أيث-روما 5
5
ڒفْرَاحث ذ ڒهْنَا اَك أَربِّـي
1إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح. 2نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي. 3وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر. 4صّْبَر-أَ يتَارو ذَايْنغ مِينْزِي غَا نغْڒب خ ڒمْحَايْين. س ڒغْڒَاب-أَ خ ڒمْحَاين يتَارو ذَايْنغ لْأَمَال. 5لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.
6فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا. 7مُوْحَاڒ اَذ يقْبڒ شَان يِجّن اَذ يمّث خ يِجّن ن بْنَاذم نّغْنِي ذ اَصبْحَان وَاهَا. مڒَا بْنَاذم اَقَاث ذ اَصبْحَان اَطَّاس، يمْكن شَان يِجّن اَخَاس يقْبڒ اَذ يمّث. 8وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.
9إِذن، أَقَانغ بَرِيئين ڒخُّو س يذَامّن#5.9 ئِذَامّن نتَّا ذ دّم. ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي. 10نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس! 11وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.
ڒْفَارْق جَار سِيذْنَا آدَم ذ سِيذِيثْنغ عِيْسَى
12إِذن ثْبَان-د ڒْمُعْصِيّث غَار دُّنشْت س يِجّن ن بْنَاذم، يعْنِي آدَم. س ڒْمُعْصِيّث نِّي إِي ثدْجَا ڒْموْث. سّنِّي ثْنفْرق ڒْموْث خ يِوذَان مَارَّا لِأَنَّا يوْذَان مَارَّا عْصَان. 13أَقَا ڒْمُعْصِيّث تُوْغَا ثدْجَا ذِي دُّنشْت قْبڒ مَا ٱذ د ثَاس شَّرِيعَا. وَلَكِن مَانِي وَار ثُوْوِيض شَا شَّرِيعَا، أَربِّـي وَار ذِنِّي يتْحِيسِيب بُو ڒْمُعْصِيّث. 14إِنَّمَا، زِي زْمَان ن آدَم اَڒ زْمَان ن مُوْسَى ثْحكّم ڒْموْث خ يِوذَان ؤُڒَا خ يِنِّي وَار يعْصِين شَا اَمشْنَاو ڒْمُعْصِيّث ن آدَم، أُو نتَّا ذ ڒْمِثَال ن بْنَاذم إِي د غَا يَاسن.
15وَلَكِن ڒْمُعْصِيّث ن آدَم وَار نْزمَّر اَت نْمثّل اَك لْهَادِيَا ن اَرْضَا ن أَربِّـي. شُوْف، ئِجّن ن بْنَاذم، نتَّا ذ آدَم، يعْصَا أَربِّـي يُوْوِي-د ڒْموْث إِ مَارَّا يوْذَان. ڒخُّو مشْحَاڒ يمْغَر اَرْضَا ن أَربِّـي ذ لْهَادِيَا إِي د ينْفيّْضن خ يِوْذَان س اَرْضَا ن يِجّن ن بْنَاذم نّغْنِي نتَّا ذ عِيْسَى لْمَسِيح. 16شُوْف عَاوذ، لْهَادِيَا ن أَربِّـي مَاشِي اَمشْنَاو مِين يوقْعن خ سَّبَاب ن ڒْمُعْصِيّث يݣَّا بْنَاذم نِّي آدَم. لِأَنَّا ڒْحُكم إِي د ثُوْوِي يجّن ن ڒْمُعْصِيّث نتَّا ذ لْحِسَاب ذ لْعِقَاب. وَلَكِن س لْهَادِيَا-يَا أَربِّـي يسمْصْڒَاح اَكِذس بْنَاذم منْبَعْد إِ وَاطَّاس ن ڒْمُعْصِيَاث. 17يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.
18إِذن يجّن ن ڒْمُعْصِيّث إِݣ يݣَّا يجّن ن بْنَاذم ثُوْوِي-د لْحِسَاب ذ لْعِقَاب إِ مَارَّا يوْذَان. أَمنِّي يجّن ن لْبَرَاءَا#5.18 لْبَرَاءَا-يَا يعْنِي ذ عِيْسَى لْمَسِيح وَامِي يتْوَاصلّب عْلَاحْسَاب ڒْمُعْصِيّث ن بْنَاذم. إِݣ يݣَّا يجّن ن بْنَاذم يُوْوِي-د صُّلْح ذ ثُوْذَارْث إِ مَارَّا يوْذَان. 19لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.
20أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت. 21أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.
Actualmente seleccionado:
أيث-روما 5: ريف
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
أيث-روما 5
5
ڒفْرَاحث ذ ڒهْنَا اَك أَربِّـي
1إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح. 2نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي. 3وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر. 4صّْبَر-أَ يتَارو ذَايْنغ مِينْزِي غَا نغْڒب خ ڒمْحَايْين. س ڒغْڒَاب-أَ خ ڒمْحَاين يتَارو ذَايْنغ لْأَمَال. 5لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.
6فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا. 7مُوْحَاڒ اَذ يقْبڒ شَان يِجّن اَذ يمّث خ يِجّن ن بْنَاذم نّغْنِي ذ اَصبْحَان وَاهَا. مڒَا بْنَاذم اَقَاث ذ اَصبْحَان اَطَّاس، يمْكن شَان يِجّن اَخَاس يقْبڒ اَذ يمّث. 8وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.
9إِذن، أَقَانغ بَرِيئين ڒخُّو س يذَامّن#5.9 ئِذَامّن نتَّا ذ دّم. ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي. 10نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس! 11وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.
ڒْفَارْق جَار سِيذْنَا آدَم ذ سِيذِيثْنغ عِيْسَى
12إِذن ثْبَان-د ڒْمُعْصِيّث غَار دُّنشْت س يِجّن ن بْنَاذم، يعْنِي آدَم. س ڒْمُعْصِيّث نِّي إِي ثدْجَا ڒْموْث. سّنِّي ثْنفْرق ڒْموْث خ يِوذَان مَارَّا لِأَنَّا يوْذَان مَارَّا عْصَان. 13أَقَا ڒْمُعْصِيّث تُوْغَا ثدْجَا ذِي دُّنشْت قْبڒ مَا ٱذ د ثَاس شَّرِيعَا. وَلَكِن مَانِي وَار ثُوْوِيض شَا شَّرِيعَا، أَربِّـي وَار ذِنِّي يتْحِيسِيب بُو ڒْمُعْصِيّث. 14إِنَّمَا، زِي زْمَان ن آدَم اَڒ زْمَان ن مُوْسَى ثْحكّم ڒْموْث خ يِوذَان ؤُڒَا خ يِنِّي وَار يعْصِين شَا اَمشْنَاو ڒْمُعْصِيّث ن آدَم، أُو نتَّا ذ ڒْمِثَال ن بْنَاذم إِي د غَا يَاسن.
15وَلَكِن ڒْمُعْصِيّث ن آدَم وَار نْزمَّر اَت نْمثّل اَك لْهَادِيَا ن اَرْضَا ن أَربِّـي. شُوْف، ئِجّن ن بْنَاذم، نتَّا ذ آدَم، يعْصَا أَربِّـي يُوْوِي-د ڒْموْث إِ مَارَّا يوْذَان. ڒخُّو مشْحَاڒ يمْغَر اَرْضَا ن أَربِّـي ذ لْهَادِيَا إِي د ينْفيّْضن خ يِوْذَان س اَرْضَا ن يِجّن ن بْنَاذم نّغْنِي نتَّا ذ عِيْسَى لْمَسِيح. 16شُوْف عَاوذ، لْهَادِيَا ن أَربِّـي مَاشِي اَمشْنَاو مِين يوقْعن خ سَّبَاب ن ڒْمُعْصِيّث يݣَّا بْنَاذم نِّي آدَم. لِأَنَّا ڒْحُكم إِي د ثُوْوِي يجّن ن ڒْمُعْصِيّث نتَّا ذ لْحِسَاب ذ لْعِقَاب. وَلَكِن س لْهَادِيَا-يَا أَربِّـي يسمْصْڒَاح اَكِذس بْنَاذم منْبَعْد إِ وَاطَّاس ن ڒْمُعْصِيَاث. 17يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.
18إِذن يجّن ن ڒْمُعْصِيّث إِݣ يݣَّا يجّن ن بْنَاذم ثُوْوِي-د لْحِسَاب ذ لْعِقَاب إِ مَارَّا يوْذَان. أَمنِّي يجّن ن لْبَرَاءَا#5.18 لْبَرَاءَا-يَا يعْنِي ذ عِيْسَى لْمَسِيح وَامِي يتْوَاصلّب عْلَاحْسَاب ڒْمُعْصِيّث ن بْنَاذم. إِݣ يݣَّا يجّن ن بْنَاذم يُوْوِي-د صُّلْح ذ ثُوْذَارْث إِ مَارَّا يوْذَان. 19لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.
20أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت. 21أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión