rey Faraonqa Joseyta suticharan Zafnat-panea sutiwan. Hinaspan Joseytaqa casarachiran Asenat sutiyoq sipaswan. Chay sipasqa karan On nisqa llaqtapi sacerdote Potifera sutiyoq runapa ususinmi. Hinaspan Joseyqa enteron Egipto nacionpi allin reqsisqa karan. 46Joseyqa kinsa chunka watayoqmi karan, rey Faraonpa ñawpaqninman presentasqa kashaqtinqa.
Chaymantan Joseyqa rey Faraonpa ñawpaqninmanta lloqsispa, enteron Egipto nacionpi llaqtakunaman riran, imaynas kashanku chayta allinta yachananpaq. 47Egipto nacionpiqa qanchisnintin watakunapin ancha ashkallaña cosecha karan. 48Chaymi Joseyqa chay qanchisnintin watakunapi ashka cosechata huñuran. Hinaspan muyuriqnin campokunamanta huñuspa, sapankama llaqtakunapi chay cosechakunata waqaycharan. 49Joseyqa ancha ashkallatañan trigotaqa huñuran. Chay huñusqan trigoqa karan, lamar qocha patapi mana yupay atina aqo hinaraqmi. Chaymi mana yupaytaqa atirankuñachu.
50Primer kaq muchuy wata manaraq chayamushaqtinmi, Joseypa ishkay wawankuna naceran. Chay wawankunatan Joseypa warmin Asenat onqokuran. Asenat warmiqa On nisqa llaqtapi sacerdote Potifera runapa ususinmi karan. 51Joseyqa primer kaq wawanmanmi sutinta churaran Manasés sutiwan. Chay sutitaqa churaran khaynata piensaspan: “Diosmi qonqachipuwan lliw ñak'arisqaykunata hinallataq papaypa lliw familiantapas”, nispa. [Nota: Manasés sutiqa hebreo rimaypiqa “qonqachiy” ninantan nin.] 52Ishkay kaq wawanmanñataqmi sutinta churaran Efraín sutiwan. Chay sutitaqa churaran khaynata piensaspan: “Diosmi kay ñak'arisqay llaqtapiqa wawakunata qoykuwan, saynapi familiay mirananpaq”, nispa. [Nota: Efraín sutiqa hebreo rimaypiqa “mirachiy” ninantan nin.]
53Ichaqa chay qanchisnintin allin watakunan Egipto nacionpiqa tukukapuran. 54Chaymantan Joseypa willakusqanman hina, muchuy qallariran qanchis wata. Chaymi llapallan nacionkunapi ancha muchuy karan. Ichaqa Egipto nacionpiqa manan yarqayqa karanchu, ashka mikhuy waqaychasqa kasqanrayku. 55Ichaqa Egipto nacionpi runakunapa mikhunanku tukurukuqtintaqmi, paykunaqa rey Faraonmanta mikhunata mañakuq riranku. Chaymi rey Faraonqa paykunata khaynata niran:
—Joseyman riychis. Hinaspa imatachus pay nisunkichis chayta ruwaychis, nispa.
56Muchuyqa astawanmi enteron nacionpi karan. Chaymi Joseyqa kamachiran, waqaychasqanku llapallan almacén wasikunata kichanankupaq. Hinaspan trigota Egipto nacionniyoq runakunaman venderan, sinchillaña muchuy kasqanrayku. 57Egipto nacionmanqa enteron kay allpa pachapi nacionkunamantan hamuranku, Joseymanta trigota rantikunankupaq, chay huk law nacionkunapipas ancha muchuy kasqanrayku.
Actualmente seleccionado:
Génesis 41: QEAÑT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 41
41
Rey Faraonpa sueñokusqanmanta
1Ishkay wata pasaruqtinmi, *rey Faraonqa sueñokuran. Chay sueñoyninpin payqa Nilo nisqa hatun mayupa patanpi sayashasqa. 2Hinaqtinmi chay Nilo mayumanta sumaqllaña qanchis wira wakakuna lloqsimushasqa. Hinaspan chay wakakunaqa chay lugarpi pastota mikhushasqaku. 3Chaymantapas rikullarantaqmi mayumanta millayllaña qanchis charcha wakakuna lloqsimushaqta. Hinaspan chay charcha wawakunaqa mayu patapi chay sumaqllaña wira wakakunapa ladonpi sayaykuranku. 4Hinaqtinmi chay millay charcha wakakunaqa chay qanchis sumaq wira wakakunata mikhurparanku.
Chayllamanmi Faraonqa rikch'ariran. 5Ichaqa kaqmantan rey Faraonqa puñururan. Hinaspan kay ishkay kaq sueñoyninpi rikuran sumaqllaña espigayoq qanchis trigokunata. Chay qanchis sumaqllaña espigayoq trigokunaqa huk ch'ulla tullullamantan wiñasqa. 6Chaymantan rikullarantaq ruphallaña wayrapa ñaq'echisqan ch'usu espigayoq qanchis trigokunata. 7Hinaqtinmi chay qanchis ch'usu espigayoq trigokunaqa chay sumaqllaña espigayoq qanchis trigokunata mikhurparan.
Chayllamanmi rey Faraonqa rikch'ariran. Hinaspan cuentata qokuran chayqa sueñoylla kasqanta. 8Ichaqa rey Faraonqa paqarisnin p'unchawtan ancha mancharisqa hatarimuran. Hinaspan Egipto *nacionpi llapallan watuqkunata hinallataq llapallan yachayniyoq runakunatawan waqyachimuran. Hinaspan rey Faraonqa chay sueñokusqankunata willaran. Ichaqa manan ni pipas atiranchu chay sueñokusqanqa ima ninantas nin chaytaqa. 9Hinaqtinmi reyman copata haywaq runakunapa jefenqa, Joseymanta yuyarispa, khaynata niran:
—Chayraqmi kunan yuyarini qanman mana willasqayta. 10Reynilláy Faraón, huk kutinmi qanqa phiñarukuranki noqapaq hinallataq t'anta ruwaqkunapa jefenpaqpas. Hinaspan carcelman presota churachiwarankiku. Chaypin qanpa guardiaykikunapa capitanninwan cuidachiwarankiku. 11Chaypin noqapas hinallataq t'anta ruwaqkunapa jefenpas kasqan tutalla sueñokurayku. Ichaqa sapankama sueñoyniykuqa yachachikuyniyoqkaman karan. 12Chaypin noqaykuwan kushka huk *hebreo joven kasharan. Chay jovenqa guardiaykikunapa jefenpa kamachinta ruwaqmi karan. Hinaspan chay jovenman sueñokusqaykuta willarayku. Chaymi payqa sapankama sueñokusqaykuta niwaranku, ima ninantas nin chayta. 13Chaymi chay sueñokusqaykumanta niwasqankuman hina, noqaykuta pasawaranku. Noqan ñawpaq llank'anayman kutiykachisqa karani. Ichaqa t'anta ruwaq runakunapa jefentañataqmi seq'oranku, nispa.
14Chaymi rey Faraonqa Joseyta waqyachimuran. Chayraykun Joseytaqa apuraylla carcelmanta orqomuranku. Hinaqtinmi Joseyqa chukchanta rutuchikuspa, barbantapas rasurakuran. Hinaspan p'achantapas cambiakuspa, rey Faraonpa kasqanman riran. 15Hinaqtinmi rey Faraonqa Joseyta khaynata niran:
—Noqan huk sueñota sueñokurani. Ichaqa manan ni pipas kanchu, chay sueñokusqay ima ninantas nin chayta niwananpaq hinaqa. Ichaqa qanmantan uyarini khayna rimaqta: “Sueñokuna willakusqankutan uyarin; hinaspan ima ninantas nin, chaykunata willan”, nispa.
16Hinaqtinmi Joseyqa rey Faraonta khaynata niran:
—Noqaqa runallan kani. Chayraykun mana atiymanchu chay sueñokusqayki ima ninantas nin chay niytaqa. Aswanqa Diosmi sueñokusqaykitaqa cheqaqtapuni willasunki, allin kanaykipaq, nispa.
17Chaymi rey Faraonqa Joseyman willaran khaynata:
—Sueñoyniypin Nilo mayupa patanpi kashasqani. 18Hinaqtinmi mayumanta qanchis sumaq wira wakakuna lloqsimuspa pastokunata mikhuranku. 19Chaymantapas lloqsimullarantaqmi qanchis millayllaña charcha wakakuna. Manan sayna millayllaña charcha wakakunataqa ni hayk'aqpas kay Egipto nacionpiqa rikuranichu. 20Chay millay charcha wakakunan mikhurparanku chay qanchis wira wakakunata. 21Ichaqa chay wira wakakunata mikhushaqtinkupas, chay charcha wakakunapa wiksanqa manan notakuranchu. Aswanqa ñawpaq hina millay charchallan kasqaku. Hinaqtinmi chay ratopi rikch'arirani.
22Chaymantan noqaqa sueñokullaranitaq khaynata: Huk ch'ulla trigollamantan qanchis espigayoq sumaq trigokuna wiñasqa. Hinaspan sumaq hunt'allataña rurusqa. 23Saynallataqmi sueñoyniypiqa rikullaranitaq qanchis ch'usu espigayoq trigokuna wiñamusqanta. Chay trigokunaqa kasqa ch'akisqa hinallataq rupha wayrapa ñaq'echisqan iman. 24Hinaspan chay ch'usu espigayoq trigoqa chay qanchis kaq sumaq espigayoq trigokunata mikhurparanku. Chay sueñokusqaytan willarani watuqkunaman; ichaqa manan ni pipas karanchu, ima ninantas nin chayta niwananpaq hinaqa, nispa.
25Hinaqtinmi Joseyqa rey Faraonta khaynata niran:
—Kay ishkaynin sueñokusqaykikunaqa iguallan. Diosmi kay sueñokusqaykipiqa qanman rikuchisunki imatachus pay ruwananmanta. 26Qanchis sumaq wira wakakunapas hinallataq sumaqllaña espigayoq qanchis trigokunapas, qanchis watakuna ninantan nin. Chayraykun chay ishkaynin sueñokunaqa igualla kanku. 27Wira wakakunapa qepanta lloqsimuq qanchis millay charcha wakakunapas qanchis watakuna ninantan nin. Saynallataqmi ruphaypa hinallataq wayrapa ñaq'echisqan ch'usullaña chay qanchis trigokunapas qanchis watakuna ninantan nin. Chay qanchis watantinmi muchuy kanqa. 28Rey Faraón, qanmanqa Diosmi willashasunki imatachus pay ruwananmanta. Chaymi noqapas Diospa nisqanman hina, iman kaqllata willashayki: 29Egipto nacionpin qanchis wata hunt'a ashkallaña cosecha kanqa. 30Chay watakuna pasasqanpa qepantan ichaqa, qanchis wata muchuy kanqa. Chaymi chay qanchis watakunapi kay Egipto nacionpi ashkallaña cosecha kasqantapas manaña yuyanqakuñachu, ancha muchuy kasqanrayku. 31Nishu yarqaymi kanqa. Chayraykun manaña ni pipas yuyarinqakuñachu ñawpaqta ashkallaña cosecha kay nacionpi kasqantaqa. 32Ishkaykama sueñokusqaykiwanqa, Diosmi willashasunki chaykuna cheqaqtapuni pasananmanta. Chaykunataqa prontollan ruwanqa.
33Chayraykun Señorlláy, kunan noqa consejayki kayta: Huk yuyayniyoq hinallataq yachayniyoq runata mashkay. Hinaspa Egipto nacionpi huk gobernadorta churay, saynapi kay enteron nacionmanta encargasqa kananpaq. 34Hinaspapas ruwallaytaq kaytapas: enteron Egipto nación ukhupi nombray kamachiq runakunata. Hinaspa enteron chay qanchisnintin wata llapallan huñusqanku cosechakunamanta pishqaman partispa, huknin kaq parteta waqaychachunku. 35Chay mikhuytaqa llapallan kay hamuq allin watakunapiyá huñuchunku. Hinaspa llaqtakunapi trigota waqaychachunku, saynapi muchuy kaqtin mikhuy kananpaq. Chaykunataqa ruwananku qanpa kamachisqaykita kasukuspankun. 36Chay huñusqanku cosechan servinqa, enteron Egipto nacionpi qanchis watantin muchuypi mikhunankupaq. Saynapin Egipto nacionpi runakunaqa mana yarqaymantaqa wañunqakuchu, nispa.
José gobernador nombrasqa kasqanmanta
37Joseypa chay nisqankunaqa allinpunin karan, *rey Faraonpaqpas hinallataq payta serviq runakunapaqpas. 38Chaymi rey Faraonqa paykunata khaynata niran:
—¿Kay yachayniyoq runata hina, tarisunmanchu huk runata? Diospa espiritunmi paywan kashan, nispa.
39Hinaqtinmi rey Faraonqa Joseyta khaynata niran:
—Manan ni pipas qan hina yuyayniyoq hinallataq yachayniyoqqa kanchu. Diosmi qanmanqa willasuranki, tukuy chaykunata yachanaykipaqqa. 40Chayraykun kunanmantapacha qanqa *palacio wasiypi kamachiq autoridad kanki. Kay Egipto *nacionpi llapallan runakunan qanpa nisqaykita kasukunqaku. Ichaqa noqallañan qanmanta aswan más autoridadniyoqqa kasaq, rey kasqayrayku, nispa.
41Hinaspapas rey Faraonqa nillarantaqmi khaynata:
—Josey, kunanmi nombrayki, enteron Egipto nacionpi atiyniyoq gobernador kanaykipaq, nispa.
42Hinaspan rey Faraonqa, *selloyoq anillonta makinmanta orqokuspa, Joseypa makinman churaran. Saynallataqmi fino linomanta p'achawanpas p'achachillarantaq. Hinaspan qorimanta huk collarta kunkanman churaykuran. 43Chaymantan rey Faraonqa huknin kaq carretanman wichachiran. Hinaspan runakunaqa qapariranku khaynata:
—¡Ñanta kichaychis, hinaspa qonqorikuychis! nispanku.
Saynata ruwaspan, rey Faraonqa Joseyta churaran, enteron Egipto nacionpi más atiyniyoq gobernador kananpaq.
44Chaymantapas rey Faraonqa nillarantaqmi Joseytaqa khaynata:
—Noqa rey Faraón kashaqtiypas, qanpa mana permisoykiwanqa manan ni pipas kay Egipto nacionpiqa ni imatapas ruwanqakuchu, nispa.
45Chaymantan rey Faraonqa Joseyta suticharan Zafnat-panea sutiwan. Hinaspan Joseytaqa casarachiran Asenat sutiyoq sipaswan. Chay sipasqa karan On nisqa llaqtapi sacerdote Potifera sutiyoq runapa ususinmi. Hinaspan Joseyqa enteron Egipto nacionpi allin reqsisqa karan. 46Joseyqa kinsa chunka watayoqmi karan, rey Faraonpa ñawpaqninman presentasqa kashaqtinqa.
Chaymantan Joseyqa rey Faraonpa ñawpaqninmanta lloqsispa, enteron Egipto nacionpi llaqtakunaman riran, imaynas kashanku chayta allinta yachananpaq. 47Egipto nacionpiqa qanchisnintin watakunapin ancha ashkallaña cosecha karan. 48Chaymi Joseyqa chay qanchisnintin watakunapi ashka cosechata huñuran. Hinaspan muyuriqnin campokunamanta huñuspa, sapankama llaqtakunapi chay cosechakunata waqaycharan. 49Joseyqa ancha ashkallatañan trigotaqa huñuran. Chay huñusqan trigoqa karan, lamar qocha patapi mana yupay atina aqo hinaraqmi. Chaymi mana yupaytaqa atirankuñachu.
50Primer kaq muchuy wata manaraq chayamushaqtinmi, Joseypa ishkay wawankuna naceran. Chay wawankunatan Joseypa warmin Asenat onqokuran. Asenat warmiqa On nisqa llaqtapi sacerdote Potifera runapa ususinmi karan. 51Joseyqa primer kaq wawanmanmi sutinta churaran Manasés sutiwan. Chay sutitaqa churaran khaynata piensaspan: “Diosmi qonqachipuwan lliw ñak'arisqaykunata hinallataq papaypa lliw familiantapas”, nispa. [Nota: Manasés sutiqa hebreo rimaypiqa “qonqachiy” ninantan nin.] 52Ishkay kaq wawanmanñataqmi sutinta churaran Efraín sutiwan. Chay sutitaqa churaran khaynata piensaspan: “Diosmi kay ñak'arisqay llaqtapiqa wawakunata qoykuwan, saynapi familiay mirananpaq”, nispa. [Nota: Efraín sutiqa hebreo rimaypiqa “mirachiy” ninantan nin.]
53Ichaqa chay qanchisnintin allin watakunan Egipto nacionpiqa tukukapuran. 54Chaymantan Joseypa willakusqanman hina, muchuy qallariran qanchis wata. Chaymi llapallan nacionkunapi ancha muchuy karan. Ichaqa Egipto nacionpiqa manan yarqayqa karanchu, ashka mikhuy waqaychasqa kasqanrayku. 55Ichaqa Egipto nacionpi runakunapa mikhunanku tukurukuqtintaqmi, paykunaqa rey Faraonmanta mikhunata mañakuq riranku. Chaymi rey Faraonqa paykunata khaynata niran:
—Joseyman riychis. Hinaspa imatachus pay nisunkichis chayta ruwaychis, nispa.
56Muchuyqa astawanmi enteron nacionpi karan. Chaymi Joseyqa kamachiran, waqaychasqanku llapallan almacén wasikunata kichanankupaq. Hinaspan trigota Egipto nacionniyoq runakunaman venderan, sinchillaña muchuy kasqanrayku. 57Egipto nacionmanqa enteron kay allpa pachapi nacionkunamantan hamuranku, Joseymanta trigota rantikunankupaq, chay huk law nacionkunapipas ancha muchuy kasqanrayku.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional