FARFYAR RO MANWAWANSYA 13
13
1Ro fafisu ani ro jemaat Antiokhia nabi ma guru ono sisya, isoine: Barnabas ma Simeon sapi kako ḇe Niger, ma Lukius snon Kirene, ma Menahem romawa fan sfan fnoḇek Wairek Herodes, ma Saulus.
2Ro ras oso rofyor seari faro Manseren ma sfarfor, Rur Ḇesren ya ikofen: “Mkoḇuk ḇardi Barnabas ma Saulus faro aya, insa sufrur fararur yaḇuk kwar faro su.”
3Inja sfarfor ma senadi, ma sisawar dofen su kwar, siwan su fa sura.
Saulus ma Barnabas ro myos Siprus
13:4-12
4Snar Rur Ḇesren ya iwan su, Barnabas ma Saulus surandak ro Seleukia, ma ro dia suyayun ḇe Siprus. 5Sko fyafer ro Salamis suḇaryas Allah wos ḇyedi ro rum ari snonkaku Yahudi sya sena. Ma Yohanes iso su fa ifnoḇek su.
6Skombran yar myos ani kasiper isof skora ro Pafos. Ro dia sko srow snon Yahudi oso snori Baryesus. I snon ḇena mon ma nabi sararer. 7Gubernur ro myos ani min ḇyedirya, Gubernur ani snori Sergius Paulus, snonkaku ḇefawi nanem. Gubernur ani dor Barnabas ma Saulus, snar imarisen dakmnaf Allah wos ḇyena. 8Ḇape Elimas – rarirya snonsnon ro wos Yunani, – snon ḇena mon ani, idwarek su ma syewar fa pyambar Gubernur ani kakyar ḇyedi. 9Ḇape Saulus, sapi kako ḇe Paulus, ḇefo kuker Rur Ḇesren, iknoweri, ma ikofen: 10“Ne, romawa Ibiris, ḇefo kuker ankar sararer ma ḇarḇor, au mbroḇ ro napnapes, nari wamnai ḇake pambar Manseren Nyan ḇenapes ḇyena? 11Knikine, mam, Manseren ḇrasi myun au, ma wapraf, ras ono wapok mam oriḇa.” Ma ro fafisuya beri snonkaku ani ḇyaḇir afyo ma pampan ya ikawefi, ma pyanfafyai syewar snonkaku ḇekfin i. 12Gubernur ani myam roi ḇeḇesya ani, ikyar; ma ikandor kaku farkarkor Manseren ḇyena.
Skora ḇe Antiokhia ro Pisidia
13:13-49
13Raimnai Paulus ma min ḇyesi sibur Pafos ma sayun ḇe Perga ro Pamfilia; ḇape Yohanes ibur si ma kyaḇer ḇe Yerusalem. 14Ro Perga skombran pdef mararanya ma skorama ro Antiokhia ro Pisidia. Ro ras Mananai Yahudi skoraḇe rum ari, ma skokain ro dia. 15Siwasya sasoser Refo Yahudi ma syap nabi-nabi posa kwar, mananir-mananir ro rum ari ansi siwan fa sifuken su: “Naek mko, rofyor wos anun ḇeḇawes ma ḇeḇuk sneprei faro er sine naisya, iḇye mkawos na farosi!” 16Inja Paulus iyori. Ma ryasepen si, ḇo doḇo:
“Ne, snonkaku Israel ma mko ḇeyararyof faro Allah, mko mnafkada! 17#Kel. 1:7, 12:51Allah er Israel ani kyinfir kwar up koḇesi ma ifrur er ani fa idonek, fafisu skain ro Masir imnis mandaman. Kuker sambraḇ ma papoik Allah dunsi kwar fa sisasyar bur mnu ani. 18#Ul. 1:31Wampasi wambarek samfur rifiak i kḇaḇ si ro rari sena ro sup ḇeursḇa. 19#Ul. 7:1 Ma rofyor Allah myun er rifik ro sup Kanaan kwar, i rarwas sup ani faro si fa snaḇe pusaka, 20#Hak. 2:16; 1Sam. 3:20indokada wampasi wambarek utin rifiak samfur ririm. Posa kwar ḇyuk faro si hakim-hakim isof ro awar Nabi Semuel. 21#1Sam. 10:17-21Ḇarpur ya sor wairek oso inja Allah ḇyuk farosi Saul Kis mandaḇendi ro keret Benyamin, ḇe wampasi wambarek samfur rifiak. 22#1Sam. 13:14; Mzm. 89:21Saul ḇyeḇesawen kwar, Allah ikanow Daud ḇe wairek faro si. Faro Daud Allah fyasnai kwar: Yasma kwar Daud Isai mandaḇendi, snon oso ḇefrur sneprei ma ḇefrur marisen ḇeḇor ayena. 23Ma ro up ḇyesi, imnis raris moḇ ḇyeasas kwar. Allah ḇyawes kwar Ḇeḇuk koreri faro snonkaku Israel, isoine Yesus. 24#Luk. 3:3Fafisu siwaf rarama ḇyedi Yohanes ḇyaryas kwar faro er Israel ḇesiper insa simbror ma sor masi sren. 25#Yoh. 1:20, 27Ma ro fafisu Yohanes fanam ifrur posa fararur ḇyedi ikofen: Ro karkara mkoḇena mkoḇo Yesus iso aya, ḇape ikada nari pyur aya. Faro yaper roi ḇesower ḇyesi monda yasyus ḇa.
26Ne, naek srar yesi, iḇye Abraham kpu ḇyesi, ma ḇeyararyof Allah, ḇaryas koreri ani sḇaryas i kwar faro ko. 27Snar kawasa ḇekain ro Yerusalem ma manfarkin-manfarkin sesi skarem Yesus ḇa. Inja ssḇuk samamyai faro i, fa sifrur mnis nabi-nabi sya wos sena si wasya ro ras-ras Mananai Yahudi. 28#Mat. 27:22-23, 57-61Ma sisma roi osoḇa fa snaḇe knam samamyai marmari, ḇesyaḇo sor kwar faro Pilatus insa smuni. 29Ma rofyor sifrur mnis kwar roi ḇeḇor sfasḇair ro i, raimnai sisabu i ro aprop, ma sikriri. 30Ḇape Allah ḇyawesi ro fandu ḇemar sya. 31#Kis. 1:3Ma fyor ono fyasnai mankundi faro ḇesoi, ro Galilea ḇe Yerusalem sya. Siso baboine ḇeḇesaksi i faro er ine. 32Ma knikine inko ḇaryas ankankinem ḇeḇye ine faro mko, isoine asas ssḇuk kwar faro up koḇesi, 33#Mzm. 2:7Allah ḇye imnis kwar faro ko, kpu sesi, kuker ḇaḇawes Yesus, imnis fas-fas ro mazmur ḇeḇesuru:
Rumkun yedi au!
Yaḇen au kwar ro ras ine.
34 #
Yes. 55:3
Allah ḇyawes i kwar fandu ḇemar sya ma ipok ḇyuki faro munaiḇui wer ḇa. Roi ḇeḇesya ine Manseren fyasnai ro wos ine:
Aya nari yafrur mnis faro mko asas-asas ḇesren nari mko kyar na,
yaḇuk na kwar faro Daud.
35 #
Mzm. 16:10
Eḇedari ikofen ro mazmur ḇeso:
Nari wapok mam mundaḇa snonkaku Ḇesren bedi ro mun aiḇui.
36Snar Daud ifrur Allah marisen ḇyena ro awar ḇyedi, raimnai imar ma sikriri fanam kpu ḇyesi, ma ikada ssḇuki faro munaiḇui. 37Ḇape Yesus Allah ḇyawes ya, i kada rarirya ḇa. 38Inja mkofawi, ne naek srar, snar Iso ḇeḇedar sḇaryas faro mko nyan ḇaḇeampun ro sasar. 39Ma i ḇeḇedar snonkaku ḇekyar sya sisma faspar ro sasar ḇeḇor sena, mboi mkopok mkosma naba, kuker Moses sasoser ḇyena. 40Inja, mkepen mko, insa mkosma awer rosai sikofen kwar ro syap nabi-nabi:
41 #
Hab. 1:5
Mko swarepen, ne ḇenankoryae mko, mko karsosen ma mkomar,
snar yafrur fararur oso ro awar mkoḇedi,
Fararur oso nari mkokyari ḇa, rofyor sḇaryasi faro mko.”
42Ro fafisu Paulus ma Barnabas susasyar, sor ro su insa suwawos ro mnuk ani wer ro ras Mananai Yahudi iyama. 43Seari posa kwar, snonkaku Yahudi sibor ma ḇeyakso agama Yahudi ḇeyararyof faro Allah, siso Paulus ma Barnabas; manwawan ansu suḇuk farkarkor ma suyanun si insa skain nako ro Allah saswar ma fakamaman ḇyena.
44Ro ras Mananai Yahudi ḇepur ani indokada mnu ani ḇesiper srama fa simnaf Allah wos ḇyena. 45Ḇape, rofyor snonkaku Yahudi smam snonkaku ḇeḇor ansi, sifo kuker masasor ma sawos anonef, ma sisampum rosai Paulus ikofen na. 46Ḇape Paulus ma Barnabas sumku ḇo sukofen: “Kaku ḇaḇoi mkoiso nari ḇesma ḇepon ḇaryas ro Allah wos ḇyedi, ḇape mko pampumi ma mkokara mkoḇe mkosyusḇa fa mkosma kankenem ḇemanaiḇa ya. Eḇedari inko kaḇer faro er-er ḇeso. 47#Yes. 49:6Snar ineiso sasoser faro inko:
Ya fasnai au kwar insa beisnai faro er-er ḇeyakfawi Allah ḇa sya,
insa wun aski isof ro supswan pember.”
48Snonkaku ḇeyakfawi Allahḇa sya kam simnaf rarirya siryaḇ ḇo sisandik wos Allah; ma snonkaku sya kam Allah fyasnai fa ḇesma kankenem ḇemnaiḇa sya, sikyar.
49Raimnai Manseren wos ya ḇyeḇeḇaryas ro sup ya fyor ani ḇesiper.
Sura ḇe Ikonium, Listera ma Derbe
13:50–14:20
50Snonkaku Yahudi sya sfarkor ninyan bin-bin ḇeḇesnonsnon ma ḇeyararyof Allah, ma ḇebarara-ḇebarara ro mnu ani, fa sifrur kandera faro Paulus ma Barnabas ma siyaw subur supya fyor ani. 51#Mat. 10:14Inja Paulus ma Barnabas sukokef fafen ḇero suwesna imnis swarapepen faro snonkaku ansi, raimnai suraḇe Ikonium. 52Ma kawasa Kristen ḇero Antiokhia si ryaḇ ma sifo kuker Rur Ḇesren.
Actualmente seleccionado:
FARFYAR RO MANWAWANSYA 13: LAIBHW
Destacar
Compartir
Copiar

¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 13
13
1Ro fafisu ani ro jemaat Antiokhia nabi ma guru ono sisya, isoine: Barnabas ma Simeon sapi kako ḇe Niger, ma Lukius snon Kirene, ma Menahem romawa fan sfan fnoḇek Wairek Herodes, ma Saulus.
2Ro ras oso rofyor seari faro Manseren ma sfarfor, Rur Ḇesren ya ikofen: “Mkoḇuk ḇardi Barnabas ma Saulus faro aya, insa sufrur fararur yaḇuk kwar faro su.”
3Inja sfarfor ma senadi, ma sisawar dofen su kwar, siwan su fa sura.
Saulus ma Barnabas ro myos Siprus
13:4-12
4Snar Rur Ḇesren ya iwan su, Barnabas ma Saulus surandak ro Seleukia, ma ro dia suyayun ḇe Siprus. 5Sko fyafer ro Salamis suḇaryas Allah wos ḇyedi ro rum ari snonkaku Yahudi sya sena. Ma Yohanes iso su fa ifnoḇek su.
6Skombran yar myos ani kasiper isof skora ro Pafos. Ro dia sko srow snon Yahudi oso snori Baryesus. I snon ḇena mon ma nabi sararer. 7Gubernur ro myos ani min ḇyedirya, Gubernur ani snori Sergius Paulus, snonkaku ḇefawi nanem. Gubernur ani dor Barnabas ma Saulus, snar imarisen dakmnaf Allah wos ḇyena. 8Ḇape Elimas – rarirya snonsnon ro wos Yunani, – snon ḇena mon ani, idwarek su ma syewar fa pyambar Gubernur ani kakyar ḇyedi. 9Ḇape Saulus, sapi kako ḇe Paulus, ḇefo kuker Rur Ḇesren, iknoweri, ma ikofen: 10“Ne, romawa Ibiris, ḇefo kuker ankar sararer ma ḇarḇor, au mbroḇ ro napnapes, nari wamnai ḇake pambar Manseren Nyan ḇenapes ḇyena? 11Knikine, mam, Manseren ḇrasi myun au, ma wapraf, ras ono wapok mam oriḇa.” Ma ro fafisuya beri snonkaku ani ḇyaḇir afyo ma pampan ya ikawefi, ma pyanfafyai syewar snonkaku ḇekfin i. 12Gubernur ani myam roi ḇeḇesya ani, ikyar; ma ikandor kaku farkarkor Manseren ḇyena.
Skora ḇe Antiokhia ro Pisidia
13:13-49
13Raimnai Paulus ma min ḇyesi sibur Pafos ma sayun ḇe Perga ro Pamfilia; ḇape Yohanes ibur si ma kyaḇer ḇe Yerusalem. 14Ro Perga skombran pdef mararanya ma skorama ro Antiokhia ro Pisidia. Ro ras Mananai Yahudi skoraḇe rum ari, ma skokain ro dia. 15Siwasya sasoser Refo Yahudi ma syap nabi-nabi posa kwar, mananir-mananir ro rum ari ansi siwan fa sifuken su: “Naek mko, rofyor wos anun ḇeḇawes ma ḇeḇuk sneprei faro er sine naisya, iḇye mkawos na farosi!” 16Inja Paulus iyori. Ma ryasepen si, ḇo doḇo:
“Ne, snonkaku Israel ma mko ḇeyararyof faro Allah, mko mnafkada! 17#Kel. 1:7, 12:51Allah er Israel ani kyinfir kwar up koḇesi ma ifrur er ani fa idonek, fafisu skain ro Masir imnis mandaman. Kuker sambraḇ ma papoik Allah dunsi kwar fa sisasyar bur mnu ani. 18#Ul. 1:31Wampasi wambarek samfur rifiak i kḇaḇ si ro rari sena ro sup ḇeursḇa. 19#Ul. 7:1 Ma rofyor Allah myun er rifik ro sup Kanaan kwar, i rarwas sup ani faro si fa snaḇe pusaka, 20#Hak. 2:16; 1Sam. 3:20indokada wampasi wambarek utin rifiak samfur ririm. Posa kwar ḇyuk faro si hakim-hakim isof ro awar Nabi Semuel. 21#1Sam. 10:17-21Ḇarpur ya sor wairek oso inja Allah ḇyuk farosi Saul Kis mandaḇendi ro keret Benyamin, ḇe wampasi wambarek samfur rifiak. 22#1Sam. 13:14; Mzm. 89:21Saul ḇyeḇesawen kwar, Allah ikanow Daud ḇe wairek faro si. Faro Daud Allah fyasnai kwar: Yasma kwar Daud Isai mandaḇendi, snon oso ḇefrur sneprei ma ḇefrur marisen ḇeḇor ayena. 23Ma ro up ḇyesi, imnis raris moḇ ḇyeasas kwar. Allah ḇyawes kwar Ḇeḇuk koreri faro snonkaku Israel, isoine Yesus. 24#Luk. 3:3Fafisu siwaf rarama ḇyedi Yohanes ḇyaryas kwar faro er Israel ḇesiper insa simbror ma sor masi sren. 25#Yoh. 1:20, 27Ma ro fafisu Yohanes fanam ifrur posa fararur ḇyedi ikofen: Ro karkara mkoḇena mkoḇo Yesus iso aya, ḇape ikada nari pyur aya. Faro yaper roi ḇesower ḇyesi monda yasyus ḇa.
26Ne, naek srar yesi, iḇye Abraham kpu ḇyesi, ma ḇeyararyof Allah, ḇaryas koreri ani sḇaryas i kwar faro ko. 27Snar kawasa ḇekain ro Yerusalem ma manfarkin-manfarkin sesi skarem Yesus ḇa. Inja ssḇuk samamyai faro i, fa sifrur mnis nabi-nabi sya wos sena si wasya ro ras-ras Mananai Yahudi. 28#Mat. 27:22-23, 57-61Ma sisma roi osoḇa fa snaḇe knam samamyai marmari, ḇesyaḇo sor kwar faro Pilatus insa smuni. 29Ma rofyor sifrur mnis kwar roi ḇeḇor sfasḇair ro i, raimnai sisabu i ro aprop, ma sikriri. 30Ḇape Allah ḇyawesi ro fandu ḇemar sya. 31#Kis. 1:3Ma fyor ono fyasnai mankundi faro ḇesoi, ro Galilea ḇe Yerusalem sya. Siso baboine ḇeḇesaksi i faro er ine. 32Ma knikine inko ḇaryas ankankinem ḇeḇye ine faro mko, isoine asas ssḇuk kwar faro up koḇesi, 33#Mzm. 2:7Allah ḇye imnis kwar faro ko, kpu sesi, kuker ḇaḇawes Yesus, imnis fas-fas ro mazmur ḇeḇesuru:
Rumkun yedi au!
Yaḇen au kwar ro ras ine.
34 #
Yes. 55:3
Allah ḇyawes i kwar fandu ḇemar sya ma ipok ḇyuki faro munaiḇui wer ḇa. Roi ḇeḇesya ine Manseren fyasnai ro wos ine:
Aya nari yafrur mnis faro mko asas-asas ḇesren nari mko kyar na,
yaḇuk na kwar faro Daud.
35 #
Mzm. 16:10
Eḇedari ikofen ro mazmur ḇeso:
Nari wapok mam mundaḇa snonkaku Ḇesren bedi ro mun aiḇui.
36Snar Daud ifrur Allah marisen ḇyena ro awar ḇyedi, raimnai imar ma sikriri fanam kpu ḇyesi, ma ikada ssḇuki faro munaiḇui. 37Ḇape Yesus Allah ḇyawes ya, i kada rarirya ḇa. 38Inja mkofawi, ne naek srar, snar Iso ḇeḇedar sḇaryas faro mko nyan ḇaḇeampun ro sasar. 39Ma i ḇeḇedar snonkaku ḇekyar sya sisma faspar ro sasar ḇeḇor sena, mboi mkopok mkosma naba, kuker Moses sasoser ḇyena. 40Inja, mkepen mko, insa mkosma awer rosai sikofen kwar ro syap nabi-nabi:
41 #
Hab. 1:5
Mko swarepen, ne ḇenankoryae mko, mko karsosen ma mkomar,
snar yafrur fararur oso ro awar mkoḇedi,
Fararur oso nari mkokyari ḇa, rofyor sḇaryasi faro mko.”
42Ro fafisu Paulus ma Barnabas susasyar, sor ro su insa suwawos ro mnuk ani wer ro ras Mananai Yahudi iyama. 43Seari posa kwar, snonkaku Yahudi sibor ma ḇeyakso agama Yahudi ḇeyararyof faro Allah, siso Paulus ma Barnabas; manwawan ansu suḇuk farkarkor ma suyanun si insa skain nako ro Allah saswar ma fakamaman ḇyena.
44Ro ras Mananai Yahudi ḇepur ani indokada mnu ani ḇesiper srama fa simnaf Allah wos ḇyena. 45Ḇape, rofyor snonkaku Yahudi smam snonkaku ḇeḇor ansi, sifo kuker masasor ma sawos anonef, ma sisampum rosai Paulus ikofen na. 46Ḇape Paulus ma Barnabas sumku ḇo sukofen: “Kaku ḇaḇoi mkoiso nari ḇesma ḇepon ḇaryas ro Allah wos ḇyedi, ḇape mko pampumi ma mkokara mkoḇe mkosyusḇa fa mkosma kankenem ḇemanaiḇa ya. Eḇedari inko kaḇer faro er-er ḇeso. 47#Yes. 49:6Snar ineiso sasoser faro inko:
Ya fasnai au kwar insa beisnai faro er-er ḇeyakfawi Allah ḇa sya,
insa wun aski isof ro supswan pember.”
48Snonkaku ḇeyakfawi Allahḇa sya kam simnaf rarirya siryaḇ ḇo sisandik wos Allah; ma snonkaku sya kam Allah fyasnai fa ḇesma kankenem ḇemnaiḇa sya, sikyar.
49Raimnai Manseren wos ya ḇyeḇeḇaryas ro sup ya fyor ani ḇesiper.
Sura ḇe Ikonium, Listera ma Derbe
13:50–14:20
50Snonkaku Yahudi sya sfarkor ninyan bin-bin ḇeḇesnonsnon ma ḇeyararyof Allah, ma ḇebarara-ḇebarara ro mnu ani, fa sifrur kandera faro Paulus ma Barnabas ma siyaw subur supya fyor ani. 51#Mat. 10:14Inja Paulus ma Barnabas sukokef fafen ḇero suwesna imnis swarapepen faro snonkaku ansi, raimnai suraḇe Ikonium. 52Ma kawasa Kristen ḇero Antiokhia si ryaḇ ma sifo kuker Rur Ḇesren.
Actualmente seleccionado:
:
Destacar
Compartir
Copiar

¿Quieres tener guardados todos tus destacados en todos tus dispositivos? Regístrate o inicia sesión