ROMA 13
13
Ḇaḇeuser faro Ḇaḇesasoserya
13:1-7
1Snonkaku oser-oser nari ḇyeyuser faro ḇesasosersya, snar ḇesasoser oso isma papoik ro Allah. Ma ḇesasoser ro baboine, Allah i ḇeḇuk na. 2Eḇedari snonkaku ḇesampum ḇesasosersya, imnis isampum rosai Allah ḇyuk kwar na. Ma manseiso ḇefrur rarirya nari isma samamyai. 3Snar snonkaku ḇefrur roi ḇeḇye simkak ḇesasosersyaḇa. Mboi snonkaku ḇefrur roi ḇeḇarḇor sikada simkak. Rofyor naek srar mkokara insa mkomkak awer ḇesasosersya, naek srar mkofrur roi ḇeḇye, rarirya nari naek srar mkosma sanandik. 4Snar ḇesasoserya Allah manfamyan ḇyedirya ḇefararur faro naek srar mko fa mkosma ḇaḇye. Ḇape rofyor naek srar mkofrur ḇarḇorido nari mkomkak faroi, mboi isma papoik fa ḇyuk samamyai faro snonkaku waworek mondaḇa. Ikada Allah manfamyan ḇyedirya fa ḇyuk samamyai faro snonkaku ḇefrur ḇarḇorsya. 5Eḇedari naek srar mkoḇeyuser faro ḇesasoserya – snar mkomewer mkosma samamyai mondaḇa, ḇape snar kakara mkoḇena kako.
6 #
Mat. 22:21; Mrk. 12:17; Luk. 20:25 I ḇeḇeknam kako fa snaro naek srar mkoḇak som, snar ḇesasoser Allah manfamyan ḇyedirya insa ifrur ḇardi fararur ani. 7Inja bak faro ḇesasoserya, rosai nari bak faroi. Bak som, rofyor sor som ro naek srar mko, ma mkomkak faro mansei fandun fa mkobak farosya; ma mkoḇesyowi faro mansei ḇesma syowisya.
Fararur koswar yae ko
13:8-14
8Mkoḇenyaki awer roi oso faro manseirya kako, ḇape iḇyekada mkoswaryae mko. Snar snonkaku ḇeswar min snonkaku ḇese, ikada ifrur mnis Allah sasoser ḇyena, Moses ḇyuk kwar na. 9#Kel. 20:13-15, 17; Im. 19:18; Ul. 5:17-19, 21Snar sasoser agama Yahudi, isoine: Wafrur farbuk awer; mamun awer; kwaraw awer; warmomen oso ḇese nana ḇyena awer; nakam nafnoḇek sasoser ḇese, nanekam ne sasoser oser monda, isoine, “Waswar min snonkaku ḇese, imnis waswar mankundaw.” 10Snonkaku ḇeswar faro snonkaku ḇesesya, nari sifrur ḇarḇor faro snonkaku ansiḇa. Inja snonkaku ḇeswar min sesya sikda sifrur mnis sasoser agamaya kwar.
11Roiḇese ro nanekam mkofawi mboi rofafisu ine, fafisu faro naek srar mko fa mkokḇok ro anenef. Snar fafisu faro kosma askiya fyanam syadiḇe ko kwar rofafisu randak kokyarya. 12Roḇya fyanam isyonde kwar; ma kniko monda meser. Inja, iḇye komnai ro fararur ḇepampan. Mboi kofasos mankunko kuker romamun isnaya. 13Iḇye kofrur roi ḇeḇor ḇeḇeawnos, imnis raris roi kofrur ro isnaya; ma kofrur munara ḇeba syadi awer, isof komser. Roḇaido kofrur farbuk awer, roḇa rari ḇeḇeawnosḇa awer. Komamun awer, roḇa kardu masasor awer. 14Iḇye Manseren Yesus Kristus i ḇefasna rosai naek srar mkoḇe mkofrur na. Ma mkoso awer rari snonkaku ḇesasar fa mkoso rmomen mkoḇena awer.
Actualmente seleccionado:
ROMA 13: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
ROMA 13
13
Ḇaḇeuser faro Ḇaḇesasoserya
13:1-7
1Snonkaku oser-oser nari ḇyeyuser faro ḇesasosersya, snar ḇesasoser oso isma papoik ro Allah. Ma ḇesasoser ro baboine, Allah i ḇeḇuk na. 2Eḇedari snonkaku ḇesampum ḇesasosersya, imnis isampum rosai Allah ḇyuk kwar na. Ma manseiso ḇefrur rarirya nari isma samamyai. 3Snar snonkaku ḇefrur roi ḇeḇye simkak ḇesasosersyaḇa. Mboi snonkaku ḇefrur roi ḇeḇarḇor sikada simkak. Rofyor naek srar mkokara insa mkomkak awer ḇesasosersya, naek srar mkofrur roi ḇeḇye, rarirya nari naek srar mkosma sanandik. 4Snar ḇesasoserya Allah manfamyan ḇyedirya ḇefararur faro naek srar mko fa mkosma ḇaḇye. Ḇape rofyor naek srar mkofrur ḇarḇorido nari mkomkak faroi, mboi isma papoik fa ḇyuk samamyai faro snonkaku waworek mondaḇa. Ikada Allah manfamyan ḇyedirya fa ḇyuk samamyai faro snonkaku ḇefrur ḇarḇorsya. 5Eḇedari naek srar mkoḇeyuser faro ḇesasoserya – snar mkomewer mkosma samamyai mondaḇa, ḇape snar kakara mkoḇena kako.
6 #
Mat. 22:21; Mrk. 12:17; Luk. 20:25 I ḇeḇeknam kako fa snaro naek srar mkoḇak som, snar ḇesasoser Allah manfamyan ḇyedirya insa ifrur ḇardi fararur ani. 7Inja bak faro ḇesasoserya, rosai nari bak faroi. Bak som, rofyor sor som ro naek srar mko, ma mkomkak faro mansei fandun fa mkobak farosya; ma mkoḇesyowi faro mansei ḇesma syowisya.
Fararur koswar yae ko
13:8-14
8Mkoḇenyaki awer roi oso faro manseirya kako, ḇape iḇyekada mkoswaryae mko. Snar snonkaku ḇeswar min snonkaku ḇese, ikada ifrur mnis Allah sasoser ḇyena, Moses ḇyuk kwar na. 9#Kel. 20:13-15, 17; Im. 19:18; Ul. 5:17-19, 21Snar sasoser agama Yahudi, isoine: Wafrur farbuk awer; mamun awer; kwaraw awer; warmomen oso ḇese nana ḇyena awer; nakam nafnoḇek sasoser ḇese, nanekam ne sasoser oser monda, isoine, “Waswar min snonkaku ḇese, imnis waswar mankundaw.” 10Snonkaku ḇeswar faro snonkaku ḇesesya, nari sifrur ḇarḇor faro snonkaku ansiḇa. Inja snonkaku ḇeswar min sesya sikda sifrur mnis sasoser agamaya kwar.
11Roiḇese ro nanekam mkofawi mboi rofafisu ine, fafisu faro naek srar mko fa mkokḇok ro anenef. Snar fafisu faro kosma askiya fyanam syadiḇe ko kwar rofafisu randak kokyarya. 12Roḇya fyanam isyonde kwar; ma kniko monda meser. Inja, iḇye komnai ro fararur ḇepampan. Mboi kofasos mankunko kuker romamun isnaya. 13Iḇye kofrur roi ḇeḇor ḇeḇeawnos, imnis raris roi kofrur ro isnaya; ma kofrur munara ḇeba syadi awer, isof komser. Roḇaido kofrur farbuk awer, roḇa rari ḇeḇeawnosḇa awer. Komamun awer, roḇa kardu masasor awer. 14Iḇye Manseren Yesus Kristus i ḇefasna rosai naek srar mkoḇe mkofrur na. Ma mkoso awer rari snonkaku ḇesasar fa mkoso rmomen mkoḇena awer.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión