लुका ओलखात
ओलखात
लुकान लिखेल हाजाली खुबेर नोवाला नेमान चार पुस्तेका माय रेन एक हे, जा माय यीशुन जीवणान बाराम देखाड़ेल हे। आखा पुस्तेकाह “हाजाली खुबेर,” केतेह। यीशुन मोतीन पासाण मत्ती, मरकुस एने योहान ज्या ज्यी पुस्तेक लिखेल हेते। लुका यीशुन जीवणान वार्ता ओलोच नाह, पुण तान मोतीन पासाण तान चेलान कामान बाराम बी लिखेल हे प्रेरितान काम नावान पुस्तेक माय न्यान बाराम वाचणे जुड़ेह। लुकान हाजाली खुबेर काहरी एने केवीह लेखायेल हे, ज्यान बाराम पाकी जाणकारी नाह सोती, पुण जादा केरीन आब्यास केरनारे इही मानतेह काय लुका लिखेल हाजाली खुबेर यीशुन जेल्मान कोम से कोम 70 वोरह्यान पासाण लेखानी।
ज्यी पुस्तेकीह लेखणार खुद लुका हे, तो एक दाकतेर ईतो। तान लेखणेन तरीको एने बाषा माय ज्य मालुम पुड़ेह काय लुका एक हिकेल माणुह ईतो। एने लुका होदतालो काय यीशुन जीवणान बाराम वातु खेरी खेरीच लेखाय जाय, एने गेटना जिहकेरीन ठिक तिहेस केरीन लेखाय जाय, काहाकाय तान बाराम वाचीन फायदो एय। 1:1-3 लुका यहुदि नाह ईतो। कुलीसियो 4:10-14 इहकेरीन लिखेल हे काय बिगेर यहुदि बी तान लिखेल होपालोस सोमजी सेकी जिहकेरीन यहुदि रिती रिवाजान वर्णन केराय जायेल हे, ज्याकेरीन ज्य साप ईथे। 1:8
मोकतोस लुकान हाजाली खुबेर मत्ती एने मरकुस ने गेत हे। तीनु पुस्तेक माय तान गेटनान वर्णन एक हारको केराय जायेल हे। पुण लुकान पुस्तेक माय बपतीस्मा केरनार योहानान जेल्मान बाराम आखाह रेन होवटी जाणकारी जुड़ेह। एने लुका “माफीन” बाराम आखाह रेन होवटो लिखेह। 3:3, 11:4, 17:3-4, 23:24, 24:47, एने विन्तान बाराम बी आखाह रेन होवटो लिखेह। 3:21, 5:16, 6:12, 17:1-12, 22:32
रूपरेखा
1. लुका हाजाली खोबरीन ओलखात एने लेखणेन कारेण केणे। 1:1-4
2. यीशुन जेल्मो एने सेवकायीन तियारीन बाराम। 1:5–4:13
3. यीशु किरेल चोमेत्कारान एने हिकाड़ेल वातीन बाराम। 4:14–21:38
4. सेवल्या तीन अद्याय यीशुन मोत एने बुजणे, पोशो जीव उठणे एने हेरगाम जाणेन बाराम हेते। 22:1–24:53
Actualmente seleccionado:
लुका ओलखात: Nii2025
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025