2 कुरिन्थियों 12
12
पोलुस पे परबू की दया
1मेपणो करबा को कई नफो ने हे, तो भी मूँ करूँ हूँ, ईं वाते मूँ परबूऊँ मल्या दरसण अन परकासण को बखाण करूँ। 2मूँ मसी में एक मनक ने जाणूँ हूँ#12:2 या बात पोलुस आपणे खुद का बारामें केवे हे।, मूँ ने जाणूँ पण परमेसरइस जाणे हे। वींने चवदा वर पेल्याँ देह हमेतइस कन देह का बना हरग की तीजी ऊसी जगाँ में उठा लिदो ग्यो हो।#12:2 यहूदी मनकाँ को मानणो हो के हात हरग हे, अणामें हातवा हरग में परमेसर रेवे हे। 3अन मूँ ने जाणूँ के, ईं मनक ने देह हमेत कन देह का बना हरग में उठा लिदो ग्यो हो। 4अस्यान की बाताँ हूणी ज्यो आपाँने के सका हाँ। मनकाँ का वाते वीं बाताँ ने बोलणो भी मनकाँ बंस ने हे। 5अस्या मनक की वजेऊँ तो मूँ मेपणो कर सकूँ हूँ। पण खुद पे मारी कमजोरियाँ ने छोड़न वींके अलावा कस्यी भी बात पे मेपणो ने करूँ। 6जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे।
7मूँ ईं दरसण की वजेऊँ मोटो ने वे जऊँ, ईं वाते मारी देह में एक रोग दिदो ग्यो हे ज्यो सेतान को एक दूत हे अन ओ मने दुक देतो रेवे हे जणीऊँ मूँ घणो मेपणो ने कर सकूँ हूँ। 8अन अणी रोग का दुक की वजेऊँ में तीन दाण परबूऊँ अरज किदी अन परबू ने क्यो के, ईं काँटा ने बारणे काड़ दो। 9पण वणा मने क्यो थाँरा वाते मारी दया घणी हे काँके कमजोरी मेंईस मारी तागत हेलो काम करे हे। ईं वाते मूँ मारी कमजोरी में राजी वेन मेपणो करूँ, जणीऊँ मसी की तागत मारा पे आवे। 10ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।
कुरिन्थियाँ की मण्डली का वाते पोलुस की चन्ता
11मूँ बेण्डा मनक का जस्यान बतारियो हूँ पण अस्यान करबा वाते थाँईस मारा ऊपरे जोर दिदो हे। जद्याँ के, मूँ तो कई भी ने हूँ पण थाँ तो मारी बड़ई करणा छाता हाँ, काँके मूँ थाँका वाँ “मोटाऊँ मोटा खन्दाया तका चेलाऊँ” की कणी भी बात में कम ने हूँ। 12कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे। 13थाँ कस्यी बात में दूजी मण्डळ्याऊँ न्यारा हो? बेस अणीऊँ के, में मारो बोज थाँका ऊपरे ने नाक्यो हो। मने ईं काम का वाते थाँ माप करो।
14अबे मूँ तीजी दाण थाँका नके आबा वाते त्यार हूँ, पण मूँ थाँका ऊपरे बोज ने बणूँ। काँके मने थाँकी धन-दोलत को लालच ने हे पण थाँको लालच हे। अन ने बाळक ने आपणाँ बई-बापू वाते धन भेळा करबा की जरूत ने वेवे हे पण बई-बापू ने बाळक वाते धन भेळा करबा की जरूत वेवे हे। 15जटा तईं मारी बात हे तो, मारा नके ज्यो कई भी हे, वींने थाँका वाते राजी वेन खरच करूँ अटे तईं के, मूँ खुद ने भी थाँका वाते दी देऊँ। यद्याँ मूँ थाँकाऊँ घणो परेम करूँ हूँतो थाँ कई माराऊँ कम परेम करो?
16थाँ विस्वास करो हो के, में थाँका पे घणो मोटो बोज ने नाक्यो हो। पण थाँकामूँ कुई केवे हे के, मूँ ठग हूँ अन में थाँने मारी चाल में फसा दिदा हे। 17थाँईस बतायो के, मूँ जणा मनकाँ ने थाँका नके खन्दाया हा, कई वाँका मेंऊँ कणी थाँने धोको थोड़ी दिदो हो? ने दिदो हो। 18तीतूस ने अन वींका हाते मारा भायाँ ने खन्दाया हा। कई वणा थाँने धोको थोड़ी दिदो हो? ने। काँके माकाँ नके एकीस आत्मा हे, ज्याँ माकाँ में एक जस्या काम करे हे।
19अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ। 20काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले। 21मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।
Actualmente seleccionado:
2 कुरिन्थियों 12: एम टी आर
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) 2010-2017, New Life Computer Institute. All rights reserved