FARFYAR RO MANWAWANSYA 10
10
Petrus ma Kornelius
10:1-48
1Ro Kaisarea snon oso isya snori Kornelius, mambri sarar sor ḇe sarar Italia. 2I kuker kina ro rum ḇyedi sikyar ma sararyof faro Allah ma ḇyuk farsarser nabor faro er Yahudi ma ḇyenadi ḇesya kwar faro Allah. 3Indokada fanam oras kior mandira, myambos Manseren malaikat ḇyesi oso ryama syun ro rum ḇyedi ma ikofen: “Kornelius!”
4Myambos malaikat ani kuker makakak ma ikofen: “Rariso ine o Manseren?” Malaikat ani kyarem: “Nadi ma farsarser ḇena kam nek kwar faro Allah ḇarpon ḇyedi ma Allah iswarepen au. 5Inja knikine, wawan snonkaku onoḇe Yope fa ssun snon ḇenir Simon sapi kakoḇe Petrus. 6Isya ro rum Simon snon ḇeyak aiwan kif, ḇekain ro swan andir.” 7Malaikat ḇeyawos faroi ani i buri kwar, raimnai dor snon risuru ro manfamyan ḇyesi fnoḇek sordade ḇekyar oso ro snonkaku ḇefnoḇek i ḇesya kwar si. 8Rofyor ikofen ḇayir roi ḇeḇor anna kam faro si posa iwan siḇe Yope.
9Meserdi rofyor snon rikior ansi sisya kaker ro mararan ma sfanam mnu Yope kwar, indokada fanam oras samfur seser risuru arkok, Petrus dekḇe rum ya bori fa ḇyenadi. 10Petrus iḇe danan snar ibiser, ḇape insape sfasos roḇean na, fafisu ani papoik Allah iswoḇer i. 11Myam nanki ḇyas ma roi oso imnis kruḇen ḇeba ḇyedopir rifiak ma sikyui isof ro saprop ya. 12Ro dori iser aiwan syoso-syoso kam ḇeḇewemin rifiak, ḇeanawer ma mansya. 13Imnaf mkaren oso ikofen: “Ne, Petrus wayor au, kwaruksi ma wansi!”
14Ḇape Petrus kyarem: “Roḇa, o Manseren rariryaḇa snar aya yakan ḇaim roi ḇefor ma ḇemamas.” 15Mkaren ani ryokḇe eḇesuru ya faroi: “Rosai Allah fyasren, wapok fa befor naba.” 16Roi ḇeḇesya ani ryamaḇe rarwan rikior posa kruḇen ani ḇyeḇeyer fasau ḇe nanki.
17Petrus kyara ro sneri, fasasnai rosai ḇero mamam myam kwar ine. Fafisu ani Kornelius snonkaku iwan ansi sisya ro kedwai ya ḇarpondi ma sifuken Petrus rum ḇyedi. 18Skor snon oso fa skofuken, imbude Simon sapḇe Petrus isya ro rum ani.
19Fyor ani Petrus kyara kaker ro mamam ani, ma Rur ya ikofen faroi: “Snon risuru suisya susewar au. 20Wayor au wado ma waso si, beḇirḇar awer, snar ayaiso ḇewan si muma.” 21Inja Petrus dado rarḇaḇ ikofen faro si: “Ayaiso mkossewar ya; rosaiso ḇeḇedari mkoramuma ya?”
22Skarem faro i: “Kornelius snon mambri sne ḇenapes ma ḇeyararyof Allah ro fandu er Yahudisya kam si fawiyi, isma kwar fasasnai ro Allah ma mam malaikat ḇesren oso ḇekofen faroi insa dor au ḇe rum ḇyedi fa imnaf rosai nari wakofen faroi.” 23Ma Petrus ikofen fa skenef ro dia.
Mesrdi ikḇok fa iso si fnoḇek naek ono ro Yope. 24Ro arwori skorama ro Kaisarea. Kornelius isya iwafsi ma dor naek ma bati ḇyesi fa siryur kwar. 25Rofyor Petrus syun, Kornelius rya isrow i ma ḇyan suba ro ḇarpon ḇyedi. 26Ḇape Petrus idwarki doḇo: “Wores, aya ine snonkaku monda.” 27Ma dawawos kukeri, ḇo syun ma isrow kawasa sibor sisya siryur. 28Ikofen faro si: “Mkofawi kam kwar, rari Yahudi ḇyuk ḇaḇeri fa snon Yahudi oso ikenem fawas snonkaku ḇeḇe Yahudi ḇa, roḇa syun ro rum sena. Ḇape Allah fyasnai kwar faro aya insa yapok yakofen awer snonkaku osoḇe ḇemamas. 29Snar rarirya yaḇerer fararyor mkoḇena ḇa mboi yara muma beri. Insape yamarisen yafawi rosai ḇeḇedari mkor aya.”
30Kornelius kyarem: “Ras rifiak ḇesyof kwar indokada fanam oras kior ro fafisu ḇeradine, yaḇenadi ro rum ayedi.” 31Kniko snonkaku oso dores ro ḇarpon ayedi, ma sansun ḇyena nasnaper ma ikofen: “Kornelius nadi ḇena Allah imnaf na kwar ma farsarser ḇena kam Allah iswarepen na ro ḇarpon ḇyedi. 32Inja wawan snon onoḇe Yope fa ssun Simon sap kakoḇe Petrus; isya ro Simon snon ḇeyak aiwan kif rum ḇyedi, ḇekain ro swan andir. 33Eḇedari yawan fasaw snon ono faro au, ma kuker sne ḇeryaḇ rwama kwar ine. Knikine inko ryur kam kwar ro ḇarpon Allah ro dine, insa inko mnaf rosai Allah ḇyeasas faro au.”
34 #
Ul. 10:17
Raimnai Petrus irandak dawawos doḇo: “Kaku ḇeri yafawi kwar, Allah myam rarwas snonkaku ḇa. 35Snonkaku oser-oser ro er rosairya kaker, ḇeyararyof ma ḇeḇesyowi Allah kuker napnapes imarisen si. 36Wos ani iso Allah iwan fa sḇaryas faro er Israel isoine wos ḇeḇaryas aski ro Yesus Kristus i Manseren faro kawasa kam. 37Mkofawi roi ḇeḇor ḇeḇesya kwar ro sup Yudea ḇesiper randak ro Galilea posa ro masasisren Yohanes ḇyaryas, isoine Yesus ro Nazaret. 38Rariso Allah ryemi kuker Rur Ḇesren ma papoik, iso, ḇembran yar-yar ma ḇefrur pyum ma ḇeḇuk pararei faro snonkaku kam rur ibiris iswoḇer si, snar Allah ifnoḇeki. 39Ma inkoine saksi-saksi ro roi ḇeḇor ifrur kwar ro Yudea ma Yerusalem kako; ḇape smuni ma skafi ro aprop. 40Yesus ani Allah ḇyawesi kwar ro ras ḇeḇekior ya, ma Allah imarisen insa fyasnai ḇayir mankundi, 41faro kawasa er sya kam ḇa, ḇoi faro saksi-saksi, Allah fyasnai kwar ro ḇepon, isoine faro inko ḇeyan ma ḇeyinem kuker i, rofyor diḇri ro munaiḇui. 42Ma isiḇer inko kwar fa inko ḇaryas faro er-er sya kam, ma inkoḇe saksi, iso Allah kyur fasnai fa ḇaḇemankara faro snonkaku ḇekenem ma ḇemar sya.” 43Iso nabisya kam sḇardi kwar isoine mansei ḇekyar faroi nari ismai ampon ro sasar kuker snonsnon ḇyedi.
44Fafisu Petrus dawos rarirya, Rur Ḇesren ya dado faro snonkaku kam ḇemnaf ḇaryas ani. 45Ma kawasa ḇekyar kwar ro rarwas ḇesofuk ḇeso Petrus, sikandor, snar smam, mboi fakamaman Rur Ḇesren ḇyeḇesbawer faro er-er ḇeso kako, 46snar simnaf kawasa ansi sawawos ro wos Rur ya ma sisandik Allah. Inja Petrus ikofen: 47“Inja nari snonkaku sidwarekke masi sren kuker war, faro snonkaku sine, snar sikada sisma Rur Ḇesren kwar imnis ko?” 48Raimnai iwan fa sismai masi sren kuker snonsnon Yesus Kristus. Posa kwar sor ro Petrus insa kyainus si ras ono wer.
Actualmente seleccionado:
FARFYAR RO MANWAWANSYA 10: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 10
10
Petrus ma Kornelius
10:1-48
1Ro Kaisarea snon oso isya snori Kornelius, mambri sarar sor ḇe sarar Italia. 2I kuker kina ro rum ḇyedi sikyar ma sararyof faro Allah ma ḇyuk farsarser nabor faro er Yahudi ma ḇyenadi ḇesya kwar faro Allah. 3Indokada fanam oras kior mandira, myambos Manseren malaikat ḇyesi oso ryama syun ro rum ḇyedi ma ikofen: “Kornelius!”
4Myambos malaikat ani kuker makakak ma ikofen: “Rariso ine o Manseren?” Malaikat ani kyarem: “Nadi ma farsarser ḇena kam nek kwar faro Allah ḇarpon ḇyedi ma Allah iswarepen au. 5Inja knikine, wawan snonkaku onoḇe Yope fa ssun snon ḇenir Simon sapi kakoḇe Petrus. 6Isya ro rum Simon snon ḇeyak aiwan kif, ḇekain ro swan andir.” 7Malaikat ḇeyawos faroi ani i buri kwar, raimnai dor snon risuru ro manfamyan ḇyesi fnoḇek sordade ḇekyar oso ro snonkaku ḇefnoḇek i ḇesya kwar si. 8Rofyor ikofen ḇayir roi ḇeḇor anna kam faro si posa iwan siḇe Yope.
9Meserdi rofyor snon rikior ansi sisya kaker ro mararan ma sfanam mnu Yope kwar, indokada fanam oras samfur seser risuru arkok, Petrus dekḇe rum ya bori fa ḇyenadi. 10Petrus iḇe danan snar ibiser, ḇape insape sfasos roḇean na, fafisu ani papoik Allah iswoḇer i. 11Myam nanki ḇyas ma roi oso imnis kruḇen ḇeba ḇyedopir rifiak ma sikyui isof ro saprop ya. 12Ro dori iser aiwan syoso-syoso kam ḇeḇewemin rifiak, ḇeanawer ma mansya. 13Imnaf mkaren oso ikofen: “Ne, Petrus wayor au, kwaruksi ma wansi!”
14Ḇape Petrus kyarem: “Roḇa, o Manseren rariryaḇa snar aya yakan ḇaim roi ḇefor ma ḇemamas.” 15Mkaren ani ryokḇe eḇesuru ya faroi: “Rosai Allah fyasren, wapok fa befor naba.” 16Roi ḇeḇesya ani ryamaḇe rarwan rikior posa kruḇen ani ḇyeḇeyer fasau ḇe nanki.
17Petrus kyara ro sneri, fasasnai rosai ḇero mamam myam kwar ine. Fafisu ani Kornelius snonkaku iwan ansi sisya ro kedwai ya ḇarpondi ma sifuken Petrus rum ḇyedi. 18Skor snon oso fa skofuken, imbude Simon sapḇe Petrus isya ro rum ani.
19Fyor ani Petrus kyara kaker ro mamam ani, ma Rur ya ikofen faroi: “Snon risuru suisya susewar au. 20Wayor au wado ma waso si, beḇirḇar awer, snar ayaiso ḇewan si muma.” 21Inja Petrus dado rarḇaḇ ikofen faro si: “Ayaiso mkossewar ya; rosaiso ḇeḇedari mkoramuma ya?”
22Skarem faro i: “Kornelius snon mambri sne ḇenapes ma ḇeyararyof Allah ro fandu er Yahudisya kam si fawiyi, isma kwar fasasnai ro Allah ma mam malaikat ḇesren oso ḇekofen faroi insa dor au ḇe rum ḇyedi fa imnaf rosai nari wakofen faroi.” 23Ma Petrus ikofen fa skenef ro dia.
Mesrdi ikḇok fa iso si fnoḇek naek ono ro Yope. 24Ro arwori skorama ro Kaisarea. Kornelius isya iwafsi ma dor naek ma bati ḇyesi fa siryur kwar. 25Rofyor Petrus syun, Kornelius rya isrow i ma ḇyan suba ro ḇarpon ḇyedi. 26Ḇape Petrus idwarki doḇo: “Wores, aya ine snonkaku monda.” 27Ma dawawos kukeri, ḇo syun ma isrow kawasa sibor sisya siryur. 28Ikofen faro si: “Mkofawi kam kwar, rari Yahudi ḇyuk ḇaḇeri fa snon Yahudi oso ikenem fawas snonkaku ḇeḇe Yahudi ḇa, roḇa syun ro rum sena. Ḇape Allah fyasnai kwar faro aya insa yapok yakofen awer snonkaku osoḇe ḇemamas. 29Snar rarirya yaḇerer fararyor mkoḇena ḇa mboi yara muma beri. Insape yamarisen yafawi rosai ḇeḇedari mkor aya.”
30Kornelius kyarem: “Ras rifiak ḇesyof kwar indokada fanam oras kior ro fafisu ḇeradine, yaḇenadi ro rum ayedi.” 31Kniko snonkaku oso dores ro ḇarpon ayedi, ma sansun ḇyena nasnaper ma ikofen: “Kornelius nadi ḇena Allah imnaf na kwar ma farsarser ḇena kam Allah iswarepen na ro ḇarpon ḇyedi. 32Inja wawan snon onoḇe Yope fa ssun Simon sap kakoḇe Petrus; isya ro Simon snon ḇeyak aiwan kif rum ḇyedi, ḇekain ro swan andir. 33Eḇedari yawan fasaw snon ono faro au, ma kuker sne ḇeryaḇ rwama kwar ine. Knikine inko ryur kam kwar ro ḇarpon Allah ro dine, insa inko mnaf rosai Allah ḇyeasas faro au.”
34 #
Ul. 10:17
Raimnai Petrus irandak dawawos doḇo: “Kaku ḇeri yafawi kwar, Allah myam rarwas snonkaku ḇa. 35Snonkaku oser-oser ro er rosairya kaker, ḇeyararyof ma ḇeḇesyowi Allah kuker napnapes imarisen si. 36Wos ani iso Allah iwan fa sḇaryas faro er Israel isoine wos ḇeḇaryas aski ro Yesus Kristus i Manseren faro kawasa kam. 37Mkofawi roi ḇeḇor ḇeḇesya kwar ro sup Yudea ḇesiper randak ro Galilea posa ro masasisren Yohanes ḇyaryas, isoine Yesus ro Nazaret. 38Rariso Allah ryemi kuker Rur Ḇesren ma papoik, iso, ḇembran yar-yar ma ḇefrur pyum ma ḇeḇuk pararei faro snonkaku kam rur ibiris iswoḇer si, snar Allah ifnoḇeki. 39Ma inkoine saksi-saksi ro roi ḇeḇor ifrur kwar ro Yudea ma Yerusalem kako; ḇape smuni ma skafi ro aprop. 40Yesus ani Allah ḇyawesi kwar ro ras ḇeḇekior ya, ma Allah imarisen insa fyasnai ḇayir mankundi, 41faro kawasa er sya kam ḇa, ḇoi faro saksi-saksi, Allah fyasnai kwar ro ḇepon, isoine faro inko ḇeyan ma ḇeyinem kuker i, rofyor diḇri ro munaiḇui. 42Ma isiḇer inko kwar fa inko ḇaryas faro er-er sya kam, ma inkoḇe saksi, iso Allah kyur fasnai fa ḇaḇemankara faro snonkaku ḇekenem ma ḇemar sya.” 43Iso nabisya kam sḇardi kwar isoine mansei ḇekyar faroi nari ismai ampon ro sasar kuker snonsnon ḇyedi.
44Fafisu Petrus dawos rarirya, Rur Ḇesren ya dado faro snonkaku kam ḇemnaf ḇaryas ani. 45Ma kawasa ḇekyar kwar ro rarwas ḇesofuk ḇeso Petrus, sikandor, snar smam, mboi fakamaman Rur Ḇesren ḇyeḇesbawer faro er-er ḇeso kako, 46snar simnaf kawasa ansi sawawos ro wos Rur ya ma sisandik Allah. Inja Petrus ikofen: 47“Inja nari snonkaku sidwarekke masi sren kuker war, faro snonkaku sine, snar sikada sisma Rur Ḇesren kwar imnis ko?” 48Raimnai iwan fa sismai masi sren kuker snonsnon Yesus Kristus. Posa kwar sor ro Petrus insa kyainus si ras ono wer.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión