1 KORINTUS 14
14
Farkarkor ḇekur Allah Rur ḇyedi rosai ḇyukna
14:1-25
1Iḇye naek srar mkoḇesewar fa mkosaswar, insa mkosma fakamaman Allah Rur ḇyedi ḇyukna, isyadi kaku faro masasik koḇuki ḇyaryas Allah aw ḇyena faro snonkakusya. 2Snonkaku ḇewawos ro wos Rurya, snon ani dawos faro snonkakuḇa; ikada dawos faro Allah. Snonkaku oso ifawiḇa rosai ikofen na, snar Allah Rur ḇyediso ḇeḇuk fadawos ro roi Allah demir ifawina. 3Roḇarya snonkaku ḇeḇaryas Allah wos ḇyedi, ḇyaryasna faro snonkaku; fa ḇyuk sambraḇ, masasik, ma sneprei farosi. 4Snonkaku ḇewos kuker wos kofawiḇa dawos fa ḇyuk sambraḇ faro mankundi monda, mboi snonkaku ḇeḇaryas Allah wos ḇyedi ifnoḇek jemaat imbror.
5Iḇyekada yamarisen naek srar mko wawos kam kuker wos ḇeḇor kofawiḇa. Ḇape ḇeḇye syadiya mkoḇaryas Allah wos ḇyena kada. Snar snonkaku ḇeḇaryas Allah wos ḇyena, iso ḇeba syadi ro snonkaku ḇewawos kuker wos ḇeḇor kofawiḇa; ma snonkaku ḇewawos ro wos ḇeḇor kofawiḇa ani ikofen ḇadir rosai ikofen na, insa jemaat ḇesiper sisma fainda ro wos anna. 6Rofyor yaramufa faro mko ma yawawos ro wos Rurya, irya fainda rosai faro mko? Fainda keroḇaḇeri! Mboi, rofyor yafasna fasasnai oso ro Allah, oroḇaido yakofen ḇadir roi oso ro Allah, oroḇaido yaḇaryas Allah wos ḇyedi, oroḇaido yaḇuk farkarkor.
7Dera roi ḇerok ḇeḇenyawayo ḇaḇeri, imnis sonker, sireḇ, rofyor sifnak mnis raroknaḇa mboi ndok fafadi ido, rariso nari snonkaku sifawi dow rosaiso sifnakya? 8Fasasnai oso ḇese isya wer: rofyor siwuf famfnom kḇurya, mansei nari ḇefasos fa ḇeḇe embroḇsya? 9Rarirya kako kuker wos masasik naek srar mkawos ro wos Rurya. Rofyor masasik naek srar mkoḇedi mkawos wos ḇesnaiḇa, snonkaku oso ḇaḇeri nari ifawi rosai mkokofen na. Naek srar wos mkoḇena nari napromes ma nefromo. 10Ro supswan ine wosna nabor kaku, ḇape wos annakam nḇadir roi ono. 11Ḇape rofyor yafawi snon oso wos dawos naḇa, snon ḇeyawos wos ani imnis snon amber maro aya; rarirya kako aya kukeri. 12Faro naek srar mko ḇardi yafawi mkomarisen kaku famkona fakamaman ro Allah Rur ḇyedi. Mboi yakara roi ḇeponya, nari naek srar mkoḇesewar masasik ḇefnoḇek jemaat fa imbrar.
13Eḇedari snonkaku ḇewawos ro wos Rurya nari dor faro Allah insa Allah ḇyuk masasik fa ikofen fasnai rosai ikofen anna. 14Snar rofyor yanadi kuker wos yafawiḇana, rur ayedi kada ḇyenadi, ḇape swaruser ayena nambranḇa. 15Inja nari rosai yafrurya? Nari yafararur radine: Nari yaḇenadi kuker rur ayedi, ma nari yaḇenadi kuker kakara yena kako. Nari yadisen kuker rur ayedi, ma yamarisen yadisen kuker kakara yena kako. 16Snar rofyor naek wakofen kasumasa faro Allah kuker rur bedi monda, ma snonkaku ḇese ḇefawi wos kofawiḇa ḇerama ro Allah Rur ḇyedi, snon ani nari ikofenḇa, “Kaku ḇeri” kuker nadi kasumasa bedi; snar ifawi rosai naek wakofenyaḇa. 17Mboi nadi kasumasa bedi faro Manseren iḇye rariso wer, ḇape nadi ani ḇyuk fainda osoḇa faro snonkaku ḇese.
18Yakofen kasumasa faro Allah snar mankundaya ḇardi yawawos ro wos Rurya isyadi ro naek mkokam. 19Rariryano ro sarawrow ro jemaat koḇuk samsyom faro Manseren, yamarisen syadi yawos wos mnuk ririm snonkakusya sifawina, ro wos mnuk syaran-syaran ro wos kofawiba. Yamarisen syadi rarirya insa yaḇuk farkarkor faro snonkaku.
20Naek srar! Mkokara ḇeromawamkun awer. Ro roi ḇeḇarḇor iḇye naek srar mkomnis romawa kasun. Ḇape ro kakara, naek mkomnis snon kuf. 21#Yes. 28:11-12Ro Refo sfas radine,
“Manseren ikofen, ‘Rofandu snonkaku
ḇewawos kuker wos Rur ḇesrenya fyarkor na,
nari yawawos faro kawasa sine.
Mboi rofandu snonkaku amber, nari yawawos faro kawasa ayesi;
rariryano, simewer simnaf wos ayenandi.’ ”
22Inja fakamaman faro wawos kuker wos Rurya imnis aḇyair faro snonkaku ḇekyarsyaḇa, mboi faro snonkaku ḇekyarḇasya. Ma fakamaman koḇuki ḇyaryas Allah aw ḇyena faro snonkaku irya aḇyair faro snonkaku ḇekyarsya, mboi faro snonkaku ḇekyarḇa syaḇa. 23Eḇedari, rofyor sarawrow jemaat, jemaat ḇesiper siwawos kuker wos Rurya, raimnai snonkaku ono ḇese roḇaido snonkaku ḇeḇe Kristen ḇa ono srama, ma nari skara naek srar mkosarḇir kam! 24Mboi rofyor naek srar mkoḇaryas kam Allah wos ḇyedi, raimnai snonkaku ḇeḇe Kristen ḇa ono srama, oroḇaido snon oso ḇese, mboi roi ḇeḇor mkoḇaryas anna kam nari nfasnai snonkaku ani sasar ḇyena ma nafrur faḇyaḇir sasar ḇyena. 25Roi ḇeḇor ḇeyokef ro sneḇyedi nari neḇefasnai, isof nari ryun mankundi ma ḇyansuba faro Allah. Ikada nari kyarem ḇodoḇo: “Kaku ḇeri, Allah isya rofandu mko.”
Fararur ro jemaat rariso
14:26-40
26Inja, naek srar, rosai ḇeḇesya ro roi ḇeḇor anna kam? Rofyor naek srar mkoryur famkosyom Manseren, ono sidisen, ono ssḇuk farkarkor, ono sḇaryas roi ono ro Allah, ono siwawos ro wos Rurya, ma ono wer sikofen ḇadir rosai sikofen na. Ḇape nakam iḇye neḇefrur fa ssḇuki fyarkor ma faro ḇayaye nakam. 27Rofyor ono simarisen sawos ro wos Rurya, iḇyekada snonkaku risuru roḇa kior monda siso ḇeawos asusersya. Ma snonkaku ono sikofen ḇadir rosai ḇewawos ansi sikofen na. 28Rofyor ono sisya fasikofen ḇadirḇa, snonkaku ḇewos ro wos Rurya ansi iḇye sefasis ro sarawrow ani. Iḇye sawos fasis ro sisnesna faro Allah monda. 29Snonkaku risuru roḇa kior ḇesma Allah wos ḇyedi, sḇaryas wos ani rofyor ḇesesya skarauser rosai sikofen na. 30Ḇape rofyor Allah wos ḇyedi ryama faro snonkaku ḇese ḇekain ro sarawrow ani ido, ḇewawos ani imnai. 31Kuker fararur ḇeradine, naek srar mkokam, oser ḇeoser, ḇyaryas Allah wos ḇyedi; insa sikam sisma farkarkor ma sikyar syadi wer. 32Fakamaman ro Rurya ḇyuk fa koḇaryas Allah wos ḇyedi, ḇeḇaryas ani fyara wos ani. 33Allah ani imarisen roi nari ḇeḇeawnos; Allah ḇemarisenḇa faro ḇaḇesapurnakḇa.
Allah kawasa ḇyesi ro jemaat nakam, 34binsya sefasis rofyor sarawrow ro jemaat. Ssḇuk fasakawosḇa. Sima sakḇe ḇinfarkinḇa; ine ḇyeḇefas ro Refo kwar. 35Rofyor simarisen sifawi roi oso, nari sifuken siswassi ro rum sena, snar syowiḇa ḇin oso dawawos ro sarawrow jemaat.
36Inja Allah wos ḇyedi ryamaker mkoke? Roḇaido wos ani ḇyeḇeḇaryas monda faro mkererke? 37Rofyor snon oso ḇyaḇir isma fakamaman faḇyaryas Allah wos ḇyedi, roḇa isma fakamaman ḇese ro Allah Rur ḇyedi, snon ani ifawi roi yafas nane sasoser ḇerama ro Manseren. 38Ḇape rofyor ono sakna naḇa, mkofandun awersi.
39Inja iḇye naek srar mkoḇesewar insa mkoḇaryas Allah wos ḇyedi, ḇape mkodwarek awer snonkaku ḇemarisen ḇewos ro wos Rur ani. 40Ḇape nakam iḇye neḇefrur kuker syowi ma awnos.
Actualmente seleccionado:
1 KORINTUS 14: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
1 KORINTUS 14
14
Farkarkor ḇekur Allah Rur ḇyedi rosai ḇyukna
14:1-25
1Iḇye naek srar mkoḇesewar fa mkosaswar, insa mkosma fakamaman Allah Rur ḇyedi ḇyukna, isyadi kaku faro masasik koḇuki ḇyaryas Allah aw ḇyena faro snonkakusya. 2Snonkaku ḇewawos ro wos Rurya, snon ani dawos faro snonkakuḇa; ikada dawos faro Allah. Snonkaku oso ifawiḇa rosai ikofen na, snar Allah Rur ḇyediso ḇeḇuk fadawos ro roi Allah demir ifawina. 3Roḇarya snonkaku ḇeḇaryas Allah wos ḇyedi, ḇyaryasna faro snonkaku; fa ḇyuk sambraḇ, masasik, ma sneprei farosi. 4Snonkaku ḇewos kuker wos kofawiḇa dawos fa ḇyuk sambraḇ faro mankundi monda, mboi snonkaku ḇeḇaryas Allah wos ḇyedi ifnoḇek jemaat imbror.
5Iḇyekada yamarisen naek srar mko wawos kam kuker wos ḇeḇor kofawiḇa. Ḇape ḇeḇye syadiya mkoḇaryas Allah wos ḇyena kada. Snar snonkaku ḇeḇaryas Allah wos ḇyena, iso ḇeba syadi ro snonkaku ḇewawos kuker wos ḇeḇor kofawiḇa; ma snonkaku ḇewawos ro wos ḇeḇor kofawiḇa ani ikofen ḇadir rosai ikofen na, insa jemaat ḇesiper sisma fainda ro wos anna. 6Rofyor yaramufa faro mko ma yawawos ro wos Rurya, irya fainda rosai faro mko? Fainda keroḇaḇeri! Mboi, rofyor yafasna fasasnai oso ro Allah, oroḇaido yakofen ḇadir roi oso ro Allah, oroḇaido yaḇaryas Allah wos ḇyedi, oroḇaido yaḇuk farkarkor.
7Dera roi ḇerok ḇeḇenyawayo ḇaḇeri, imnis sonker, sireḇ, rofyor sifnak mnis raroknaḇa mboi ndok fafadi ido, rariso nari snonkaku sifawi dow rosaiso sifnakya? 8Fasasnai oso ḇese isya wer: rofyor siwuf famfnom kḇurya, mansei nari ḇefasos fa ḇeḇe embroḇsya? 9Rarirya kako kuker wos masasik naek srar mkawos ro wos Rurya. Rofyor masasik naek srar mkoḇedi mkawos wos ḇesnaiḇa, snonkaku oso ḇaḇeri nari ifawi rosai mkokofen na. Naek srar wos mkoḇena nari napromes ma nefromo. 10Ro supswan ine wosna nabor kaku, ḇape wos annakam nḇadir roi ono. 11Ḇape rofyor yafawi snon oso wos dawos naḇa, snon ḇeyawos wos ani imnis snon amber maro aya; rarirya kako aya kukeri. 12Faro naek srar mko ḇardi yafawi mkomarisen kaku famkona fakamaman ro Allah Rur ḇyedi. Mboi yakara roi ḇeponya, nari naek srar mkoḇesewar masasik ḇefnoḇek jemaat fa imbrar.
13Eḇedari snonkaku ḇewawos ro wos Rurya nari dor faro Allah insa Allah ḇyuk masasik fa ikofen fasnai rosai ikofen anna. 14Snar rofyor yanadi kuker wos yafawiḇana, rur ayedi kada ḇyenadi, ḇape swaruser ayena nambranḇa. 15Inja nari rosai yafrurya? Nari yafararur radine: Nari yaḇenadi kuker rur ayedi, ma nari yaḇenadi kuker kakara yena kako. Nari yadisen kuker rur ayedi, ma yamarisen yadisen kuker kakara yena kako. 16Snar rofyor naek wakofen kasumasa faro Allah kuker rur bedi monda, ma snonkaku ḇese ḇefawi wos kofawiḇa ḇerama ro Allah Rur ḇyedi, snon ani nari ikofenḇa, “Kaku ḇeri” kuker nadi kasumasa bedi; snar ifawi rosai naek wakofenyaḇa. 17Mboi nadi kasumasa bedi faro Manseren iḇye rariso wer, ḇape nadi ani ḇyuk fainda osoḇa faro snonkaku ḇese.
18Yakofen kasumasa faro Allah snar mankundaya ḇardi yawawos ro wos Rurya isyadi ro naek mkokam. 19Rariryano ro sarawrow ro jemaat koḇuk samsyom faro Manseren, yamarisen syadi yawos wos mnuk ririm snonkakusya sifawina, ro wos mnuk syaran-syaran ro wos kofawiba. Yamarisen syadi rarirya insa yaḇuk farkarkor faro snonkaku.
20Naek srar! Mkokara ḇeromawamkun awer. Ro roi ḇeḇarḇor iḇye naek srar mkomnis romawa kasun. Ḇape ro kakara, naek mkomnis snon kuf. 21#Yes. 28:11-12Ro Refo sfas radine,
“Manseren ikofen, ‘Rofandu snonkaku
ḇewawos kuker wos Rur ḇesrenya fyarkor na,
nari yawawos faro kawasa sine.
Mboi rofandu snonkaku amber, nari yawawos faro kawasa ayesi;
rariryano, simewer simnaf wos ayenandi.’ ”
22Inja fakamaman faro wawos kuker wos Rurya imnis aḇyair faro snonkaku ḇekyarsyaḇa, mboi faro snonkaku ḇekyarḇasya. Ma fakamaman koḇuki ḇyaryas Allah aw ḇyena faro snonkaku irya aḇyair faro snonkaku ḇekyarsya, mboi faro snonkaku ḇekyarḇa syaḇa. 23Eḇedari, rofyor sarawrow jemaat, jemaat ḇesiper siwawos kuker wos Rurya, raimnai snonkaku ono ḇese roḇaido snonkaku ḇeḇe Kristen ḇa ono srama, ma nari skara naek srar mkosarḇir kam! 24Mboi rofyor naek srar mkoḇaryas kam Allah wos ḇyedi, raimnai snonkaku ḇeḇe Kristen ḇa ono srama, oroḇaido snon oso ḇese, mboi roi ḇeḇor mkoḇaryas anna kam nari nfasnai snonkaku ani sasar ḇyena ma nafrur faḇyaḇir sasar ḇyena. 25Roi ḇeḇor ḇeyokef ro sneḇyedi nari neḇefasnai, isof nari ryun mankundi ma ḇyansuba faro Allah. Ikada nari kyarem ḇodoḇo: “Kaku ḇeri, Allah isya rofandu mko.”
Fararur ro jemaat rariso
14:26-40
26Inja, naek srar, rosai ḇeḇesya ro roi ḇeḇor anna kam? Rofyor naek srar mkoryur famkosyom Manseren, ono sidisen, ono ssḇuk farkarkor, ono sḇaryas roi ono ro Allah, ono siwawos ro wos Rurya, ma ono wer sikofen ḇadir rosai sikofen na. Ḇape nakam iḇye neḇefrur fa ssḇuki fyarkor ma faro ḇayaye nakam. 27Rofyor ono simarisen sawos ro wos Rurya, iḇyekada snonkaku risuru roḇa kior monda siso ḇeawos asusersya. Ma snonkaku ono sikofen ḇadir rosai ḇewawos ansi sikofen na. 28Rofyor ono sisya fasikofen ḇadirḇa, snonkaku ḇewos ro wos Rurya ansi iḇye sefasis ro sarawrow ani. Iḇye sawos fasis ro sisnesna faro Allah monda. 29Snonkaku risuru roḇa kior ḇesma Allah wos ḇyedi, sḇaryas wos ani rofyor ḇesesya skarauser rosai sikofen na. 30Ḇape rofyor Allah wos ḇyedi ryama faro snonkaku ḇese ḇekain ro sarawrow ani ido, ḇewawos ani imnai. 31Kuker fararur ḇeradine, naek srar mkokam, oser ḇeoser, ḇyaryas Allah wos ḇyedi; insa sikam sisma farkarkor ma sikyar syadi wer. 32Fakamaman ro Rurya ḇyuk fa koḇaryas Allah wos ḇyedi, ḇeḇaryas ani fyara wos ani. 33Allah ani imarisen roi nari ḇeḇeawnos; Allah ḇemarisenḇa faro ḇaḇesapurnakḇa.
Allah kawasa ḇyesi ro jemaat nakam, 34binsya sefasis rofyor sarawrow ro jemaat. Ssḇuk fasakawosḇa. Sima sakḇe ḇinfarkinḇa; ine ḇyeḇefas ro Refo kwar. 35Rofyor simarisen sifawi roi oso, nari sifuken siswassi ro rum sena, snar syowiḇa ḇin oso dawawos ro sarawrow jemaat.
36Inja Allah wos ḇyedi ryamaker mkoke? Roḇaido wos ani ḇyeḇeḇaryas monda faro mkererke? 37Rofyor snon oso ḇyaḇir isma fakamaman faḇyaryas Allah wos ḇyedi, roḇa isma fakamaman ḇese ro Allah Rur ḇyedi, snon ani ifawi roi yafas nane sasoser ḇerama ro Manseren. 38Ḇape rofyor ono sakna naḇa, mkofandun awersi.
39Inja iḇye naek srar mkoḇesewar insa mkoḇaryas Allah wos ḇyedi, ḇape mkodwarek awer snonkaku ḇemarisen ḇewos ro wos Rur ani. 40Ḇape nakam iḇye neḇefrur kuker syowi ma awnos.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión