1 कुरिन्थियों 5
5
मण्डळ्याँ में अनेतिकता
1 #
वे.वि 22:30
हाँची में मने बतायो ग्यो हे के, थाँ लोगाँ में कुकरम फेल्यो तको हे, अस्यो कुकरम ज्यो अधरम्याँ में भी ने मले हे के, एक मनक आपणी सोतेली बई का लारे कुकरम करे हे। 2अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो। 3मूँ तो देह का भावऊँ छेटी हो, पण आत्मा का भावऊँ थाँका हाते रेन, में अणा काम करबावाळा का विरोद में आपणो फेसलो अटूईस दे नाक्यो हे। 4जद्याँ थाँ आपणाँ परबू ईसू मसी की तागत का हाते आपणाँ ईसू मसी का नाम में भेळा वेवो तो मारी आत्मा भी वटे मोजुद वेई 5अन वणी मनक ने देह का नास का वाते सेतान ने हूँप्यो जाई, ताँके वींकी आत्मा परबू के पाच्छा आबा का दन बंचाई जाई।
6 #
गला 5:9
थाँको मेपणो करणो हव ने हे। कई थाँ ने जाणो के, “थोड़ोक हाज्यो हाराई गुद्या तका आटा ने हाज्यो कर देवे हे।” 7#निर 12:5ईं वाते थाँ जूना हाज्या ने निकाळन ज्यो बुरा काम हे अणाऊँ, आपणाँ खुद ने पुवितर करो अन नुवो गुद्या तको आटो बण जावो, ताँके थाँ बना हाज्या का वो, काँके आपणाँ फसे को उन्यो ज्यो मसी हे, आपाँने पुवितर करबा का वाते बली व्यो हे। 8#निर 13:7; वे.वि 16:3ईं वाते आवो आपाँ आपणाँ फसे का तेवार ने बुरई अन हूँगळापणाऊँ छेटी वेन जूना हाज्या की रोटीऊँ ने पण खरई अन हाँच का बना हाज्या की रोटीऊँ मनावा।
9में आपणाँ पेला कागद में लिक्यो हो के, थाँ कुकरमी मनकाँऊँ कई वेवार मती राकज्यो। 10मारा केवा को ओ मतलब ने हो के, थाँ ईं दनियाँ का कुकरमी, लोबी मनकाँ, ठगी मनकाऊँ, मूरत्याँ पूजबावाळाऊँ कई भी वेवार मती राको, अस्यो वेबा पे तो थाँने ईं दनियाऊँ जाणो पड़ जाई। 11पण में ज्यो लिक्यो हो वो ओ हे के, कणी अस्या मनकऊँ वेवार मती राको ज्यो आपणाँ खुद ने मसी को विस्वासी केन भी कुकरमी, लोबी, मूरत्याँ पूजबावाळो, जूटी खबर देबावाळो, पीबावाळो, अन ठग वेवे। अस्या मनकाँ का हाते थाँ खाणो भी मती खावो।
12 #
वे.वि 13:5; 17:7 ज्यो अविस्वासी हे, मण्डळ्याँ का ने हे, वाँको न्याव करबा में मारो कई काम? कई थाँने वणाकोईस न्याव करणो छावे जीं मण्डळ्याँ का हे? 13पण अविस्वासी मनकाँ को न्याव परमेसर करे हे। सास्तर केवे हे, “थाँ बुरा मनकाँ ने आपणाँ बचमेंऊँ बारणे निकाळ दो।”
Actualmente seleccionado:
1 कुरिन्थियों 5: एम टी आर
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) 2010-2017, New Life Computer Institute. All rights reserved