MATAYO 17
17
1 #
2Pt 1:17-18. Kikany kuwer osiswö cho le mut nko akonga, kumït Yeso Petro nko Yakopo nko werïngwa Yoana kïpus kutïng nyo kogh chane opïn. 2Atolapay kuwenga Yeso ompö tawungwa. Kulïwï tokochunyi le asis, kïrelachitu sïrokachi löka. 3Atolapay kïsïwa kinetanchay pö Yeso Musa nko Eliya kïngölonöy nko nyinte. 4Kïlenchï Petro Yeso, “Echotyon, karam nyoman kemicha yi! Ato imökenyi, otekan yete tunkun sömök, nyengu akong kïpöyit anka Musa, kipöyit anka Eliya.” 5#Tow 22:2; Krt 18:15; Tum 2:7; Isa 42:1; Mat 3:17; 12:18; Mrk 1:11; Luk 3:22; 2Pt 1:17. Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.” 6Otini kilïm kinetanchay kutinini, kïmïghyö akupïtyï ngwïny. 7Kungwïn Yeso kinam chane akïlenchï, “Angeta, mowöghisïyi!” 8Kïkany kïsyol konyïn, kïmökïsïwacha chi kïpoto Yeso onkït.
9Kïkany otini kirökuno chane kutïng, kïkar kong Yeso chane lö, “Momwochï chi nyonikïny ngalechï kasïwekwa ntökïtenö kututunö Wero Chi ngwen.” 10#Mal 4:5. Atolapay kïtep kinetankachi nyinte lö, “Atay lentöy koneti kirurut, nyoghöy Eliya kwitu nya?” 11Kuyokyï Yeso chane lö, “Nyoman, nyoghöy Eliya kungwïnöy atökutenar tïkwïn löwïr. 12#Mat 14:11. Wölo omwowokwa nyoman lö kikwitï Eliya amelö kinkïtï pich nyinte, wölo kwighchï chane le wölo kimachta. Kichopöy kong Wero Chi tïkwïl lenyoni ompö ewunekwa.” 13Kunkïtï nyu kinetankachi lö kimwochini Yeso chane paraku Yoana Kipatisanin.
Kisop Yeso karöchïnin nyo kipote oy
(Mrk 9:14-29; Luk 9:37-43)
14Kïkany kïmïlonchö kïtuyö ngat nko söpïch pö pich, kïwechï chi akong Yeso akïkïtïngchï 15akïlö, “Echotyon karam syonchinö werïnyan nyo ipote oy akïmi nko nyarïl nyo wow nyoman, ompöwölo wirchini kïgh ma kïnomnyö akïwirchini pögh kïnyïl cho chang. 16Kyomïtyan nyinte wölo mi kinetanköku wölo melö kimï chane kusop nyinte.” 17Kuyokyï Yeso chane lö, “Ne pïnta nyï mötïng kighanat akïchumpönote nya! Otöponan nko akwa nko oyï? Omïkukönan nko akwa nko oyï? Amïtuna montö yi omitan!” 18Kuteghchï Yeso oyichay kïngeta monïngay, kïsöp nyinte lenyini.
19Kïpkonchï nyu Yeso kinetankachi ompö ato le sirö akïtep lö, “Kölö ne tömökimukacha keyona oyichay nya?” 20#Mat 21:21; Mrk 11:23; 1Kr 13:2. Kuyokyï Yeso chane lö, “Ompöwölo mïnïng kighanatenkwa. Omwowokwa nyoman lö ntökotïngetekwa kighanat nyo tenö kösïghyonto ket pö aradali kötomukekwa olenchinö kutïngï, ‘Ngetena yi aiwö atara,’ kötöngetöy akömökïminye kïgh nyo memukonye ompö akwa. [
21“Wölo möngetöcha oy cho lata chï kwïle, kïpoto ompö saghat nko kïrurat.”]
Kangalana Yeso meghenyi panto odeny
(Mrk 9:30-32; Luk 9:43-45)
22Otini kituyö nko kinetankachi ompö Kalilaya, kïlenchï Yeso chane, “Karich ketötö Wero Chi 23kepar, wölo kighöy nyinte kututu asisto sömök.”
Kuwongwï chane nyoman.
Kwaghata surï cho pö Kö pö Tororöt*
24 #
Wuw 30:13; 38:26. Otini kitï Yeso Kapernaum nko kinetankachi, kïpka pich cho kwogho pich surï ompö Kö pö Tororöt akïtepa Petro lö, “Tötoy konetintenkwa suru Kö pö Tororöt nya?”
25Kuyokyï Petro lö, “Ay, tötoy.”
Kïkany kïlït Petro kö, nyini tomönye kïngalan, kïnya Yeso kïlö, “Simon, inonenyi lö ne nya nyo le nyi? Kwöghchini ngo surï pöytoghi ngwïny? Piko koronini nya, anta to?”
26Kuyokyï Petro lö, “To.”
Kïlenchï Yeso, “Kwoto le nyona, kuporu lö möminye machata piko kore kïkwagh. 27Wölo merokonye kelelchinöcha pïchï. Kïlenyona wïyö tanga nanam aiwirchï pörköyö ori ainömï koghoghwö nyo nömöy pörköyononi nyo pö tagh aingany kut atenyorchinö ropïyon ateghaktena surucha kwodeny.”
Ngo nyo wow tya?
(Mrk 9:33-37; Luk 9:46-48)
Actualmente seleccionado:
MATAYO 17: PIPÏLIA
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
©Bible Society of Kenya, 2019