ROMA 8
8
Kankenem ḇeḇeuser Allah Rurya
8:1-17
1Baboine samamyai isya werḇa faro snonkaku ḇekenem ro ḇaḇeoser kuker Yesus Kristus. 2Snar sasoser ro Allah Rur ḇyedi, ḇyuk fa kokenem ro ḇaḇeoser kuker Yesus Kristus ḇefaspar aya kwarbur sasoser sasar ḇeyun faro sasarya. 3Rosai sasoser agamaya ifrurḇa, snar snonkaku koya kosambraḇ ḇa Allah ifrurna kwar. Allah ifrur kafyo papoik sasarya ro rari snonkakuya, isof iwan Rumkun ḇyedi fa ryama kuker ḇaḇesnonkaku ḇesasar, insa ipyos sasar na. 4Allah ifrur rarirya insa marisen ḇyedi ḇefasna ro sasoser agama Yahudi koḇena fa nambran ro kenem koḇena raris kankenem ro Allah Rur ḇyedi ma koso awer kankenem ro ḇaḇesnonkakuya. 5Snonkaku ḇekenem imnis rari snonkaku, siwasen monda roi simarisen ro rari snonkaku. Ḇape snonkaku ḇekenem kuker Allah Rur ḇyedi, siwasen monda rosai Allah Rur ḇyedi imarisen. 6Naek srar rofyor kakara koḇena papoik rari snonkakuya nyana, nari ḇarpurya dunḇe marmar. Ḇape rofyor kakara koḇena papoik Allah Rur ḇyedi nyana, nari ḇarpurya isoine kankenem ma ḇaḇeaski kuker Allah. 7Mansei papoik rari snonkakuya nyaya, snonkaku ani ḇyemḇroḇ Allah; snar snonkaku ani kyunem faro Allah sasoser ḇyena ḇa; ma imewer kyunem faro Allah sasoser ḇyena. 8Snonkaku ḇekenem imnis rari snonkaku sifrur sneprei Allah ḇa.
9Ḇape naek ma srar mkokada mkokenem imnis rari snonkaku senaḇa. Naek srar mkokenem imnis Allah Rur ḇyedi rofyor, kaku ḇeri Allah Rur ḇyedi ifararur ro mko. Mansei ḇesma Kristus Rur ḇyediḇa, snonkaku ani Kristus dakna iḇa. 10Ḇape rofyor Kristus ikenem ro naek srar kankenem mkoḇena, nari baken mkoḇena namar snar sasarna, ḇape Allah Rur ḇyedi ḇyuk kankenem faro mko, snar ḇaḇeoser mkoḇedi kuker Allah iḇye kwar. 11#1 Kor. 3:16Inja Allah Rur ḇyedi ḇeḇawes Kristus ro marmar, isya roi naek srar kankenem mkoḇena, iso ḇeḇuk aḇiḇer faro Kristus ro marmarya, inja nari ḇyuk kankenem faro baken mkoḇena ro marmarya. Ifruri rarirya kuker Rur ḇyedi ḇekenem ro naek srar mkoya.
12Naek ma srar ayesimko, koine snonkaku ḇeḇenyaki, ḇape koḇenyaki faro rari snonkakuyaḇa; inja fandun fa kokenem imnis marisen ḇyenaḇa. 13Snar rofyor naek srar mkokenem imnis rari snonkakuya nari naek srar mkomar; ḇape rofyor kuker papoik ro Allah Rur ḇyedi, naek srar mkomun ḇesya kwar fararur ḇesasar mkoḇena, irya nari naek srar mkokenem. 14Snonkaku ḇesma farkankin ro Allah Rur ḇyeja, sikam Allah romawa ḇyesirya. 15#Mrk. 14:36 #Gal. 4:5-7Snar Allah Rur ḇyedi ḇyuk faro mko fa mkoḇe manfyanḇa, isof mkokenem kuker makakakḇa kwar. Snar Allah Rur ḇyedi ifrur fa mkoḇe rumkun faro Allah. Ma kuker papoik ro Allah Rur ḇyedi kor Allah ḇe “Kma, o Mami.” 16Allah Rur ḇyedi fnoḇek rur koḇesi skarem mboi koine Allah romawa ḇyesi. 17Inja, rofyor koine koḇe romawa Allah, kokako koḇe romawa pusaka faro Allah nari ḇeyaksma ḇok fyasos kwar faro romawa ḇyesya. Nari kowarpu Yesus ma kosma rosai fyasos kwar faroiya; snar rofyor koḇe kandera fnoḇek Yesus kwar, inja kokako nari kosma payamyum fnoḇek Yesus kako.
Payamyum ḇekain fyoro
8:18-30
18Kandera ḇeḇor kosma ro baboine na, raris fawawi ayedi, namnis kuker payamyum nari ḇefasna maḇe konyaḇa. 19Farsyos sansoren ḇesiper siryaḇ ma siwaf fafisu Allah iḇe fyasna payamyumya faro romawa ḇyesi. 20#Kej. 3:17-19Snar farsyos sansorenya ḇyeḇemam monda ḇo ḇyerere snar mankundi marisen ḇyediḇa, ḇape snar Allah iso ḇemam monda ḇo ryariryaya. Rariryano ḇape ḇareya isya isoine, 21snar rofafisu oso farsyos sansoren nari isma faspar ro papoik ḇemuni fa ḇyemomprafya ma nari isma ḇaḇemkei fnoḇek Allah romawa ḇyesi ro baba siḇe sismaya. 22Kofawi, ḇape isof ro fafisu ine farsyos sansoren ḇye kandera imnis bin oso ḇyekandera ro fafisu iḇe daḇen wombrek ḇyedi. 23#2 Kor. 5:2-4Ma farsyos sansoren derer fyafayafḇa, mboi kokako kakfafayaf ro kosnesna. Kosma Allah Rur ḇyedi kwar imnis raris roi ḇyuk ḇepon maḇeko, ḇape koisne kowaf kaker Allah ḇyuk fasaspar faro baken koḇena ḇesiper ma nya koḇe romawa ḇyesi. 24Snar kuker ḇaḇeḇare, kosma koreri. Ḇape roi koḇe ḇareya komami kwar nari koḇeḇareiḇa kwar. Snar mansei ḇeḇe ḇare faro rosai myam kwar? 25Ḇape koḇe ḇare faro rosai komam ḇaimya, nari kowaf kuker kaḇaḇaḇ.
26Rarirya kako Allah Rur ḇyedi ryama isaramper ko rofyor kosambraḇ ḇa. Snar kofawi moḇ koḇenadi rayaḇa; Rur ani mankundi inadi warek ko faro Allah, kuker marisen ḇefnakḇa isof indokada dapnaḇa. 27Ḇape Allah ḇefawi snonkaku sisnesna, ifawi Rurya marisen ḇyedi; Snar Rur ani dor ro Allah faro Allah kawasa ḇyesi, ma fararyor ḇyena namnis kuker Allah marisen ḇyedi.
28Kofawi Allah ifrur roi ḇeborkam isof ro nbuk roi ḇeḇye faro snonkaku ḇeswarisya ma ḇesma fararyor ro i raris auw ḇyena. 29Snonkaku Allah kyinfir kwar, Allah kyinfirsi ro randakya fa simnis kuker Rumkun ḇyedi, isoine Yesus Kristus. Rarirya Rumkun ani ḇye romawa rak rofandu naek srar. 30Rarirya kako Allah dorsi ma kyinfirsi ro ḇepon kwar; ma snonkaku ḇesma fararyor ansi ḇyuk fa siḇye kaḇer kuker Allah. Ma snonkaku ḇyuk fa ḇeḇye kaḇer wer kuker Allah, sisma rarwas ro Allah mankundi kankenem ḇyedi.
Allah fyasna saswar ḇyedi ro Yesus Kristus
8:31-39
31Rosai koḇe kokofen werya ro baboine ro roi ḇeḇor annakamya? Rofyor Allah iwaira ko, mansei nari ḇesampum koya? 32Mankundi Rumkun ḇyedi iswariḇa, mboi ḇyuki faro fandun koḇenakam; insape nari ḇyuk roi ḇesena maḇe koḇake? 33Mansei nari ḇefasasye Allah kawasa kyinfir kwar koya, rofyor Allah mankundi fyasna mboi kosasarḇa? 34Inja snonkaku ono sisya simarisen ssḇuk sasar ḇekoke? Yesus Kristus iso nari ḇeḇriwarek konya! Iso ḇemar kwarya, oroḇaido iso Allah ḇyawes kaḇer wer rofandu marmarya ma isya ro Allah ro moḇ papoikya. 35Mansei nari ḇedwarek Kristus saswar ḇyuk maḇe konya? Kandera naiso ḇedwareknake, roḇaido mandakyake, roḇaido basbiseryake, roḇaido saḇararyake, roḇaido raroyake, roḇaido marmarya kakoke? 36#Mzm. 44:23Ro Refoya fasfasya ryok radine,
“Ras nakam nkokenem ro raro marmari snar auw.
Sifrur inkoḇe domba siḇe skarukya.”
37Roba! Mboi ro roi ḇeḇor anna nekam, kosma fainda ḇemnis snar Yesus Kristus ḇeswar koya. 38Snar yakyar kaku ro sup-swan ine ḇesiper, iḇye marmari ma kankenemya kako; iḇye malaikat ma iḇye ḇesma papoiksya kako; iḇye ro baboine, iḇye ro fafisu nari ḇeramumaya kako, oroḇaido samambraḇ ḇesena; 39iḇye roi ḇero nanki, roi ḇero sup ine dori nakako, oroḇaido roi ḇese wer, nakam nadwarek Allah saswar ḇyuk mabekonyaḇa, imnis fyasna kwar ro Yesus Kristus Manseren koḇedi.
Actualmente seleccionado:
ROMA 8: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
ROMA 8
8
Kankenem ḇeḇeuser Allah Rurya
8:1-17
1Baboine samamyai isya werḇa faro snonkaku ḇekenem ro ḇaḇeoser kuker Yesus Kristus. 2Snar sasoser ro Allah Rur ḇyedi, ḇyuk fa kokenem ro ḇaḇeoser kuker Yesus Kristus ḇefaspar aya kwarbur sasoser sasar ḇeyun faro sasarya. 3Rosai sasoser agamaya ifrurḇa, snar snonkaku koya kosambraḇ ḇa Allah ifrurna kwar. Allah ifrur kafyo papoik sasarya ro rari snonkakuya, isof iwan Rumkun ḇyedi fa ryama kuker ḇaḇesnonkaku ḇesasar, insa ipyos sasar na. 4Allah ifrur rarirya insa marisen ḇyedi ḇefasna ro sasoser agama Yahudi koḇena fa nambran ro kenem koḇena raris kankenem ro Allah Rur ḇyedi ma koso awer kankenem ro ḇaḇesnonkakuya. 5Snonkaku ḇekenem imnis rari snonkaku, siwasen monda roi simarisen ro rari snonkaku. Ḇape snonkaku ḇekenem kuker Allah Rur ḇyedi, siwasen monda rosai Allah Rur ḇyedi imarisen. 6Naek srar rofyor kakara koḇena papoik rari snonkakuya nyana, nari ḇarpurya dunḇe marmar. Ḇape rofyor kakara koḇena papoik Allah Rur ḇyedi nyana, nari ḇarpurya isoine kankenem ma ḇaḇeaski kuker Allah. 7Mansei papoik rari snonkakuya nyaya, snonkaku ani ḇyemḇroḇ Allah; snar snonkaku ani kyunem faro Allah sasoser ḇyena ḇa; ma imewer kyunem faro Allah sasoser ḇyena. 8Snonkaku ḇekenem imnis rari snonkaku sifrur sneprei Allah ḇa.
9Ḇape naek ma srar mkokada mkokenem imnis rari snonkaku senaḇa. Naek srar mkokenem imnis Allah Rur ḇyedi rofyor, kaku ḇeri Allah Rur ḇyedi ifararur ro mko. Mansei ḇesma Kristus Rur ḇyediḇa, snonkaku ani Kristus dakna iḇa. 10Ḇape rofyor Kristus ikenem ro naek srar kankenem mkoḇena, nari baken mkoḇena namar snar sasarna, ḇape Allah Rur ḇyedi ḇyuk kankenem faro mko, snar ḇaḇeoser mkoḇedi kuker Allah iḇye kwar. 11#1 Kor. 3:16Inja Allah Rur ḇyedi ḇeḇawes Kristus ro marmar, isya roi naek srar kankenem mkoḇena, iso ḇeḇuk aḇiḇer faro Kristus ro marmarya, inja nari ḇyuk kankenem faro baken mkoḇena ro marmarya. Ifruri rarirya kuker Rur ḇyedi ḇekenem ro naek srar mkoya.
12Naek ma srar ayesimko, koine snonkaku ḇeḇenyaki, ḇape koḇenyaki faro rari snonkakuyaḇa; inja fandun fa kokenem imnis marisen ḇyenaḇa. 13Snar rofyor naek srar mkokenem imnis rari snonkakuya nari naek srar mkomar; ḇape rofyor kuker papoik ro Allah Rur ḇyedi, naek srar mkomun ḇesya kwar fararur ḇesasar mkoḇena, irya nari naek srar mkokenem. 14Snonkaku ḇesma farkankin ro Allah Rur ḇyeja, sikam Allah romawa ḇyesirya. 15#Mrk. 14:36 #Gal. 4:5-7Snar Allah Rur ḇyedi ḇyuk faro mko fa mkoḇe manfyanḇa, isof mkokenem kuker makakakḇa kwar. Snar Allah Rur ḇyedi ifrur fa mkoḇe rumkun faro Allah. Ma kuker papoik ro Allah Rur ḇyedi kor Allah ḇe “Kma, o Mami.” 16Allah Rur ḇyedi fnoḇek rur koḇesi skarem mboi koine Allah romawa ḇyesi. 17Inja, rofyor koine koḇe romawa Allah, kokako koḇe romawa pusaka faro Allah nari ḇeyaksma ḇok fyasos kwar faro romawa ḇyesya. Nari kowarpu Yesus ma kosma rosai fyasos kwar faroiya; snar rofyor koḇe kandera fnoḇek Yesus kwar, inja kokako nari kosma payamyum fnoḇek Yesus kako.
Payamyum ḇekain fyoro
8:18-30
18Kandera ḇeḇor kosma ro baboine na, raris fawawi ayedi, namnis kuker payamyum nari ḇefasna maḇe konyaḇa. 19Farsyos sansoren ḇesiper siryaḇ ma siwaf fafisu Allah iḇe fyasna payamyumya faro romawa ḇyesi. 20#Kej. 3:17-19Snar farsyos sansorenya ḇyeḇemam monda ḇo ḇyerere snar mankundi marisen ḇyediḇa, ḇape snar Allah iso ḇemam monda ḇo ryariryaya. Rariryano ḇape ḇareya isya isoine, 21snar rofafisu oso farsyos sansoren nari isma faspar ro papoik ḇemuni fa ḇyemomprafya ma nari isma ḇaḇemkei fnoḇek Allah romawa ḇyesi ro baba siḇe sismaya. 22Kofawi, ḇape isof ro fafisu ine farsyos sansoren ḇye kandera imnis bin oso ḇyekandera ro fafisu iḇe daḇen wombrek ḇyedi. 23#2 Kor. 5:2-4Ma farsyos sansoren derer fyafayafḇa, mboi kokako kakfafayaf ro kosnesna. Kosma Allah Rur ḇyedi kwar imnis raris roi ḇyuk ḇepon maḇeko, ḇape koisne kowaf kaker Allah ḇyuk fasaspar faro baken koḇena ḇesiper ma nya koḇe romawa ḇyesi. 24Snar kuker ḇaḇeḇare, kosma koreri. Ḇape roi koḇe ḇareya komami kwar nari koḇeḇareiḇa kwar. Snar mansei ḇeḇe ḇare faro rosai myam kwar? 25Ḇape koḇe ḇare faro rosai komam ḇaimya, nari kowaf kuker kaḇaḇaḇ.
26Rarirya kako Allah Rur ḇyedi ryama isaramper ko rofyor kosambraḇ ḇa. Snar kofawi moḇ koḇenadi rayaḇa; Rur ani mankundi inadi warek ko faro Allah, kuker marisen ḇefnakḇa isof indokada dapnaḇa. 27Ḇape Allah ḇefawi snonkaku sisnesna, ifawi Rurya marisen ḇyedi; Snar Rur ani dor ro Allah faro Allah kawasa ḇyesi, ma fararyor ḇyena namnis kuker Allah marisen ḇyedi.
28Kofawi Allah ifrur roi ḇeborkam isof ro nbuk roi ḇeḇye faro snonkaku ḇeswarisya ma ḇesma fararyor ro i raris auw ḇyena. 29Snonkaku Allah kyinfir kwar, Allah kyinfirsi ro randakya fa simnis kuker Rumkun ḇyedi, isoine Yesus Kristus. Rarirya Rumkun ani ḇye romawa rak rofandu naek srar. 30Rarirya kako Allah dorsi ma kyinfirsi ro ḇepon kwar; ma snonkaku ḇesma fararyor ansi ḇyuk fa siḇye kaḇer kuker Allah. Ma snonkaku ḇyuk fa ḇeḇye kaḇer wer kuker Allah, sisma rarwas ro Allah mankundi kankenem ḇyedi.
Allah fyasna saswar ḇyedi ro Yesus Kristus
8:31-39
31Rosai koḇe kokofen werya ro baboine ro roi ḇeḇor annakamya? Rofyor Allah iwaira ko, mansei nari ḇesampum koya? 32Mankundi Rumkun ḇyedi iswariḇa, mboi ḇyuki faro fandun koḇenakam; insape nari ḇyuk roi ḇesena maḇe koḇake? 33Mansei nari ḇefasasye Allah kawasa kyinfir kwar koya, rofyor Allah mankundi fyasna mboi kosasarḇa? 34Inja snonkaku ono sisya simarisen ssḇuk sasar ḇekoke? Yesus Kristus iso nari ḇeḇriwarek konya! Iso ḇemar kwarya, oroḇaido iso Allah ḇyawes kaḇer wer rofandu marmarya ma isya ro Allah ro moḇ papoikya. 35Mansei nari ḇedwarek Kristus saswar ḇyuk maḇe konya? Kandera naiso ḇedwareknake, roḇaido mandakyake, roḇaido basbiseryake, roḇaido saḇararyake, roḇaido raroyake, roḇaido marmarya kakoke? 36#Mzm. 44:23Ro Refoya fasfasya ryok radine,
“Ras nakam nkokenem ro raro marmari snar auw.
Sifrur inkoḇe domba siḇe skarukya.”
37Roba! Mboi ro roi ḇeḇor anna nekam, kosma fainda ḇemnis snar Yesus Kristus ḇeswar koya. 38Snar yakyar kaku ro sup-swan ine ḇesiper, iḇye marmari ma kankenemya kako; iḇye malaikat ma iḇye ḇesma papoiksya kako; iḇye ro baboine, iḇye ro fafisu nari ḇeramumaya kako, oroḇaido samambraḇ ḇesena; 39iḇye roi ḇero nanki, roi ḇero sup ine dori nakako, oroḇaido roi ḇese wer, nakam nadwarek Allah saswar ḇyuk mabekonyaḇa, imnis fyasna kwar ro Yesus Kristus Manseren koḇedi.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión