FARFYAR RO MANWAWANSYA 16
16
Timotius iso fnoḇek Paulus
16:1-3
1Paulus ryama kako be Derbe ma ḇe Listra. Ro dia snon Kristen oso isya snori Timotius; snari bin Yahudi ḇekyar kwar, ḇoi kmari kada snon Yunani. 2Timotius ine naek srar ḇero Listra ma Ikonium siwafi kam, 3ma Paulus imarisen insa ifnoḇek i ro mararan ḇyedi. Paulus iwan fa sisofuk i snar kawasa Yahudi ro sup ani, snar sikam oser-oser ifawi kmari snon Yunani rirya.
Paulus kyaḇor ḇe Makedonia
16:4-12
4Ro mararan yar mnu ḇe mnu Paulus ma Silas sukofen ḇadir mnuk rosai manwawan sya ma penatua-penatua ro Yerusalem sawos namuk kwar kuker ananun, insa jemaat-jemaat siso na. 5Rarirya jemaat-jemaat sisma samambraḇ ro kakyar, ma fyoromuma kawasa ḇekyar sya sibor syadi wer.
6Skombranuk sup Frigia ma sup Galatia, snar Rur Ḇesren ya idwarek sko ḇaryas Ankankinem Ḇeḇye ro Asia. 7Ma skorama ro Misia ma sko karabir fa skosun ro supya mnuk Bitinia, ḇape Rur Yesus ḇyuk ḇa. 8Skunuk Misia kwar, skoranda ro Troas. 9Ro roḇya Paulus myam mamam oso; snon Makedonia oso dores ro dia ma dori, ḇo doḇo: “Kwaḇor muma insa wafnoḇek inko!” 10Rofyor Paulus myam mamam ani kwar, inkosewar fasaw fafisu fa inko kaḇor ḇe Makedonia, snar ro mamam ani inkun karkara, irya Allah dor inko insa inko ḇaryas Ankankinem Ḇeḇye faro snonkaku sya ro diwa.
11Inja inkopaw ro Troas ma inkayun pdef ḇe Samotrake, ma meserdi inkorande ro Neapolis, 12ro dia inkora ḇe Filipi, mnu ḇepon ro supya mnuk Makedonia ine, mnu dakam faro kawasa Roma. Ro mnu ani inko kain ras ono.
Paulus ro Filipi
16:13-18
13Ro ras Mananai Yahudi inko sasyar ro kadwai ḇeba ro mnuya. Inko mbran sye war andir ma inko srow moḇ Yahudi sya senadi roya, ro karkara inkoḇena isya ro dia; inko kain kwar, inkawawos faro bin-bin ḇeryur ro dia. 14Oso ro fandu bin ansi benirḇe Lidia dakmnaf kako. I bin oso ḇeḇoḇ kruḇen ḇefuk ro mnu Tiatira, ḇesyom faro Allah. Manseren ḇyas sneri, isof kyarkara roi Paulus dawos na. 15Isma masi sren kuker kawasa ro rum ḇyedi ḇesiper kwar, dor inko, ḇo doḇo: “Rofyor mko kara, ayaḇe bin ḇekyar faro Manseren, mkorama mkoḇe ryar ro rum ayedi.” Ḇyedifer inko isof inkoso i.
16Ro fafisu oso rofyor inkora wer ḇe moḇ nadi ani, inko srow infyan oso ḇena rur ḇemamkarkir; kuker mamam karkir ḇyena tuan ḇyesi sisma nana nabor. 17Iyom user Paulus ma inko ma dorḇo doḇo: “Snonkaku sine ido Allah ro Moḇ ḇekaki manfamyan ḇyesirya. Sḇaryas faro mko nyan aski.” 18Infyan ani ifrur rarirya ḇe ras ono. Ḇape rofyor Paulus fyafayaf kayaryaren ani, inja isiḇer ma ikofen faro rur ani: “Kuker snonsnon Yesus Kristus yawan au fa wasasyarbur bin ine.” Ro fafisu ani beri rur ani isasyarbur i.
Mananir bui ro Filipi
16:19-40
19Rofyor tuan-tuan ḇena infyan ani smam, kakyar sena insa sisma nana nefromo, inja sfor Paulus ma Silas, ma sismer su ḇebarpon ḇeḇenasan ro pasar. 20Rofyor ssun su kwar ḇeḇarpon ḇebarara-ḇebarara ro mnu ani, ma sikofen: “Snonkaku sine sifrur aru biru mnu koḇanine, snar sikada snon Yahudi, 21ma ssḇuk farkarkor ro rari, kawasa Roma koya kopok koso naba.” 22Rarirya kawasa ḇeḇor ansi sikḇawes ma sisampum su. Inja ḇebarara-ḇebarara ḇero mnu ani siwan fa spansawek sansun ḇero baken suḇena ma siprer su. 23Siprer suḇe rarwan ono kwar, raimnai sḇesu fa susun bui. Mananir ro bui isma sasoser ḇepakrek insa iwaren pyum su. 24Imnis sasoser ani mananir ro bui ḇyuk fa susun ro sim ḇero fadu ma sewanka suwesna kuker apyawur ḇedworen.
25Ḇape indokada romfawru Paulus ma Silas suḇenadi ma sudisen dow sanandik faro Allah ma snonkaku ḇeyaksmai ḇeso ansi simnaf user su. 26Fyoroḇa rim ḇeba oso myun, isof bui dopir-dopir ḇyena namarmer; ma rofyor ya kako kedwai ḇeḇor nakam nbase ma wanka sya saibur su. 27Rofyor mananir bui ḇyir ro anenef ḇyedi ma myam kedwai ḇeḇor anna nbas kam pyas sumber ḇyedi fa iḇe ḇyukmun mankundi, snar kyara, snonkaku ḇesmai ansi sifrar sibur kwar. 28Ḇape Paulus dor naba kaku, ḇo doḇo: “Mun mankundaw awer, snar inko isya kam ro dine!”
29Mananir bui iwan fa sun paramrom, raimnai ifrar fa syun kuker radadai ḇyansuba ro ḇarpon Paulus ma Silas. 30Dunsu ḇeḇondi, ma ikofen: “Tuan-tuan rosai nari yafrur, insa yasma aski?”
31Sukarem: “Wakyar faro Manseren Yesus Kristus ma nari wasma koreri, au ma kawasa ro rum bedi ḇesiper.” 32Posa suḇaryas Manseren wosya faroi ma kawasa kam ro rum ḇyedi. 33Ro oras ani beri mananir bui dunsu fa ḇyan sren amborew suḇena. Ro fafisuya i kuker kawasa ḇyesi sor fa sismai masi sren. 34Posa dunsu ḇe rum ḇyedi ma ikankun fa suyan. Ma iryaḇ fafayaḇa snar i ma kawasa ro rum ḇyedi ḇesiper sikyar kwar faro Allah.
35Meser kwar ḇebarara ro mnuya siwan ḇefararur ro mnuya fa sra faro mananir bui kuker anun: “Wasasyar snonkaku ansuya!”
36Mananir bui dakkofen anun ani faro Paulus, ḇo doḇo: “Ḇebarara ro mnu siwan kwar fa mko sasyar; inja mko sasyar ro knikine ma mkora kuker ḇaḇye!”
37Ḇape Paulus ikofen faro snonkaku ansi: “Skara nanapes ḇayim siprer inko kwar, kawasa Roma, ro ḇarpon kawasa ḇeḇor, raimnai inkosun bui. Insape siḇe sisasyar famyun inko? Rariryaḇa! Ḇoi mankunsi srama siyaker nu fa nusasyar.”
38Ḇefararur ro mnu ansi sikofen ḇadir wos anna faro ḇebarara-ḇebarara ro mnu ani. Rofyor simnaf Paulus ma Silas snon Roma suirya, inja simkak kaku. 39Srama ma sor maaf raimnai siyaker manwawan ansuya fa susasyar ma sor ro su insa subur mnu ani. 40Raimnai subur bui ma sura ḇe Lidia rum ḇyedi; ma su srow naek ansi kwar ro dia ma suḇuk sneprei faro si, posa manwawan ansuya subur.
Actualmente seleccionado:
FARFYAR RO MANWAWANSYA 16: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 16
16
Timotius iso fnoḇek Paulus
16:1-3
1Paulus ryama kako be Derbe ma ḇe Listra. Ro dia snon Kristen oso isya snori Timotius; snari bin Yahudi ḇekyar kwar, ḇoi kmari kada snon Yunani. 2Timotius ine naek srar ḇero Listra ma Ikonium siwafi kam, 3ma Paulus imarisen insa ifnoḇek i ro mararan ḇyedi. Paulus iwan fa sisofuk i snar kawasa Yahudi ro sup ani, snar sikam oser-oser ifawi kmari snon Yunani rirya.
Paulus kyaḇor ḇe Makedonia
16:4-12
4Ro mararan yar mnu ḇe mnu Paulus ma Silas sukofen ḇadir mnuk rosai manwawan sya ma penatua-penatua ro Yerusalem sawos namuk kwar kuker ananun, insa jemaat-jemaat siso na. 5Rarirya jemaat-jemaat sisma samambraḇ ro kakyar, ma fyoromuma kawasa ḇekyar sya sibor syadi wer.
6Skombranuk sup Frigia ma sup Galatia, snar Rur Ḇesren ya idwarek sko ḇaryas Ankankinem Ḇeḇye ro Asia. 7Ma skorama ro Misia ma sko karabir fa skosun ro supya mnuk Bitinia, ḇape Rur Yesus ḇyuk ḇa. 8Skunuk Misia kwar, skoranda ro Troas. 9Ro roḇya Paulus myam mamam oso; snon Makedonia oso dores ro dia ma dori, ḇo doḇo: “Kwaḇor muma insa wafnoḇek inko!” 10Rofyor Paulus myam mamam ani kwar, inkosewar fasaw fafisu fa inko kaḇor ḇe Makedonia, snar ro mamam ani inkun karkara, irya Allah dor inko insa inko ḇaryas Ankankinem Ḇeḇye faro snonkaku sya ro diwa.
11Inja inkopaw ro Troas ma inkayun pdef ḇe Samotrake, ma meserdi inkorande ro Neapolis, 12ro dia inkora ḇe Filipi, mnu ḇepon ro supya mnuk Makedonia ine, mnu dakam faro kawasa Roma. Ro mnu ani inko kain ras ono.
Paulus ro Filipi
16:13-18
13Ro ras Mananai Yahudi inko sasyar ro kadwai ḇeba ro mnuya. Inko mbran sye war andir ma inko srow moḇ Yahudi sya senadi roya, ro karkara inkoḇena isya ro dia; inko kain kwar, inkawawos faro bin-bin ḇeryur ro dia. 14Oso ro fandu bin ansi benirḇe Lidia dakmnaf kako. I bin oso ḇeḇoḇ kruḇen ḇefuk ro mnu Tiatira, ḇesyom faro Allah. Manseren ḇyas sneri, isof kyarkara roi Paulus dawos na. 15Isma masi sren kuker kawasa ro rum ḇyedi ḇesiper kwar, dor inko, ḇo doḇo: “Rofyor mko kara, ayaḇe bin ḇekyar faro Manseren, mkorama mkoḇe ryar ro rum ayedi.” Ḇyedifer inko isof inkoso i.
16Ro fafisu oso rofyor inkora wer ḇe moḇ nadi ani, inko srow infyan oso ḇena rur ḇemamkarkir; kuker mamam karkir ḇyena tuan ḇyesi sisma nana nabor. 17Iyom user Paulus ma inko ma dorḇo doḇo: “Snonkaku sine ido Allah ro Moḇ ḇekaki manfamyan ḇyesirya. Sḇaryas faro mko nyan aski.” 18Infyan ani ifrur rarirya ḇe ras ono. Ḇape rofyor Paulus fyafayaf kayaryaren ani, inja isiḇer ma ikofen faro rur ani: “Kuker snonsnon Yesus Kristus yawan au fa wasasyarbur bin ine.” Ro fafisu ani beri rur ani isasyarbur i.
Mananir bui ro Filipi
16:19-40
19Rofyor tuan-tuan ḇena infyan ani smam, kakyar sena insa sisma nana nefromo, inja sfor Paulus ma Silas, ma sismer su ḇebarpon ḇeḇenasan ro pasar. 20Rofyor ssun su kwar ḇeḇarpon ḇebarara-ḇebarara ro mnu ani, ma sikofen: “Snonkaku sine sifrur aru biru mnu koḇanine, snar sikada snon Yahudi, 21ma ssḇuk farkarkor ro rari, kawasa Roma koya kopok koso naba.” 22Rarirya kawasa ḇeḇor ansi sikḇawes ma sisampum su. Inja ḇebarara-ḇebarara ḇero mnu ani siwan fa spansawek sansun ḇero baken suḇena ma siprer su. 23Siprer suḇe rarwan ono kwar, raimnai sḇesu fa susun bui. Mananir ro bui isma sasoser ḇepakrek insa iwaren pyum su. 24Imnis sasoser ani mananir ro bui ḇyuk fa susun ro sim ḇero fadu ma sewanka suwesna kuker apyawur ḇedworen.
25Ḇape indokada romfawru Paulus ma Silas suḇenadi ma sudisen dow sanandik faro Allah ma snonkaku ḇeyaksmai ḇeso ansi simnaf user su. 26Fyoroḇa rim ḇeba oso myun, isof bui dopir-dopir ḇyena namarmer; ma rofyor ya kako kedwai ḇeḇor nakam nbase ma wanka sya saibur su. 27Rofyor mananir bui ḇyir ro anenef ḇyedi ma myam kedwai ḇeḇor anna nbas kam pyas sumber ḇyedi fa iḇe ḇyukmun mankundi, snar kyara, snonkaku ḇesmai ansi sifrar sibur kwar. 28Ḇape Paulus dor naba kaku, ḇo doḇo: “Mun mankundaw awer, snar inko isya kam ro dine!”
29Mananir bui iwan fa sun paramrom, raimnai ifrar fa syun kuker radadai ḇyansuba ro ḇarpon Paulus ma Silas. 30Dunsu ḇeḇondi, ma ikofen: “Tuan-tuan rosai nari yafrur, insa yasma aski?”
31Sukarem: “Wakyar faro Manseren Yesus Kristus ma nari wasma koreri, au ma kawasa ro rum bedi ḇesiper.” 32Posa suḇaryas Manseren wosya faroi ma kawasa kam ro rum ḇyedi. 33Ro oras ani beri mananir bui dunsu fa ḇyan sren amborew suḇena. Ro fafisuya i kuker kawasa ḇyesi sor fa sismai masi sren. 34Posa dunsu ḇe rum ḇyedi ma ikankun fa suyan. Ma iryaḇ fafayaḇa snar i ma kawasa ro rum ḇyedi ḇesiper sikyar kwar faro Allah.
35Meser kwar ḇebarara ro mnuya siwan ḇefararur ro mnuya fa sra faro mananir bui kuker anun: “Wasasyar snonkaku ansuya!”
36Mananir bui dakkofen anun ani faro Paulus, ḇo doḇo: “Ḇebarara ro mnu siwan kwar fa mko sasyar; inja mko sasyar ro knikine ma mkora kuker ḇaḇye!”
37Ḇape Paulus ikofen faro snonkaku ansi: “Skara nanapes ḇayim siprer inko kwar, kawasa Roma, ro ḇarpon kawasa ḇeḇor, raimnai inkosun bui. Insape siḇe sisasyar famyun inko? Rariryaḇa! Ḇoi mankunsi srama siyaker nu fa nusasyar.”
38Ḇefararur ro mnu ansi sikofen ḇadir wos anna faro ḇebarara-ḇebarara ro mnu ani. Rofyor simnaf Paulus ma Silas snon Roma suirya, inja simkak kaku. 39Srama ma sor maaf raimnai siyaker manwawan ansuya fa susasyar ma sor ro su insa subur mnu ani. 40Raimnai subur bui ma sura ḇe Lidia rum ḇyedi; ma su srow naek ansi kwar ro dia ma suḇuk sneprei faro si, posa manwawan ansuya subur.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión