MATAYO 28
28
1Otini kimach kuwonyö asispa Sapato,* Chumapili kiwasan, kuwasta Marya Makdalena nko Marya nyay anka akïpa kuros pïrïmponay. 2Kurïngring ngwïnya ompö owesyö, kïrökunö malaykayanta Echotyon yïm, kïyumtö koghay akumpur parak. 3Kilata kïtontanyi kiryal akirelach sïrokachi löpöt. 4Kïpotonchö ripichay ompö nyökoryö nyo wow ntökïkarkegh nko meghon. 5Kïlenchï malaykayantanay koruchini, “Mowöghisïyi, onkïtön lö omörekwa Yeso, nyay kikïwudochï kimurtöwon. 6Möminye yi, kikututï lenyini kimwa nyinte. Apkane arosa wölini kirïwöy. 7Kïlenyona ape lawel amwochï kinetankachi lö, ‘Kikututï nyinte akïmi ye pan kuntöghowokwa kïwetöy Kalilaya, osöchinekwa nyinte wölini!’ Arosa anyï komwowokwa.”
8Kïngeta koruchay pïrïmponay lenyini kimïghyot wölo cho tïng ngörekyö nyo wow, kïryagh kïpa kïmwochï kinetankachi.
9Kïnyini kïtuyö Yeso nko chane akïlenchï, “Takwenya!” Kïpa koruchay wölini kimi nyinte akïkïtïngchï akïnam kelyechi akïsagh nyinte. 10Kïlenchï Yeso chane, “Mowöghisyö ape omwochinö werköcha kïpa Kalilaya, söchinanïn chane wölini.”
Mwowunöto ripï
11Otini kimi korï kïpetöy, kïnget askarin walaka cho kiripöy pïrïmponini kïmïlonchö kutang kanasyan akïmwochï tïsï cho echön ngalechini kighisyö löwïr. 12Kïtuyö tïsï cho echön nko poy akïtat ngalekwa, kutö askarin ropïyen cho chang 13akïlenchï, “Amwaghakwa kïnye lö, ‘Kapka kinetankachi oghö akïchor portanyi otini kikïmitecha kerusot.’ 14Akwoto nkïtï pöytoghintö ngalechï, kengölonchinecha kunkïtï lö, motïngökwanye lelut tömonyorukwa nyarïl.” 15Kicheng ripichay ropïyen akwigh lenyini kikinetïta chane. Kïghömï ngalechoni kwenu pipö Yaudi nko nyete le ye.
Kechumchï Yeso kinetankachi
(Mrk 16:14-18; Luk 24:36-49; Yna 20:19-23; Ist 1:6-8)
16 #
Mat 26:32; Mrk 14:28. Kïpa kinetanchay le taman nko akonga kutang Kalilaya ntökwit kutïngini kikikïmwochï Yeso chane. 17Nyini kisïwa chane nyinte, kïsagh, kïrkegh kitomtomön walaka ompö kwenungwa. 18Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny. 19#Ist 1:18. Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil, 20anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”
Actualmente seleccionado:
MATAYO 28: PIPÏLIA
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
©Bible Society of Kenya, 2019